호흡부호 보기
강세부호 보기
장단부호 보기
작은 Iota 보기
모든 부호 보기
κατὰ δὲ τὴν Μακεδονίαν Κάσανδροσ μὲν βοηθήσασ Αὐδολέοντι τῷ Παιόνων βασιλεῖ διαπολεμοῦντι πρὸσ Αὐταριάτασ, τοῦτον μὲν ἐκ τῶν κινδύνων ἐρρύσατο, τοὺσ δὲ Αὐταριάτασ σὺν τοῖσ ἀκολουθοῦσι παισὶ καὶ γυναιξὶν ὄντασ εἰσ δισμυρίουσ κατῴκισεν παρὰ τὸ καλούμενον Ὀρβηλὸν ὄροσ. τούτου δὲ περὶ ταῦτ’ ὄντοσ κατὰ μὲν τὴν Πελοπόννησον Πτολεμαῖοσ ὁ στρατηγὸσ Ἀντιγόνου δυνάμεισ πεπιστευμένοσ καὶ τῷ δυνάστῃ προσκόψασ ὡσ οὐ κατὰ τὴν ἀξίαν τιμώμενοσ Ἀντιγόνου μὲν ἀπέστη, πρὸσ δὲ Κάσανδρον συμμαχίαν ἐποιήσατο.
καταλελοιπὼσ δὲ τῆσ ἐφ’ Ἑλλησπόντῳ σατραπείασ ἐπιστάτην Φοίνικα, ἕνα τῶν πιστοτάτων φίλων, ἀπέστειλεν αὐτῷ στρατιώτασ, ἀξιῶν διαφυλάττειν τὰ φρούρια καὶ τὰσ πόλεισ καὶ μὴ προσέχειν Ἀντιγόνῳ. τῶν δὲ κοινῶν συνθηκῶν τοῖσ ἡγεμόσι περιεχουσῶν ἐλευθέρασ ἀφεῖσθαι τὰσ Ἑλληνίδασ πόλεισ, οἱ περὶ Πτολεμαῖον τὸν Αἰγύπτου δυνάστην, ἐγκαλέσαντεσ Ἀντιγόνῳ διότι φρουραῖσ τινασ διείληφε τῶν πόλεων, πολεμεῖν παρεσκευάζοντο.
καὶ τὴν μὲν δύναμιν ἐξαποστείλασ Πτολεμαῖοσ καὶ στρατηγὸν Λεωνίδην τὰσ ἐν τῇ τραχείᾳ Κιλικίᾳ πόλεισ οὔσασ ὑπ’ Ἀντίγονον ἐχειρώσατο, διεπέμπετο δὲ καὶ εἰσ τὰσ ὑπὸ Κάσανδρον καὶ Λυσίμαχον πόλεισ, ἀξιῶν συμφρονεῖν ἑαυτῷ καὶ κωλύειν Ἀντίγονον ἰσχυρὸν γίνεσθαι.
ὁ δ’ Ἀντίγονοσ τῶν υἱῶν Φίλιππον μὲν τὸν νεώτερον ἐξέπεμψεν ἐφ’ Ἑλλήσποντον, διαπολεμήσοντα Φοίνικι καὶ τοῖσ ἀφεστηκόσι, Δημήτριον δ’ ἐπὶ Κιλικίαν, ὃσ ἐνεργὸν ποιησάμενοσ τὴν στρατείαν ἐνίκησε τοὺσ τοῦ Πτολεμαίου στρατηγοὺσ καὶ τὰσ πόλεισ ἀνεκτήσατο.
호흡부호 보기
강세부호 보기
장단부호 보기
작은 Iota 보기
모든 부호 보기