헬라어 문장 검색 - Αππιαν́ΤηεΦορέ37́

(아피아노스, The Foreign Wars, chapter 9)

Καὶ ὁ μὲν ἐν τούτοισ ἦν, ἐν δὲ Ῥώμη γίγνονται μὲν ὕπατοι Λικίνιόσ τε Κράσσοσ καὶ Πόπλιοσ Σκιπίων ὁ λαβὼν Ἰβηρίαν, τούτων δὲ Κράσσοσ μὲν ἀντεστρατοπέδευσεν Ἀννιβᾳ περὶ Ιἀπυγίαν, Σκιπίων δὲ τὸν δῆμον ἐδίδασκεν οὔ ποτε Καρχηδονίουσ οὐδ’ Ἀννίβαν ἀποστήσεσθαι σφίσιν ἐνοχλοῦντασ ἀμφὶ τὴν Ἰταλίαν, εἰ μὴ Ῥωμαίων στρατὸσ ἐσ Λιβύην διέλθοι καὶ κίνδυνον αὐτοῖσ ἐπιστήσειεν οἰκεῖον. λιπαρήσασ τε πάνυ καρτερῶσ, καὶ πείσασ ὀκνοῦντασ, ᾑρέθη στρατηγὸσ αὐτὸσ ἐσ Λιβύην, καὶ διέπλευσεν εὐθὺσ ἐσ Σικελίαν. ἔνθα στρατὸν ἀγείρασ τε καὶ γυμνάσασ ἐπέπλευσε Λοκροῖσ ἄφνω τοῖσ ἐν Ἰταλίᾳ, φρουρουμένοισ ὑπὸ Ἀννίβου· καὶ τὴν φρουρὰν κατασφάξασ τε, καὶ παραδοὺσ Πλημινίῳ τὴν πόλιν, αὐτὸσ ἐσ Λιβύην διέπλευσεν. Πλημίνιοσ δὲ οὐδεμίαν ὕβριν ἢ ἀσέλγειαν ἢ ὠμότητα ἐσ τοὺσ Λοκροὺσ ἐκλιπών, ἐσύλησε λήγων καὶ τὸ τῆσ Φερσεφόνησ ἱερόν. καὶ τόνδε μὲν Ῥωμαῖοι μετὰ τῶν συναμαρτόντων αὐτῷ φίλων διέφθειραν ἐν τῷ δεσμωτηρίῳ, καὶ τὰσ περιουσίασ αὐτῶν ἔδοσαν Λοκροῖσ ἐσ τὸν θησαυρὸν τῆσ θεοῦ φέρειν· ὅσα τε ἄλλα ἐδύναντο τῶν ἀπολωλότων ἀνευρόντεσ, τὸ λεῖπον ἐκ τοῦ κοινοῦ σφῶν ταμιείου τῇ θεῷ προσέθεσαν. Τοῦ δὲ αὐτοῦ χρόνου Κωνσεντίαν τε, μεγάλην πόλιν Βρεττίων, καὶ ἄλλασ ἓξ ἐπ’ αὐτῇ περιέσπασεν ἀπὸ Ἀννίβου Κράσσοσ.

