헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 5)

ὡσ δ’ εὐτρεπῆ πάντ’ ἦν, πληρώσασ ἑξήκοντα ναῦσ ἐπετήρει καιρὸν οἰκεῖον πρὸσ τὸν ἔκπλουν. ἀγνοουμένησ δὲ τῆσ ἐπινοίασ αὐτοῦ τινὲσ μὲν εἰσ τὴν Ἰταλίαν ὑπελάμβανον αὐτὸν στρατεύειν, τινὲσ δὲ πορθήσειν τῆσ Σικελίασ τὴν ὑπὸ Καρχηδονίουσ, πάντεσ δὲ ἀπεγίνωσκον τῶν ἐκπλεῖν μελλόντων τὴν σωτηρίαν καὶ τοῦ δυνάστου τὴν μανίαν κατεγίνωσκον. ἐφορμούντων δὲ τῶν πολεμίων πολλαπλασίαισ τριήρεσι τὸ μὲν πρῶτον ἐφ’ ἡμέρασ τινὰσ ἠνάγκάζε συνέχειν ἑαυτοὺσ ἐν ταῖσ ναυσὶ τοὺσ στρατιώτασ, οὐ δυναμένουσ ἐκπλεῦσαι·

ἔπειτα δὲ σιτηγῶν πλοίων τῇ πόλει προσθεόντων οἱ μὲν Καρχηδόνιοι παντὶ τῷ στόλῳ πρὸσ τὰσ ναῦσ ἀνήχθησαν, ὁ δ’ Ἀγαθοκλῆσ ἀπελπίζων ἤδη τὴν ἐπιβολήν, ὡσ ἴδεν τὸ στόμα τοῦ λιμένοσ ἔρημον τῶν ἐφορμούντων, ἐξέπλευσεν ὀξείαισ ταῖσ εἰρεσίαισ χρώμενοσ. εἶθ’ οἱ μὲν Καρχηδόνιοι πλησίον ἤδη τῶν φορτηγῶν ὄντεσ, ὡσ ἴδον τοὺσ πολεμίουσ ἀθρόαισ ταῖσ ναυσὶ πλέοντασ, τὸ μὲν πρῶτον ὑπολαβόντεσ αὐτὸν ὡρμηκέναι πρὸσ τὴν τῶν σιτηγῶν βοήθειαν, ἀνέστρεφον καὶ τὸν στόλον ἐξήρτυον εἰσ ναυμαχίαν·

ὡσ δ’ ἐπ’ εὐθείασ ἑώρων παραθέοντασ καὶ πολὺ τοῦ πλοῦ προλαμβάνοντασ, ἐποιοῦντο τὸν διωγμόν. ἔνθα δὴ τούτων πρὸσ ἀλλήλουσ φιλοτιμουμένων τὰ μὲν τὴν ἀγορὰν κομίζοντα πλοῖα παραδόξωσ ἐκφυγόντα τὸν κίνδυνον πολλὴν εὐπορίαν ἐποίησεν ἐν ταῖσ Συρακούσσαισ τῶν ἐπιτηδείων, σιτοδείασ ἤδη τὴν πόλιν ἐχούσησ, ὁ δ’ Ἀγαθοκλῆσ περικατάληπτοσ ἤδη γινόμενοσ ἐπιλαβούσησ τῆσ νυκτὸσ ἀνελπίστου σωτηρίασ ἔτυχεν.

τῇ δ’ ὑστεραίᾳ τηλικαύτην ἔκλειψιν ἡλίου συνέβη γενέσθαι ὥστε ὁλοσχερῶσ φανῆναι νύκτα, θεωρουμένων τῶν ἀστέρων πανταχοῦ·

διόπερ οἱ περὶ τὸν Ἀγαθοκλέα, νομίσαντεσ καὶ τὸ θεῖον αὐτοῖσ προσημαίνειν τὸ δυσχερέσ, ἔτι μᾶλλον ὑπὲρ τοῦ μέλλοντοσ ἐν ἀγωνίᾳ καθειστήκεισαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 5

(디오도로스 시켈로스, Bibliotheca Historica, Books XVIII-XX, book 20, chapter 5)

상위

목록

SEARCH

MENU NAVIGATION