헬라어 문장 검색 - Αππιαν́ΤηεΦορέ93́

(아피아노스, The Foreign Wars, chapter 13)

Τιγράνησ δὲ καὶ Μιθριδάτησ στρατὸν ἄλλον ἤθροιζον περιιόντεσ, οὗ τὴν στρατηγίαν ἐπετέτραπτο Μιθριδάτησ, ἡγουμένου Τιγράνουσ αὐτῷ γεγονέναι τὰ παθήματα διδάγματα. ἔπεμπον δὲ καὶ ἐσ τὸν Παρθυαῖον, ἐπικουρεῖν σφίσι παρακαλοῦντεσ. ἀντιπρεσβεύοντοσ δὲ Λευκόλλου, καὶ ἀξιοῦντοσ ἢ οἷ συμμαχῆσαι ἢ ἀμφοτέροισ ἐκστῆναι τοῦ ἀγῶνοσ, ὁ μὲν κρύφα συντιθέμενοσ ἑκατέροισ, οὐκ ἔφθασεν οὐδετέροισ ἀμῦναι, ὁ δὲ Μιθριδάτησ ὅπλα τε εἰργάζετο κατὰ πόλιν ἑκάστην, καὶ ἐστρατολόγει σχεδὸν ἅπαντασ Ἀρμενίουσ. ἐπιλεξάμενοσ δ’ αὐτῶν τοὺσ ἀρίστουσ, ἐσ ἑπτακισμυρίουσ πεζοὺσ καὶ ἱππέασ ἡμίσεασ, τοὺσ μὲν ἄλλουσ ἀπέλυσε, τοὺσ δ’ ἐσ ἴλασ τε καὶ σπείρασ ἀγχοτάτω τῆσ Ἰταλικῆσ συντάξεωσ καταλέγων Ποντικοῖσ ἀνδράσι γυμνάζειν παρεδίδου. προσιόντοσ δ’ αὐτοῖσ τοῦ Λευκόλλου, ὁ μὲν Μιθριδάτησ τὸ πεζὸν ἅπαν καὶ μέροσ τι τῶν ἱππέων ἐπὶ λόφου συνεῖχε, τῇ λοιπῇ δ’ ἵππῳ Τιγράνησ τοῖσ σιτολογοῦσι Ῥωμαίοισ περιπεσὼν ἡσσᾶτο. καὶ μᾶλλον ἀδεῶσ ἀπὸ τοῦδε οἱ Ῥωμαῖοι πλησίον αὐτοῦ Μιθριδάτου ἐσιτολόγουν τε καὶ ἐστρατοπέδευον. κονιορτὸσ δ’ αὖθισ ἠγείρετο πολὺσ ὡσ ἐπιόντοσ τοῦ Τιγράνουσ· καὶ τὸ ἐνθύμημα ἦν ἐν μέσῳ Λεύκολλον ἀμφοῖν γενέσθαι. ὁ δ’ αἰσθόμενοσ τοὺσ μὲν ἀρίστουσ τῶν ἱππέων προύπεμψε πορρωτάτω συμπλέκεσθαι τῷ Τιγράνῃ καὶ κωλύειν αὐτὸν ἐξ ὁδοιπορίασ ἐσ τάξιν καθίστασθαι, αὐτὸσ δὲ τὸν Μιθριδάτην προκαλούμενοσ ἐσ μάχην . . . . . . καὶ περιταφρεύων οὐκ ἠρέθιζεν, ἑώσ χειμὼν ἐπιπεσὼν διέλυσε τὸ ἔργον ἅπασιν. Καὶ Τιγράνησ μὲν ἐξ ὅλησ Ἀρμενίασ ἐσ τὰ ἐντὸσ ἀνεζεύγνυεν, ὁ δὲ Μιθριδάτησ ἐσ τὸν Πόντον ἐπὶ τὰ λοιπὰ τῆσ ἰδίασ ἀρχῆσ ἠπείγετο, τετρακισχιλίουσ οἰκείουσ ἔχων, καὶ τοσούσδε ἑτέρουσ παρὰ Τιγράνουσ λαβών.

