호흡부호 보기
강세부호 보기
장단부호 보기
작은 Iota 보기
모든 부호 보기
τῶν γὰρ Τυρρηνῶν στρατευσάντων ἐπὶ πόλιν Σούτριον ἄποικον Ῥωμαίων οἱ μὲν ὕπατοι δυνάμεσιν ἁδραῖσ ἐκβοηθήσαντεσ ἐνίκησαν μάχῃ τοὺσ Τυρρηνοὺσ καὶ συνεδίωξαν εἰσ τὴν παρεμβολήν, οἱ δὲ Σαυνῖται κατὰ τοῦτον τὸν χρόνον μακρὰν ἀπηρτημένησ τῆσ Ῥωμαίων δυνάμεωσ ἀδεῶσ ἐπόρθουν τῶν Ιἀπύγων τοὺσ τὰ Ῥωμαίων φρονοῦντασ. διόπερ ἠναγκάσθησαν οἱ ὕπατοι διαιρεῖν τὰσ δυνάμεισ καὶ Φάβιοσ μὲν ἐν τῇ Τυρρηνίᾳ κατέμεινεν, Μάρκιοσ δὲ ἐπὶ τοὺσ Σαυνίτασ ἀναζεύξασ Ἀλλίφασ μὲν πόλιν εἷλεν κατὰ κράτοσ, τοὺσ δὲ πολιορκουμένουσ τῶν συμμάχων ἐκ τῶν κινδύνων ἐρρύσατο.
ὁ δὲ Φάβιοσ Τυρρηνῶν πολλοῖσ πλήθεσιν ἐπὶ τὸ Σούτριον συνδραμόντων ἔλαθε τοὺσ πολεμίουσ διὰ τῆσ τῶν ὁμόρων χώρασ ἐμβαλὼν εἰσ τὴν ἀνωτέρω Τυρρηνίαν, ἀπόρθητον γενομένην πολλῶν χρόνων·
ἐπιπεσὼν δὲ ἀνελπίστωσ τῆσ τε χώρασ πολλὴν ἐδῄωσε καὶ τοὺσ ἐπελθόντασ τῶν ἐγχωρίων νικήσασ πολλοὺσ μὲν ἀνεῖλεν, οὐκ ὀλίγουσ δὲ καὶ ζῶντασ ὑποχειρίουσ ἔλαβεν.
μετὰ δὲ ταῦτα περὶ τὴν καλουμένην Περυσίαν δευτέρᾳ μάχῃ τῶν Τυρρηνῶν κρατήσασ, πολλοὺσ ἀνελὼν κατεπλήξατο τὸ ἔθνοσ, πρῶτοσ Ῥωμαίων μετὰ δυνάμεωσ ἐμβεβληκὼσ εἰσ τοὺσ τόπουσ τούτουσ. καὶ πρὸσ μὲν Ἀρρητινοὺσ καὶ Κροτωνιάτασ, ἔτι δὲ Περυσίνουσ ἀνοχὰσ ἐποιήσατο·
πόλιν δὲ τὴν ὀνομαζομένην Καστόλαν ἐκπολιορκήσασ συνηνάγκασε τοὺσ Τυρρηνοὺσ λῦσαι τὴν τοῦ Σουτρίου πολιορκίαν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기