헬라어 문장 검색 - Αππιαν́ΤηεΦορέ45́

(아피아노스, The Foreign Wars, chapter 7)

Καρχηδονίων δ’ ἡ μὲν βουλὴ τὰ συμβάντα ὑπερησπάζετο, καὶ παρεκάλει τὸν δῆμον ἐμμεῖναι τοῖσ ἐγνωσμένοισ, τήν τε κακοπραγίαν σφῶν τὴν ἐσ ἅπαντα διηγουμένη καὶ τὴν παροῦσαν ἀπορίαν στρατοῦ τε καὶ χρημάτων καὶ ἀγορᾶσ. οἱ δέ, οἱο͂ν ὄχλοσ, ἀφρόνωσ ἡγοῦντο τοὺσ στρατηγοὺσ σφῶν δι’ ἑαυτοὺσ ταῦτα Ῥωμαίοισ συντίθεσθαι, ἵνα δι’ ἐκείνων δυναστεύσωσι τῆσ πατρίδοσ· ὃ καὶ Ἀννίβαν νῦν καὶ Ἀσδρούβαν οὐ πρὸ πολλοῦ ποιῆσαί τε, καὶ τὸ στρατόπεδον νυκτὸσ ἐγχειρίσαντα τοῖσ πολεμίοισ, μετ’ ὀλίγον καὶ ἑαυτὸν ἐθελῆσαι τῷ Σκιπίωνι ἐνδοῦναι ἐπὶ τῷδε προσπελάσαντα, κρύπτεσθαί τε νῦν ἐν τῇ πόλει. βοῆσ δ’ ἐπὶ τούτῳ καὶ θορύβου γενομένου. τὴν ἐκκλησίαν τινὲσ καταλιπόντεσ ἐζήτουν Ἀσδρούβαν περιιόντεσ. ὁ δ’ ἔφθασε μὲν ἐσ τὸν τοῦ πατρὸσ τάφον καταφυγὼν καὶ φαρμάκῳ διαχρησάμενοσ αὑτόν· οἱ δὲ κἀκεῖθεν αὐτοῦ τὸν νέκυν ἐξελόντεσ, καὶ τὴν κεφαλὴν αὐτοῦ ἀποτεμόντεσ περιέφερον ἐπὶ δόρατοσ ἀνὰ τὴν πόλιν. Ἀσδρούβασ μὲν δὴ καὶ τὸ πρῶτον ἀδίκωσ ἐξεπεπτώκει, καὶ τὸ δεύτερον ψευδῶσ διεβέβλητο ὑπὸ Ἄννωνοσ, καὶ τότε πρὸσ Καρχηδονίων οὕτωσ ἀνῄρητο καὶ οὕτωσ ἀποθανὼν ὑβρίζετο. Καρχηδόνιοι δ’ ἐπέστελλον Ἀννίβᾳ λῦσαι τὰσ ἀνοχὰσ καὶ πολεμεῖν Σκιπίωνι, κρῖναι δ’ ὅτι τάχιστα τὸν πόλεμον μάχῃ διὰ τὴν ἀπορίαν.

