헬라어 문장 검색 - Αππιαν́ΤηεΦορέ48́

(아피아노스, The Foreign Wars, chapter 10)

Καὶ τέλοσ εἶχε Ῥωμαίοισ ὁ δεύτεροσ πρὸσ Καρχηδονίουσ πόλεμοσ, ἀρξάμενοσ ἀπὸ Ἰβηρίασ, λήξασ δ’ ἐν Λιβύῃ ἐσ τάσδε τὰσ περὶ αὐτῆσ Καρχηδόνοσ σπονδάσ. καὶ ὀλυμπιάδεσ ἐν τοῖσ Ἕλλησιν ἦσαν ἀμφὶ τὰσ ἑκατὸν καὶ τεσσαράκοντα καὶ τέσσαρασ. Μασσανάσσησ δὲ Καρχηδονίοισ τε μηνίων καὶ Ῥωμαίοισ θαρρῶν ἐπέβαινε γῇ πολλῇ τῶν Καρχηδονίων ὡσ γενομένῃ ποτὲ ἑαυτοῦ. καὶ οἱ Καρχηδόνιοι Ῥωμαίουσ παρεκάλουν σφίσι Μασσανάσσην συναλλάξαι. οἱ δ’ ἔπεμπον διαλλακτάσ, οἷσ εἴρητο συμπράσσειν ὅσα δύναιντο Μασσανάσσῃ. οὕτω μὲν τὴν γῆν ἀπετέμετο Καρχηδονιων ὁ Μασσανάσσησ, καὶ συνθῆκαι Καρχηδονίοισ καὶ πρὸσ τόνδε ἐγένοντο, αἳ διέμειναν ἐσ ἔτη πεντήκοντα, ἐν οἷσ μάλιστα ἡ Καρχηδὼν εἰρηνεύουσα ὁμαλῶσ ἐσ μέγα δυνάμεωσ καὶ εὐανδρίασ ἦλθεν ἔκ τε πεδίων εὐκαρπίασ καὶ θαλάσσησ εὐκαιρίασ. Καὶ εὐθύσ, οἱο͂ν ἐν ταῖσ εὐτυχίαισ γίγνεται, οἱ μὲν ἐρρωζμάιον, οἱ δὲ ἐδημοκράτιζον, οἷσ δ’ ἤρεσκε Μασσανάσσησ.

ἡγοῦντο δ’ ἑκάστων οἱ καὶ δόξῃ καὶ ἀρετῇ προύχοντεσ, τῶν μὲν ῥωμαϊζόντων ὁ μέγασ Ἄννων, τῶν δ’ αἱρουμένων τὰ Μασσανάσσου Ἀννίβασ ὁ ψὰρ ἐπικαλούμενοσ, τῶν δὲ δημοκρατιζόντων Ἀμίλχαρ, ᾧ Σαυνίτησ ἐπώνυμον ἦν, καὶ Καρθάλων· οἳ φυλάξαντεσ Ῥωμαίουσ τε Κελτίβηρσι πολεμοῦντασ καὶ Μασσανάσσην ἐπικουροῦντα υἱῷ πρὸσ ἑτέρων Ἰβήρων συγκεκλεισμένῳ, πείθουσι τὸν Καρθάλωνα βοήθαρχον ὄντα, καὶ ἐπὶ τῇδε τῇ ἀρχῇ τὴν χώραν περιιόντα, ἐπιθέσθαι τοῖσ Μασσανάσσου σκηνουμένοισ ἐν ἀμφιλόγῳ γῇ. ὁ δὲ καὶ ἔκτεινέ τινασ αὐτῶν καὶ λείαν περιήλασε, καὶ τοὺσ ἐν τοῖσ ἀγροῖσ Λίβυασ ἐπὶ τοὺσ Νομάδασ ἤγειρεν. ἄλλα τε πολλὰ αὐτοῖσ ἔργα πολέμων ἐσ ἀλλήλουσ γίγνεται, μέχρι Ῥωμαίων ἕτεροι πρέσβεισ ἐπῆλθον ἐσ διαλύσεισ, οἷσ ὁμοίωσ εἴρητο Μασσανάσσῃ βοηθεῖν ἀδήλωσ. καὶ ἐβεβαίωσαν οἵδε τῷ Μασσανάσσῃ ὅσα προειλήφει, μετὰ τέχνησ, ὧδε. εἶπον μὲν οὐδὲν οὐδὲ ἤκουσαν, ἵνα μή τι ὡσ ἐν δίκῃ Μασσανάσσησ ἐλαττοῖτο, ἐν μέσῳ δ’ ἀμφοῖν γενόμενοι τὰσ χεῖρασ διέστησαν· καὶ τοῦτο ἦν αὐτοῖσ κέλευσμα πρὸσ ἀμφοτέρουσ ἐσ διαλύσεισ. οὐ πολὺ δ’ ὕστερον ὁ Μασσανάσσησ ἠμφισβήτει καὶ τῶν λεγομένων μεγάλων πεδίων καὶ χώρασ πεντήκοντα πόλεων, ἣν Τύσκαν προσαγορεύουσιν. ἐφ’ οἷσ πάλιν οἱ Καρχηδόνιοι κατέφυγον ἐπὶ Ῥωμαίουσ. οἱ δ’ ὑπέσχοντο μὲν αὐτοῖσ καὶ τότε πρέσβεισ πέμψειν ἐσ δίαιταν, διέτριψαν δὲ ἑώσ εἴκασαν πολλὰ τῶν Καρχηδονίων διεφθάρθαι. Καὶ τότε πρέσβεισ ἔπεμπον ἑτερουσ τε καὶ Κάτωνα, οἳ ἐσ τὴν ἀμφίλογον γῆν ἀφικόμενοι ἠξίουν σφίσιν ἀμφοτέρουσ περὶ ἁπάντων ἐπιτρέπειν.

