헬라어 문장 검색 - Αππιαν́ΤηεΦορέ41́

(아피아노스, The Foreign Wars, chapter 3)

Καὶ Μασσανάσσησ μὲν Καρχηδονιοισ οὕτωσ ἐπολέμει, ὁ δὲ Σκιπίων, ἐπεί οἱ πάντα εὐτρεπῆ ἐγεγένητο ἐν Σικελίᾳ, ἔθυε Διὶ καὶ Ποσειδῶνι, καὶ ἐσ Λιβύην ἀνήγετο ἐπὶ νεῶν μακρῶν μὲν δύο καὶ πεντήκοντα φορτίδων δὲ τετρακοσίων· κέλητέσ τε καὶ λέμβοι πολλοὶ συνείποντο αὐτῷ. καὶ στρατιὰν ἦγε πεζοὺσ μὲν ἑξακισχιλίουσ ἐπὶ μυρίοισ, ἱππέασ δὲ χιλίουσ καὶ ἑξακοσίουσ. ἐπήγετο δὲ καὶ βέλη καὶ ὅπλα καὶ μηχανήματα ποικίλα καὶ ἀλορὰν πολλήν. καὶ Σκιπίων μὲν ὧδε διέπλει, Καρχηδόνιοι δὲ καὶ Σύφαξ πυνθανόμενοι ἔγνωσαν ἐν τῷ παρόντι ὑποκρίνασθαί τε Μασσανάσσην καὶ ἐσ φιλίαν ὑπαγαγέσθαι, μέχρι ὅτου Σκιπίωνοσ ἐπικρατήσαιεν. ὁ δ’ οὐκ ἠγνόει μὲν ἐξαπατώμενοσ, ἀντενεδρεύων δέ, καὶ μηνύων πάντα τῷ Σκιπίωνι, ἧκε πρὸσ τὸν Ἀσδρούβαν ὡσ συνηλλαγμένοσ μετὰ τῶν ἰδίων ἱππέων. καὶ ἐστρατοπέδευον οὐ μακρὰν ἀπ’ ἀλλήλων Ἀσδρούβασ τε καὶ Σύφαξ καὶ Μασσανάσσησ περὶ Ἰτύκην πόλιν, ἐσ ἣν ὁ Σκιπίων καταχθεὶσ ὑπ’ ἀνέμων καὶ αὐτὸσ ἐστρατοπέδευσε περὶ αὐτήν. οὐ πολὺ δ’ ἀπεῖχεν ὁ Ἀσδρούβασ αὐτοῦ, στρατιὰν ἔχων ἐσ δισμυρίουσ πεζοὺσ καὶ ἱππέασ ἑπτακισχιλίουσ καὶ ἐλέφαντασ ἑκατὸν ἐπὶ τεσσαράκοντα. Σύφαξ μὲν οὖν, εἴτε δείσασ εἴτε ἄπιστοσ ἐσ ἑκατέρουσ γιγνόμενοσ παρὰ μέροσ, ἐσκήψατό τι λυπεῖν τὴν ἀρχὴν αὐτοῦ τοὺσ ὁμόρουσ βαρβάρουσ, καὶ ἀνεζεύγνυεν ἐσ τὰ οἰκεῖα·