ὁ μὲν δὴ πέμψασ ἔλυσε τὰσ ἀνοχάσ, καὶ Σκιπίων Πάρθον τε, μεγάλην πόλιν, αὐτίκα προσπεσὼν εἷλε, καὶ πλησίον Ἀννίβου μετεστρατοπέδευεν. ο δὲ ἀνεζεύγνυε, τρεῖσ τοῖσ Ῥωμαιοισ κατασκοπουσ ἐπιπέμψασ, οὓσ ὁ Σκιπίων ἔλαβέ τε καὶ οὐκ ἔκτεινεν, ὥσπερ ἔθοσ τοὺσ κατασκόπουσ κτείνειν, ἀλλ’ ἐσ τὸ στρατόπεδον καὶ τὰσ ὁπλοθήκασ καὶ τὰ μηχανήματα περιαχθῆναι κελεύσασ, καὶ τὴν στρατιὰν γυμναζομένην ἰδεῖν, ἀπέλυσε φράζειν Αννίβᾳ περὶ ἑκάστων. ὁ δὲ ἠξίωσεν ἔτι συνελθεῖν ἐσ λόγουσ Σκιπίωνι, καὶ συνελθὼν ἔλεγε Καρχηδονίουσ ἀγανακτῆσαι τῇ πρότερον εἰρήνῃ διὰ τὰ χρήματα, καὶ εἰ τοῦτο ἐκλυθείη, Σικελίασ δὲ μόνον ἀξιοῖεν οἱ Ῥωμαῖοι καὶ Ἰβηρίασ καὶ νήσων ὅσων ἄρχουσι κρατεῖν, ἔσεσθαι τὰσ συνθήκασ βεβαίουσ. ὁ δὲ "πολύ," ἔφη, "κέρδοσ Ἀννίβᾳ τῆσ φυγῆσ ἔσται τῆσ ἐξ Ἰταλίασ, εἰ ταῦτα προσλάβοι παρὰ Σκιπιωνοσ. " καὶ ἀπηγόρευε πέμπειν ἔτι πρὸσ αὐτόν. διαπειλησάμενοί τε ἀλλήλοισ ἀνεζεύγνυον ἑκάτεροσ ἐσ τὸ αὑτοῦ στρατόπεδον. Πόλισ δ’ ἐγγὺσ ἦν Κίλλα, καὶ παρ’ αὐτὴν λόφοσ εὐφυὴσ ἐσ στρατοπεδείαν, ὃν ἐπινοῶν ὁ Αννίβασ προλαβεῖν, ἔπεμπέ τινασ διαγράφειν τὸ στρατόπεδον, καὶ εὐθὺσ ἀναστήσασ ἐβάδιζεν ὡσ ἔχων τὸν λόφον.

Σκιπίωνοσ δ’ αὐτὸν φθάσαντόσ τε καὶ προλαβόντοσ, ἀποληφθεὶσ ἐν πεδίῳ μέσῳ καὶ ἀνύδρῳ διετέλει τὴν νύκτα πᾶσαν ὀρύσσων φρέατα, καὶ ὁ στρατὸσ αὐτῷ διαμώμενοσ τὴν ψάμμον ὀλιγον καὶ θολερὸν ἔπινον ἐπιμόχθωσ. ἀθεράπευτοί τε καὶ ἄσιτοι, καὶ ἐν τοῖσ ὅπλοισ ἔνιοι, διενυκτέρευσαν. ὧν ὁ Σκιπίων αἰσθανόμενοσ προσέβαλεν ἅμα ἑῴ κεκμηκόσιν ἐξ ὁδοῦ καὶ ἀγρυπνίασ καὶ ἀνυδρίασ. Ἀννίβασ δ’ ἤχθετο μέν, οὐχ ὅτε βούλοιτο συνιὼν ἐσ μάχην, ἑώρα δὲ ὡσ εἴτε μένοι κατὰ χώραν, κακοπαθήσων ὑπὸ τῆσ ἀνυδρίασ, εἴτε φεύγοι, τὰ φρονήματα τῶν ἐχθρῶν ἀναστήσων καὶ πολλὰ πεισόμενοσ ὑπ’ αὐτῶν ἐπικειμένων. ὅθεν ἀναγκαῖον ἦν αὐτῷ μάχεσθαι. καὶ παρετασσεν αὐτίκα ἄνδρασ μὲν ἐσ πεντακισμυρίουσ, ἐλέφαντασ δὲ ὀγδοήκοντα. ἵστη δὲ πρώτουσ μὲν τοὺσ ἐλέφαντασ, ἐκ διαστημάτων, ἐφ’ ὅλου τοῦ μετώπου, φοβερώτατα σκευασασ. καὶ ὑπ’ αὐτοῖσ ἦν τὸ τρίτον τῆσ στρατιᾶσ, Κελτοὶ καὶ Λίγυεσ· τοξόται τε αὐτοῖσ ἀνεμεμίχατο πάντῃ καὶ σφενδονῆται Μαυρούσιοί τε καὶ Γυμνήσιοι. τούτων δ’ ὄπισθεν ἡ δευτέρα τάξισ ἦν, Καρχηδόνιοί τε καὶ Λίβυεσ. τρίτοι δ’ ὅσοι ἐξ Ἰταλίασ εἵποντο αὐτῷ. οἷσ δὴ καὶ μάλιστα, ὡσ πλέον δεδιόσιν, ἐθάρρει. ἡ δ’ ἵπποσ περὶ τὰ κέρατα ἦν. Οὕτω μὲν Ἀννίβασ ἐξέτασσε, Σκιπίωνι δ’ ἦσαν ἀμφὶ τοὺσ δισμυρίουσ καὶ τρισχιλίουσ, ἱππεῖσ δ’ Ἰταλῶν καὶ Ῥωμαίων χίλιοι καὶ πεντακόσιοι.