ἐφείπετο δ’ αὐτῷ καὶ ὁ Λεύκολλοσ, ἀναζευγνὺσ καὶ ὅδε διὰ τὴν ἀπορίαν. φθάσασ δ’ αὐτὸν ὁ Μιθριδάτησ ἐπέθετο Φαβίῳ τῷ δεῦρο ἐκ Λευκόλλου στρατηγεῖν ὑπολελειμμένῳ, καὶ τρεψάμενοσ αὐτὸν ἔκτεινε πεντακοσίουσ. ἐλευθερώσαντοσ δὲ τοῦ Φαβίου θεράποντασ ὅσοι ἦσαν ἐν τῷ στρατοπέδῳ, καὶ δι’ ὅλησ ἡμέρασ αὖθισ ἀγωνιζομένου, παλίντροποσ ἦν ὁ ἀγών, μέχρι τὸν Μιθριδάτην, πληγέντα λίθῳ τε ἐσ τὸ γόνυ καὶ ὑπὸ τὸν ὀφθαλμὸν βέλει, κατὰ σπουδὴν ἀποκομισθῆναι, καὶ πολλὰσ ἡμέρασ τοὺσ μὲν φόβῳ τοῦ βασιλέωσ τῆσ σωτηρίασ, τοὺσ δὲ ὑπὸ πλήθουσ τραυμάτων ἠρεμῆσαι. Μιθριδάτην μὲν οὖν ἐθεράπευον Ἄγαροι, Σκυθικὸν ἔθνοσ, ἰοῖσ ὄφεων ἐσ τὰσ θεραπείασ χρώμενοι καὶ ἐπὶ τῷδε ἀεὶ βασιλεῖ συνόντεσ· Φαβίῳ δὲ Τριάριοσ, ἕτεροσ Λευκόλλου στρατηγόσ, ἐπελθὼν μετ’ οἰκείου στρατοῦ, τήν τε ἀρχὴν παρὰ τοῦ Φαβίου καὶ τὸ ἀξίωμα παρελαμβανεν. καὶ μετ’ οὐ πολὺ χωρούντων ἐσ μάχην αὐτοῦ τε καὶ Μιθριδάτου, πνεῦμα, οἱο͂ν οὐκ ἐμνημονεύετο γενέσθαι, τάσ τε σκηνὰσ ἀμφοτέρων διέρριψε καὶ τὰ ὑποζύγια παρέσυρε καὶ τῶν ἀνδρῶν ἔστιν οὓσ κατεκρήμνισεν. Καὶ τότε μὲν ἀνεχώρουν ἑκάτεροι, ἀπαγγελλομένου δὲ Λευκόλλου προσιέναι, προλαβεῖν τὸ ἔργον ὁ Τριάριοσ ἐπειγόμενοσ ἔτι νυκτὸσ ἐπεχείρει ταῖσ Μιθριδάτου προφυλακαῖσ.

