Appian, The Foreign Wars, chapter 2

(아피아노스, The Foreign Wars, chapter 2)

Ὁ μὲν δὴ τοιοῖσδε λογισμοῖσ τοὺσ γάμουσ ἀπεώσατο, ὁ δ’ Ἀντίοχοσ αὖθισ ἐφ’ Ἑλλησπόντου κατῄει, καὶ περιπλεύσασ ἐσ Χερρόνησον πολλὰ καὶ τότε τῆσ Θρᾴκησ ὑπήγετό τε καὶ κατεστρέφετο. Ἕλληνασ δ’, ὅσοι τοῖσ Θρᾳξὶν ὑπήκουον, ἠλευθέρου, καὶ Βυζαντίοισ ἐχαρίζετο πολλὰ ὡσ ἐπίκαιρον ἐπὶ τοῦ στόματοσ πόλιν ἔχουσιν. Γαλάτασ τε δώροισ καὶ καταπλήξει τῆσ παρασκευῆσ ἐσ συμμαχίαν ὑπήγετο, ἀξιομάχουσ ἡγούμενοσ ἔσεσθαί οἱ διὰ τὰ μεγέθη τῶν σωμάτων. μετὰ δὲ τοῦτο ἐσ Ἔφεσον κατῇρε, καὶ πρέσβεισ ἐσ Ῥώμην ἔπεμπε Λυσίαν τε καὶ Ἡγησιάνακτα καὶ Μένιππον, οἳ τῷ μὲν ἔργῳ τῆσ βουλῆσ ἀποπειράσειν ἔμελλον, τῷ λόγῳ δ’ ὁ Μένιπποσ ἔφη τὸν βασιλέα περὶ τὴν Ῥωμαίων φιλίαν ἐσπουδακότα, καὶ βουλόμενον αὐτοῖσ εἶναι καὶ σύμμαχον ἂν ἀξιῶσι, θαυμάζειν ὅτι κελεύουσι τῶν ἐν Ιὠνίᾳ πόλεων ἀφίστασθαι, καὶ φόρουσ τισὶν ἀφιέναι, καὶ τῆσ Ἀσίασ ἔνια μὴ πολυπραγμονεῖν, καὶ Θρᾴκην ἐᾶν ἀεὶ τῶν προγόνων αὐτοῦ γενομένην· ἅπερ οὐ τοῖσ φίλοισ ἀλλὰ τοῖσ ἡττημένοισ τοὺσ κεκρατηκότασ ἐπικελεύειν. οἱ δὲ τῆσ πρεσβείασ συνιέντεσ ἐπὶ διαπείρᾳ σφῶν ἀφιγμένησ, διὰ βραχέοσ ἀπεκρίναντο αὐτοῖσ, ἐὰν Ἀντίοχοσ αὐτονόμουσ τοὺσ Ἕλληνασ ἐᾷ τοὺσ ἐν Ἀσίᾳ καὶ τῆσ Εὐρώπησ ἀπέχηται, Ῥωμαίοισ αὐτὸν ἔσεσθαι φίλον, ἂν ἐθέλῃ. Τοσάδε μὲν ἀπεκρίναντο Ῥωμαῖοι, καὶ τὰσ αἰτίασ ταῖσ ἀποκρίσεσιν οὐκ ἐπέθεσαν·