Ῥωμαίων ἐκδιαιτωμένων ἤδη. Μασσανάσσησ μὲν οὖν, οἱᾶ πλεονεκτῶν καὶ Ῥωμαίοισ ἀεὶ θαρρῶν, ἐπέτρεπεν, οἱ Καρχηδόνιοι δ’ ὑπώπτευον, ἐπεὶ καὶ τοὺσ πρότερον ᾔδεσαν οὐκ εὖ δικάσαντασ. ἔφασαν οὖν τὰσ συνθήκασ τὰσ ἐπὶ Σκιπίωνοσ οὐδὲν χρῄζειν δικῶν οὐδὲ διορθώσεωσ, ὅσα μὴ ἐξ αὐτῶν παραβαίνεται μόνα. οἱ δ’ οὐκ ἀνασχόμενοι περὶ μέρουσ δικάζειν ἐπανῄεσαν, καὶ τὴν χώραν περιεσκόπουν, ἀκριβῶσ τε εἰργασμένην καὶ κατασκευὰσ μεγάλασ ἔχουσαν. εἶδον δὲ καὶ τὴν πόλιν ἐσελθόντεσ, ὅση τε τὴν δύναμιν ἦν, καὶ πλῆθοσ ὅσον ηὔξητο ἐκ τῆσ οὐ πρὸ πολλοῦ κατὰ Σκιπίωνα διαφθορᾶσ. ἐπανελθόντεσ τε ἐσ Ῥώμην, ἔφραζον οὐ ζήλου μᾶλλον ἢ φόβου γέμειν αὐτοῖσ τὰ Καρχηδονίων, πόλεωσ δυσμενοῦσ τοσῆσδε καὶ γείτονοσ εὐχερῶσ οὕτωσ αὐξανομένησ. καὶ ὁ Κάτων μάλιστα ἔλεγεν οὔ ποτε Ῥωμαίοισ βέβαιον οὐδὲ τὴν ἐλευθερίαν ἔσεσθαι πρὶν ἐξελεῖν Καρχηδόνα. ὧν ἡ βουλὴ πυνθανομένη ἔκρινε μὲν πολεμεῖν, ἔτι δ’ ἔχρῃζε προφάσεων, καὶ τὴν κρίσιν ἀπόρρητον εἶχον. Κάτωνα δ’ ἐξ ἐκείνου φασὶν ἐν τῇ βουλῇ συνεχεῖ γνώμῃ λέγειν, Καρχηδόνα μὴ εἶναι, Σκιπίωνα δὲ τὸν Νασικᾶν τὰ ἐναντία ἀξιοῦν, Καρχηδόνα ἐᾶν, ἐσ φόβον ἄρα καὶ τόνδε· Καρχηδονιων δ’ οἱ δημοκρατίζοντεσ τοὺσ τὰ Μασσανάσσου φρονοῦντασ ἐξέβαλον, ἐσ τεσσαράκοντα μάλιστα ὄντασ, καὶ ψῆφον ἐπήνεγκαν φυγῆσ, καὶ τὸν δῆμον ὡρ́κωσαν μήτε καταδέξεσθαί ποτε μήτε ἀνέξεσθαι τῶν λεγόντων καταδέχεσθαι.