ἐν δὲ τοῖσ μέσοισ ἤστην αὐτόσ τε καὶ Ἀννίβασ, κατὰ δόξαν ἀλλήλων, ἔχοντεσ ἀμφ’ αὑτοὺσ ἱππέασ, ἐπικουρεῖν ὅπῃ τι πονούμενον ἴδοιεν, ὁ μὲν Ἀννίβασ τετρακισχιλίουσ, ὁ δὲ Σκιπίων δισχιλίουσ, καὶ τοὺσ τριακοσίουσ Ἰταλοὺσ οὓσ αὐτὸσ ὥπλισεν ἐν Σικελίᾳ. συνεμάχει δὲ Μασσανάσσησ ἱππεῦσι Νομάσι πολλοῖσ, καὶ Δακάμασ ἕτεροσ δυνάστησ ἱππεῦσιν ἑξακοσίοισ. τὸ μὲν οὖν πεζὸν ἐσ τρεῖσ καὶ ὅδε τάξεισ ἐπέταττεν ὁμοίωσ Ἀννίβᾳ, λόχουσ δ’ ὀρθίουσ ἐποιεῖτο πάντασ, ἵνα δι’ αὐτῶν οἱ ἱππεῖσ εὐχερῶσ διαθέοιεν. ἐφίστη δ’ ἑκάστῳ λόχῳ προμάχουσ κατὰ μέτωπον, οἳ ξύλα παχέα διπήχη μάλιστα, πυκνὰ καὶ τὰ πολλὰ αὐτῶν σεσιδηρωμένα, ἔμελλον ὡσ καταπέλτασ ἐκ χειρὸσ ἐσ τοὺσ ἐλέφαντασ ἐπιόντασ ἀφήσειν. παρήγγελτο δ’ αὐτοῖσ τε καὶ τοῖσ ἄλλοισ πεζοῖσ ἐκκλίνειν τὴν ὁρμὴν τῶν θηρίων, καὶ περιθέοντασ ἀκοντίζειν ἐσ αὐτὰ συνεχῶσ, καὶ προσπελάζοντασ, ὅτε δύναιντο, ὑποτέμνειν τὰ νεῦρα. οὕτω μὲν οἱ πεζοὶ διετετάχατο τῷ Σκιπίωνι· τοὺσ δ’ ἱππέασ τοὺσ μὲν Νομαδικοὺσ ἐπέστησε τοῖσ κερασιν, εἰθισμένουσ τὴν τῶν ἐλεφάντων ὄψιν καὶ ὀδμὴν φέρειν, τοὺσ δὲ Ἰταλικοὺσ διὰ τὸ ἀήθεσ ὀπίσω πάντων, ἑτοίμουσ ἐπελθεῖν διὰ τῶν διαστημάτων, ὅτε τὴν πρώτην τῶν ἐλεφάντων ὁρμὴν ὑπομείνειαν οἱ πεζοί. παρ’ ἕκαστον δὲ τῶν ἱππέων τῶνδε ὑπηρέτησ ἦν πολλὰ ἀκόντια φέρων, οἷσ ἐπενόει τὰ θηρία ἀμύνεσθαι. οὕτω μὲν αὐτῷ καὶ ἡ ἵπποσ εἶχε, παρεδίδου δὲ τὸ μὲν δεξιὸν Λαιλίῳ, τὸ δὲ λαιὸν Ὀκταουιῳ. Ἐπεὶ δὲ ἕτοιμα ἦν αὐτοῖσ, ἐπέτρεχε τοὺσ ἰδίουσ ἐπισπέρχων ἑκάτεροσ, ὁ μὲν Σκιπίων τοὺσ θεοὺσ κατακαλῶν ἐν ὄψει τῶν στρατευομένων, ἐσ οὓσ οἱ Καρχηδόνιοι παρεσπονδήκεσαν ὁσάκισ ἔλυον τὰ συγκείμενα, καὶ τὴν στρατιὰν ἀξιῶν μὴ ἐσ τὸ πλῆθοσ τῶν πολεμίων ἀφορᾶν, ἀλλ’ ἐσ τὴν ἀρετὴν αὑτῶν, ᾗ καὶ πρότερον τῶνδε τῶν ἐχθρῶν πλειόνων ὄντων ἐπεκράτησαν ἐν τῇδε τῇ γῇ.