καὶ γιγνομένων ἐν Ῥώμῃ σημείων ἐκ Διὸσ φοβερῶν, οἱ μὲν τὰ Σιβύλλεια ἐπισκεπτόμενοι δέκα ἄνδρεσ ἔφασαν ἐξ οὐρανοῦ τι ἐσ Πεσινοῦντα τῆσ Φρυγίασ, ἔνθα σέβουσιν οἱ Φρύγεσ θεῶν μητέρα, πεσεῖσθαι τῶνδε τῶν ἡμερῶν, καὶ δεῖν αὐτὸ ἐσ τὴν Ῥώμην ἐνεχθῆναι. μετ’ οὐ πολὺ δὲ πεσεῖν τε προσηγγέλθη καὶ ἐσ Ῥώμην ἐκομίσθη τὸ βρέτασ. καὶ τὴν ἡμέραν ἑορτάζουσι καὶ νῦν μητρὶ θεῶν, ᾗ τότε ἐκομίσθη. λέγεται δὲ τὴν ναῦν, ἣ ἔφερεν αὐτό, ἰλύι τοῦ ποταμοῦ τοῦ Τιβέριοσ ἐνσχεθεῖσαν οὐδεμιᾷ μηχανῇ σαλεύεσθαι, μέχρι, τῶν μάντεων προειπόντων ἕψεσθαι μόνωσ εἰ γυνὴ καθαρεύουσα ξένων ἀνδρῶν ἑλκύσειε, Κλαυδίαν Κόινταν, μοιχείασ ἔγκλημα ἔχουσαν ἔτι ἄκριτον, καὶ δι’ ἀσωτίαν ἐσ αὐτὸ πιθανωτάτην οὖσαν, ἐπιθειάσαι τε πολλὰ περὶ τῆσ ἀναμαρτησίασ, καὶ ἀναδήσασθαι τῇ μίτρᾳ τὸ σκάφοσ. καὶ ἡ θεὸσ ἕσπετο. Κλαυδία μὲν δὴ ἐξ αἰσχίστησ δόξησ ἐσ ἀρίστην μετέβαλε, Ῥωμαίοισ δὲ καὶ πρὸ τῆσ Κλαυδίασ ἐκέλευε τὰ Σιβύλλεια διὰ τοῦ παρὰ σφίσιν ἀρίστου τὸ βρέτασ ἐκ Φρυγίασ μεταγαγεῖν, καὶ τὸν ἄριστον ἐν τῷ τότε σφίσι δοκοῦντα εἶναι, Σκιπίωνα τὸν Νασικᾶν ἐπίκλην, ἐπεπόμφεσαν, υἱὸν μὲν ὄντα Γναίου Σκιπίωνοσ τοῦ στρατηγήσαντοσ ἐν Ἰβηρίᾳ καὶ ἐν αὐτῇ πεσόντοσ, ἀνεψιὸν δὲ Σκιπίωνοσ τοῦ Καρχηδονίουσ ἀφελομένου τὴν ἡγεμονίαν καὶ πρώτου κληθέντοσ Ἀφρικανοῦ. ὧδε μὲν ἡ θεὸσ ἐσ Ῥώμην δι’ ἀνδρῶν καὶ γυναικῶν ἀρίστων ἀφικνεῖτο. Ἐν δὲ Λιβύῃ Καρχηδονίων συνεχῶσ ὑπὸ τοῦδε τοῦ Σκιπίωνοσ ἡττωμένων, ὅσοι Βρεττίων ταῦτ’ ἐγίγνωσκον, ἀφίσταντο ἀπὸ τοῦ Ἀννίβου, καὶ τὰσ φρουρὰσ οἱ μὲν ἔκτεινον, οἱ δ’ ἐξέβαλλον.