οἱ δ’ ἐξελαθέντεσ ἐπὶ τὸν Μασσανάσσην κατέφυγον, καὶ ἐξώτρυνον ἐσ πόλεμον. ὁ δὲ καὶ αὐτὸσ οὕτωσ ἔχων ἔπεμπε τῶν παίδων ἐσ Καρχηδόνα Γολόσσην τε καὶ Μικίψαν, ἀξιῶν καταδέχεσθαι τοὺσ δι’ αὑτὸν ἐξεληλαμένουσ. τούτοισ προσιοῦσι τὰσ πύλασ ὁ βοήθαρχοσ ἀπέκλεισε, δείσασ μὴ τὸν δῆμον οἱ συγγενεῖσ τῶν φευγόντων καταδακρύσειαν. Γολόσσῃ δὲ καὶ ἐπανιόντι Ἀμίλχαρ ὁ Σαυνίτησ ἐπέθετο, καὶ τινὰσ μὲν ἔκτεινεν, αὐτὸν δὲ ἐθορύβησεν, ἐφ’ οἷσ ὁ Μασσανάσσησ προφάσεισ τάσδε ποιούμενοσ ἐπολιόρκει πόλιν Ὁρόσκοπα. καὶ τῆσδε παρὰ τὰσ συνθήκασ ἐφιέμενοσ. οἱ δὲ Καρχηδόνιοι πεζοῖσ μὲν δισμυρίοισ καὶ πεντακισχιλίοισ, ἱππεῦσι δὲ πολιτικοῖσ τετρακοσίοισ, Ἀσδρούβα τοῦ τότε σφῶν βοηθάρχου στρατηγοῦντοσ, ἐπὶ τὸν Μασσανάσσην ἐστράτευον. καὶ πλησιάσασιν αὐτοῖσ Ἅσασίσ τε καὶ Σούβασ ταξίαρχοι τοῦ Μασσανάσσου, διενεχθέντεσ τι τοῖσ παισὶ Μασσανάσσου, προσέδραμον ἐσ αὐτομολίαν ἱππέασ ἄγοντεσ ἑξακισχιλίουσ, οἷσ ἐπαρθεὶσ ὁ Ἀσδρούβασ μετεστρατοπέδευεν ἐγγυτέρω τοῦ βασιλέωσ, καὶ ἐν ταῖσ ἀκροβολίαισ ἐπὶ κρεισσόνων ἦν. ὁ δὲ Μασσανάσσησ ἐνεδρεύων αὐτὸν ὑπεχώρει κατ’ ὀλίγον οἱᾶ φεύγων, ἑώσ προσήγαγεν ἐσ πεδίον μέγα καὶ ἔρημον, οὗ πανταχόθεν ἦσαν λόφοι καὶ ἀπόκρημνα καὶ ἀγορᾶσ ἀπορία. τότε δ’ ἐπιστρέψασ ἐστρατοπέδευεν ἐν τοῖσ πεδινοῖσ· ὁ δὲ Ἀσδρούβασ ἐσ τοὺσ λόφουσ ὡσ ὀχυρωτέρουσ ἀνέδραμεν. Καὶ οἱ μὲν τῆσ ἐπιούσησ ἔμελλον ἐσ χεῖρασ ἥξειν, Σκιπίων δ’ ὁ νεώτεροσ, ὁ τὴν Καρχηδόνα ὕστερον ἑλών, ὑποστρατευόμενοσ τότε Λευκόλλῳ Κελτίβηρσι πολεμοῦντι, ἐσ τὸν Μασσανάσσην ἀφικνεῖτο πεμφθεὶσ ἐλέφαντασ αἰτῆσαι.

