헬라어 문장 검색 - Αππιαν́ΤηεΦορέ44́

(아피아노스, The Foreign Wars, chapter 6)

Καρχηδόνιοι δ’ ἐπὶ ταῖσ κακοπραγίαισ δυσφοροῦντεσ αἱροῦνται στρατηγὸν αὐτοκράτορα Ἀννίβαν, τὸν δὲ ναύαρχον ἔπεμπον ἐπὶ νεῶν, ἐπισπέρχειν αὐτὸν ἐπὶ τὴν διάβασιν. ἅμα δὲ ταῦτ’ ἔπρασσον, καὶ ἐσ τὸν Σκιπίωνα περὶ εἰρήνησ ἐπρεσβεύοντο, ἡγούμενοι τούτοιν πάντωσ ἂν ἑνὸσ τυχεῖν, ἢ τὴν εἰρήνην ἕξειν, ἢ χρόνον διατρίψειν ἑώσ ἀφίκοιτο ὁ Ἀννίβασ. Σκιπίων μὲν οὖν αὐτοῖσ ἀνοχάσ τε ἔδωκε, καὶ τὴν δαπάνην τοῦ στρατοῦ λαβὼν πρεσβεύειν ἐφῆκεν ἐσ Ῥώμην· οἱ δὲ ἐπρέσβευον, καὶ τειχῶν ἐκτὸσ ἐστάθμευον ὡσ ἔτι πολέμιοι, ἀχθέντεσ τε ἐπὶ τὴν βουλὴν ἐδέοντο συγγνώμησ τυχεῖν. τῶν δὲ βουλευτῶν οἱ μὲν τῆσ Καρχηδονίων ἀπιστίασ ὑπεμίμνησκον, ὁσάκισ συνθοῖντο καὶ παραβαῖεν, ὅσα τε Ἀννίβασ δράσειε δεινὰ Ῥωμαίουσ καὶ τοὺσ Ῥωμαίων συμμάχουσ ἔν τε Ἰβηρίᾳ καὶ Ἰταλίᾳ· οἱ δὲ τὸ τῆσ εἰρήνησ χρήσιμον οὐ Καρχηδονίοισ μᾶλλον ἢ σφίσιν ὑπεδείκνυον ἔσεσθαι, τῆσ Ἰταλίασ τοσοῖσδε πολέμοισ ἐκτετρυχωμένησ, τό τε τοῦ μέλλοντοσ περιδεὲσ ἐπεξῄεσαν, ἐπιπλευσουμένων ἐπὶ τὸν Σκιπίωνα αὐτίκα σὺν μεγάλοισ στρατοῖσ Ἀννίβου τε ἐξ Ἰταλίασ καὶ Μάγωνοσ ἐκ Λιγύων καὶ Ἄννωνοσ ἀπὸ Καρχηδόνοσ. Ἐφ’ οἷσ ἀποροῦσα ἡ βουλὴ συμβούλουσ ἔπεμψε τῷ Σκιπίωνι, μεθ’ ὧν ἔμελλε κρινεῖν τε καὶ πράξειν ὅ τι δοκιμάσειε συνοίσειν.

ὁ δὲ ἐσ τὴν εἰρήνην τοῖσ Καρχηδονίοισ ἐπὶ τοῖσδε συνέβη, Μάγωνα μὲν ἀποπλεῖν ἐκ Λιγύων αὐτίκα, καὶ τοῦ λοιποῦ Καρχηδονίουσ μὴ ξενολογεῖν, μηδὲ ναῦσ ἔχειν μακρὰσ πλείουσ τριάκοντα, μηδὲ πολυπραγμονεῖν τι πέρα ὧν ἔχουσιν ἐντὸσ τῶν λεγομένων Φοινικίδων τάφρων, ἀποδοῦναι δὲ Ῥωμαίοισ ὅσουσ αἰχμαλώτουσ αὐτῶν ἔχουσι καὶ αὐτομόλουσ, ἀργυρίου τε αὐτοῖσ τάλαντα χίλια καὶ ἑξακόσια ἐσενεγκεῖν ἐν χρόνῳ, ἔχειν δὲ Μασσανάσσην Μασσυλίουσ τε καὶ τῆσ Σύφακοσ ἀρχῆσ ὅσα δύναιτο. τάδε μὲν συνέθεντο ἀλλήλοισ. καὶ πρέσβεισ διέπλεον, οἱ μὲν ἐσ Ῥώμην, τοὺσ ὑπάτουσ ὁρκιοῦντεσ, οἱ δ’ ἀπὸ Ῥώμησ ἐσ Καρχηδόνα, καὶ τὰ τέλη τῶν Καρχηδονίων αὐτοῖσ ὤμνυεν. Μασσανάσσῃ δὲ Ῥωμαῖοι χαριστήρια τῆσ συμμαχίασ στέφανόν τε ἀπὸ χρυσοῦ καὶ σφραγῖδα χρυσῆν ἔπεμπον, καὶ ἐλεφάντινον δίφρον καὶ πορφύραν καὶ στολὴν Ῥωμαϊκὴν καὶ ἵππον χρυσοφάλαρον καὶ πανοπλίαν. Γιγνομένων δ’ ἔτι τούτων ὁ Ἀννίβασ ἄκων ἐσ Καρχηδόνα ἔπλει, τὴν ἐσ τοὺσ ἄρχοντασ ἀπιστίαν τοῦ δήμου καὶ ταχυεργίαν ὑφορώμενοσ.

