헬라어 문장 검색 - Αππιαν́ΤηεΦορέ65́

(아피아노스, The Foreign Wars, chapter 3)

Τοῦ δὲ Καίσαροσ ἡγουμένου Κελτῶν, οἱ Δαλμάται οἵδε, καὶ ὅσοι ἄλλοι Ἰλλυριῶν τότε μάλιστα διηυτύχουν, Λιβυρνούσ, ἕτερον ἔθνοσ Ἰλλυριῶν, Πρωμόναν πόλιν ἀφείλοντο· οἱ δὲ σφᾶσ Ῥωμαίοισ ἐπιτρέποντεσ ἐπὶ τὸν Καίσαρα ἐγγὺσ ὄντα κατέφευγον. ὁ δὲ ἔπεμψε μέν, καὶ προηγόρευσε τοῖσ ἔχουσι τὴν Πρωμόναν ἀποδοῦναι τοῖσ Λιβυρνοῖσ· οὐ φροντισάντων δὲ ἐκείνων τέλοσ ἔπεμψε στρατοῦ πολλοῦ, οὓσ ἅπαντασ ἔκτειναν οἱ Ἰλλυριοί. καὶ ὁ Καῖσαρ οὐκ ἐπεξῆλθεν· οὐ γὰρ ἦν οἱ σχολὴ τότε στασιάζοντι πρὸσ Πομπήιον. ἐκραγείσησ δὲ ἐσ πόλεμον τῆσ στάσεωσ ὁ μὲν Καῖσαρ μεθ’ ὅσων εἶχεν ἐκ Βρεντεσίου χειμῶνοσ τὸν Ιὄνιον ἐπέρα καὶ Πομπηίῳ κατὰ Μακεδονίαν ἐπολέμει, τοῦ δ’ ἄλλου στρατοῦ τὸν μὲν Ἀντώνιοσ ἐσ τὴν Μακεδονίαν ἦγε τῷ Καίσαρι, περῶν καὶ ὅδε τὸν Ιὄνιον χειμῶνοσ ἄκρου, σπείρασ δὲ πεζοῦ πεντεκαίδεκα καὶ τρισχιλίουσ ἱππέασ Γαβίνιοσ ἦγεν αὐτῷ διὰ τῆσ Ἰλλυρίδοσ, περιοδεύων τὸν Ιὄνιον. οἱ δὲ Ἰλλυριοὶ φόβῳ τῶν οὐ πρὸ πολλοῦ γεγονότων ἐσ Καίσαρα, τὴν νίκην αὐτοῦ νομίζοντεσ ὄλεθρον γενήσεσθαι ἑαυτοῖσ, κτείνουσι πάντα τὸν ὑπὸ τῷ Γαβινίῳ στρατὸν ἐπιδραμόντεσ, χωρὶσ αὐτοῦ Γαβινίου καὶ ὀλίγων διαφυγόντων. καὶ ἐσ χρήματα τότε μάλιστα καὶ τὴν ἄλλην ἰσχὺν ἐκ τοσῶνδε λαφύρων ἔστησαν. Ὁ δὲ Καῖσαρ ἠσχολεῖτο μὲν ὑπ’ ἀνάγκησ ἐσ Πομπήιον, καὶ Πομπηίου καθαιρεθέντοσ ἐσ τὰ ὑπόλοιπα τῆσ ἐκείνου στάσεωσ πολυμερῆ γενόμενα, καταστησάμενοσ δὲ πάντα ἐπανῆλθεν ἐσ Ῥώμην, καὶ ἐστράτευεν ἐπὶ Γέτασ τε καὶ Παρθυαίουσ.

ἔδεισαν οὖν οἱ Ἰλλυριοὶ μὴ ἐν ὁδῷ σφίσιν οὖσιν ἐπιθοῖτο, καὶ πρέσβεισ πέμψαντεσ ἐσ Ῥώμην ᾔτουν τε συγγνώμην τῶν γεγονότων καὶ ἐσ φίλιαν ἑαυτοὺσ καὶ συμμαχίαν ἐδίδοσαν, ὡσ περὶ ἔθνουσ ἀλκίμου μάλιστα σεμνολογούμενοι. ὁ δὲ ἐπειγόμενοσ ἄρα ἐσ Παρθυαίουσ σεμνότερον ὅμωσ αὐτοῖσ ἀπεκρίνατο, φίλουσ μὲν οὐ θήσεσθαι τοὺσ τοιαῦτα δεδρακότασ, συγγνώσεσθαι δέ, εἰ φόρουσ ὑποσταῖεν καὶ ὅμηρα δοῖεν. ὑπισχνουμένων δὲ ἐσ ἀμφότερα αὐτῶν Οὐατίνιον ἔπεμψε σὺν στρατοῦ τέλεσι τρισὶ καὶ ἱππεῦσι πολλοῖσ, φόρουσ τε ὀλίγουσ τάξοντα αὐτοῖσ καὶ τὰ ὅμηρα ληψόμενον. ἀναιρεθέντοσ δὲ τοῦ Καίσαροσ, ἡγούμενοι τὴν Ῥωμαίων ἰσχὺν ἐν τῷ Καίσαρι γεγονέναι τε καὶ διεφθάρθαι, οὐδὲν ἔτι τοῦ Οὐατινίου κατήκουον, οὔτε ἐσ τοὺσ φόρουσ οὔτε ἐσ τὰ ἄλλα, βιάζεσθαι δὲ ἐγχειροῦντοσ αὐτοὶ πέντε τάξεισ ἐπιδραμόντεσ ἔφθειραν, καὶ τὸν ἡγούμενον τῶν τάξεων Βαίβιον, ἄνδρα ἀπὸ βουλῆσ. καὶ Οὐατίνιοσ μὲν σὺν τοῖσ ὑπολοίποισ ἐσ Ἐπίδαμνον ἀνεχώρει· ἡ δὲ Ῥωμαίων βουλὴ τὸν στρατὸν τόνδε καὶ Μακεδονίαν ἐπ’ αὐτῷ, καὶ Ἰλλυριοὺσ ὅσων ἦρχον, ἐνεχείρισε Βρούτῳ Καιπίωνι τῷ κτείναντι Γάιον, ὅτε περ καὶ Συρίαν Κασσίῳ, καὶ τῷδε ἀνδροφόνῳ Γαϊού γενομένῳ. ἀλλὰ καὶ οἵδε, πολεμούμενοι πρὸσ Ἀντωνίου καὶ τοῦ δευτέρου Καίσαροσ τοῦ Σεβαστοῦ προσαγορευθέντοσ, ἐσ οὐδὲν ἐσχόλασαν Ἰλλυριοῖσ. Οἱ δὲ Παίονέσ εἰσιν ἔθνοσ μέγα παρὰ τὸν Ἴστρον, ἐπίμηκεσ ἐξ Ιἀπόδων ἐπὶ Δαρδάνουσ, Παίονεσ μὲν ὑπὸ τῶν Ἑλλήνων λεγόμενοι, καὶ ῥωμαϊστὶ Παννόνιοι, συναριθμούμενοι δὲ ὑπὸ Ῥωμαίων τῇ Ἰλλυρίδι, ὡσ προεῖπον.

