Appian, The Foreign Wars, chapter

(아피아노스, The Foreign Wars, chapter)

Κελτοὶ Ῥωμαίοισ ἐπεχείρησαν πρῶτοι, καὶ τὴν Ῥώμην εἷλον ἄνευ τοῦ Καπιτωλίου, καὶ ἐμπεπρήκασιν. καὶ οἱ Βοιοὶ οὖν ὑπὸ Ῥωμαίων τότε ἐφθάρησαν πανστρατιᾷ. Κάμιλλοσ δὲ αὐτοὺσ ἐνίκησε καὶ ἐξήλασε, καὶ μετὰ χρόνον ἐπελθόντασ αὖθισ ἐνίκησε, καὶ ἐθριάμβευσεν ἀπ’ αὐτῶν ὀγδοήκοντα γεγονὼσ ἔτη. καὶ τρίτη δὲ Κελτῶν στρατιὰ ἐμβέβληκεν ἐσ τὴν Ἰταλίαν, ἣν καὶ αὐτὴν οἱ Ῥωμαῖοι διεφθάρκασιν ὑφ’ ἡγεμόνι Τίτῳ Κοϊντίῳ. μετὰ δὲ ταῦτα Βοιοί, Κελτικὸν ἔθνοσ θηριωδέστατον, ἐπῆλθε Ῥωμαίοισ, καὶ αὐτοῖσ Γάϊοσ Σουλπίκιοσ δικτάτωρ μετὰ στρατιᾶσ ἀπήντα, ὅσ τισ καὶ στρατηγήματι τοιούτῳ χρήσασθαι λέγεται· ἐκέλευσε γὰρ τοὺσ ἐπὶ τοῦ μετώπου τεταγμένουσ ἐξακοντίσαντασ ὁμοῦ συγκαθίσαι τάχιστα, μέχρι βάλωσιν οἱ δεύτεροι καὶ τρίτοι καὶ τέταρτοι, τοὺσ δ’ ἀφιέντασ ἀεὶ συνίζειν, ἵνα μὴ κατ’ αὐτῶν ἐνεχθείη τὰ δόρατα· βαλόντων δὲ τῶν ὑστάτων ἀναπηδᾶν ἅπαντασ ὁμοῦ, καὶ σὺν βοῇ τάχιστα ἐσ χεῖρασ ἰέναι· καταπλήξειν γὰρ ὧδε τοὺσ πολεμίουσ τοσῶνδε δοράτων ἄφεσιν καὶ ἐπ’ αὐτῇ ταχεῖαν ἐπιχείρησιν. τὰ δὲ δόρατα ἦν οὐκ ἀπεοικότα ἀκοντίοισ· ἃ Ῥωμαῖοι καλοῦσιν ὑσσούσ, ξύλου τετραγώνου τὸ ἥμισυ, καὶ τὸ ἄλλο σιδήρου, τετραγώνου καὶ τοῦδε καὶ μαλακοῦ χωρίσ γε τῆσ αἰχμῆσ. Ἄλλουσ δὲ πάλιν Κελτοὺσ ἐνίκα Ποπίλλιοσ, καὶ μετ’ ἐκεῖνον τοὺσ αὐτοὺσ Κάμιλλοσ ὁ τοῦ Καμίλλου υἱόσ.