εἰ δ’ ἔστι καὶ τοῖσ νικήσασιν ἐπὶ τῷ μέλλοντι φόβοσ ἢ δέοσ ἢ ἀμφιβολία, πόσῳ ταῦτα τοῖσ νενικημένοισ πλεονάζειν ἀνάγκη. οὕτω μὲν ὁ Σκιπίων ἠρέθιζέ τε καὶ παρηγόρει τῆσ ὀλιγότητοσ· ὁ δ’ Ἀννίβασ τῶν τε ἐν Ἰταλίᾳ γεγονότων ἔργων ὑπεμίμνησκεν αὐτούσ, ὡσ λαμπρὰ καὶ μεγάλα πράξειαν, οὐκ ἐπὶ Νομάσιν ἀλλ’ ἐπὶ πᾶσιν Ἰταλοῖσ κατὰ τὴν Ἰταλίαν, καὶ τὴν ὀλιγότητα τῶν ἐχθρῶν αὐτόθεν ἑστὼσ ἐπεδείκνυε, καὶ παρεκάλει μὴ χείρουσ ὀλιγωτέρων ἐν οἰκείᾳ γῇ πλέονασ ὄντασ ὀφθῆναι. τὸν δὲ κίνδυνον τοῦ παρόντοσ ἀγῶνοσ καὶ τὸ μέγεθοσ ἑκάτεροσ τοῖσ ἰδίοισ ὑπερεπῆρεν, Ἀννίβασ μὲν ὅτι Καρχηδόνα καὶ Λιβύην ἅπασαν ὁ ἀγὼν ὅδε κρινεῖ, ἢ δούλην εὐθὺσ ἡσσωμένων εἶναι, ἢ ἐσ τὸ ἔπειτα ἄρχειν ἁπάντων ὧν ἐπεκράτουν, Σκιπίων δ’ ὅτι νικωμένοισ μὲν οὐδ’ ἀναχώρησισ ἔστιν ἀσφαλήσ, ἐπικρατοῦσι δὲ ἀρχὴ μεγάλη προσγίγνεται καὶ ἀνάπαυλα πόνων τῶν παρόντων καὶ ἐσ τὰ οἰκεῖα ἀπόπλουσ καὶ ἐσ τὸ μέλλον εὔκλεια. Οὕτω παροξύνασ τοὺσ ἰδίουσ ἑκάτεροσ ἐσ τὸν ἀγῶνα συνῄεσαν, Ἀννίβασ μὲν σαλπίγγων κατάρξασ, Σκιπίων δ’ ἀντηχεῖν κελεύσασ.

συνιόντων δ’ αὐτῶν οἱ μὲν ἐλέφαντεσ κατῆρχον τῆσ μάχησ, ἐσ τὸ φοβερώτατον ἐσκευασμένοι καὶ τοῖσ κέντροισ ἐξοτρυνόμενοι πρὸσ τῶν ἐπικαθημένων· περιθέοντεσ δ’ αὐτοὺσ οἱ Νομάδεσ ἱππεῖσ ἐσηκόντιζον ἀθρόωσ, μέχρι τρωθέντασ τε καὶ φεύγοντασ καὶ δυσπειθῶσ ἤδη ἔχοντασ ἀπήγαγον ἐκ τῆσ μάχησ οἱ ἐπιβάται. καὶ τάδε μὲν ἦν περὶ τοὺσ ἀμφὶ τὰ κέρατα ἐλέφαντασ· οἱ δ’ ἐν μέσῃ τῇ φάλαγγι τοὺσ Ῥωμαίων πεζοὺσ κατεπάτουν, ἀπείρουσ τε μάχησ τοιᾶσδε ὄντασ καὶ βαρεῖσ ὑπὸ τῆσ ὁπλίσεωσ, καὶ παρ’ αὐτὸ φεύγειν εὐκόλωσ ἢ διώκειν οὐ δυναμένουσ, ἑώσ ὁ Σκιπίων τοὺσ ἱππέασ τοὺσ Ἰταλικούσ, ὀπίσω τεταγμένουσ καὶ κουφότερον ἐσκευασμένουσ, ἐπαγαγὼν ἀποβῆναι τῶν ἵππων ταρασσομένων ἐκέλευσε, καὶ τοὺσ ἐλέφαντασ περιθέοντασ ἐσακοντίζειν. πρῶτόσ τε αὐτὸσ ἀποβὰσ ἔτρωσε τὸν προπηδῶντα τῶν ἐλεφάντων. θαρρησάντων δὲ τῶν ἄλλων, καὶ τιτρωσκόντων ἤδη πανταχόθεν αὐτούσ, καὶ οἵδε ὑπεχώρουν. Καὶ γενομένησ τῆσ μάχησ καθαρᾶσ θηριων, ὁ ἀγὼν ἐγίγνετο μόνων ἀνδρῶν τε καὶ ἵππων.