Μασσανάσσησ δ’, ἐπεὶ τοῦτο ἐξετετέλεστο, ἀπήντα τῷ Ἄννωνι κατὰ σπουδὴν ὡσ φίλοσ ἐπανιόντι, καὶ συλλαβὼν αὐτὸν ἀπῆγεν ἐσ τὸ τοῦ Σκιπίωνοσ στρατόπεδον, καὶ ἀντέδωκεν Ἀσδρούβᾳ τῆσ μητρὸσ τῆσ ἑαυτοῦ. Σκιπίων δὲ κατ’ ὀλίγουσ ἔπεμπεν ἐπιχειρεῖν τῷ Ἀσδρούβᾳ, καί τινεσ αὐτῷ καὶ τῶν πόλεων προσεχώρουν. νυκτὸσ δὲ λαθὼν ὁ Μασσανάσσησ ἧκεν ἐπὶ τὸ στρατόπεδον τοῦ Σκιπίωνοσ, καὶ δεξιωσάμενοσ αὐτὸν ἐδίδασκε τῆσ ἐπιούσησ ἔσ τι χωρίον ἀπὸ τριάκοντα σταδίων Ἰτύκησ, ἔνθα πύργοσ ἔστιν Ἀγαθοκλέουσ ἔργον τοῦ Συρακοσίων τυράννου, μὴ πλείουσ πεντακισχιλίων ἐνεδρεῦσαι. ἅμα δ’ ἡμέρᾳ τὸν Ἀσδρούβαν ἔπειθε τὸν ἵππαρχον Ἄννωνα πέμψαι τό τε πλῆθοσ τῶν ἐχθρῶν ἐπισκεψόμενον καὶ ἐσ Ἰτύκην ἐσδραμούμενον, μή τι πλησιαζόντων πολεμίων νεωτερίσειαν· καὶ αὐτὸσ ὑπισχνεῖτο, εἰ κελεύοιτο, ἕψεσθαι. Ἄννων μὲν δὴ χιλίουσ ἦγεν ἐπιλέκτουσ ἱππέασ Καρχηδονίουσ καὶ Λιβύων τι πλῆθοσ, Μασσανάσσησ δὲ Νομάδασ τοὺσ ἑαυτοῦ· ὡσ δ’ ἐπὶ τὸν πύργον ἀφίκοντο καὶ ὁ Ἄννων ἐξίππευσεν ἐσ τὴν Ἰτύκην σὺν ὀλίγοισ, μέροσ τι τῆσ ἐνέδρασ ἐξεφαίνετο, καὶ ὁ Μασσανάσσησ ἐκέλευσε τὸν τεταγμένον ἐπὶ τοῖσ ἱππεῦσι τῶν Καρχηδονίων ἐπιδραμεῖν αὐτοῖσ ὡσ οὖσιν ὀλίγοισ. καὶ αὐτὸσ ἐκ βραχέοσ εἵπετο ὡσ ἐπιβοηθήσων. ἐν μέσῳ δὲ τῶν Λιβύων γενομένων, ἥ τε πλείων ἐνέδρα κατεφαίνετο, καὶ συνηκόντισαν αὐτοὺσ ἑκατέρωθεν οἵ τε Ῥωμαῖοι καὶ ὁ Μασσανάσσησ, πλὴν τετρακοσίων, οἳ ἐλήφθησαν αἰχμάλωτοι. Σκιπίων δὲ καὶ Μασσανάσσησ τὴν χώραν ἐπόρθουν, καὶ Ῥωμαίων ἐξέλυον ὅσοι δεθέντεσ ἔσκαπτον ἐν τοῖσ ἀγροῖσ, ἐξ Ἰβηρίασ ἢ Σικελίασ ἢ ἀπ’ αὐτῆσ τῆσ Ἰταλίασ πεμφθέντεσ ὑπὸ Ἀννίβου.

πολιορκοῦσι δ’ αὐτοῖσ πόλιν μεγάλην ᾗ ὄνομα ἦν Λόχα, καὶ πολλὰ δεινὰ πάσχουσιν, οἱ μὲν Λοχαῖοι προστιθεμένων τῶν κλιμάκων ἐπεκηρυκεύοντο ἐκλείψειν τὴν πόλιν ὑπόσπονδοι, καὶ ὁ Σκιπίων ἀνεκάλει τῇ σάλπιγγι τὴν στρατιάν· ἡ δ’ οὐχ ὑπήκουεν ὑπ’ ὀργῆσ ὧν ἐπεπόνθεσαν, ἀλλ’ ἐπιβάντεσ τοῖσ τείχεσι καὶ γύναια καὶ παιδία κατέσφαττον· ὁ δὲ τοὺσ μὲν ἔτι ὄντασ Λοχαίων ἀφῆκεν ἀπαθεῖσ, τὴν δὲ στρατιὰν τὴν λείαν ἀφείλετο, καὶ τοὺσ λοχαγούσ, ὅσοι συνεξήμαρτον, ἐκλήρωσεν ἐν τῷ μέσῳ, καὶ τρεῖσ τοὺσ λαχόντασ ἐκόλασε θανάτῳ. καὶ τάδε πράξασ αὖθισ ἐλεηλάτει. Ἀσδρούβασ δ’ αὐτοὺσ ἐνήδρευε, Μάγωνα μὲν τὸν ἵππαρχον ἐπιπέμψασ ἐκ μετώπου, αὐτὸσ δὲ ὄπισθεν ἐπιών. οἱ δ’ ἐν μέσῳ γενόμενοι τὸ ἔργον ἐμερίσαντο, καὶ ἐσ ἑκατέρουσ αὐτῶν ἑκάτεροσ ἐπιστραφεὶσ πεντακισχιλίουσ τῶν Λιβύων ἀπέκτειναν, καὶ χιλίουσ καὶ ὀκτακοσίουσ ἔλαβον αἰχμαλώτουσ, τοὺσ δὲ λοιποὺσ ἐσ τὰσ πέτρασ κατήραξαν. Καὶ ὁ Σκιπίων εὐθὺσ ἐπὶ τοῖσδε προσέβαλεν Ἰτύκῃ κατὰ γῆν καὶ κατὰ θάλασσαν, δύο μὲν πεντήρεσιν ἐζευγμέναισ πύργον ἐπιθείσ, ὅθεν τριπήχη βέλη καὶ λίθουσ μεγάλουσ ἐσ τοὺσ πολεμίουσ ἠφίει, καὶ πολλὰ μὲν ἐλύπει πολλὰ δ’ ἀντέπασχε θραυομένων τῶν νεῶν, χώματα δ’ ἐπαίρων μέγιστα, καὶ κριοῖσ τὸ τεῖχοσ, ὅτε προσπελάσειε, τύπτων, δρεπάνοισ τε περισπῶν ὅσαι βύρσαι περὶ αὐτὸ καὶ ἄλλα σκεπαστήρια ἦν.

