호흡부호 보기
강세부호 보기
장단부호 보기
작은 Iota 보기
모든 부호 보기
Ἀντίγονοσ δὲ πυθόμενοσ τὴν τῶν πολεμίων ἀποχώρησιν εὐθὺσ ἐπεδίωκεν αὐτοὺσ καὶ πλησίον γενόμενοσ τῆσ παρεμβολῆσ, ἐπεὶ πρὸσ παράταξιν οὐ συγκατέβαινον, ἤρξατο περιταφρεύειν τὴν στρατοπεδείαν καὶ καταπέλτασ καὶ βέλη μετεπέμψατο, βουλόμενοσ αὐτὴν πολιορκῆσαι. συντελουμένων δ’ ἀκροβολισμῶν περὶ τὴν ταφρείαν καὶ τῶν περὶ τὸν Λυσίμαχον πειρωμένων ἀνείργειν τοῖσ βέλεσι τοὺσ ἐργαζομένουσ ἐν πᾶσιν προετέρουν οἱ περὶ τὸν Ἀντίγονον. ἔπειτα χρόνου γενομένου καὶ τῶν ἔργων ἤδη συντέλειαν λαμβανόντων, τῆσ δὲ τροφῆσ ὑπολιπούσησ τοὺσ πολιορκουμένουσ οἱ περὶ Λυσίμαχον, τηρήσαντεσ νύκτα χειμέριον, ἀναζεύξαντεσ ἐκ τῆσ παρεμβολῆσ διὰ τῶν ὑπερδεξίων τόπων ἀπεχώρησαν εἰσ παραχειμασίαν.
ὁ δ’ Ἀντίγονοσ ἡμέρασ γενομένησ ὡσ εἶδε τὴν τῶν πολεμίων ἀπαλλαγήν, ἀντιπαρῆγεν αὐτὸσ διὰ τῶν πεδίων. ἐπιγενομένων δὲ ὄμβρων μεγάλων καὶ τῆσ χώρασ οὔσησ βαθυγείου καὶ πηλώδουσ τῶν τε ὑποζυγίων οὐκ ὀλίγα συνέβη καὶ τῶν σωμάτων τινὰ διαφθαρῆναι καὶ τὸ σύνολον ἐπιπόνωσ ἅπασαν τὴν δύναμιν διατεθῆναι.
διόπερ ὁ βασιλεὺσ ἅμα μὲν ἀναλαβεῖν βουλόμενοσ ἐκ τῆσ κακοπαθίασ τοὺσ στρατιώτασ, ἅμα δὲ τὴν χειμερινὴν ὡρ́αν ὁρῶν περιλαμβάνουσαν τοῦ μὲν καταδιώκειν ἀπέστη, πρὸσ δὲ τὴν χειμασίαν ἐπιλεξάμενοσ τοὺσ εὐθετωτάτουσ τόπουσ διεῖλε κατὰ μέρη τὴν δύναμιν.
πυνθανόμενοσ δὲ Σέλευκον καταβαίνειν ἐκ τῶν ἄνω σατραπειῶν μετὰ μεγάλησ δυνάμεωσ, ἔπεμψέ τινασ τῶν φίλων εἰσ τὴν Ἑλλάδα πρὸσ Δημήτριον, παρακελευόμενοσ ἥκειν πρὸσ αὐτὸν μετὰ τῆσ δυνάμεωσ τὴν ταχίστην·
σφόδρα γὰρ εὐλαβεῖτο μὴ πάντων τῶν βασιλέων ἐπ’ αὐτὸν συνδραμόντων ἀναγκασθῇ παρατάξει κρῖναι τὸν ὅλον πόλεμον πρὶν ἢ συνελθεῖν εἰσ ταὐτὸν τὴν ἐκ τῆσ Εὐρώπησ δύναμιν. παραπλησίωσ δὲ καὶ Λυσίμαχοσ διεῖλε τὴν δύναμιν εἰσ χειμασίαν ἐν τῷ καλουμένῳ Σαλωνίασ πεδίῳ.
ἀγορὰν δὲ πολλὴν ἐξ Ἡρακλείασ μετεπέμπετο, ποιησάμενοσ ἐπιγαμίαν πρὸσ τοὺσ Ἡρακλεώτασ· ἔγημε γὰρ Ἄμηστριν τὴν Ὀξυάρτου μὲν θυγατέρα, Δαρείου δὲ τοῦ βασιλέωσ ἀδελφιδῆν, Κρατεροῦ δὲ γυναῖκα γενομένην ὑπ’ Ἀλεξάνδρου δοθεῖσαν, τότε δυναστεύουσαν τῆσ πόλεωσ.
καὶ τὰ μὲν περὶ τὴν Ἀσίαν ἐν τούτοισ ἦν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기