헬라어 문장 검색 - Αππιαν́ΤηεΦορέ81́0́05́

(아피아노스, The Foreign Wars, chapter 1 5:)

Ἅμα δ’ ἡμέρᾳ Νικομήδησ μὲν ἐξέβαινε τῆσ νεὼσ πορφύραν τε βασιλικὴν ἠμφιεσμένοσ καὶ διάδημα ἐπικείμενοσ, Ἀνδρόνικοσ δ’ αὐτὸν ὑπαντιάσασ τε καὶ βασιλέα προσειπὼν παρέπεμπε μετὰ στρατιωτῶν ὧν εἶχε πεντακοσίων. Μηνᾶσ δὲ ὑποκρινόμενοσ τότε πρῶτον ᾐσθῆσθαι Νικομήδουσ παρόντοσ, ἐσ τοὺσ δισχιλίουσ διαδραμὼν ἐδυσφόρει. προϊὼν δὲ τῷ λόγῳ, "δύο," ἔφη, "βασιλέοιν, τοῦ μὲν ὄντοσ ἐν τῇ χώρᾳ τοῦ δ’ ἐπιόντοσ, ἀναγκαῖον ἡμῖν τὸ σφέτερον εὖ διατίθεσθαι καὶ τοῦ γενησομένου καλῶσ τεκμαίρεσθαι, ὡσ ἐν τῷδε τῆσ ἡμετέρασ σωτηρίασ βεβαιουμένησ, ἢν καλῶσ προϊδώμεθα πότεροσ αὐτῶν ἐπικρατήσει. ὁ μὲν δὴ γέρων ἐστίν, ὁ δὲ νέοσ· καὶ Βιθυνοὶ τὸν μὲν ἀποστρέφονται, τὸν δὲ αἱροῦνται. Ῥωμαίων τε οἱ δυνατοὶ τὸν νεανίαν ἀγαπῶσι· καὶ Ἀνδρόνικοσ αὐτὸν ἤδη δορυφορῶν ὑποδείκνυσι τὴν Ἀττάλου συμμαχίαν, ἀρχήν τε μεγάλην ἔχοντοσ καὶ Βιθυνοῖσ γειτονεύοντοσ καὶ ἐκ πολλοῦ τῷ Προυσίᾳ πεπολεμωμένου. " λέγων δὲ ταῦθ’ ἅμα καὶ τὴν ὠμότητα τοῦ Προυσίου παρεγύμνου, καὶ ὅσα πονηρὰ πράξειεν ἐσ ἅπαντασ, καὶ τὸ κοινὸν ἐπὶ τοῖσδε Βιθυνῶν ἐσ αὐτὸν ἔχθοσ. ὡσ δὲ κἀκείνουσ εἶδε τὴν Προυσίου μοχθηρίαν ἀποστρεφομένουσ, ἦγεν αὐτοὺσ ἐσ τὸν Νικομήδην αὐτίκα, καὶ προσειπὼν καὶ ὅδε βασιλέα δεύτεροσ ἐπὶ Ἀνδρονίκῳ μετὰ τῶν δισχιλίων ἐδορυφόρει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 1 5:

(아피아노스, The Foreign Wars, chapter 1 5:)

상위

목록

SEARCH

MENU NAVIGATION