Appian, The Foreign Wars, chapter 5

(아피아노스, The Foreign Wars, chapter 5)

Οἱ Δαλμάται δ’ ἐξ οὗ τὰσ ὑπὸ Γαβινίῳ πέντε τάξεισ ἀνῃρήκεσαν καὶ τὰ σημεῖα εἰλήφεσαν, ἐπαρθέντεσ ἐπὶ τῷδε τὰ ὅπλα οὐκ ἀπετέθειντο ἔτεσιν ἤδη δέκα, ἀλλὰ καὶ τοῦ Καίσαροσ ἐπιόντοσ αὐτοῖσ συμμαχήσειν ἀλλήλοισ συνετίθεντο. καὶ ἦσαν οἱ μαχιμώτατοι μυρίων καὶ δισχιλίων πλείουσ, ὧν στρατηγὸν Οὐέρσον αἱροῦνται. ὁ δὲ Πρωμόναν αὖθισ, τὴν τῶν Λιβυρνῶν πόλιν, καταλαβὼν ὠχύρου, καὶ τἆλλα οὖσαν ἐκφυῶσ ὀχυρωτάτην· ὄρειον γάρ ἐστι τὸ χωρίον, καὶ αὐτῷ περίκεινται λόφοι πάντοθεν ὀξεῖσ οἱᾶ πρίονεσ. ἐν μὲν δὴ τῇ πόλει τὸ πλέον ἦν, ἐν δὲ τοῖσ λόφοισ διέθηκεν Οὐέρσοσ φρούρια· καὶ πάντεσ ἐφεώρων τὰ Ῥωμαίων ἀφ’ ὑψηλοῦ. ὁ δὲ Καῖσαρ ἐσ μὲν τὸ φανερὸν πάντασ ἀπετείχιζε, λάθρᾳ δὲ τοὺσ εὐτολμοτάτουσ ἔπεμπε ζητεῖν ἄνοδον ἐσ τὸν ἀκρότατον τῶν λόφων. καὶ οἱ μέν, τῆσ ὕλησ αὐτοὺσ ἐπικαλυπτούσησ, νυκτὸσ ἐμπίπτουσι τοῖσ φύλαξιν εὐναζομένοισ, καὶ κτείνουσιν αὐτούσ, καὶ τῷ Καίσαρι κατέσεισαν ὑπὸ λύγῃ· ὁ δὲ τῆσ τε πόλεωσ ἐσ πεῖραν ᾔει τῷ πλέονι στρατῷ, καὶ ἐσ τὸ εἰλημμένον ἄκρον ἑτέρουσ ἐφ’ ἑτέροισ ἔπεμπεν, οἳ τοῖσ ἄλλοισ λόφοισ ἐπικατῄεσαν. φόβοσ τε καὶ θόρυβοσ ἦν τοῖσ βαρβάροισ ὁμοῦ πᾶσιν ἐπιχειρουμένοισ πάντοθεν· μάλιστα δὲ οἱ ἐν τοῖσ λόφοισ ἔδεισαν διὰ τὸ ἄνυδρον, μὴ τῶν διόδων ἀφαιρεθῶσιν. καὶ συμφεύγουσιν ἐσ τὴν Πρωμόναν. Ὁ δὲ Καῖσαρ αὐτήν τε καὶ δύο λόφουσ, οἳ ἔτι ἐκρατοῦντο ὑπὸ τῶν πολεμίων, ὁμοῦ περιετείχιζε, τεσσαράκοντα σταδίων περίμετρον.

κἀν τούτῳ Τέστιμον Δαλμάτην, στρατὸν ἕτερον ἄγοντα τοῖσ ἐν Πρωμόνῃ συμμάχον, ὑπαντήσασ ἐδίωκεν ἐσ τὰ ὄρη, καὶ ἐφορῶντοσ ἔτι τοῦ Τεστίμου τὴν Πρωμόναν εἷλεν, οὔπω τῆσ περιτειχίσεωσ τετελεσμένησ. ἐκδραμόντων γὰρ τῶν ἔνδον καὶ συνελαυνομένων ὀξέωσ, οἱ Ῥωμαῖοι φεύγουσιν αὐτοῖσ ἐσ τὴν πόλιν συνεσέπεσον, καὶ τὸ τρίτον τούτων ἔνδον ἔκτειναν· οἱ λοιποὶ δ’ ἐσ τὴν ἄκραν ἀνέδραμον. καὶ σπεῖρα Ῥωμαίων ἐφύλασσεν αὐτοὺσ ἐπὶ τῶν πυλῶν. οἷσ προσπίπτουσιν οἱ βάρβαροι νυκτὸσ τετάρτησ, καὶ ἐξέλιπεν ἡ σπεῖρα τὰσ πύλασ ὑπὸ δέουσ. ὁ δὲ Καῖσαρ τοὺσ μὲν πολεμίουσ ἀνέκοψε τῆσ ὁρμῆσ, καὶ τῆσ ἐπιούσησ εἷλε παραδόντασ ἑαυτούσ· τὴν δὲ σπεῖραν ἣ τὸ φυλάκιον ἐξέλιπε διακληρώσασ, ἐζημίωσε θανάτῳ τὸ δέκατον, καὶ λοχαγοὺσ ἐπὶ τῷ δεκάτῳ δύο. καὶ τοῖσ λοιποῖσ ἐκέλευεν ἐκείνου τοῦ θέρουσ κριθὴν ἀντὶ σίτου τραφῆναι δίδοσθαι. Οὕτω μὲν ἑάλω Πρωμόνα, Τέστιμοσ δ’ ὁρῶν διεσκέδασε τὸν στρατὸν ἑαυτοῦ, φεύγειν ἄλλουσ ἀλλαχοῦ·