ἔστησε δὲ κατὰ Κελτῶν καὶ Πάπποσ Αἰμίλιοσ τρόπαια. πρὸ δὲ τῶν τοῦ Μαρίου ὑπατειῶν πλεῖστόν τι καὶ μαχιμώτατον, τῇ τε ἡλικίᾳ μάλιστα φοβερώτατον χρῆμα Κελτῶν ἐσ τὴν Ἰταλίαν τε καὶ Γαλατίαν ἐσέβαλε, καί τινασ ὑπάτουσ Ῥωμαίων ἐνίκησε καὶ στρατόπεδα κατέκοψεν· ἐφ’ οὓσ ὁ Μάριοσ ἀποσταλεὶσ ἅπαντασ διέφθειρε. τελευταῖα δὲ καὶ μέγιστα τῶν ἐσ Γαλάτασ Ῥωμαίοισ πεπραγμένων ἐστὶ τὰ ὑπὸ Γαϊῴ Καίσαρι στρατηγοῦντι γενόμενα. μυριάσι τε γὰρ ἀνδρῶν ἀγρίων, ἐν τοῖσ δέκα ἔτεσιν ἐν οἷσ ἐστρατήγησεν, ἐσ χεῖρασ ἦλθον, εἴ τισ ὑφ’ ἓν τὰ μέρη συναγάγοι, τετρακοσίων πλείοσι, καὶ τούτων ἑκατὸν μὲν ἐζώγρησαν, ἑκατὸν δ’ ἐν τῷ πόνῳ κατέκανον. ἔθνη δὲ τετρακόσια καὶ πόλεισ ὑπὲρ ὀκτακοσίασ, τὰ μὲν ἀφιστάμενα σφῶν, τὰ δὲ προσεπιλαμβάνοντεσ, ἐκρατύναντο. πρὸ δὲ τοῦ Μαρίου καὶ Φάβιοσ Μάξιμοσ ὁ Αἰμιλιανόσ, ὀλίγην κομιδῇ στρατιὰν ἔχων, ἐπολέμησε τοῖσ Κελτοῖσ, καὶ δώδεκα μυριάδασ αὐτῶν ἐν μιᾷ μάχῃ κατέκανε, πεντεκαίδεκα μόνουσ τῶν ἰδίων ἀποβαλών. καὶ ταῦτα μέντοι ἔπραξε πιεζόμενοσ ὑπὸ τραύματοσ ὑπογυίου, καὶ τὰ τάγματα ἐπιὼν καὶ παραθαρρύνων, καὶ διδάσκων ὅπωσ τοῖσ βαρβάροισ πολεμητέον, τὰ μὲν ἐπ’ ἀπήνησ φερόμενοσ, τὰ δὲ καὶ βάδην χειραγωγούμενοσ. Καῖσαρ δὲ πολεμήσασ αὐτοῖσ πρῶτον μὲν Ἑλουητίουσ καὶ Τιγυρίουσ ἀμφὶ τὰσ εἴκοσι μυριάδασ ὄντασ ἐνίκησεν.

οἱ Τιγύριοι δ’ αὐτῶν χρόνῳ ἔμπροσθεν Πίσωνοσ καὶ Κασσίου τινὰ στρατὸν ἑλόντεσ ὑπὸ ζυγὸν ἐξεπεπόμφεσαν, ὡσ ἐν χρονικαῖσ συντάξεσι δοκεῖ Παύλῳ τῷ Κλαυδίῳ. τοὺσ μὲν οὖν Τιγυρίουσ ὑποστράτηγοσ αὐτοῦ Λαβιηνὸσ ἐνίκησε, τοὺσ δὲ ἄλλουσ ὁ Καῖσαρ, καὶ Τρικούρουσ ἀμύνοντασ σφίσιν, ἔπειτα τοὺσ μετ’ Ἀριοουίστου Γερμανούσ, οἳ καὶ τὰ μεγέθη μείζουσ τῶν μεγίστων ὑπῆρχον καὶ τὸ ἦθοσ ἄγριοι καὶ τὴν τόλμαν θρασύτατοι, καὶ θανάτου καταφρονηταὶ δι’ ἐλπίδα ἀναβιώσεωσ, καὶ κρύοσ ὁμοίωσ ἔφερον θάλπει, καὶ πόᾳ ἐχρῶντο παρὰ τὰσ ἀπορίασ τροφῇ, καὶ ὁ ἵπποσ ξύλοισ. ἦσαν δέ, ὡσ ἐοίκεν, οὐ φερέπονοι ἐν ταῖσ μάχαισ, οὐδὲ λογισμῷ ἢ ἐπιστήμῃ τινὶ ἀλλὰ θυμῷ χρώμενοι καθάπερ θηρία, διὸ καὶ ὑπὸ τῆσ Ῥωμαίων ἐπιστήμησ καὶ φερεπονίασ ἡσσῶντο. οἱ μὲν γὰρ μετὰ ὁρμῆσ βαρυτάτησ ἐπεπήδων αὐτοῖσ, καὶ ὅλην ὁμοῦ τὴν φάλαγγα ἀνεώθουν· Ῥωμαῖοι δ’ ὑπέμενον ἐν τάξει, καὶ κατεστρατήγουν αὐτούσ, καὶ ὀκτακισμυρίουσ αὐτῶν τελευτῶντεσ ἀπέκτειναν. Μετὰ τούτουσ ὁ Καῖσαρ τοῖσ καλουμένοισ Βέλγαισ ἐπιπεσὼν ποταμόν τινα περῶσι, τοσούτουσ ἀπέκτεινεν ὡσ τὸν ποταμὸν γεφυρωθέντα τοῖσ σώμασι περᾶσαι.