τὸ μὲν οὖν δεξιὸν τὸ Ῥωμαίων, οὗ Λαίλιοσ ἐπεστάτει, τρέπεται τοὺσ ἐναντίουσ Νομάδασ, Μασσανάσσου βαλόντοσ αὐτῶν τὸν δυνάστην Μασσάθην· ὀξέωσ δ’ αὐτοὺσ ὁ Ἀννίβασ ἐπιδραμὼν συνέτασσε τὴν μάχην. τὸ δὲ λαιόν, ἔνθα Ῥωμαίων μὲν Ὀκτάουιοσ ἐπεστάτει, τῶν δὲ πολεμίων Κελτοὶ καὶ Λίγυεσ ἦσαν, ἐπόνει μάλα καρτερῶσ ἑκατέροισ. καὶ Σκιπίων μὲν ἔπεμπε Θέρμον τὸν χιλίαρχον ἐπικουρεῖν μετ’ ἐπιλέκτων· Ἀννίβασ δ’ ἐπεὶ τὸ λαιὸν συνέστησεν, ἐσ τοὺσ Λίγυασ καὶ Κελτοὺσ μεθίππευεν, ἐπάγων ἅμα τὴν δευτέραν τάξιν Καρχηδονίων τε καὶ Λιβύων. κατιδὼν δ’ αὐτὸν ὁ Σκιπίων ἀντιπαρῆγε μεθ’ ἑτέρου στίφουσ. δύο δὲ στρατηγῶν ἀρίστων ἐσ ἀγῶνα συνιόντων, ἔρισ ἦν τῶν ὑφ’ ἑκατέρῳ λαμπρὰ καὶ δέοσ, καὶ προθυμίασ οὐδετέροισ τι ἐνέλιπε, σφοδροῦ καὶ ὀξέοσ ὄντοσ πόνου τε καὶ παρακελεύσεωσ. Μακρᾶσ δὲ καὶ ἀκρίτου τῆσ μάχησ οὔσησ, οἱ στρατηγοὶ τοὺσ κάμνοντασ ἐλεοῦντεσ ὡρ́μων ἐπ’ ἀλλήλουσ ὡσ ἐν σφίσι τῆσ κρίσεωσ ταχυτέρασ ἐσομένησ.