ὅθεν αὐτοὺσ οὐκ ἐδύναντο οἱ Ῥωμαῖοι διώκειν ἐσ πολύ, τήν τε διαίρεσιν σφῶν τὴν ἐσ πολλὰ δείσαντεσ, καὶ τὴν ἀπειρίαν τῶν ὁδῶν καὶ τὰ ἴχνη τῆσ φυγῆσ συγκεχυμένα. Συνόδιον δ’ αἱροῦσι πόλιν ἐν ἀρχῇ τῆσ ὕλησ, ἐν ᾗ τὸν Γαβινίου στρατὸν ἐνήδρευσαν οἱ Δαλμάται περὶ φάραγγι βαθείᾳ καὶ ἐπιμήκει καὶ μέσῃ δύο ὀρῶν, ἔνθα καὶ τὸν Καίσαρα ἐνήδρευον. ὁ δὲ τό τε Συνόδιον ἐνέπρησε, καὶ ἐσ τὰ ὄρη περιπέμψασ ἄνω στρατὸν ἑκατέρωθεν αὐτῷ συμπαρομαρτεῖν, αὐτὸσ ᾔει διὰ τῆσ φάραγγοσ, κόπτων τὴν ὕλην καὶ τὰσ πόλεισ αἱρῶν, καὶ πάντα ἐμπιπρὰσ ὅσα κατὰ τὴν ὁδὸν ᾕρει. πολιορκουμένησ δὲ πόλεωσ Σετουϊάσ, ἐπῄει τισ αὐτοῖσ συμμαχία βαρβάρων, ἣν ὁ Καῖσαρ ὑπαντήσασ ἐκώλυσεν ἐσδραμεῖν ἐσ τὴν Σετουϊάν. κἀν τῷ πόνῳ τῷδε ἐπλήγη λίθῳ τὸ γόνυ, καὶ ἐσ πολλὰσ ἡμέρασ ἐθεραπεύετο. ῥαΐσασ δὲ ἐσ Ῥώμην ἐπανῆλθεν, ὑπατεύσων σὺν Οὐολκατίῳ Τύλλῳ, Στατίλιον Ταῦρον ἐσ τὰ λοιπὰ τοῦ πολέμου καταλιπών. Νουμηνίᾳ δ’ ἔτουσ ἀρξάμενοσ ὑπατεύειν, καὶ τὴν ἀρχὴν αὐτῆσ ἡμέρασ παραδοὺσ Αὐτρωνίῳ Παίτῳ, εὐθὺσ ἐξέθορεν αὖθισ ἐπὶ τοὺσ Δαλμάτασ, ἄρχων ἔτι τὴν τῶν τριῶν ἀρχήν·

δύο γὰρ ἔλειπεν ἔτη τῇ δευτέρᾳ πενταετίᾳ τῆσδε τῆσ ἀρχῆσ, ἣν ἐπὶ τῇ προτέρᾳ σφίσιν αὐτοῖσ ἐψηφίσαντο καὶ ὁ δῆμοσ ἐπεκεκυρώκει. οἱ Δαλμάται δ’ ἤδη κάμνοντεσ ὑπὸ λιμοῦ, τῶν ἔξωθεν ἀγορῶν ἀποκεκλεισμένοι, ἐρχομένῳ τῷ Καίσαρι ὑπήντων καὶ σφᾶσ παρέδοσαν σὺν ἱκετηρίᾳ, ὅμηρά τε δόντεσ ἑπτακοσίουσ παῖδασ, οὓσ καὶ ὁ Καῖσαρ ᾔτει, καὶ τὰ Ῥωμαϊκὰ σημεῖα τὰ Γαβινίου· τὸν δὲ φόρον τὸν ἀπὸ Γαϊού Καίσαροσ ἐκλειφθέντα ἀποδώσειν ὑποστάντεσ, εὐπειθεῖσ ἐσ τὸ ἔπειτα ἐγένοντο. τὰ σημεῖα δὲ ὁ Καῖσαρ ἀπέθηκεν ἐν τῇ στοᾷ τῇ Ὀκταουία λεγομένῃ. Δαλματῶν δ’ ἁλόντων καὶ Δερβανοὶ προσιόντα τὸν Καίσαρα συγγνώμην ᾔτουν σὺν ἱκετηρίᾳ, καὶ ὁμήρουσ ἔδοσαν, καὶ τοὺσ ἐκλειφθέντασ φόρουσ ὑπέστησαν ἀποδώσειν. τῶν δὲ . . . οἷσ μὲν ὁ Καῖσαρ ἐπλησίασε, καὶ ὁμήρουσ ἐπὶ ταῖσ συνθήκαισ ἔδοσαν· ὅσοισ δ’ οὐκ ἐπλησίασε διὰ νόσον, οὔτ’ ἔδοσαν οὔτε συνέθεντο. φαίνονται δὲ καὶ οἵδε ὕστερον ὑπαχθέντεσ. Οὕτω πᾶσαν ὁ Καῖσαρ τὴν Ἰλλυρίδα γῆν, ὅση τε ἀφειστήκει Ῥωμαίων, καὶ τὴν οὐ πρότερον ὑπακούσασαν αὐτοῖσ, ἐκρατύνατο. καὶ αὐτῷ ἡ βουλὴ θρίαμβον Ἰλλυρικὸν ἔδωκε θριαμβεῦσαι, ὃν ἐθριάμβευσεν ὕστερον ἅμα τοῖσ κατ Ἀντωνίου. Λοιποὶ δ’ εἰσὶ τῆσ ὑπὸ Ῥωμαίων νομιζομένησ Ἰλλυρίδοσ εἶναι πρὸ μὲν Παιόνων Ῥαιτοὶ καὶ Νωρικοί, μετὰ Παίονασ δὲ Μυσοὶ ἑώσ ἐπὶ τὸν Εὔξεινον Πόντον.

