호흡부호 보기
강세부호 보기
장단부호 보기
작은 Iota 보기
모든 부호 보기
πρὸσ τὰσ θέσεισ τῶν ὀργάνων δὲ ὁ Δημήτριοσ ἄφθονον ἔχων ἁπάντων χορηγίαν ἤρξατο κατασκευάζειν δύο χελώνασ, τὴν μὲν πρὸσ τοὺσ πετροβόλουσ, τὴν δὲ πρὸσ τοὺσ ὀξυβελεῖσ, ἀμφοτέρασ δὲ ταύτασ ἐπὶ δύο πλοίων φορτηγῶν διαβεβηκυίασ καὶ κατεζευγμένασ, δύο δὲ πύργουσ τετραστέγουσ ὑπερέχοντασ τοῖσ ὕψεσι τῶν ἐπὶ τοῦ λιμένοσ πύργων, ἑκάτερον δὲ τούτων ἐπὶ δύο πλοίων ἴσον βεβηκότα καὶ κατειλημμένον, ὅπωσ ἐν τῷ προσάγειν ἡ στάσισ ἑκατέρα τῶν πλευρῶν ἰσόρροπον ἔχῃ τὸ βάροσ. κατεσκεύασε δὲ καὶ χάρακα πλωτὸν ἐπὶ τετραπέδων ξύλων καθηλωμένον, ὅπωσ προπλέων οὗτοσ κωλύῃ τοὺσ πολεμίουσ ἐπιπλέοντασ ἐμβολὰσ διδόναι τοῖσ φέρουσι τὰσ μηχανὰσ πλοίοισ.
ἐν ὅσῳ δὲ ταῦτα τὴν συντέλειαν ἐλάμβανεν, ἀθροίσασ τοὺσ ἁδροτάτουσ τῶν λέμβων καὶ τούτουσ καταφράξασ σανίσι καὶ θυρίδασ κλειστὰσ κατασκευάσασ ἐνέθετο μὲν τῶν τρισπιθάμων ὀξυβελῶν τοὺσ πορρωτάτω βάλλοντασ καὶ τοὺσ τούτοισ κατὰ τρόπον χρησομένουσ, ἔτι δὲ τοξότασ Κρῆτασ, τὰσ δὲ ναῦσ προσαγαγὼν ἐντὸσ βέλουσ κατετίτρωσκε τοὺσ κατὰ τὴν πόλιν ὑψηλότερα τὰ παρὰ τὸν λιμένα τείχη κατασκευάζοντασ.
οἱ δὲ Ῥόδιοι θεωροῦντεσ τοῦ Δημητρίου τὴν πᾶσαν ἐπιβολὴν οὖσαν ἐπὶ τὸν λιμένα καὶ αὐτοὶ τὰ πρὸσ τὴν ἀσφάλειαν τούτου παρεσκευάζοντο.
δύο μὲν οὖν ἔστησαν μηχανὰσ ἐπὶ τοῦ χώματοσ, τρεῖσ δ’ ἐπὶ φορτηγῶν πλοίων πλησίον τῶν κλείθρων τοῦ μικροῦ λιμένοσ· ἐν δὲ ταύταισ ἔθηκαν πλῆθοσ ὀξυβελῶν καὶ πετροβόλων παντοίων τοῖσ μεγέθεσιν, ὅπωσ, ἐάν τε ἀποβιβάζωσιν οἱ πολέμιοι πρὸσ τὸ χῶμα στρατιώτασ ἄν τε τὰσ μηχανὰσ προσάγωσι, διὰ τούτων αὐτοὺσ εἴργεσθαι τῆσ ἐπιβολῆσ. ἐπέστησαν δὲ καὶ τοῖσ ὁρμοῦσι τῶν φορτηγῶν πλοίων ἐν τῷ λιμένι βελοστάσεισ οἰκείασ τοῖσ ἐπιτίθεσθαι μέλλουσι καταπέλταισ.
호흡부호 보기
강세부호 보기
장단부호 보기
작은 Iota 보기
모든 부호 보기