Appian, The Foreign Wars, chapter 14

(아피아노스, The Foreign Wars, chapter 14)

Ἦν δὲ ἡ πόλισ ἐν μυχῷ κόλπου μεγίστου, χερρονήσῳ τι μάλιστα προσεοικυῖα. αὐχὴν γὰρ αὐτὴν ἀπὸ τῆσ ἠπείρου διεῖργεν, εὖροσ ὢν πέντε καὶ εἴκοσι σταδίων· ἀπὸ δὲ τοῦ αὐχένοσ ταινία στενὴ καὶ ἐπιμήκησ, ἡμισταδίου μάλιστα τὸ πλάτοσ, ἐπὶ δυσμὰσ ἐχώρει, μέση λίμνησ τε καὶ τῆσ θαλάσσησ . . . ἁπλῷ τείχει περίκρημνα ὄντα, τὰ δὲ πρὸσ μεσημβρίαν ἐσ ἤπειρον, ἔνθα καὶ ἡ Βύρσα ἦν ἐπὶ τοῦ αὐχένοσ, τριπλῷ τείχει. τούτων δ’ ἕκαστον ἦν ὕψοσ μὲν πηχῶν τριάκοντα, χωρὶσ ἐπάλξεών τε καὶ πύργων, οἳ ἐκ διπλέθρου διαστήματοσ αὐτοῖσ τετρώροφοι περιέκειντο, βάθοσ δὲ ποδῶν τριάκοντα, διώροφον δ’ ἦν ἑκάστου τείχουσ τὸ ὕψοσ, καὶ ἐν αὐτῷ κοίλῳ τε ὄντι καὶ στεγανῷ κάτω μὲν ἐστάθμευον ἐλέφαντεσ τριακόσιοι, καὶ θησαυροὶ παρέκειντο αὐτοῖσ τῶν τροφῶν, ἱπποστάσια δ’ ὑπὲρ αὐτοὺσ ἦν τετρακισχιλίοισ ἵπποισ, καὶ ταμιεῖα χιλοῦ τε καὶ κριθῆσ, ἀνδράσι τε καταγωγαὶ πεζοῖσ μὲν ἐσ δισμυρίουσ, ἱππεῦσι δὲ ἐσ τετρακισχιλίουσ. τοσήδε παρασκευὴ πολέμου διετέτακτο σταθμεύειν ἐν τοῖσ τείχεσι μόνοισ. γωνία δ’ ἣ παρὰ τὴν γλῶσσαν ἐκ τοῦδε τοῦ τείχουσ ἐπὶ τοὺσ λιμένασ περιέκαμπτεν, ἀσθενὴσ ἦν μόνη καὶ ταπεινή, καὶ ἠμέλητο ἐξ ἀρχῆσ. Οἱ δὲ λιμένεσ ἐσ ἀλλήλουσ διεπλέοντο, καὶ ἔσπλουσ ἐκ πελάγουσ ἐσ αὐτοὺσ ἦν ἐσ εὖροσ ποδῶν ἑβδομήκοντα, ὃν ἁλύσεσιν ἀπέκλειον σιδηραῖσ.

ὁ μὲν δὴ πρῶτοσ ἐμπόροισ ἀνεῖτο, καὶ πείσματα ἦν ἐν αὐτῷ πυκνὰ καὶ ποικίλα· τοῦ δ’ ἐντὸσ ἐν μέσῳ νῆσοσ ἦν, καὶ κρηπῖσι μεγάλαισ ἥ τε νῆσοσ καὶ ὁ λιμὴν διείληπτο. νεωρίων τε ἔγεμον αἱ κρηπῖδεσ αἵδε ἐσ ναῦσ διακοσίασ καὶ εἴκοσι πεποιημένων, καὶ ταμιείων ἐπὶ τοῖσ νεωρίοισ ἐσ τριηρετικὰ σκεύη. κίονεσ δ’ ἑκάστου νεωσοίκου προῦχον Ιὠνικοὶ δύο, ἐσ εἰκόνα στοᾶσ τὴν ὄψιν τοῦ τε λιμένοσ καὶ τῆσ νήσου περιφέροντεσ. ἐπὶ δὲ τῆσ νήσου σκηνὴ ἐπεποίητο τῷ ναυάρχῳ, ὅθεν ἔδει καὶ τὸν σαλπικτὴν σημαίνειν, καὶ τὸν κήρυκα προλέγειν, καὶ τὸν ναύαρχον ἐφορᾶν. ἔκειτο δ’ ἡ νῆσοσ κατὰ τὸν ἔσπλουν, καὶ ἀνετέτατο ἰσχυρῶσ, ἵνα ὅ τε ναύαρχοσ τὰ ἐκ πελάγουσ πάντα ἐφορᾷ, καὶ τοῖσ ἐπιπλέουσιν ἀφανὴσ ἡ τῶν ἔνδον ᾖ ὄψισ ἡ ἀκριβήσ. οὐ μὴν οὐδὲ τοῖσ ἐσπλεύσασιν ἐμπόροισ εὐθὺσ ἦν τὰ νεώρια σύνοπτα· τεῖχόσ τε γὰρ αὐτοῖσ διπλοῦν περιέκειτο, καὶ πύλαι, αἳ τοὺσ ἐμπόρουσ ἀπὸ τοῦ πρώτου λιμένοσ ἐσ τὴν πόλιν ἐσέφερον οὐ διερχομένουσ τὰ νεώρια. Οὕτω μὲν εἶχεν ἡ πόλισ ἡ Καρχηδονίων ἡ τότε, οἱ δ’ ὕπατοι διελόμενοι τὸ ἔργον ᾔεσαν ἐπὶ τοὺσ πολεμίουσ, Μανίλιοσ μὲν ἀπὸ τῆσ ἠπείρου κατὰ τὸν αὐχένα, ἐγχώσων τε τὴν τάφρον καὶ βραχὺ ἐπιτείχισμα τὸ ἐπ’ αὐτῇ βιασόμενοσ, καὶ ἐπ’ ἐκείνῳ τὰ ὑψηλὰ τείχη·