ἰσομάχου δ’ ἐσ πολὺ τοῦ ἀγῶνοσ ὄντοσ, ὁ βασιλεὺσ ἐσ τὸ καθ’ αὑτὸν μέροσ ἐπιβαρήσασ ἔκρινε τὴν μάχην, καὶ διασπάσασ τοὺσ πολεμίουσ τὸ πεζὸν αὐτῶν κατέκλεισεν ἐσ διώρυχα πηλοῦ, ἔνθα διεφθείροντο στῆναι μὴ δυνάμενοι. τοὺσ δ’ ἱππέασ ἀνὰ τὸ πεδίον ἐδίωκεν, ἐκθύμωσ τῇ φορᾷ τῆσ εὐτυχίασ καταχρώμενοσ, ἔστε τισ αὐτὸν Ῥωμαῖοσ λοχαγόσ, οἱᾶ θεράπων αὐτῷ συντροχάζων, ἐσ τὸν μηρὸν ἐπάταξε ξίφει πληγὴν βαθεῖαν, οὐκ ἐλπίσασ ἐσ τὰ νῶτα διὰ τοῦ θώρακοσ ἐφίξεσθαι. καὶ τόνδε μὲν εὐθὺσ οἱ πλησίον συνέκοπτον, ὁ δὲ Μιθριδάτησ ἀπεφέρετο ὀπίσω, καὶ οἱ φίλοι τὴν στρατιὰν ἀπὸ νίκησ λαμπρᾶσ ἀνεκάλουν σὺν ἐπείξει βαρείᾳ. ἐνέπιπτε δὲ τοῖσ μαχομένοισ ἐπὶ τῷ παραλόγῳ τῆσ ἀνακλήσεωσ θόρυβόσ τε καὶ ἀπορία, μή τι δεινὸν ἑτέρωθεν εἰή, μέχρι μαθόντεσ εὐθὺσ ἐν τῷ πεδίῳ τὸ σῶμα περιίσταντο καὶ ἐθορύβουν, ἑώσ Τιμόθεοσ αὐτοῖσ ὁ ἰατρόσ, ἐπισχὼν τὸ αἷμα, ἐπέδειξεν αὐτὸν ἐκ μετεώρου, οἱο͂́ν τι καὶ Μακεδόσιν ἐν Ἰνδοῖσ, ὑπὲρ Ἀλεξάνδρου δεδιόσιν, ὁ Ἀλέξανδροσ αὑτὸν ἐπὶ νεῶσ θεραπευόμενον ἐπέδειξεν. ὁ δὲ Μιθριδάτησ ὡσ ἀνήνεγκεν, αὐτίκα τοῖσ ἀνακαλέσασιν ἐκ τῆσ μάχησ κατεμέμφετο, καὶ τὸν στρατὸν αὐτῆσ ἡμέρασ ἦγεν αὖθισ ἐπὶ τὸ Ῥωμαίων στρατόπεδον. οἱ δὲ καὶ ἐκ τοῦδε ἐπεφεύγεσαν ἤδη σὺν δέει. σκυλευομένων δὲ τῶν νεκρῶν ἐφαίνοντο χιλίαρχοι μὲν εἴκοσι καὶ τέσσαρεσ, ἑκατόνταρχοι δὲ πεντήκοντα καὶ ἑκατόν, ὅσον ἡγεμόνων πλῆθοσ οὐ ῥᾳδίωσ συνέπεσε Ῥωμαίοισ ἐν ἥττῃ μιᾷ. Ὁ δὲ Μιθριδάτησ ἐσ Αρμενίαν, ἣν δὴ νῦν Ῥωμαῖοι βραχυτέραν Ἀρμενίαν καλοῦσιν, ἀνεζεύγνυ, τὰ μὲν εὐκόμιστα πάντα σιτολογῶν, τὰ δὲ δυσχερῆ διαφθείρων τε καὶ Λεύκολλον ἐπιόντα προαφαιρούμενοσ.

καί τισ ἀνὴρ Ῥωμαῖοσ, ἀπὸ βουλῆσ, Ἀττίδιοσ ὄνομα, διὰ δίκην φυγὼν ἐκ τῆσ πατρίδοσ ἐσ Μιθριδάτην πρὸ πολλοῦ καὶ φιλίασ ἀξιούμενοσ, ἑάλω τότε ἐπιβουλεύων αὐτῷ. καὶ τόνδε μὲν ὁ βασιλεὺσ οὐ δικαιῶν βασανίσαι, Ῥωμαίων ποτὲ βουλευτὴν γενόμενον, ἔκτεινε, τοὺσ δὲ συναμαρτόντασ ᾐκίσατο δεινῶσ. ἀπελεύθεροι δ’ ὅσοι τῷ Ἀττιδίῳ συνεγνώκεσαν, ἀπαθεῖσ ἀφῆκεν ὡσ δεσπότῃ διακονησαμένουσ. Λευκόλλου δ’ ἤδη τῷ Μιθριδάτῃ παραστρατοπεδεύοντοσ, ὁ τῆσ Ἀσίασ στρατηγὸσ περιπέμπων ἐκήρυσσε Ῥωμαίουσ ἐπικαλεῖν Λευκόλλῳ πέρα τοῦ δέοντοσ πολεμοῦντι, καὶ τοὺσ ὑπ’ αὐτῷ τῆσ στρατείασ ἀφιέναι, καὶ τῶν οὐ πειθομένων τὰ ὄντα δημεύσειν. ὧν ἐξαγγελθέντων ὁ στρατὸσ αὐτίκα διελύετο, χωρὶσ ὀλίγων. ὅσοι πάνυ πένητεσ ὄντεσ καὶ τὴν ζημίαν οὐ δεδιότεσ τῷ Λευκόλλῳ παρέμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 13

(아피아노스, The Foreign Wars, chapter 13)

상위

목록

SEARCH

MENU NAVIGATION