Ῥαιτοὺσ μὲν οὖν καὶ Νωρικοὺσ ἡγοῦμαι Γάιον Καίσαρα πολεμοῦντα Κελτοῖσ ἐπιλαβεῖν, ἢ τὸν Σεβαστὸν χειρούμενον Παίονασ· ἐν μέσῳ γάρ εἰσιν ἀμφοτέρων, καὶ οὐδὲν ηὑρ͂ον ἴδιον ἐσ Ῥαιτοὺσ ἢ Νωρικοὺσ γενόμενον· ὅθεν μοι δοκοῦσι τοῖσ ἑτέροισ τῶν γειτόνων συναλῶναι. Μυσοὺσ δὲ Μᾶρκοσ μὲν Λεύκολλοσ, ὁ ἀδελφὸσ Λικινίου Λευκόλλου τοῦ Μιθριδάτῃ πολεμήσαντοσ, κατέδραμε, καὶ ἐσ τὸν ποταμὸν ἐμβαλών, ἔνθα εἰσὶν Ἑλληνίδεσ ἓξ πόλεισ Μυσοῖσ πάροικοι, Ἴστροσ τε καὶ Διονυσόπολισ καὶ Ὀδησσὸσ καὶ Μεσημβρία, καὶ Καλλατίσ, καὶ Ἀπολλωνία·

ἐξ ἧσ ἐσ Ῥώμην μετήνεγκε τὸν μέγαν Ἀπόλλωνα τὸν ἀνακείμενον ἐν τῷ Παλατίῳ. καὶ πλεῖον οὐδὲν ηὑρ͂ον ἐπὶ τῆσ Ῥωμαίων δημοκρατίασ ἐσ Μυσοὺσ γενόμενον, οὐδ’ ἐσ φόρου ὑπαχθέντασ οὐδ’ ἐπὶ τοῦ Σεβαστοῦ· ὑπήχθησαν δὲ ὑπὸ Τιβέριου τοῦ μετὰ τὸν Σεβαστὸν τοῖσ Ῥωμαίοισ αὐτοκράτοροσ γενομένου. ἀλλά μοι τὰ μὲν πρὸ ἁλώσεωσ Αἰγύπτου πάντα ὑπὸ νεύματι τοῦ δήμου γενόμενα ἐφ’ ἑαυτῶν συγγέγραπται, ἃ δὲ μετ’ Αἴγυπτον οἱ αὐτοκράτορεσ οἵδε ἐκρατύναντο ἢ προσέλαβον, ὡσ ἴδια αὐτῶν ἔργα, μετὰ τὰ κοινὰ εἴρηται· ἔνθα καὶ περὶ Μυσῶν ἐρῶ πλέονα. νῦν δ’, ἐπεὶ τοὺσ Μυσούσ τε οἱ Ῥωμαῖοι τῆσ Ἰλλυρίδοσ ἡγοῦνται, καὶ τὸ σύγγραμμά μοι τοῦτο Ἰλλυρικόν ἐστιν, ὡσ ἂν εἰή τὸ σύγγραμμα ἐντελέσ, ἐδόκει προειπεῖν ὅτι καὶ Μυσοὺσ Λεύκολλόσ τε τῷ δήμῳ στρατηγῶν ἐπέδραμε καὶ Τιβέριοσ εἷλε κατὰ τὴν μόναρχον ἐξουσίαν.

일치하는 문장이 없습니다.

SEARCH

MENU NAVIGATION