ὁ δ’ Ἀντίοχοσ ἐσ πρώτην ἐπινοῶν τὴν Ἑλλάδα ἐσβαλεῖν, κἀκεῖθεν ἄρξασθαι τοῦ πρὸσ Ῥωμαίουσ πολέμου, ὑπετίθετο τὴν γνώμην τῷ Καρχηδονίῳ Ἀννίβᾳ· ὁ δ’ ἔφη τὴν μὲν Ἑλλάδα ἐκ πολλοῦ τετρυμένην ἔργον εὐχείρωτον εἶναι, τοὺσ δὲ πολέμουσ ἅπασι χαλεποὺσ μὲν οἴκοι διὰ λιμὸν τὸν ἐπιγιγνόμενον, ἔξω δὲ κουφοτέρουσ· καὶ τὰ Ῥωμαίων οὔ ποτε Ἀντίοχον ἐν τῇ Ἑλλάδι καθαιρήσειν, ἀγορᾶσ τε οἰκείασ καὶ παρασκευῆσ ἱκανῆσ εὐπορούντων. ἐκέλευεν οὖν τι προλαβεῖν τῆσ Ἰταλίασ καὶ πολεμεῖν ἐκεῖθεν ὁρμώμενον, ἵνα Ῥωμαίοισ ἀσθενέστερα ᾖ καὶ τὰ οἴκοι καὶ τὰ ἔξω. "ἔχω δ’ ἐμπείρωσ," ἔφη, "τῆσ Ἰταλίασ, καὶ μυρίοισ ἀνδράσι δύναμαι καταλαβεῖν αὐτῆσ τὰ ἐπίκαιρα, ἔσ τε Καρχηδόνα τοῖσ φίλοισ ἐπιστεῖλαι τὸν δῆμον ἐσ ἀπόστασιν ἐγεῖραι, δυσφοροῦντα τέωσ ἐφ’ ἑαυτοῦ καὶ πρὸσ Ῥωμαίουσ ἀπίστωσ ἔχοντα, τόλμησ τε καὶ ἐλπίδοσ ἐμπλησόμενον, εἰ πύθοιντό με πορθοῦντᾳ τὴν Ἰταλίαν αὖθισ. " ὁ δ’ ἄσμενοσ ἀκούσασ τοῦ λόγου, καὶ μέγα, ὥσπερ ἦν, ἐσ τὸν πόλεμον ἡγούμενοσ Καρχηδόνα προσλαβεῖν, αὐτίκα αὐτὸν ἐπιστέλλειν τοῖσ φίλοισ ἐκέλευεν. Ὁ δὲ οὐκ ἐπέστειλε μέν οὑ̓ γὰρ ἀσφαλὲσ ἡγεῖτό πω, Ῥωμαίων τε πάντ’ ἀνερευνωμένων, καὶ τοῦ πολέμου μή πω φανεροῦ γεγονότοσ, καὶ πολλῶν οἱ διαφερομένων ἐν Καρχηδόνι, καὶ τῆσ πολιτείασ οὐδὲν βέβαιον οὐδ’ εὐσταθὲσ ἐχούσησ, ἃ καὶ μετ’ ὀλίγον ἀνέτρεψε τὴν Καρχηδόνἀ, Ἀρίστωνα δ’ ἔμπορον Τύριον ἐπὶ προφάσει τῆσ ἐμπορίασ ἔπεμπε πρὸσ τοὺσ φίλουσ, ἀξιῶν, ὅταν αὐτὸσ ἐσ τὴν Ἰταλίαν ἐμβάλῃ, τότε ἐκείνουσ τὴν Καρχηδόνα ἐσ ἄμυναν ὧν ἐπεπόνθεσαν ἐγείρειν.

καὶ ὁ μὲν Ἀρίστον οὕτωσ ἔπραξεν, οἱ δὲ τοῦ Ἀννίβου ἐχθροί, αἰσθόμενοι τῆσ Ἀρίστωνοσ ἐπιδημίασ, ἐθορύβουν ὡσ ἐπὶ νεωτέροισ ἔργοισ, καὶ τὸν Ἀρίστωνα ἐζήτουν περιιόντεσ. ὁ δέ, ἵνα τὴν διαβολὴν μὴ ἐξαίρετον ἔχοιεν οἱ Ἀννίβου φίλοι, προύθηκε νυκτὸσ λαθὼν γράμματα πρὸ τοῦ βουλευτηρίου, ὅτι πάντασ ὁ Ἀννίβασ τοὺσ βουλευτὰσ παρακαλοίη τῇ πατρίδι συνάρασθαι μετ’ Ἀντιόχου. καὶ τοῦτο πράξασ ἀπέπλευσεν. ἅμα δ’ ἡμέρᾳ τὸ μὲν δέοσ ἐξῄρητο τῶν Ἀννίβου φίλων ἐκ τῆσ Ἀρίστωνοσ ἐπινοίασ, ὡσ πρὸσ ἅπασαν τὴν γερουσίαν ἀπεσταλμένου, ἡ δὲ πόλισ ἐπεπλήρωτο θορύβου ποικίλου, δυσμενῶσ μὲν ἔχουσα Ῥωμαίοισ, λήσεσθαι δ’ οὐ προσδοκῶσα. Καὶ τὰ μὲν Καρχηδονίων ὧδε εἶχε, Ῥωμαίων δὲ πρέσβεισ, ἕτεροί τε καὶ Σκιπίων ὁ Καρχηδονίουσ ἀφελόμενοσ τὴν ἡγεμονίαν, ἐσ ὁμοίαν πεμφθέντεσ Ἀντιόχου τῆσ τε γνώμησ ἀπόπειραν καὶ τῆσ παρασκευῆσ κατάσκεψιν, ἐπεὶ τὸν βασιλέα ηὑρ͂ον οἰχόμενον ἐσ Πισίδασ, ἐν Ἐφέσῳ περιέμενον, ἔνθα συνῄεσαν θαμινὰ ἐσ λόγουσ τῷ Ἀννίβᾳ, Καρχηδόνοσ τε σφίσιν ἔτι οὔσησ ἐνσπόνδου καὶ οὔπω φανερῶσ Ἀντιόχου πολεμίου, καταμεμφόμενοι τὸν Ἀννίβαν ὅτι τὴν πατρίδα φύγοι, Ῥωμαίων οὐδὲν οὔτε ἐσ αὐτὸν οὔτε ἐσ τοὺσ ἄλλουσ Καρχηδονίουσ ἐπὶ ταῖσ συνθήκαισ ἁμαρτόντων.

ἔπρασσον δὲ ταῦθ’, ὕποπτον ἐργαζόμενοι γενέσθαι τῷ βασιλεῖ τὸν Ἀννίβαν ἐκ τῆσ συνεχοῦσ σφῶν ὁμιλίασ τε καὶ συνόδου. καὶ τοῦθ’ ὁ μὲν στρατηγικώτατοσ Ἀννίβασ οὐχ ὑπενόησεν, ὁ δὲ βασιλεὺσ πυθόμενοσ ὑπώπτευσε, καὶ ἀμβλύτεροσ ἦν τἀπὸ τοῦδε πιστεύειν ἔτι τῷ Ἀννίβᾳ· καὶ γάρ τι καὶ ζήλου προὐπῆν ἐσ αὐτὸν ἤδη καὶ φθόνου, μὴ τῶν γιγνομένων τὸν ἔπαινον Ἀννίβασ ἀποφέροιτο. Λέγεται δ’ ἐν ταῖσδε ταῖσ διατριβαῖσ ἐν τῷ γυμνασίῳ λεσχηνεῦσαί ποτε πρὸσ ἀλλήλουσ Σκιπίωνα καὶ Ἀννίβαν περὶ στρατηγίασ πολλῶν ἐφεστώτων, καὶ τοῦ Σκιπίωνοσ ἐρομένου τίσ δοκοίη οἱ στρατηγὸσ ἄριστοσ γενέσθαι, τὸν Ἀννίβαν εἰπεῖν, "ὁ Μακεδὼν Ἀλέξανδροσ.

