헬라어 문장 검색 - Αππιαν́ΤηεΦορέ17́

(아피아노스, The Foreign Wars, chapter 6)

Λεύκιοσ δ’ ἀπὸ Ῥώμησ ἐπανιὼν ἔφραζε τῷ Σκιπίωνι ὅτι αὐτὸν οἱ ἐν ἄστει Ῥωμαῖοι διανοοῦνται στρατηγὸν ἐσ Λιβύην ἀποστέλλειν. ὁ δὲ τοῦδε αὐτοῦ μάλιστα ἐπιθυμῶν ἐκ πολλοῦ, καὶ ἐλπίζων ὧδε ἔσεσθαι, Λαίλιον ἐπὶ νεῶν πέντε προύπεμπεν ἐσ Λιβύην πρὸσ τὸν δυνάστην Σύφακα, δωρεάσ τε φέροντα, καὶ τῶν Σκιπιώνων ὑπόμνησιν τῆσ ἐσ αὐτὸν Σύφακα φιλίασ, καὶ δέησιν Ῥωμαίοισ, ἂν ἐπίωσι, συλλαμβάνειν. ὁ δὲ ὑπέσχετό τε ποιήσειν, καὶ τὰ δῶρα ἔλαβε καὶ ἀντέπεμψεν ἕτερα. αἰσθόμενοι δὲ τούτων οἱ Καρχηδόνιοι, καὶ αὐτοὶ περὶ συμμαχίασ ἐπρεσβεύοντο παρὰ τὸν Σύφακα. καὶ ὁ Σκιπίων πυνθανόμενόσ τε, καὶ μέγα ποιούμενοσ ἐπὶ Καρχηδονίοισ προσλαβεῖν καὶ βεβαιώσασθαι Σύφακα, ᾔει πρὸσ αὐτὸν ἐπὶ νεῶν δύο σὺν τῷ Λαιλίῳ. Καὶ αὐτῷ καταγομένῳ οἱ πρέσβεισ τῶν Καρχηδονίων, ἔτι ὄντεσ παρὰ τῷ Σύφακι, ναυσὶν αἷσ εἶχον μακραῖσ ἐπανήγοντο, λαθόντεσ τὸν Σύφακα.

ἀλλ’ ὁ μὲν ἱστίῳ χρώμενοσ παρέπλευσεν αὐτοὺσ ἀδεῶσ καὶ κατήχθη, ὁ δὲ Σύφαξ ἐξένιζεν ἀμφοτέρουσ, καὶ τῷ Σκιπίωνι συνθέμενοσ ἰδίᾳ καὶ πίστεισ παρασχὼν ἀπέπεμπε, καὶ τοὺσ Καρχηδονίουσ ἐφεδρεύοντασ αὖθισ αὐτῷ κατεῖχεν, ἑώσ ἐν βεβαίῳ τῆσ θαλάσσησ γένοιτο ὁ Σκιπίων. παρὰ μὲν δὴ τοσοῦτον ἦλθε κινδύνου Σκιπίων, καταγόμενόσ τε καὶ πλέων· λέγεται δ’ ἐν Σύφακοσ ἑστιώμενοσ συγκατακλιθῆναι τῷ Ἀσδρούβᾳ, καὶ αὐτὸν ὁ Ἀσδρούβασ περὶ πολλῶν ἐρόμενοσ καταπλαγῆναι τῆσ σεμνότητοσ, καὶ πρὸσ τοὺσ φίλουσ εἰπεῖν ὅτι μὴ μόνον πολεμῶν οὗτοσ ὁ ἀνὴρ ἀλλὰ καὶ ἑστιώμενοσ φοβερὸσ εἰή. Τῷ δ’ αὐτῷ χρόνῳ Μάγωνί τινεσ Κελτιβήρων καὶ Ἰβήρων ἔτι ἐμισθοφόρουν, ὧν αἱ πόλεισ ἐσ Ῥωμαίουσ μετετέθειντο.