οἱ δὲ τὰ μὲν χώματα ὑπετάφρευον, καὶ τὰ δρέπανα βρόχοισ παρῆγον, καὶ τοὺσ κριοὺσ τῆσ ὁρμῆσ ἐξέλυον, ἐπιβάλλοντεσ ἐπικαρσίασ δοκούσ· ἐσ δὲ τὰσ μηχανὰσ ἐξεπήδων μετὰ πυρόσ, ὅτε πνεῦμα φυλάξειαν ἐσ αὐτὰσ ἐπίφορον. ὅθεν ὁ Σκιπίων ἀπογνοὺσ οὕτωσ αἱρήσειν τὴν πόλιν, ἐσ πολιορκίαν αὐτῆσ καθίστατο. Σύφαξ δὲ τῶν γιγνομένων πυνθανόμενοσ ἧκε μετὰ τοῦ στρατοῦ, καὶ οὐ μακρὰν ἐστάθμευεν ἀπὸ Ἀσδρούβου.

ἔτι δ’ ὑποκρινόμενοσ εἶναι φίλοσ ἑκατέροισ, καὶ τρίβειν τὸν πόλεμον ἐγνωκὼσ μέχρι νῆέσ τε ἕτεραι ναυπηγούμεναι πρὸσ τῶν Καρχηδονίων ἐπιγένοιντο καὶ μισθοφόροι τινὲσ Κελτῶν καὶ Λιγύων ἐπέλθοιεν, ἐπεχείρει διαιτᾶν διαλύσεισ, καὶ ἐδικαίου μήτε Ῥωμαίουσ Λιβύησ μήτε Καρχηδονίουσ Ἰταλίασ ἐπιβαίνειν ἐπὶ πολέυῳ, ἔχειν δὲ Ῥωμαίουσ Σικελίαν καὶ Σαρδὼ καὶ εἴ τινασ ἄλλασ νήσουσ ἔχουσι, καὶ Ἰβηρίαν. ἢν δέ τισ ἀπειθῇ, τοῖσ πειθομένοισ ἔφη συμμαχήσειν. ἅμα δὲ ταῦτ’ ἔπρασσε, καὶ Μασσανάσσην ἐπείρα μεταθέσθαι πρὸσ αὑτόν, τήν τε Μασσυλίων ἀρχὴν αὐτῷ βεβαιώσειν ὑπισχνούμενοσ, καὶ τῶν θυγατέρων τριῶν οὐσῶν δώσειν ἐσ γάμον ἣν ἂν ἐθέλῃ. ἔφερε δ’ ὁ ταῦτα λέγων χρυσίον, ἵνα, εἰ μὴ πείσειε, δοίη τῶν θεραπευτήρων αὐτοῦ τῷ κτείνειν Μασσανάσσην ὑπισχνουμένῳ. ὁ μὲν δὴ μὴ πείθων ἔδωκέ τινι τὸ χρυσίον ἐπὶ τῷ φόνῳ· ὁ δὲ λαβὼν ἔδειξε τῷ Μασσανάσσῃ, καὶ τὸν δόντα ἤλεγξεν. Σύφαξ δ’ οὐ προσδοκῶν ἔτι λήσειν, φανερῶσ τοῖσ Καρχηδονίοισ συνεμάχει, πόλιν τε ἐν μεσογείῳ Θολοῦντα, Ῥωμαίων παρασκευὴν καὶ σῖτον πολὺν ἔχουσαν, ἐκ προδοσίασ εἷλε, καὶ τοὺσ φρουροῦντασ αὐτὴν ἔκτεινεν οὐκ ἐθελήσαντασ ἀπελθεῖν ὑποσπόνδουσ, συμμαχίαν τε ἄλλην πολλὴν Νομάδων μετεπέμπετο.

καὶ οἱ μισθοφόροι παρῆσαν αὐτοῖσ ἤδη, καὶ νῆεσ εὐτρεπῶσ εἶχον, ὥστε ἔγνωστο πολεμεῖν Σύφακα μὲν ὁρμώμενον ἐπὶ τοὺσ πολιορκοῦντασ Ἰτύκην, Ἀσδρούβαν δ’ ἐπὶ τὸ Σκιπίωνοσ στρατόπεδον. τὰσ δὲ ναῦσ ἔδει ταῖσ ναυσὶν ἐπιπλεῖν, καὶ γίγνεσθαι ταῦτα τῆσ ἐπιούσησ ἡμέρασ ἅπαντα ὁμοῦ, ἵνα μὴ διαρκέσειαν αὐτοῖσ οἱ Ῥωμαῖοι διὰ τὴν ὀλιγότητα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 3

(아피아노스, The Foreign Wars, chapter 3)

상위

목록

SEARCH

MENU NAVIGATION