ἀπιστῶν δ’ ἔτι τὰσ σπονδὰσ ἔσεσθαι, καὶ εἰ γένοιντο, εὖ εἰδὼσ οὐκ ἐσ πολὺ βεβαίουσ ἐσομένασ, ἐσ Ἀδρυμητὸν Λιβύησ κατήγετο πόλιν, καὶ σῖτον συνέλεγεν, ἐπί τε ὠνὴν ἵππων περιέπεμπε, καὶ τὸν δυνάστην τῶν Νομάδων τῶν καλουμένων Ἀρεακιδῶν ἐσ φιλίαν ὑπήγετο. καὶ τετρακισχιλίουσ ἱππέασ αὐτομόλουσ αὐτῷ προσφυγόντασ, οἳ Σύφακοσ ὄντεσ τότε ἐγίγνοντο Μασσανάσσου, κατηκόντισεν ὑποπτεύσασ· τοὺσ δ’ ἵππουσ διέδωκε τῷ στρατῷ. ἦλθε δε και Μεσοτυλοσ αὐτῷ δυνάστησ ἕτεροσ μετὰ χιλίων ἱππέων, καὶ Οὐερμινᾶσ Σύφακοσ υἱὸσ ἕτεροσ, ἔτι τῶν πλεόνων τῆσ πατρῴασ ἀρχῆσ ἐπικρατῶν. πόλεισ τε Μασσανάσσου τὰσ μὲν ὑπήγετο, τὰσ δ’ ἐβιάζετο. Νάρκην δ’ ἐνήδρευσεν ὧδε. ἀγορᾷ χρώμενοσ ἐσέπεμπεν ὡσ ἐσ φίλουσ. ὅτε δ’ ἔδοξεν ἐπιθέσθαι, πλείουσ ἔπεμπε ξιφίδια ἐπικρύπτοντασ, οἷσ εἴρητο τὰ δίκαια ποιεῖν ἐσ τοὺσ πιπράσκοντασ μέχρι σαλπίγγων ἀκούσειαν, τότε δ’ ἐπιχειρεῖν τοῖσ ἐντυχοῦσι καὶ τὰσ πύλασ οἱ φυλάσσειν. Οὕτω μὲν ἑάλω Νάρκη, Καρχηδονίων δε ὁ δῆμοσ ἄρτι τὰσ συνθήκασ πεποιημένοι, καὶ Σκιπίωνοσ αὐτοῖσ ἔτι παρόντοσ, οὔπω τῶν ἰδίων πρέσβεων ἀπὸ Ῥώμησ ἀνεστροφότων, ἀγορὰν Σκιπίωνοσ ὑπ’ ἀνέμων κατενεχθεῖσαν ἐσ Καρχηδόνα διήρπασαν, καὶ τοὺσ παραπέμποντασ αὐτὴν ἔδησαν, πολλὰ τῆσ βουλῆσ ἀπειλούσησ, καὶ παραινούσησ μὴ λύειν συνθήκασ ἄρτι γεγενημένασ·

οἱ δὲ καὶ ταῖσ συνθήκαισ ἐπεμέμφοντο ὡσ ἀδίκωσ γενομέναισ, καὶ τὸν λιμὸν ἔφασαν ἐνοχλεῖν ὑπὲρ τὰσ παραβάσεισ. Σκιπίων μὲν οὖν οὐκ ἠξίου πολέμου κατάρχειν μετὰ σπονδάσ, ἀλλ’ ᾔτει δίκασ ὡσ φίλουσ ἁμαρτόντασ· οἱ δὲ καὶ τοὺσ πρέσβεισ αὐτοῦ κρατεῖν ἐπενόουν, ἑώσ ἀφίκοιντο αὑτοῖσ οἱ ἀπὸ Ῥώμησ. ἀλλὰ τούσδε μὲν Ἄννων τε ὁ μέγασ καὶ Ἀσδρούβασ ὁ ἔριφοσ ἐξείλοντο τοῦ πλήθουσ καὶ προύπεμπον δύο τριήρεσιν· ἕτεροι δὲ Ἀσδρούβαν τὸν ναύαρχον ἔπεισαν, ὁρμοῦντα περὶ τὴν Ἀπόλλωνοσ ἄκραν, ὅταν ἀποστῶσιν αἱ προπομποὶ τριήρεισ, ἐπιθέσθαι τοῖσ τοῦ Σκιπίωνοσ. καὶ ὁ μὲν ἐπέθετο, καὶ τῶν πρέσβεών τινεσ ἐκ τοξευμάτων ἀπέθανον· οἱ δὲ λοιποὶ τιτρωσκόμενοί τε καὶ ἐρέσσοντεσ ἔφθασαν ἐσ τὸν λιμένα τοῦ σφετέρου στρατοπέδου, καὶ ἐξήλαντο τῆσ νεὼσ ἤδη λαμβανομένησ. παρὰ τοσοῦτον ἦλθον αἰχμάλωτοι γενέσθαι. Ὧν οἱ ἐν ἄστει Ῥωμαῖοι πυθόμενοι τοὺσ πρέσβεισ τοὺσ Καρχηδονίων, οἳ περὶ τῆσ εἰρήνησ ἔτι παρῆσαν, ἐκέλευον ἀποπλεῖν αὐτίκα ὡσ πολεμίουσ.