καὶ ὁ Μάρκιοσ αὐτοῖσ ἐπιθέμενοσ χιλίουσ μὲν καὶ πεντακοσίουσ διέφθειρεν, οἱ δὲ λοιποὶ διέφυγον αὐτὸν ἐσ τὰσ πόλεισ. ἑτέρουσ δὲ ἑπτακοσίουσ ἱππέασ καὶ πεζοὺσ ἑξακιοχιλίουσ, Ἄννωνοσ αὐτῶν ἡγουμένου, συνήλασεν ἐσ λόφον, ὅθεν ἀποροῦντεσ ἁπάντων ἐπρεσβεύοντο πρὸσ τὸν Μάρκιον περὶ σπονδῶν. ὁ δ’ ἐκέλευεν αὐτοὺσ Ἄννωνα καὶ τοὺσ αὐτομόλουσ ἐκδόντασ αὐτῷ, τότε πρεσβεύειν. οἱ μὲν δὴ καὶ τὸν Ἄννωνα στρατηγὸν ὄντα σφῶν συναρπάσαντεσ, ἔτι τῶν λεγομένων ἀκροώμενον, καὶ τοὺσ αὐτομόλουσ παρέδοσαν· ὁ δὲ Μάρκιοσ ᾔτει καὶ τὰ αἰχμάλωτα. λαβὼν δὲ καὶ ταῦτα, ἐκέλευεν αὐτοὺσ τακτὸν ἀργύριον κατενεγκεῖν ἅπαντασ ἔσ τι τοῦ πεδίου χωρίον· οὐ γὰρ ἁρμόζειν τὰ ὑψηλότερα τοῖσ παρακαλοῦσιν. καταβάντων δὲ ἐσ τὸ πεδίον ἔφη, "ἄξια μὲν θανάτου δεδράκατε, οἳ τὰσ πατρίδασ ἔχοντεσ ὑφ’ ἡμῖν, εἵλεσθε μετὰ τῶν ἐχθρῶν ἐπ’ αὐτὰσ στρατεύειν· δίδωμι δ’ ὑμῖν, τὰ ὅπλα καταθεῖσιν, ἀπαθέσιν ἀπιέναι. " ἀγανακτησάντων δ’ εὐθὺσ ὁμοῦ πάντων, καὶ ἀνακραγόντων οὐκ ἀποθήσεσθαι τὰ ὅπλα, μάχη γίγνεται καρτερά. καὶ τὸ μὲν ἥμισυ τῶν Κελτιβήρων, πολλὰ δρασάντων, κατεκόπη, τὸ δ’ ἥμισυ πρὸσ Μάγωνα διεσώθη. ὁ δ’ ἄρτι μὲν ἐσ τὸ στρατόπεδον τὸ Ἄννωνοσ κατεπεπλεύκει ναυσὶν ἑξήκοντα μακραῖσ, μαθὼν δὲ τὴν Ἄννωνοσ συμφορὰν ἐσ Γάδειρα διέπλει, καὶ λιμῷ κακοπαθῶν περιεσκόπει τὸ μέλλον. Καὶ Μάγων μὲν ἐπὶ ἀργίασ ἦν, Σιλανὸσ δ’ ἀπέσταλτο μὲν ὑπὸ τοῦ Σκιπίωνοσ Κάστακα πόλιν προσαγαγέσθαι, πολεμικῶσ δ’ αὐτῷ τῶν Καστακαίων ἐχόντων παρεστρατοπέδευε, καὶ τοῦτο ἐμήνυε τῷ Σκιπίωνι.