Μανίλιοσ μὲν οὖν μικρὸν ἔτι προσκαμὼν καὶ μόλισ τι τοῦ προτειχίσματοσ καταβαλών, ἀπέγνω μηδὲ ἐπιχειρεῖν ἔτι ταύτῃ· Κηνσωρῖνοσ δὲ κλίμακασ ἔκ τε γῆσ καὶ νεῶν ἐπέφερε κατὰ τὴν εὐτελῆ τοῦ τείχουσ γωνίαν. ἄμφω δ’ ὡσ ἀνόπλων κατεφρόνουν, ἑώσ ἐντυχόντεσ ὅπλοισ τε καινοῖσ καὶ ἀνδρῶν προθυμίᾳ παραλόγῳ κατεπλάγησαν καὶ ὑπεχώρουν. καὶ εὐθὺσ αὐτοῖσ τοῦτο πρῶτον ἀντεκεκρούκει, ἐλπίσασιν ἀμαχὶ λήψεσθαι τὴν πόλιν. ὡσ δὲ καὶ αὖθισ ἐπεχείρουν καὶ αὖθισ ἀπετύγχανον, τὰ μὲν τῶν Καρχηδονίων φρονήματα ἐπῇρτο, οἱ δ’ ὕπατοι δεδιότεσ Ἀσδρούβαν ὄπισθεν σφῶν ὑπὲρ τὴν λίμνην οὐκ ἐκ μακροῦ διαστήματοσ ἐστρατοπεδευμένον, ὠχύρουν καὶ αὐτοὶ δύο στρατόπεδα, Κηνσωρῖνοσ μὲν ἐπὶ τῆσ λίμνησ ὑπὸ τοῖσ τείχεσι τῶν πολεμίων, Μανίλιοσ δ’ ἐν τῷ αὐχένι τῆσ ἐσ τὴν ἤπειρον ὁδοῦ. ὡσ δὲ αὐτοῖσ ἐγήγερτο τὰ στρατόπεδα, ὁ Κηνσωρῖνοσ ἐπὶ ὕλῃ ἐσ μηχανὰσ διέπλευσε διὰ τῆσ λίμνησ· καὶ ἀπέβαλεν ὑλοτόμων ἐσ πεντακοσίουσ ἄνδρασ ὅπλα τε πολλά, Ἱμίλκωνοσ αἰφνίδιον αὐτῷ, τοῦ Καρχηδονίων ἱππάρχου, προσπεσόντοσ, ᾧ Φαμέασ ἐπώνυμον ἦν. κομίσασ δ’ ὅμωσ τινὰ ὕλην, μηχανὰσ ἐποίησε καὶ κλίμακασ. καὶ πάλιν ἐπεχείρουν ἄμφω τῇ πόλει, καὶ ἀπετύγχανον ὁμοίωσ. Κηνσωρῖνοσ δὲ χώσασ τι τῆσ λίμνησ παρὰ τὴν ταινίαν, ἵνα εὐρύτερον εἰή, δύο μηχανὰσ κριοφόρουσ ἐπῆγε μεγάλασ, τὴν μὲν ὠθουμένην ἑξακισχιλίοισ πεζοῖσ, ἡγουμένων τῶν χιλιάρχων, τὴν δὲ ὑπὸ τῶν ἐρετῶν, ἡγουμένων καὶ τοῖσδε ναυάρχων.