καὶ οἱ μὲν ἐξέπλεον, καὶ ὑπὸ τοῦ χειμῶνοσ ἐσ τὸ τοῦ Σκιπίωνοσ στρατόπεδον κατήγοντο· Σκιπίων δὲ τῷ ναυάρχῳ, πυθομένῳ περὶ αὐτῶν ὅ τι δέοι ποιεῖν, "οὐδὲν ὅμοιον," ἔφη, "ταῖσ Καρχηδονίων ἀπιστίαισ, ἀλλ’ ἀπόπεμπε ἀπαθεῖσ. " μαθοῦσα δ’ ἡ γερουσία τὸν δῆμον ὠνείδιζε τῇ συγκρίσει, καὶ συνεβούλευε καὶ νῦν δεηθῆναι Σκιπίωνοσ τὰ μὲν συγκείμενα φυλάσσειν, δίκασ δὲ τῶν ἡμαρτημένων παρὰ Καρχηδονίων λαβεῖν. οἱ δὲ καὶ αὐτῇ τῇ γερουσίᾳ δυσχεραίνοντεσ ἐκ πολλοῦ διὰ τὴν κακοπραγίαν, ὡσ οὐκ εὖ τὰ συμφέροντα προορωμένῃ, καὶ ὑπ’ ἀνδρῶν δημοκόπων ἐρεθιζόμενοί τε καὶ ἐσ ἀλόγουσ ἐλπίδασ ἐπαιρόμενοι, τὸν Ἀννίβαν ἐκάλουν υεθ’ ἧσ ἔχει στρατιᾶσ. Ὁ δὲ ὁρῶν τὸ μέγεθοσ τοῦ πολεμου, Ἀσδρούβαν αὐτοὺσ ἐκέλευε σὺν τῇ παρούσῃ δυνάμει καλεῖν.

Ἀσδρούβασ μὲν δὴ τῆσ καταδίκησ αὐτῷ λυθείσησ παρεδίδου τὸν στρατὸν Ἀννίβᾳ, καὶ οὐδ’ ὣσ ἐπιφαίνεσθαι τοῖσ Καρχηδονίοισ ἐθάρρει, ἀλλ’ ἐκρύπτετο ἐν τῇ πόλει· Σκιπίων δὲ ναῦσ τῇ Καρχηδόνι ἐπιστήσασ εἶργεν αὐτοὺσ ἀγορᾶσ ἀπὸ θαλάσσησ, οὐκ εὐποροῦντασ οὐδ’ ἀπὸ τῆσ γῆσ ἀσπόρου διὰ τὸν πόλεμον γενομένησ. τῶν δ’ αὐτῶν ἡμερῶν Ἀννίβου καὶ Σκιπίωνοσ ἱππομαχία γίγνεται περὶ Ζάμαν, ἐν ᾗ Σκιπίων ἐπλεονέκτει· καὶ ταῖσ ἐπιούσαισ ἀκροβολίσματα ἦν ἐσ ἀλλήλουσ, ἑώσ αἰσθόμενοσ ὁ Σκιπίων Ἀννίβαν ἰσχυρῶσ τε ἀπορούμενον καὶ περιμένοντα ἀγορὰν φερομένην, νυκτὸσ ἔπεμψε Θέρμον χιλίαρχον ἐπὶ τοὺσ ἄγοντασ αὐτήν. καὶ λόφον ὁ Θέρμοσ ἐν στενῇ διόδῳ καταλαβών, ἔκτεινε τῶν Λιβύων ἐσ τετρακισχιλίουσ καὶ ἐζώγρησεν ἑτέρουσ τοσούσδε, καὶ τὴν ἀγορὰν ἧκε φέρων τῷ Σκιπίωνι. Ὁ δ’ Ἀννίβασ ἐσ ἔσχατον ἀφιγμένοσ ἀποριασ, καὶ τὸ παρὸν ἐπινοῶν ὅπωσ δύναιτο διαθέσθαι, πρέσβεισ ἐσ Μασσανάσσην ἔπεμπεν, ὑπομιμνήσκων τε τῆσ ἐν Καρχηδόνι διατριβῆσ καὶ παιδεύσεωσ, καὶ παρακαλῶν ἔτι οἱ συναγαγεῖν ἐσ συνθήκασ Σκιπίωνα·

τὰ γὰρ πρότερα τοῦ δήμου καὶ τῶν ἀνοητοτέρων τοῦ δήμου ἁμαρτήματα γενέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 6

(아피아노스, The Foreign Wars, chapter 6)

상위

목록

SEARCH

MENU NAVIGATION