διὸ καὶ περὶ τῶνδέ μοι δοκεῖ νῦν κατὰ τὰ Ἰλλυρικὰ εἰπεῖν. ἔνδοξοι δ’ εἰσὶν ἐκ Μακεδόνων δι’ Ἀγριᾶνασ, οἳ τὰ μέγιστα Φιλίππῳ καὶ Ἀλεξάνδρῳ κατεργασάμενοι Παίονέσ εἰσι τῶν κάτω Παιόνων, Ἰλλυριοῖσ ἔποικοι. ἐπεὶ δ’ ἐπὶ τοὺσ Παίονασ ἐστράτευσε Κορνήλιοσ, κακῶσ ἀπαλλάξασ μέγα δέοσ Παιόνων Ἰταλοῖσ ἅπασιν ἐνεποίησε, καὶ ἐσ πολὺ τοῖσ ἔπειτα ὑπάτοισ ὄκνον ἐπὶ Παίονασ ἐλαύνειν. τὰ μὲν δὴ πάλαι τοσαῦτα περὶ Ἰλλυριῶν καὶ Παιόνων ἔσχον εὑρεῖν· ἐν δὲ τοῖσ ὑπομνήμασι τοῦ δευτέρου Καίσαροσ τοῦ κληθέντοσ Σεβαστοῦ, παλαιότερον μὲν οὐδὲν οὐδ’ ἐν τοῖσδε περὶ Παιόνων ηὑρ͂ον. Ἰλλυριῶν δέ μοι φαίνεται χωρὶσ τῶν εἰρημένων ἐθνῶν καὶ ἕτερα Ῥωμαίων προϋπακοῦσαι.

καὶ ὅπωσ μεν, οὐκ ἔγνων· οὐ γὰρ ἀλλοτρίασ πράξεισ ὁ Σεβαστόσ, ἀλλὰ τὰσ ἑαυτοῦ συνέγραφεν, ὡσ δ’ ἀποστάντασ ἐσ τοὺσ φόρουσ ἐπανήγαγε, καὶ ἑτέρουσ ὡσ ἀρχῆθεν ἔτι ὄντασ αὐτονόμουσ εἷλε, καὶ πάντασ ἐκρατύνατο ὅσοι τὰσ κορυφὰσ οἰκοῦσι τῶν Ἄλπεων, βάρβαρα καὶ μάχιμα ἔθνη, καὶ κλοπεύοντα τὴν Ἰταλίαν ὡσ γείτονα. καί μοι θαῦμά ἐστιν ὅτι καὶ πολλοὶ καὶ μεγάλοι Ῥωμαίων στρατοὶ ἐπὶ Κελτοὺσ καὶ Ἴβηρασ διὰ τῶν Ἄλπεων ὁδεύοντεσ ὑπερεῖδον τάδε τὰ ἔθνη, καὶ οὐδὲ Γάιοσ Καῖσαρ, εὐτυχέστατοσ ἐσ πολέμουσ ἀνήρ, ἐξήνυσεν αὐτά, ὅτε Κελτοῖσ ἐπολέμει καὶ δέκα ἔτεσιν ἀμφὶ τήνδε τὴν χώραν ἐχείμαζεν. ἀλλά μοι δοκοῦσιν οἱ μέν, ἐφ’ ἃ ᾑρέθησαν ἐπειγόμενοι, τῆσ διόδου τῶν Ἄλπεων μόνησ φροντίσαι, ὁ δὲ Γάιοσ ἀμφί τε τὰ Κελτικὰ γενέσθαι, καὶ τῆσ στάσεωσ τοῦ Πομπηίου τὰ Κελτικὰ ἐπιλαβούσησ τὸ τούτων τέλοσ ὑπερθέσθαι. φαίνεται μὲν γὰρ καὶ Ἰλλυρίδοσ ἅμα Κελτοῖσ αἱρεθεὶσ ἄρχειν, οὐ πάσησ δ’ ἄρα ἦρχεν ἀλλ’ ὅση τισ ἦν τότε Ῥωμαίοισ Ἰλλυρίσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 3

(아피아노스, The Foreign Wars, chapter 3)

상위

목록

SEARCH

MENU NAVIGATION