헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 28)

ἅμα δὲ τούτοισ πραττομένοισ Πολυπέρχων μὲν ἠθροικὼσ ἁδρὰν δύναμιν κατήγαγεν ἐπὶ τὴν πατρῴαν βασιλείαν Ἡρακλέα τὸν Ἀλεξάνδρου καὶ Βαρσίνησ, Κάσανδροσ δὲ καταστρατοπεδεύσαντοσ αὐτοῦ περὶ τὴν καλουμένην Στυμφαίαν ἧκεν μετὰ τῆσ δυνάμεωσ. οὐ μακρὰν δὲ τῶν παρεμβολῶν ἀπεχουσῶν ἀλλήλων καὶ τῶν Μακεδόνων οὐκ ἀηδῶσ ὁρώντων τὴν κάθοδον τοῦ βασιλέωσ, δείσασ ὁ Κάσανδροσ μήποτε φύσει πρὸσ μεταβολὴν ὄντεσ ὀξεῖσ οἱ Μακεδόνεσ αὐτομολήσωσι πρὸσ τὸν Ἡρακλέα, διεπρεσβεύσατο πρὸσ Πολυπέρχοντα. καὶ περὶ μὲν τοῦ βασιλέωσ ἐπειρᾶτο διδάσκειν αὐτὸν ὅτι γινομένησ τῆσ καθόδου ποιήσει τὸ προσταττόμενον ὑφ’ ἑτέρων, συναγωνισάμενοσ δὲ αὐτῷ καὶ τὸν νεανίσκον ἀνελὼν παραχρῆμα μὲν ἀπολήψεται τὰσ προγεγενημένασ κατὰ Μακεδονίαν δωρεάσ, εἶτα καὶ δύναμιν ἀναλαβὼν στρατηγὸσ ἀποδειχθήσεται περὶ Πελοπόννησον καὶ πάντων τῶν ἐν τῇ δυναστείᾳ τῇ Κασάνδρου κοινωνὸσ ἔσται, τιμώμενοσ διαφόρωσ.

πέρασ δὲ πολλαῖσ καὶ μεγάλαισ ἐπαγγελίαισ πείσασ τὸν Πολυπέρχοντα καὶ συνθήκασ ἐν ἀπορρήτοισ συνθέμενοσ προετρέψατο δολοψονῆσαι τὸν βασιλέα. ὁ δὲ Πολυπέρχων ἀνελὼν τὸν νεανίσκον καὶ φανερῶσ κοινοπραγῶν τοῖσ περὶ τὸν Κάσανδρον τάσ τ’ ἐν τῇ Μακεδονίᾳ δωρεὰσ ἐκομίσατο καὶ κατὰ τὰσ ὁμολογίασ παρέλαβε στρατιώτασ πεζοὺσ μὲν Μακεδόνασ τετρακισχιλίουσ, ἱππεῖσ δὲ Θετταλοὺσ πεντακοσίουσ.

προσλαβόμενοσ δὲ καὶ τῶν ἄλλων τοὺσ βουλομένουσ ἐπεχείρησε μὲν διὰ τῆσ Βοιωτίασ προάγειν εἰσ Πελοπόννησον, ὑπὸ δὲ Βοιωτῶν καὶ Πελοποννησίων κωλυθεὶσ ἀνέστρεψε καὶ προελθὼν εἰσ Λοκροὺσ ἐνταῦθα τὴν παραχειμασίαν ἐποιεῖτο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 28

(디오도로스 시켈로스, Bibliotheca Historica, Books XVIII-XX, book 20, chapter 28)

상위

목록

SEARCH

MENU NAVIGATION