φιλονεικίασ δ’, ὡσ ἐν ἴσῳ καὶ ὁμοιῳ ἔργῳ, τοῖσ τε ὑπηρέταισ καὶ τοῖσ ἄρχουσιν αὐτῶν γενομένησ, συνέπεσέ τι τοῦ τείχουσ, καὶ τὰ ἐντὸσ ἤδη κατεφαίνετο. Καρχηδόνιοι δὲ καὶ ὣσ αὐτοὺσ ἀπωσάμενοι, τὰ πεσόντα νυκτὸσ ᾠκοδόμουν. οὐκ ἀρκούσησ δ’ ἐσ τὸ ἔργον αὐτοῖσ τῆσ νυκτόσ, δεδιότεσ περὶ τῷ ἤδη γεγονότι, μὴ καὶ τοῦτο μεθ’ ἡμέραν αἱ Ῥωμαίων μηχαναὶ νεότευκτον καὶ ὑγρὸν ἔτι καταβάλοιεν, ἐξέδραμον ἐπὶ τὰ μηχανήματα τῶν πολεμίων, οἱ μὲν σὺν ὅπλοισ, οἱ δὲ γυμνοὶ λαμπάδασ ἡμμένασ ἔχοντεσ, καὶ ἐνέπρησαν μὲν οὐχ ὅλα οὑ̓ γὰρ ἔφθασαν Ῥωμαίων ἐπιδραμόντων̓, ἀχρεῖα δ’ ὅλα ποιήσαντεσ ἀνεχώρουν. ἅμα δ’ ἡμέρᾳ Ῥωμαίοισ ἐπέπεσεν ὁρμὴ διὰ τοῦ πεσόντοσ οὔπω τελέωσ ἐγηγερμένου βιάσασθαι καὶ ἐσδραμεῖν· καὶ γάρ τι πεδίον ἐντὸσ ἐφαίνετο εὐφυὲσ ἐσ μάχην, ἐν ᾧ τοὺσ ἐνόπλουσ ἔστησαν οἱ Καρχηδόνιοι κατὰ μετώπου, τοὺσ δ’ ἀνόπλουσ αὐτοῖσ ἐπέταξαν σὺν λίθοισ ὀπίσω καὶ ξύλοισ, ἑτέρουσ τε πολλοὺσ διαθέντεσ ἐπὶ τῶν περικειμένων οἰκιῶν ἀνέμενον τοὺσ ἐπερχομένουσ ἐσδραμεῖν. οἱ δ’ ἔτι μᾶλλον ἠρεθίζοντο ὡσ ὑπὸ γυμνῶν ἀνδρῶν καταφρονούμενοι, καὶ θρασέωσ ἐπεπήδων. Σκιπίων δέ, ὃσ μετ’ ὀλίγον εἷλε Καρχηδόνα καὶ παρὰ τοῦτο Ἀφρικανὸσ ἐπεκλήθη, χιλιαρχῶν τότε ὤκνει, καὶ τοὺσ ἑαυτοῦ λόχουσ ἐσ πολλὰ διελών, καὶ στήσασ ἐκ διαστήματοσ ἐπὶ τοῦ τειχίου, κατιέναι μὲν ἐσ τὴν πόλιν οὐκ εἰά, τοὺσ δὲ ἐσελθόντασ ἐξωθουμένουσ ὑπὸ τῶν Καρχηδονίων πάντοθεν αὐτοῖσ ἐπιπεσόντων ὑπεδέχετο καὶ περιέσωζεν. καὶ τοῦτο πρῶτον αὐτὸν ἐπὶ δόξησ ἐποίησεν, εὐβουλότερον τοῦ στρατηγοῦ φανέντα. Κυνὸσ δ’ ἦν ἐπιτολή, καὶ τὸ Κηνσωρίνου στρατόπεδον ἐνόσει, σταθμεῦον ἐπὶ λίμνῃ σταθεροῦ καὶ βαρέοσ ὕδατοσ καὶ ὑπὸ τείχεσι μεγίστοισ, οὐ καταπνεόμενον ἐκ τῆσ θαλάσσησ.

