헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 91)

τοῦ δ’ ἐνιαυσίου χρόνου διεληλυθότοσ Ἀθήνησι μὲν ἦρχε Φερεκλῆσ, ἐν Ῥώμῃ δὲ τὴν ὑπατικὴν ἀρχὴν διεδέξαντο Πόπλιοσ Σεμπρώνιοσ καὶ Πόπλιοσ Σολπίκιοσ, ὀλυμπιὰσ δ’ ἤχθη παρὰ τοῖσ Ἠλείοισ ἐνάτη πρὸσ ταῖσ ἑκατὸν δέκα, καθ’ ἣν ἐνίκα στάδιον Ἀνδρομένησ Κορίνθιοσ. ἐπὶ δὲ τούτων Δημήτριοσ μὲν Ῥόδον πολιορκῶν, ἐπὶ ταῖσ κατὰ θάλατταν προσβολαῖσ ἀποτυγχάνων, ἀπὸ τῆσ γῆσ διέγνω τὰσ ἐπιθέσεισ ποιεῖσθαι. παρασκευασάμενοσ οὖν ὕλησ παντοίασ πλῆθοσ κατεσκεύασε μηχανὴν τὴν καλουμένην ἑλέπολιν, ὑπεραίρουσαν πολὺ τῷ μεγέθει τῶν πρὸ αὐτῆσ γενομένων.

ἐσχαρίου γὰρ ὄντοσ τετραγώνου τὴν μὲν πλευρὰν ἑκάστην ὑπεστήσατο πηχῶν σχεδὸν πεντήκοντα, συμπεπηγυῖαν ἐκ τετραγώνων ξύλων σιδήρῳ δεδεμένων· τὴν δὲ ἀνὰ μέσον χώραν διέλαβε δοκοῖσ ἀλλήλων ἀπεχούσαισ ὡσανεὶ πῆχυν, ὅπωσ παράστασισ ᾖ τοῖσ προωθεῖν τὴν μηχανὴν μέλλουσιν. τὸ δὲ πᾶν βάροσ ἦν ὑπότροχον, στερεοῖσ καὶ μεγάλοισ ὀκτὼ τροχοῖσ ὑπειλημμένον·

τὰ γὰρ πάχη τῶν ἀψίδων ὑπῆρχε πηχῶν δυεῖν, σεσιδηρωμένα λεπίσιν ἰσχυραῖσ. πρὸσ δὲ τὴν ἐκ πλαγίασ μετάθεσιν ἦσαν ἀντίστρεπτα πεπραγματευμένα, δἰ ὧν ἡ πᾶσα μηχανὴ ῥᾳδίωσ παντοίαν ὑπελάμβανε κίνησιν. ἐκ δὲ τῶν γωνιῶν ὑπῆρχον κίονεσ ἴσοι τῷ μήκει, βραχὺ λείποντεσ τῶν ἑκατὸν πηχῶν, οὕτωσ συννενευκότεσ εἰσ ἀλλήλουσ ὡσ τοῦ παντὸσ κατασκευάσματοσ ὄντοσ ἐννεαστέγου τὴν μὲν πρώτην στέγην ὑπάρχειν ἀκαινῶν τεσσαράκοντα τριῶν, τὴν δ’ ἀνωτάτω ἐννέα.

τὰσ δὲ τρεῖσ ἐπιφανεῖσ πλευρὰσ τῆσ μηχανῆσ ἔξωθεν συνεκάλυψε λεπίσι σιδηραῖσ καθηλωμέναισ, ἵνα μηδὲν ὑπὸ τῶν πυρφόρων βλάπτηται.

θυρίδασ δ’ εἶχον αἱ στέγαι κατὰ πρόσωπον, τοῖσ μεγέθεσι καὶ τοῖσ σχήμασι πρὸσ τὰσ ἰδιότητασ τῶν μελλόντων ἀφίεσθαι βελῶν ἁρμοζούσασ. αὗται δὲ εἶχον καλύμματα διὰ μηχανῆσ ἀνασπώμενα, δι’ ὧν ἀσφάλειαν ἐλάμβανον οἱ κατὰ τὰσ στέγασ περὶ τὴν ἄφεσιν τῶν βελῶν ἀναστρεφόμενοι·

ἦσαν μὲν γὰρ ἐκ βυρσῶν περιερραμμένα, πλήρη δὲ ἐρίων, εἰσ τὸ τῇ πληγῇ ἐνδιδόναι τῶν λιθοβόλων. ἑκάστη δὲ τῶν στεγῶν εἶχε δύο κλίμακασ πλατείασ, ὧν τῇ μὲν πρὸσ τὴν ἀνακομιδὴν τῶν χρησίμων, τῇ δὲ πρὸσ τὴν κατάβασιν ἐχρῶντο πρὸσ τὸ χωρὶσ θορύβου πᾶν ὑπηρετεῖσθαι.

οἱ δὲ μέλλοντεσ κινήσειν τὴν μηχανὴν ἐξελέχθησαν ἐξ ἁπάσησ τῆσ δυνάμεωσ οἱ ταῖσ ῥώμαισ διαφέροντεσ ἄνδρεσ τρισχίλιοι καὶ τετρακόσιοι· τούτων δ’ οἱ μὲν ἐντὸσ ἀποληφθέντεσ, οἱ δ’ ἐκ τῶν ὄπισθεν μερῶν παριστάμενοι προεώθουν, πολλὰ τῆσ τέχνησ συνεργούσησ εἰσ τὴν κίνησιν.

κατεσκεύασε δὲ καὶ χελώνασ τὰσ μὲν χωστρίδασ, τὰσ δὲ κριοφορουσ καὶ στοὰσ δι’ ὧν ἔμελλον οἱ τοῖσ ἔργοισ προσιόντεσ ἐλεύσεσθαι καὶ πάλιν ἐπιστρέψειν ἀσφαλῶσ. τοῖσ δ’ ἐκ τῶν νεῶν πληρώμασιν ἀνεκάθαρε τὸν τόπον ἐπὶ σταδίουσ τέτταρασ, δι’ ὧν ἔμελλεν προσάξειν τὰσ κατασκευασθείσασ μηχανάσ, ὥστε γίνεσθαι τὸ ἔργον ἐπὶ μῆκοσ μεσοπυργίων ἓξ καὶ πύργων ἑπτά. τὸ δ’ ἠθροισμένον πλῆθοσ τῶν τεχνιτῶν καὶ τῶν τοῖσ ἔργοισ προσιόντων οὐ πολὺ ἐλείπετο τῶν τρισμυρίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 91

(디오도로스 시켈로스, Bibliotheca Historica, Books XVIII-XX, book 20, chapter 91)

상위

목록

SEARCH

MENU NAVIGATION