καὶ ἠκόντισαν ὁμοῦ, Σκιπίων μὲν Ἀννίβου τὴν ἀσπίδα, ὁ δ’ Ἀννίβασ ἔτυχε τοῦ ἵππου. καὶ ὁ ἵπποσ ὑπὸ τῆσ πληγῆσ ἐξέφερεν ὀπίσω τὸν Σκιπίωνα, μέχρι περιβὰσ ἕτερον ἵππον αὖθισ ἐσ τὸν Ἀννίβαν ἠκόντισεν. ἀλλ’ ἀπέτυχεν αὐτοῦ καὶ τότε, τὸν δὲ ἱππέα τὸν ἐγγὺσ ἔβαλεν. ἧκε δ’ ἐν τούτῳ καὶ Μασσανάσσησ πυθόμενοσ. καὶ οἱ Ῥωμαῖοι τὸν στρατηγὸν ὁρῶντεσ στρατιωτικῶσ σφῶν ὑπερμαχόμενον, καρτερώτερεν τοῖσ πολεμίοισ ἐνέπεσον καὶ ἐτρέψαντο καὶ φεύγοντασ ἐδίωκον· οὐδὲ παριππεύοντοσ αὐτοῖσ τοῦ Ἀννίβου καὶ δεομένου στῆναι καὶ τῆσ μάχησ αὖθισ ἐσ πεῖραν ἐλθεῖν ἔτι ἐπείθοντο. ἀπογνοὺσ οὖν αὐτῶν ὁ Ἀννίβασ τοὺσ ἐξ Ἰταλιασ οἱ συνελθόντασ, ἐφεδρεύοντασ ἔτι καὶ ἀτρεμοῦντασ, ἦγεν ἐπὶ τὴν μάχην, ἐλπίσασ Ῥωμαίοισ ἅτε διώκουσιν ἀσυντακτοτέροισ ἐπιπεσεῖσθαι. οἱ δὲ τὸ ἐνθύμημα αὐτοῦ θεασάμενοι, μετὰ σπουδῆσ ἀλλήλουσ ἐκ τῆσ διώξεωσ ἀνεκάλουν, καὶ συνετάσσοντο αὖθισ ἐσ μάχην. οὔτε δὲ ἵππων σφίσι παρόντων οὔτε ἀκοντίων ἔτι ὄντων, ξίφεσιν ἐσ ἀλλήλουσ ἐχρῶντο καὶ συνεπλέκοντο. φόνοσ τε ἦν πολὺσ ἐνθάδε μάλιστα καὶ τραύματα μέγιστα, καὶ πιπτόντων στόνοσ καὶ ἀναιρούντων μεγαλαυχία, μέχρι ποτὲ καὶ τούσδε ἐτρέψαντο οἱ Ἰταλοὶ καὶ φεύγουσιν εἵποντο, κρίσισ τε ἦν λαμπρὰ τοῦ πολέμου. Καὶ ὁ Ἀννίβασ ἐν τῇ φυγῇ θεασάμενοσ ἱππέων Νομάδων πλῆθοσ συνεστώσ, προσδραμὼν ἠξίου μὴ προλιπεῖν αὐτόν, καὶ πείσασ ἐπῆγε τοῖσ διώκουσιν, ἐλπίσασ ἐργάσεσθαί τινα παλινδίωξιν.

πρώτοισ δὲ Μασσυλίοισ ἐντυχὼν ἐμάχετο, καὶ μόνοσ ἦν ἔτι οὗτοσ ὁ ἀγὼν Μασσανάσσου καὶ Ἀννίβου συνεστώτων. φερομένων δὲ καὶ τῶνδε ἐπ’ ἀλλήλουσ ὑπὸ προθυμίασ, ἐσ μὲν τὴν ἀσπίδα ὁ Μασσανάσσησ ἠκόντισε βαλών, ὁ δὲ Ἀννίβασ καὶ τότε ἔτυχε τοῦ ἵππου. καὶ ὁ Μασσανάσσησ ἐκπεσὼν πεζὸσ ἐπὶ τὸν Ἀννίβαν ὡρ́μα, τόν τε ἐπελαύνοντά οἱ πρὸ τῶν ἄλλων ἱππέα βαλὼν ἀπέκτεινεν. καὶ τῶν λοιπῶν τὰ ἀκόντια ἐσ τὸν ἐλεφαντιστὴν ἐκδεχόμενοσ, ἓν τῶν ἐμπεπηγότων ἐξεῖλε, καὶ ἀκοντίσασ ἐσ τὸν Ἀννίβαν αὖθισ οὐδ’ ὣσ ἐπετύγχανεν, ἀλλὰ τὸν ἐγγὺσ ἱππέα καὶ ὅδε ἀπέκτεινεν. ἕτερον δ’ ἐξέλκων ἐσ τὸν βραχίονα ἐτρώθη, καὶ ὑπεχώρησεν ἐκ τῆσ μάχησ ἐπ’ ὀλίγον. Σκιπίων δὲ πυθόμενοσ ἔδεισε περὶ τῷ Μασσανάσσῃ, καὶ ἐσ τὸ ἔργον ἠπείγετο· καὶ ηὑρ͂ε τὸν Μασσανάσσην ἐσ τὴν μάχην αὖθισ ἐπὶ ἵππου φερόμενον ἑτέρου, τὸ τραῦμα ἐπιδήσαντα. ὅ τε ἀγὼν ἦν ἴσοσ αὖθισ αὐτοῖσ καὶ πάνυ καρτερόσ, αἰδουμένων τοὺσ στρατηγοὺσ ἑκατέρων, ἑώσ ὁ Ἀννίβασ ἐπί τινοσ λόφου θεασάμενοσ Ἴβηρασ καὶ Κελτοὺσ συνεστῶτασ ἐξίππευσεν ὡσ κἀκείνουσ ἐπάξων. τότε γὰρ οἱ μαχόμενοι, τῆσ μὲν αἰτίασ οὐ συνιέντεσ, τὴν δ’ ἀποχώρησιν αὐτοῦ φυγὴν ὑπολαβόντεσ εἶναι, τὸν ἀγῶνα μεθῆκαν ἑκόντεσ καὶ ἔφυγον ἀκόσμωσ, οὐχ ᾗπερ ἑώρων Ἀννίβαν, ἀλλ’ ὅπῃ τύχοιεν ἕκαστοι. καὶ οἱ μὲν οὕτω διελύθησαν, Ῥωμαῖοι δ’ αὐτούσ, ὡσ τετελεσμένησ τῆσ μάχησ, ἐδίωκον ἀτάκτωσ, οὐδ’ αὐτοὶ τῆσ Ἀννίβου προαιρέσεωσ συνιέντεσ. Ὁ δ’ ἐπανῄει πεφραγμένοσ Ἴβηρσι καὶ Κελτοῖσ ἀπὸ του λόφου.

