헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 70)

τῆσ δ’ Ἀγαθοκλέουσ στρατείασ εἰσ Λιβύην ἐπισημήναιτ’ ἄν τισ τό τε παράδοξον καὶ τὴν εἰσ τὰ τέκνα γενομένην τιμωρίαν οἱο͂ν τῇ θείᾳ προνοίᾳ. ἐπὶ μὲν γὰρ τῆσ Σικελίασ ἡττηθεὶσ καὶ τὴν πλείστην τῆσ δυνάμεωσ ἀπολέσασ ἐπὶ τῆσ Λιβύησ μικρῷ μέρει τοὺσ προνενικηκότασ κατεπολέμησεν. καὶ τὰσ μὲν ἐν τῇ Σικελίᾳ πόλεισ ἁπάσασ ἀποβαλὼν πρὸσ Συρακούσσαισ ἐπολιορκεῖτο, κατὰ δὲ τὴν Λιβύην πασῶν τῶν ἄλλων πόλεων ἐγκρατὴσ γενόμενοσ εἰσ πολιορκίαν κατέκλεισε τοὺσ Καρχηδονίουσ, τῆσ τύχησ ὥσπερ ἐπίτηδεσ ἐπιδεικνυμένησ τὴν ἰδίαν δύναμιν ἐπὶ τῶν ἀπηλπισμένων.

εἰσ τηλικαύτην δ’ ὑπεροχὴν ἐλθόντοσ αὐτοῦ καὶ τὸν Ὀφέλλαν φονεύσαντοσ, ὄντα φίλον καὶ ξένον, φανερῶσ ἐπεσημήνατο τὸ δαιμόνιον ὡσ διὰ τὴν εἰσ τοῦτον παρανομίαν τῶν ὕστερον αὐτῷ γεγενημένων τὸ θεῖον ἐπιστήσαι·

τοῦ γὰρ αὐτοῦ μηνὸσ καὶ τῆσ αὐτῆσ ἡμέρασ Ὀφέλλαν ἀνελὼν παρέλαβε τὴν δύναμιν καὶ πάλιν τοὺσ υἱοὺσ ἀπολέσασ ἀπέβαλε τὸ στρατόπεδον. καὶ τὸ πάντων ἰδιώτατον, ὁ θεὸσ ὥσπερ ἀγαθὸσ νομοθέτησ διπλῆν ἔλαβε παρ’ αὐτοῦ τὴν κόλασιν·

ἕνα γὰρ φίλον ἀδίκωσ φονεύσασ δυεῖν υἱῶν ἐστερήθη, τῶν μετ’ Ὀφέλλα παραγενομένων προσενεγκάντων τὰσ χεῖρασ τοῖσ νεανίσκοισ. ταῦτα μὲν οὖν ἡμῖν εἰρήσθω πρὸσ τοὺσ καταφρονοῦντασ τῶν τοιούτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 70

(디오도로스 시켈로스, Bibliotheca Historica, Books XVIII-XX, book 20, chapter 70)

상위

목록

SEARCH

MENU NAVIGATION