호흡부호 보기
강세부호 보기
장단부호 보기
작은 Iota 보기
모든 부호 보기
Πτολεμαῖοσ δὲ προκατειληφὼσ τοὺσ εὐκαιροτάτουσ τόπουσ ἀσφαλέσι φυλακαῖσ ἀπέστειλέν τινασ ἐν τοῖσ κοντωτοῖσ, παρακελευσάμενοσ προσπλεῖν πλησίον τῆσ ἐκβάσεωσ καὶ κηρύττειν ὅτι δώσει τοῖσ μεταβαλομένοισ ἀπ’ Ἀντιγόνου τῶν μὲν ἰδιωτῶν ἑκάστοισ δύο μνᾶσ, τοῖσ δ’ ἐφ’ ἡγεμονίασ τεταγμένοισ τάλαντον. γενομένων οὖν τῶν κηρυγμάτων τοιούτων ἐνέπεσέ τισ ὁρμὴ πρὸσ μετάθεσιν τοῖσ μετ’ Ἀντιγόνου μισθοφόροισ, ἐν οἷσ καὶ τῶν ἡγεμόνων πλείουσ προθύμουσ εἶναι συνέβαινε δι’ αἰτίασ τινὰσ εἰσ τὸ μεταβολῆσ ἐπιθυμεῖν.
πολλῶν δὲ πρὸσ αὐτὸν αὐτομολούντων ὁ μὲν Ἀντίγονοσ ἐπιστήσασ τῷ χείλει τοῦ ποταμοῦ τοξότασ καὶ σφενδονήτασ καὶ πολλὰ τῶν ὀξυβελικῶν τοὺσ προσπλέοντασ ἐν τοῖσ κοντωτοῖσ ἀνέστελλε·
τῶν δ’ αὐτομολούντων συλλαβών τινασ δεινῶσ ᾐκίσατο, βουλόμενοσ καταπλήξασθαι τοὺσ τῆσ ὁμοίασ ὁρμῆσ ἀντεχομένουσ. καὶ προσλαβὼν τὰ καθυστεροῦντα τῶν σκαφῶν προσέπλευσεν ἐπὶ τὸ καλούμενον Ψευδόστομον, νομίζων ἐνταῦθα δυνήσεσθαί τινασ τῶν στρατιωτῶν ἀποβιβάσαι.
εὑρὼν δὲ πρὸσ αὐτῷ φυλακὴν ἰσχυρὰν καὶ τοῖσ τε ὀξυβελέσι καὶ τοῖσ ἄλλοισ παντοίοισ βέλεσιν ἀνειργόμενοσ ἀπέπλευσε περικαταλαμβανούσησ νυκτόσ. ἔπειτα παραγγείλασ τοῖσ κυβερνήταισ ἀκολουθεῖν τῇ στρατηγίδι νηὶ προσέχοντασ τῷ λαμπτῆρι προσέπλευσεν ἐπὶ τὸ στόμα τοῦ Νείλου τὸ καλούμενον Φατνιτικόν·
ἡμέρασ δὲ γενομένησ, ἐπειδὴ πολλαὶ τῶν νεῶν ἀπεπλανήθησαν, ἠναγκάσθη ταύτασ περιμένειν καὶ τὰσ μάλιστα ταχυναυτούσασ τῶν ἠκολουθηκυιῶν ἐξαποστέλλειν ἐπὶ τὴν τούτων ζήτησιν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기