οὕτω μὲν ὁ Ἀννίβασ ἐπέμεινέ τε τῇ σεμνολογίᾳ, καὶ τὸν Σκιπίωνα λαθὼν ἐθεράπευσεν ὡσ καθελόντα τὸν ἀμεινονα Ἀλεξάνδρου· " Σκιπίωνα δ’ ἡσυχάσαι μὲν ἐπὶ τῷδ’, ἐξιστάμενον ἄρα Ἀλεξανδρῳ, ἐπανερέσθαι δὲ τίσ εἰή δεύτεροσ μετ’ Ἀλέξανδρον. καὶ τὸν φάναι, "Πύρροσ ὁ Ἠπειρώτησ," τὴν ἀρετὴν ἄρα τὴν στρατηγικὴν ἐν τόλμῃ τιθέμενον· οὐ γὰρ ἔστιν εὑρεῖν μεγαλοτολμοτέρουσ τῶνδε τῶν βασιλέων. δακνόμενον δ’ ἤδη τὸν Σκιπίωνα ὅμωσ ἐπανερέσθαι ἔτι τίνι διδοίη τὰ τρίτα, ταχὺ γοῦν ἐλπίζοντα ἕξειν τὰ τρίτα. τὸν δέ, "ἐμαυτῷ," φάναι· "νέοσ γὰρ ὢν ἔτι Ἰβηρίασ τε ἐκράτησα, καὶ στρατῷ τὰ Ἄλπεια ὄρη μεθ’ Ἡρακλέα πρῶτοσ ὑπερῆλθον, ἔσ τε τὴν Ἰταλίαν, ὑμῶν οὐδενόσ πω θαρροῦντοσ, ἐμβαλὼν τετρακόσια ἀνέστησα ἄστη, καὶ περὶ τῇ πόλει τὸν ἀγῶνα πολλάκισ ὑμῖν ἐπέστησα, οὔτε μοι χρημάτων οὔτε στρατιᾶσ ἐπιπεμπομένησ ἐκ Καρχηδόνοσ. " ὡσ δὲ αὐτὸν ὁ Σκιπίων εἶδεν ἀπομηκύνοντα τὴν σεμνολογίαν, ἔφη γελάσασ, "ποῦ δ’ ἂν ἑαυτὸν ἔταττεσ, ὦ Ἀννίβα, μὴ νενικημένοσ ὑπ’ ἐμοῦ; τὸν δέ φασιν, αἰσθανόμενον ἤδη τῆσ ζηλοτυπίασ, εἰπεῖν ὅτι ἔγωγε ἔταξα ἂν ἐμαυτὸν πρὸ Ἀλεξάνδρου. Διαλυομένησ δὲ τῆσ συνόδου Σκιπίωνα μὲν ὁ Ἀννίβασ ἐπὶ ξένια ἐκάλει, Σκιπίων δὲ ἐλθεῖν ἂν ἔφη μάλα προθύμωσ, εἰ μὴ συνῆσθα νῦν Ἀντιόχῳ πρὸσ Ῥωμαίουσ ὑπόπτωσ ἔχοντι.

ὧδε μὲν ἐκεῖνοι, τῆσ στρατηγίασ ἀξίωσ, τὴν ἔχθραν ὡρίζοντο τοῖσ πολέμοισ, Φλαμινῖνοσ δ’ ἀνομοίωσ. ἡττηθέντοσ γὰρ ὕστερον Ἀντιόχου φεύγοντα τὸν Ἀννίβαν καὶ ἀλώμενον περὶ Βιθυνίαν, πρεσβεύων, ἐφ’ ἕτερα πρὸσ Προυσίαν, οὔτε τι πρὸσ τοῦ Ἀννίβου προπαθών, οὔτε Ῥωμαίων ἐντειλαμένων, οὔτε φοβερὸν ἔτι αὐτοῖσ γενέσθαι δυνάμενον Καρχηδόνοσ κατεστραμμένησ, ἔκτεινε διὰ τοῦ Προυσίου φαρμάκῳ, λεγόμενον μὲν ἐσχηκέναι ποτὲ χρησμὸν ὧδε ἔχοντα "Λίβυσσα κρύψει βῶλοσ Ἀννίβου δέμασ," καὶ οἰόμενον ἐν Λιβύῃ τεθνήξεσθαι, ποταμὸσ δ’ ἔστι Λίβυσσοσ ἐν τῇ Βιθυνίᾳ, καὶ πεδίον ἐκ τοῦ ποταμοῦ Λίβυσσα. καὶ τάδε μὲν ἐσ ὑπόμνημα τῆσ Ἀννίβου καὶ Σκιπίωνοσ μεγαλονοίασ καὶ Φλαμινίνου σμικρότητοσ παρεθέμην.

일치하는 문장이 없습니다.

SEARCH

MENU NAVIGATION