καὶ δεύτερον ὁ Σκιπίων ἐδόκει τῷδε τῷ ἔργῳ περισῶσαι Ῥωμαίουσ, ἐν νυκτὶ θορυβουμένουσ. ὅθεν ὁ Κηνσωρῖνοσ ἐσ τὴν θάλασσαν ἀπὸ τῆσ λίμνησ μετεστρατοπέδευσεν. καὶ οἱ Καρχηδόνιοι, ὅτε γίγνοιτο πνεῦμα ἐσ τοὺσ Ῥωμαίουσ ἐπίφορον, σκάφασ φρυγάνων καὶ στυππίου εἷλκον ὑπὸ τοῖσ τείχεσιν, οὐ καθορώμενοι τοῖσ πολεμίοισ, ἀπὸ κάλων· εἰ δὲ ἐπικάμπτοντεσ ἔμελλον γενήσεσθαι καταφανεῖσ, θεῖον αὐταῖσ καὶ πίσσαν ἐπιχέοντεσ ἀνέτεινον τὰ ἱστία, καὶ πλήσαντεσ ἀνέμου πῦρ ἐνέβαλον ἐσ τὰ σκάφη. τὰ δὲ τῷ τε ἀνέμῳ καὶ τῇ ῥοπῇ τοῦ πυρὸσ ἐσ τὰσ Ῥωμαίων ναῦσ ἐωθεῖτο καὶ ἐλυμαίνετο καὶ ὀλίγου τὸν στόλον κατέφλεξεν. μετὰ δὲ οὐ πολὺ Κηνσωρῖνοσ μὲν ἐσ Ῥώμην ᾤχετο ἀρχαιρεσιάσων, οἱ δὲ Καρχηδόνιοι τῷ Μανιλίῳ θρασύτερον ἐπέκειντο· καὶ νυκτόσ, οἱ μὲν ὅπλα ἔχοντεσ οἱ δὲ γυμνοί, σανίδασ φέροντεσ ἐπετίθεσαν τῇ κατὰ σφᾶσ τάφρῳ τοῦ Μανιλίου, καὶ τὸ χαράκωμα διέσπων. ἀπορουμένων δὲ ὡσ ἐν νυκτὶ τῶν ἔνδον, ὁ Σκιπίων ἐξέδραμε σὺν ἱππεῦσιν ἐκ τοῦ στρατοπέδου κατὰ πύλασ ἄλλασ, ἔνθα οὐδεὶσ πόλεμοσ, καὶ περιδραμὼν τοὺσ Καρχηδονίουσ κατεφόβησεν. οἱ δὲ ἀνεχώρουν ἐσ τὴν πόλιν. Ὁ δὲ Μανίλιοσ τὸ μὲν στρατόπεδον ἔτι μᾶλλον ὠχύρου, τεῖχόσ τε ἀντὶ χάρακοσ αὐτῷ περιτιθεὶσ καὶ ἐπίνειον φρούριον ἐγείρων ἐπὶ τῆσ θαλάσσησ διὰ τὴν καταπλέουσαν ἀγοράν·

τραπεὶσ δ’ ἐσ τὰ μεσόγεια μυρίοισ πεζοῖσ καὶ ἱππεῦσι δισχιλίοισ τὴν χώραν ἐπόρθει, ξυλευόμενόσ τε καὶ χορτολογῶν καὶ ἀγορὰν συλλέγων. ἡγεῖτο δ’ ἀεὶ τῶν προνομευόντων χιλίαρχοσ ἕτεροσ παρ’ ἕτερον. καὶ Φαμέασ ὁ ἵππαρχοσ ὁ τῶν Λιβύων, νέοσ τε ὢν ἔτι καὶ θρασύτεροσ ἐσ μάχασ, καὶ ἵπποισ χρώμενοσ μικροῖσ καὶ ταχέσι, καὶ ποηφαγοῦσιν ὅτε μηδὲν εἰή, καὶ φέρουσι δίψοσ, εἰ δεήσειε, καὶ λιμόν, ὑποκρυπτόμενοσ ἐν λόχμαισ ἢ φάραγξιν, ὅπῃ τι ἀμελούμενον ἴδοι, ἐφίπτατο ἐξ ἀφανοῦσ ὥσ τισ ἀετόσ, καὶ λυμηνάμενοσ ἀπεπήδα· ὅτε δὲ Σκιπίων ἄρχοι, οὐδαμοῦ οὐδ’ ἐπεφαίνετο. ὁ γάρ τοι Σκιπίων ἀεὶ συντεταγμένουσ ἦγε τοὺσ πεζούσ, καὶ τοὺσ ἱππέασ τῶν ἵππων ἐπιβεβηκότασ· ἔν τε ταῖσ προνομαῖσ οὐ πρὶν διέλυε τὴν σύνταξιν ἢ τὸ πεδίον, ὃ ἔμελλε θεριεῖν, ἱππεῦσι καὶ ὁπλίταισ περιλάβοι· καὶ τότε κύκλῳ αὐτὸσ ἑτέραισ ἴλαισ ἱππέων ἀεὶ περιῄει, καὶ τῶν θεριζόντων τὸν ἀποσκιδνάμενον ἢ ἐξιόντα τοῦ κύκλου πικρῶσ ἐκόλαζεν.

일치하는 문장이 없습니다.

SEARCH

MENU NAVIGATION