καὶ ὁ Σκιπίων αὖθισ ἐκ τῆσ διώξεωσ τοὺσ Ῥωμαίουσ ἀνεκάλει μετὰ σπουδῆσ, καὶ παρέτασσε πολὺ πλείονασ τῶν ἀπὸ τοῦ λόφου καταβεβηκότων· ὅθεν αὐτῶν οὐ δυσχερῶσ περιεγίγνετο. Ἀννίβασ δὲ καὶ τῆσδε τῆσ πείρασ τελευταίασ γενομένησ ἀποτυχών, ἔφευγεν ἤδη σαφῶσ ἀπογνοὺσ ἅπαντα. καὶ αὐτὸν ἐδίωκον ἱππεῖσ ἄλλοι τε πολλοὶ καὶ Μασσανάσσησ, περιώδυνοσ ὢν ἐκ τοῦ τραύματοσ, ἀεί τε πλησιάζων, καὶ μέγα ποιούμενοσ αἰχμάλωτον Ἀννίβαν ἀγαγεῖν Σκιπίωνι. τὸν δὲ νὺξ ἐρρύσατο, καὶ σκότιοσ μετ’ εἴκοσιν ἱππέων, τῶν δυνηθέντων σὺν αὐτῷ συνανύσαι τὸν δρόμον, ἐσ πόλιν κατέφυγεν ᾗ ὄνομα Θῶν, ἔνθα Βρεττίων ἔγνω καὶ Ἰβήρων ἱππέασ πολλοὺσ ἀπὸ τῆσ ἥττησ συμπεφευγότασ. δείσασ οὖν περὶ μὲν τῶν Ἰβήρων ὡσ βαρβάρων ταχυέργων, περὶ δὲ Βρεττίων ὡσ Ἰταλῶν ὁμοεθνῶν Σκιπίωνι, μὴ ἐσ συγγνώμην ὧν ἐξήμαρτον ἐσ τὴν Ἰταλίαν, προσαγάγωσιν αὐτὸν τῷ Σκιπίωνι, λαθὼν ἐξέφυγε μεθ’ ἑνὸσ ἱππέωσ, ᾧ μάλιστ’ ἐπίστευεν. σταδίουσ δ’ ἀνύσασ ἐσ τρισχιλίουσ δύο νυξί τε καὶ ἡμέραισ, ἧκεν ἐσ πόλιν ἐπὶ θαλάσσησ Ἀδρυμητόν, ἔνθα τι μέροσ ἦν αὐτῷ στρατιᾶσ σιτοφυλακοῦν. περιπέμπων δ’ ἐσ τὰ πλησίον, καὶ τοὺσ ἐκ τῆσ μάχησ διαφυγόντασ ἀναλαμβάνων, ὅπλα καὶ μηχανήματα εἰργάζετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 7

(아피아노스, The Foreign Wars, chapter 7)

상위

목록

SEARCH

MENU NAVIGATION