καὶ αὐτῷ Μασσανάσσησ, τοῦ σώματοσ ὡσ ἐσ μάχην ἐπιμελούμενοσ, ἱππέασ ἀπαντᾶν ἔπεμψε, καὶ τῶν παίδων τισὶν ἐκέλευεν ἐλθόντα ὑποδέξασθαι. αὐτὸσ δ’ ἅμ’ ἑῴ τὸν στρατὸν ἐξέτασσεν, ὀγδοήκοντα μὲν καὶ ὀκτὼ γεγονὼσ ἔτη, ἱππεύων δ’ ἔτι καρτερῶσ καὶ γυμνὸν τὸν ἵππον ἀναβαίνων, ὡσ ἔθοσ ἐστὶ Νομάσι, καὶ στρατηγῶν καὶ μαχόμενοσ, εἰσὶ γὰρ Λιβύων οἱ Νομάδεσ εὐρωστότατοι, καὶ μακροβίων ὄντων μακροβιώτατοι. αἴτιον δ’ ἴσωσ ὅ τε χειμὼν οὐ πολὺ κρύοσ ἔχων, [ὑφ’ οὗ φθείρεται πάντα,] καὶ τὸ θέροσ οὐ κατακαῖον ὥσπερ Αἰθίοπάσ τε καὶ Ἰνδούσ. διὸ καὶ τῶν θηρίων τὰ δυνατώτατα ἥδε ἡ γῆ φέρει, καὶ οἱ ἄνδρεσ ἐν ὑπαίθρῳ καὶ πόνοισ εἰσὶν ἀεί. ὁλίγοσ τε ὁ οἶνοσ αὐτοῖσ, καὶ ἡ τροφὴ πἇσιν ἁπλῆ τε καὶ εὐτελήσ. ὁ μὲν δὴ Μασσανάσσησ ἐπιβὰσ ἵππου διεκόσμει τὸν στρατόν, καὶ Ἀσδρούβασ ἀντεξῆγε τὸν ἴδιον αὐτῷ, πολὺ πλῆθοσ· ἤδη γὰρ καὶ τῷδε πολλοὶ προσεληλύθεσαν ἐκ τῆσ χώρασ. ὁ δὲ Σκιπίων ἐθεᾶτο τὴν μάχην ἀφ’ ὑψηλοῦ καθάπερ ἐκ θεάτρου. ἔλεγε τε πολλάκισ ὕστερον, ἀγῶσι συνενεχθεὶσ ποικίλοισ, οὔποτε ὧδε ἡσθῆναι· μόνον γὰρ ἔφη τόνδε τὸν πόνον ἄφροντισ ἰδεῖν, μυριάδασ ἀνδρῶν συνιούσασ ἐσ μάχην ἕνδεκα. ἔλεγέ τε σεμνύνων δύο πρὸ αὑτοῦ τὴν τοιάνδε θέαν ἰδεῖν ἐν τῷ Τρωικῷ πολέμῳ, τὸν Δία ἀπὸ τῆσ Ἴδησ καὶ τὸν Ποσειδῶνα ἐκ Σαμοθρᾴκησ. Γενομένησ δὲ τῆσ μάχησ ἐσ νύκτα ἀπ’ ἠοῦσ, καὶ πολλῶν πεσόντων ἑκατέρωθεν, ἔδοξεν ἐπὶ κρεισσόνων ὁ Μασσανάσσησ γενέσθαι.

καὶ αὐτῷ ὑποστρέφοντι ἀπὸ τοῦ ἔργου ὁ Σκιπίων ὤφθη. ὁ δὲ αὐτὸν οἱᾶ φίλον ἐκ πάππου περιεῖπε θεραπεύων. ὅπερ οἱ Καρχηδόνιοι μαθόντεσ, ἐδέοντο τοῦ Σκιπίωνοσ πρὸσ Μασσανάσσην σφᾶσ συναλλάξαι. ὁ δὲ συνήγαγε μὲν αὐτούσ, γιγνομένων δὲ προκλήσεων οἱ Καρχηδόνιοι τῷ Μασσανάσσῃ τὴν μὲν περὶ τὸ Ἐμπόριον γῆν ἔλεγον μεθήσειν, καὶ ἀργυρίου τάλαντα δώσειν διακόσια αὐτίκα καὶ ὀκτακόσια σὺν χρόνῳ, τοὺσ δ’ αὐτομόλουσ αἰτοῦντοσ οὐχ ὑπέστησαν οὐδ’ ἀκοῦσαι, ἀλλ’ ἄπρακτοι διεκρίθησαν. καὶ Σκιπίων μὲν ἐσ Ἰβηρίαν ἔχων τοὺσ ἐλέφαντασ ἐπανῄει, Μασσανάσσησ δὲ τὸν λόφον τῶν πολεμίων περιταφρεύσασ, ἐφύλασσε μηδεμίαν αὐτοῖσ ἀγορὰν ἐσφέρεσθαι. οὐδ’ ἄλλωσ ἐγγὺσ ἦν οὐδέν, ἐπεὶ καὶ αὐτῷ μόλισ ἐκ μακροῦ σφόδρα ἐπιμόχθωσ ἐφέρετο ὀλίγη. Ἀσδρούβασ δ’ εὐθὺσ μὲν ἐδόκει δύνασθαι διεκπαῖσαι τοὺσ πολεμίουσ ἐρρωμένῳ ἔτι καὶ ἀπαθεῖ τῷ στρατῷ, ἀγορὰν δ’ ἔχων Μασσανάσσου πλείονα προκαλεῖσθαι τὸν Μασσανάσσην ἐνόμιζε, καὶ παρέμενε, πυνθανόμενοσ ἅμα καὶ Ῥωμαίων ἐπιέναι πρέσβεισ ἐσ διαλύσεισ. οἱ δ’ ἦλθον μέν, εἴρητο δ’ αὐτοῖσ, εἰ Μασσανάσσησ ἐλασσοῖτο, λῦσαι τὴν διαφοράν, εἰ δ’ ἐπὶ κρεισσόνων εἰή, καὶ παροξῦναι. Οἱ μὲν δὴ τὸ ἑαυτῶν ἔπραξαν, ὁ δὲ λιμὸσ τὸν Ἀσδρούβαν καὶ τοὺσ Καρχηδονίουσ ἐξέτριβε·