οἱ δὲ οὐδέτερα τούτων δυνάμενοι λάθρᾳ πρὸσ τὴν σύγκλητον ἐπρέσβευον, τὴν μὲν ἀνάγκην αὑτῶν καὶ τὴν προαίρεσιν ὑποδεικνύοντεσ. Ἀννίβασ δὲ ἐσ μὲν Πετηλίαν ἔνοπλοσ παρῆλθεν, οὐκέτι Πετηλίνων ἐχόντων αὐτήν· ἐκβαλὼν γὰρ αὐτοὺσ ἐδεδώκει Βρεττίοισ. ᾐτιᾶτο δ’ ὅτι ἐπρέσβευσαν ἐσ Ῥώμην, ἀρνουμένων δ’ ἐκείνων ὑπεκρίνετο πιστεύειν. "ἵνα δ’," ἔφη, "μηδ’ ὑπονοῆσθε," τοὺσ μὲν δυνατοὺσ παρέδωκε τοῖσ Νομάσι, κεχωρισμένωσ τηρεῖν αὐτῶν ἕκαστον, τοῦ δὲ πλήθουσ τὰ ὅπλα παρείλετο, τοὺσ δὲ δούλουσ καθοπλίσασ ἐπέστησε τῇ πόλει φύλακασ. καὶ τούτοισ ὅμοια τὰσ ἄλλασ πόλεισ ἐπιὼν ἐποίει. Θουρίων δὲ τρισχιλίουσ Καρχηδονίοισ μάλιστα εὔνουσ ἐξελόμενοσ, καὶ πεντακοσίουσ ἄλλουσ ἀπὸ τῶν ἀγρῶν, τὰ λοιπὰ τῇ στρατιᾷ διαρπάζειν ἔδωκεν. καὶ τῆσ πόλεωσ ἐγκρατῆ φρουρὰν καταλιπών, ἐσ Κρότωνα τοὺσ τρισχιλίουσ καὶ πεντακοσίουσ μετῴκιζε, τὴν πόλιν εὔκαιρον ἡγούμενοσ εἶναι, καὶ ταμιεῖον αὐτὴν ἑαυτῷ καὶ ὁρμητήριον ἐπὶ τὰσ ἄλλασ τιθεμενοσ. Καρχηδονίων δ’ αὐτὸν μετακαλούντων κατὰ σπουδὴν ἐπικουρεῖν κινδυνευούσῃ τῇ πατρίδι ὑπὸ Σκιπίωνοσ, καὶ τὸν ναύαρχον Ἀσδρούβαν ἐπ’ αὐτόν, ἵνα μὴ βραδύνειε, πεμψάντων, ἤχθετο μὲν τῆσ Καρχηδονίων ἐσ τοὺσ ἄρχοντασ ἀπιστίασ τε καὶ ἀχαριστίασ ἐσ πεῖραν ἐρχόμενοσ διὰ μακροῦ, καὶ τὴν αἰτίαν ἐδεδοίκει τοῦ τοσοῦδε πολέμου πρῶτοσ ἐμβαλὼν ἐν Ἰβηρίᾳ, ἐγνώκει δ’ ὑπ’ ἀνάγκησ ὅμωσ ἕπεσθαι, καὶ ναῦσ εἰργάζετο πολλάσ, εὐξύλου τῆσ Ἰταλίασ οὔσησ.

τῶν δ’ ἔτι ὑπηκόων οἱ πόλεων ὡσ ἀλλοτρίων καταφρονῶν, ἔγνω διαρπάσαι πάσασ, καὶ τὴν στρατιὰν πλουτίσασ, εὔνουν ἐσ τὰσ ἐν Καρχηδόνι συκοφαντίασ ἐπαγαγέσθαι. αἰδούμενόσ τε αὐτὸσ παρασπονδεῖν, Ἀσδρούβαν τὸν ναύαρχον ἐπὶ προφάσει περιέπεμπε, τοὺσ φρουροῦντασ ὀψόμενον. ὁ δὲ ἐσ ἑκάστην πόλιν ἐσιὼν ἐκέλευσε τοῖσ ἐνοικοῦσιν, αὐτούσ τε καὶ δούλουσ αὐτῶν, ὅσα δύναιντο λαβόντασ, ἐκ τῶν πόλεων μεθίστασθαι, καὶ τὰ λοιπὰ διήρπαζεν. τούτων ἔνιοι πυνθανόμενοι, πρὶν τὸν Ἀσδρούβαν ἥκειν, τοῖσ φρουροῖσ ἐπετίθεντο, καὶ συνέβαινεν ὅπου μὲν κρατεῖν τὰσ πόλεισ ὅπου δὲ τοὺσ φρουρούσ, σφαγή τε ποικίλη καὶ γυναικῶν ὕβρισ καὶ παρθένων ἀπαγωγαί, καὶ πάντα ὅσα ἐν πόλεσιν ἑαλωκυίαισ, ἐγίγνοντο. Αὐτὸσ δὲ ὁ Ἀννίβασ τοὺσ συστρατευομένουσ οἱ τῶν Ἰταλῶν εἰδὼσ εὖ γεγυμνασμένουσ, ἔπειθε πολλαῖσ ὑποσχέσεσιν ἐσ τὴν Λιβύην αὑτῷ συστρατεῦσαι.