αὐτὸσ δ’ ἐσ Καρχηδόνα ἀνεζεύγνυε, Σιλανὸν καὶ Μάρκιον περιπέμψασ ἐπὶ τὸν πορθμόν, δῃοῦν ὅσα δύναιντο. ὁ δὲ προπέμψασ τινὰ παρασκευὴν πολιορκίασ εἵπετο· καὶ παροδεύων ἐνέβαλεν ἐσ Ἰλυργίαν πόλιν, ἣ Ῥωμαίων μὲν ἦν φίλη κατὰ τὸν πρότερον Σκιπίωνα, ἀναιρεθέντοσ δ’ ἐκείνου κρύφα μετετέθειτο, καὶ στρατιὰν ὑποδεξαμένη Ῥωμαίων ὡσ ἔτι φίλη, Καρχηδονίοισ ἐξεδεδώκει. ὧν χάριν ὁ Σκιπίων σὺν ὀργῇ τέσσαρσιν ὡρ́αισ ἐξεῖλεν αὐτήν, τρωθεὶσ μὲν τὸν αὐχένα, τῆσ δὲ μάχησ οὐκ ἀνασχὼν ἑώσ ἐκράτησεν. καὶ ἡ στρατιὰ δι’ αὐτὸν, οὐδενὸσ ἐπικελεύσαντοσ, ὑπεριδοῦσα τῆσ ἁρπαγῆσ, ἔκτεινον ὁμαλῶσ καὶ παιδία καὶ γυναῖκασ, μέχρι καὶ τὴν πόλιν αὐτοῖσ ἐπικατέσκαψαν. ἀφικόμενοσ δ’ ἐσ τὴν Κάστακα ὁ Σκιπίων τὸν μὲν στρατὸν ἐσ τρία διεῖλε καὶ τὴν πόλιν ἐφρούρει, μάχησ δὲ οὐκ ἦρχε, διδοὺσ ἔτι τοῖσ Καστακαίοισ μεταγνῶναι. καὶ γὰρ ἤκουεν αὐτοὺσ οὕτω φρονεῖν. οἱ δὲ τοῖσ φρουροῦσι σφᾶσ ἐμποδὼν οὖσιν ἐπιθέμενοι καὶ κρατήσαντεσ, ἐνεχείρισαν τὴν πόλιν τῷ Σκιπίωνι. καὶ τοῖσδε μὲν φρουρὰν ὁ Σκιπίων ἐπέστησε, καὶ τὴν πόλιν ἐπέτρεψεν ἑνὶ τῶν Καστακαίων ἐπὶ δόξησ ὄντι ἀγαθῆσ· Ἀσταπὰ δ’ ἦν πόλισ Καρχηδονίοισ ἀεὶ ἐμμείνασα ὁμαλῶσ·

οἳ τότε τοῦ Μαρκίου σφᾶσ περικαθημένου, συγγιγνώσκοντεσ ὅτι Ῥωμαῖοι λαβόντεσ αὐτοὺσ ἀνδραποδιοῦνται, τὴν περιουσίαν σφῶν ἐσ τὴν ἀγορὰν συνήνεγκαν, καὶ ξύλα περιθέντεσ αὐτῇ τὰ τέκνα καὶ τὰ γύναια ἐπέβησαν ἐπὶ τὴν ὕλην. πεντήκοντα δὲ σφῶν ὡρ́κωσαν τοὺσ ἀρίστουσ, ὅταν ἡ πόλισ ἁλίσκηται, τὰ γύναια καὶ τοὺσ παῖδασ ἀνελεῖν καὶ τὸ πῦρ ἅψαι καὶ ἑαυτοὺσ ἐπικατασφάξαι. οἱ μὲν δὴ μάρτυρασ τῶνδε ποιησάμενοι τοὺσ θεούσ, ἐξέδραμον ἐπὶ τὸν Μάρκιον οὐχ ὑφορώμενον οὐδέν, ὅθεν αὐτοῦ τοὺσ ψιλοὺσ καὶ τοὺσ ἱππέασ ἐτρέψαντο. ὁπλισαμένησ δὲ τῆσ φάλαγγοσ, τὰ μὲν τῶν Ἀσταπαίων ἦν ἄριστα, ἐξ ἀπογνώσεωσ μαχομένων, Ῥωμαῖοι δ’ ὅμωσ ἐκράτουν αὐτῶν διὰ τὸ πλῆθοσ· οὐ γὰρ δὴ τῇ γε ἀρετῇ χείρουσ ἦσαν οἱ Ἀσταπαῖοι. πεσόντων δὲ ἁπάντων, οἱ πεντήκοντα τὰσ γυναῖκασ καὶ τὰ παιδία κατέσφαξαν, καὶ τὸ πῦρ ἐγείραντεσ ἑαυτοὺσ ἐπέρριψαν, ἀκερδῆ τοῖσ πολεμίοισ τὴν νίκην ἐργασάμενοι. ὁ δὲ Μάρκιοσ τὴν ἀρετὴν τῶν Ἀσταπαίων καταπλαγεὶσ οὐκ ἐνύβρισεν ἐσ τὰ οἰκόπεδα αὐτῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 6

(아피아노스, The Foreign Wars, chapter 6)

상위

목록

SEARCH

MENU NAVIGATION