καὶ τοῖσ σώμασι πάντα ἔχοντεσ ἀσθενῶσ, βιάσασθαι μὲν οὐκέτι τοὺσ πολεμίουσ ἐδύναντο, τὰ δ’ ὑποζύγια πρῶτον, εἶτα τοὺσ ἵππουσ ἐπὶ τοῖσ ὑποζυγίοισ ἔθυον, καὶ ἱμάντασ ἑψοῦντεσ ἤσθιον. καὶ νόσων αὐτοὺσ ἰδέαι πᾶσαι κατελάμβανον ἔκ τε πονηρίασ τροφῶν καὶ ἀκινησίασ ἔργων καὶ ὡρ́ασ ἔτουσ· συνεκέκλειστο γὰρ ἐσ ἓν χωρίον καὶ στενὸν στρατόπεδον ὄχλοσ ἀνθρώπων ἐν Λιβύῃ θέρουσ. τῶν τε ξύλων αὐτοὺσ ἐσ τὴν ἕψησιν ἐπιλιπόντων τὰ ὅπλα κατέκαιον. καὶ τῶν ἀποθνησκόντων οὐδεὶσ οὔτ’ ἐξεφέρετο, Μασσανάσσου τὴν φυλακὴν οὐκ ἀνιέντοσ, οὔτ’ ἐξεκαίετο ξύλων ἀπορίᾳ. ὁ οὖν φθόροσ αὐτοῖσ ἦν πολύσ τε καὶ περιώδυνοσ, συνοῦσιν ὀδωδόσι καὶ σηπομένοισ σώμασιν. τό τε πλεῖστον ἤδη τοῦ στρατοῦ διέφθαρτο· καὶ τὸ ὑπόλοιπον οὐδεμίαν σφίσιν ἐλπίδα σωτηρίασ ὁρῶντεσ, τοὺσ αὐτομόλουσ ὑπέστησαν ἐκδοῦναι τῷ Μασσανάσσῃ, καὶ πεντακισχίλια ἀργυρίου τάλαντα πεντήκοντα ἔτεσιν ἐσενεγκεῖν, τούσ τε φυγάδασ σφῶν καταδέξασθαι παρὰ τὸ ὁρ́κιον, καὶ αὐτοὶ διὰ μιᾶσ πύλησ τοὺσ ἐχθροὺσ καθ’ ἕνα διεξελθεῖν σὺν χιτωνίσκῳ μόνῳ. Γολόσσησ δ’ αὐτοῖσ ἀπιοῦσι, χαλεπαίνων τῆσ οὐ πρὸ πολλοῦ διώξεωσ, εἴτε συνειδότοσ τοῦ πατρὸσ εἴτε δι’ ἑαυτοῦ, Νομάδασ ἱππέασ ἐπέπεμψεν, οἳ οὐκ ἀμυνομένουσ, οὔτε ὅπλον ἔχοντασ ἐσ ἄμυναν οὔτε φυγεῖν ὑπ’ ἀσθενείασ δυναμένουσ ἔκτειναν. ἔκ τε μυριάδων πέντε στρατοῦ καὶ ὀκτακισχιλίων ἀνδρῶν ὀλίγοι πάμπαν ἐσ Καρχηδόνα περιεσώθησαν, καὶ σὺν αὐτοῖσ Ἀσδρουβασ τε ὁ στρατηγὸσ καὶ ἕτεροι τῶν ἐπιφανῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 10

(아피아노스, The Foreign Wars, chapter 10)

상위

목록

SEARCH

MENU NAVIGATION