καὶ τούτων οἱ μὲν τὰ ἡμαρτημένα σφίσιν ἐσ τὰσ πατρίδασ δεδιότεσ εἵποντο, φεύγοντεσ τὴν οἰκείαν ἑκόντεσ, οἱ δὲ οὐδὲν ἁμαρτόντεσ ὤκνουν. ἀθροίσασ οὖν τούσδε τοὺσ ὑπομένειν ἀξιοῦντασ ὡσ δή τι λέξων αὐτοῖσ ἢ χαριούμενοσ τῶν γεγονότων ἢ περὶ τοῦ μέλλοντοσ ἐπισκήψων, περιέστησε τὴν στρατιὰν ὡπλισμένην ἄφνω, καὶ προσέταξε τοῖσ ἰδίοισ ἀνδράποδα ἐξ αὐτῶν ὅσα θέλουσιν ἐπιλέξασθαι. ὡσ δὲ οἱ μὲν ἐπελέξαντο, οἱ δὲ ᾐδοῦντο συστρατιώτασ πολλὰ συνειργασμένουσ σφίσιν ἀνδραποδίσασθαι, τοὺσ λοιποὺσ κατηκόντισεν ἅπαντασ, τοῦ μὴ τοιούσδε ἄνδρασ ποτὲ Ῥωμαίοισ γενέσθαι χρησίμουσ. ἐπικατέσφαξε δ’ αὐτοῖσ καὶ ἵππουσ ἐσ τετρακισχιλίουσ καὶ πλῆθοσ ὑποζυγίων, οὐ δυνάμενοσ ἐσ Λιβύην ἐπάγεσθαι. Μετὰ δὲ τοῦτο ἐσ τὰσ ναῦσ τὸ πλῆθοσ ἐμβιβάσασ τὸ πνεῦμα ἀνέμενεν, ὀλίγουσ ἐσ φυλακὴν ἐπὶ τῆσ γῆσ καταλιπών.

οἱ δὲ Πετηλῖνοι καὶ σὺν αὐτοῖσ ἕτεροι Ἰταλοὶ ἐπέθεντο, καί τινασ αὐτῶν κατασφάξαντεσ ἀπέδρασαν. Ἀννίβασ δ’ ἐπὶ Λιβύησ ἀνήγετο, ἑκκαίδεκα ἔτεσιν ὁμαλῶσ πορθήσασ τε τὴν Ἰταλίαν, καὶ τοὺσ ἄνδρασ ἐμπλήσασ κακῶν μυρίων καὶ ἐσ κίνδυνον ἔσχατον πολλάκισ συναγαγών, τοῖσ τε ὑπηκόοισ αὑτοῦ καὶ συμμάχοισ ἐνυβρίσασ ὡσ πολεμίοισ· ἅτε γὰρ καὶ τέωσ αὐτοῖσ οὐκ ἐπ’ εὐνοίᾳ μᾶλλον ἢ χρείᾳ χρώμενοσ, οὐδὲν ἔχων ἔτι πρὸσ αὐτῶν ὠφελεῖσθαι κατεφρόνησεν ὡσ πολεμίων. Ἀννίβου δ’ ἀποπλεύσαντοσ ἡ βουλὴ τοῖσ μὲν ἄλλοισ ἔθνεσι τῆσ Ἰταλίασ, ὅσοι μετέθεντο πρὸσ ἐκεῖνον, συνέγνω τῶν γεγονότων καὶ ἀμνηστίαν ἐψηφίσατο, Βρεττίων δὲ μόνων, οἳ μέχρι τέλουσ αὐτῷ προθυμότατοι ἐγεγένηντο, χώραν τε πολλὴν ἀφείλετο καὶ ὅπλα, εἴ τινα ἦν ἔτι χωρὶσ ὧν Ἀννίβασ ἀφῄρητο·

ἔσ τε τὸ μέλλον ἀπεῖπεν αὐτοῖσ μὴ στρατεύεσθαι ὡσ οὐδ’ ἐλευθέροισ οὖσιν, ὑπηρέτασ δὲ τοῖσ τε ὑπάτοισ καὶ στρατηγοῖσ τοῖσ ἐσ τὰσ τῶν ἐθνῶν ἡγεμονίασ ἀπιοῦσιν ἐσ τὰσ δημοσίασ ὑπηρεσίασ, οἱᾶ θεράποντασ, ἀκολουθεῖν. τοῦτο τὸ τέλοσ ἦν Ἀννίβου τῆσ ἐσ τὴν Ἰταλίαν γενομένησ ἐσβολῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 9

(아피아노스, The Foreign Wars, chapter 9)

상위

목록

SEARCH

MENU NAVIGATION