헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 73)

τοῦ δ’ ἐνιαυσίου χρόνου διεληλυθότοσ Ἀθήνησι μὲν ἦρχε Κόροιβοσ, ἐν Ῥώμῃ δὲ τὴν ὕπατον ἀρχὴν παρέλαβον Κόιντοσ Μάρκιοσ καὶ Πόπλιοσ Κορνήλιοσ. ἐπὶ δὲ τούτων Ἀντίγονοσ ὁ βασιλεύσ, τελευτήσαντοσ αὐτῷ τοῦ νεωτέρου τῶν υἱῶν Φοίνικοσ, τοῦτον μὲν βασιλικῶσ ἔθαψε, τὸν δὲ Δημήτριον ἐκ τῆσ Κύπρου μεταπεμψάμενοσ ἤθροιζε τὰσ δυνάμεισ εἰσ τὴν Ἀντιγονίαν. ἔκρινε δὲ στρατεύειν ἐπὶ τὴν Αἴγυπτον.

αὐτὸσ μὲν οὖν τοῦ πεζοῦ στρατεύματοσ ἀφηγούμενοσ προῆγε διὰ τῆσ Κοίλησ Συρίασ, ἔχων πεζοὺσ μὲν πλείουσ τῶν ὀκτακισμυρίων, ἱππεῖσ δὲ περὶ ὀκτακισχιλίουσ, ἐλέφαντασ δὲ τρισὶ πλείουσ τῶν ὀγδοήκοντα· τῷ δὲ Δημητρίῳ παραδοὺσ τὸν στόλον συνέταξε συμπαραπλεῖν ἅμα πορευομένῃ τῇ δυνάμει, παρεσκευασμένων νεῶν τῶν ἁπασῶν μακρῶν μὲν ἑκατὸν πεντήκοντα, πορίων δὲ στρατιωτικῶν ἑκατόν, ἐν οἷσ ἐκομίζετο βελῶν πλῆθοσ. τῶν δὲ κυβερνητῶν οἰομένων δεῖν ἀπομένειν τὴν τῆσ Πλειάδοσ δύσιν δοκοῦσαν ἔσεσθαι μεθ’ ἡμέρασ ὀκτώ, τούτοισ μὲν ἐπετίμησεν ὡσ κατορρωδοῦσι τοὺσ κινδύνουσ, αὐτὸσ δὲ στρατοπεδεύων περὶ Γάζαν καὶ σπεύδων φθάσαι τὴν τοῦ Πτολεμαίου παρασκευὴν τοῖσ μὲν στρατιώταισ παρήγγειλε δέχ’ ἡμερῶν ἔχειν ἐπισίτισιν, ἐπὶ δὲ ταῖσ καμήλοισ ταῖσ ἀθροισθείσαισ ὑπὸ τῶν Ἀράβων ἐπέθηκε σίτου μυριάδασ μεδίμνων τρισκαίδεκα καὶ χόρτου πλῆθοσ τοῖσ τετράποσι·

τά τε βέλη κομίζων τοῖσ ζεύγεσι προῆγε διὰ τῆσ ἐρήμου μετὰ κακοπαθείασ διὰ τὸ πολλοὺσ εἶναι τῶν τόπων τελματώδεισ καὶ μάλιστα περὶ τὰ καλούμενα Βάραθρα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 73

(디오도로스 시켈로스, Bibliotheca Historica, Books XVIII-XX, book 20, chapter 73)

상위

목록

SEARCH

MENU NAVIGATION