Νέρβιοι δὲ αὐτὸν ἐτρέψαντο, ἄρτι στρατόπεδον ἐξ ὁδοιπορίασ κατασκευάζοντι αἰφνιδίωσ ἐπιπεσόντεσ, καὶ παμπόλλουσ ἐφόνευσαν, τοὺσ δὲ ταξιάρχασ καὶ λοχαγοὺσ ἅπαντασ· καὶ αὐτὸν ἐκεῖνον ἐσ λόφον τινὰ μετὰ τῶν ὑπασπιστῶν πεφευγότα περιέσχον κύκλῳ. ὑπὸ δὲ τοῦ δεκάτου τάγματοσ αὐτοῖσ ἐξόπισθεν ἐπιπεσόντοσ ἐφθάρησαν, ἑξακισμύριοι ὄντεσ. ἦσαν δὲ τῶν Κίμβρων καὶ Τευτόνων ἀπόγονοι. ἐκράτησε δὲ καὶ Ἀλλοβρίγων ὁ Καῖσαρ. Οὐσιπετῶν δὲ καὶ Ταγχαρέων τεσσαράκοντα μυριάδεσ, στρατεύσιμοί τε καὶ ἀστράτευτοι, συνεκόπησαν. Σούκαμβροι δὲ πεντακοσίοισ ἱππεῦσι τοὺσ πεντακισχιλίουσ ἱππεῖσ τοῦ Καίσαροσ ἔτρεψαν, ἐξαίφνησ ἐπιπεσόντεσ, καὶ δίκην ἔδοσαν ἡττηθέντεσ μετὰ ταῦτα. Ἐπέρασε καὶ τὸν Ῥῆνον πρῶτοσ Ῥωμαίων ὁ Καῖσαρ, καὶ ἐσ τὴν Βρεττανίδα νῆσον, ἠπείρου τε μείζονα οὖσαν μεγίστησ καὶ τοῖσ τῇδε ἀνθρώποισ ἄγνωστον ἔτι.

ἐπέρασε δὲ κατὰ τὸν καιρὸν τῆσ ἀμπώτεωσ· ἄρτι γὰρ τὸ πάθοσ ἥπτετο τῆσ θαλάσσησ, καὶ ὁ στόλοσ ἐσαλεύετο, ἠρέμα πρῶτον, εἶτα ὀξύτερον, μέχρι σὺν βιαίῳ τάχει διέπλευσεν ὁ Καῖσαρ ἐσ τὴν Βρεττανίαν. Ὅτι Ὀλυμπιάδων τοῖσ Ἕλλησιν ἑπτὰ καὶ ἐνενήκοντα γεγενημένων, τῆσ γῆσ τῶν Κελτῶν οὐκ ἀρκούσησ αὐτοῖσ διὰ τὸ πλῆθοσ, ἀνίσταται μοῖρα Κελτῶν τῶν ἀμφὶ τὸν Ῥῆνον ἱκανὴ κατὰ ζήτησιν ἑτέρασ γῆσ· οἳ τό τε Ἄλπειον ὄροσ ὑπερέβησαν, καὶ Κλουσίνοισ, εὐδαίμονα γῆν ἔχουσι Τυρρηνῶν, ἐπολέμουν. οὐ πάλαι δὲ οἱ Κλουσῖνοι Ῥωμαίοισ ἔνσπονδοι γεγονότεσ ἐπ’ αὐτοὺσ κατέφυγον. καὶ οἱ Ῥωμαῖοι πρέσβεισ συνέπεμψαν αὐτοῖσ, Φαβίουσ τρεῖσ, οἳ τοῖσ Κελτοῖσ ἔμελλον προαγορεύσειν ἀνίστασθαι τῆσ γῆσ ὡσ Ῥωμαίων φίλησ, καὶ ἀπειλήσειν ἀπειθοῦσιν. ἀποκριναμένων δὲ τῶν Κελτῶν ὅτι ἀνθρώπων οὐδένα δεδίασιν οὔτε ἀπειλοῦντα σφίσιν οὔτε πολεμοῦντα, χρῄζοντεσ δὲ γῆσ οὔπω τὰ Ῥωμαίων πολυπραγμονοῦσιν, οἱ πρέσβεισ οἱ Φάβιοι τοὺσ Κλουσίνουσ ἐνῆγον ἐπιθέσθαι τοῖσ Κελτοῖσ τὴν χώραν λεηλατοῦσιν ἀπερισκέπτωσ. καὶ συνεκδημοῦντεσ αὐτοῖσ ἀναιροῦσι τῶν Κελτῶν πολὺ πλῆθοσ ἐν προνομῇ, καὶ τὸν ἡγούμενον ἐκείνου τοῦ μέρουσ αὐτὸσ ὁ Ῥωμαίων πρεσβευτὴσ Κόιντοσ Φάβιοσ ἀνεῖλέ τε καὶ ἐσκύλευσε, καὶ τὰ ὅπλα φορῶν ἐπανῆλθεν ἐσ Κλούσιον. Ὅτι ὁ τῶν Κελτῶν βασιλεὺσ Βρέννοσ, τῶν Φαβίων τῶν Ῥωμαίων πολλοὺσ ἀνελόντων Κελτῶν, μὴ δεξάμενοσ τοὺσ Ῥωμαίων πρέσβεισ, ἐπὶ τούτοισ πρέσβεισ ἐπιλεξάμενοσ ἐσ κατάπληξιν, οἳ Κελτῶν ἁπάντων μεγάλων τὰ σώματα ὄντων ὑπερέβαλλον, ἐξέπεμπεν ἐσ Ῥώμην, αἰτιώμενοσ τοὺσ Φαβίουσ ὅτι πρεσβεύοντεσ παρὰ τοὺσ κοινοὺσ νόμουσ ἐπολέμησαν. ᾔτει τε τοὺσ ἄνδρασ ἐσ δίκην ἐκδότουσ οἱ γενέσθαι, εἰ μὴ θέλουσι Ῥωμαῖοι κοινὸν αὐτῶν εἶναι τὸ ἔργον. οἱ δὲ Ῥωμαῖοι συνεγίγνωσκον μὲν τοὺσ Φαβίουσ ἁμαρτεῖν, αἰδοῖ δὲ οἴκου διαφέροντοσ χρήματα τοὺσ Κελτοὺσ πράξασθαι παρὰ σφῶν παρεκάλουν. οὐ πειθομένων δὲ χειροτονοῦσι τοὺσ Φαβίουσ ἐπὶ τὴν ἐτήσιον ἀρχὴν χιλιάρχουσ, καὶ τοῖσ πρεσβεύουσι τῶν Κελτῶν ἔφασαν οὐ δύνασθαι νῦν οὐδὲν ἐσ τοὺσ Φαβίουσ ἄρχοντασ ἤδη. τοῦ δ’ ἐπιόντοσ ἔτουσ ἥκειν αὐτούσ, ἂν ἔτι μηνίωσιν, ἐκέλευον. Βρέννοσ δὲ καὶ ὅσοι Κελτῶν ἦσαν ὑπ’ ἐκείνῳ, νομίσαντεσ ὑβρίσθαι καὶ χαλεπῶσ ἐνεγκόντεσ ἐσ τοὺσ ἄλλουσ Κελτοὺσ περιέπεμπον, ἀξιοῦντεσ αὐτοὺσ συνεφάψασθαι τοῦδε τοῦ πολέμου. καὶ πολλῶν ἀφικομένων ἄραντεσ ἤλαυνον ἐπὶ τὴν Ῥώμην. Ὁ δὲ ὑφίσταται γράμματα διοίσειν διὰ τῶν ἐχθρῶν ἐσ τὸ Καπιτώλιον. συιδ. ϝ. ὑφίσταται. Ὅτι Καιδίκιοσ γράμμα φέρων ἀπὸ τῆσ βουλῆσ περὶ τῆσ ὑπάτου ἀρχῆσ, παρεκάλει τὸν Κάμιλλον μηδὲν ἐν τῷ παρόντι μηνῖσαι τῇ πατρίδι τῆσ ζημίασ. ὁ δὲ ἐπισχὼν αὐτὸν ἔτι λέγοντα εἶπεν, "οὐκ ἂν ηὐξάμην ἐπιποθῆσαί με Ῥωμαίουσ, εἰ τοιαύτην ἤλπισα τὴν ἐπιπόθησιν αὐτοῖσ ἔσεσθαι. νῦν δὲ δικαιοτέραν εὐχὴν εὔχομαι, γενέσθαι τῇ πατρίδι χρήσιμοσ ἐσ τοσοῦτον ἀγαθοῦ ἐσ ὅσον κακοῦ περιελήλυθεν. " Ὅτι Κελτοὶ μηδεμιᾷ μηχανῇ δυνηθέντεσ ἐπιβῆναι τῆσ ἀκροπόλεωσ, ἠρέμουν ὡσ λιμῷ τοὺσ ἔνδον παραστησόμενοι. καί τισ ἀπὸ τοῦ Καπιτωλίου κατέβαινεν ἱερεύσ, ὄνομα Δόρσων, ἐπὶ ἐτήσιον δή τινα ἱερουργίαν ἐσ τὸν τῆσ Ἑστίασ νεὼν στέλλων τὰ ἱερὰ διὰ τῶν πολεμίων, αἰδεσθέντων ἢ καταπλαγέντων αὐτοῦ τὴν τόλμαν ἢ τὴν εὐσέβειαν, ἢ τὴν ὄψιν ἱερὰν οὖσαν. ὁ μὲν δὴ κινδυνεύειν ὑπὲρ τῶν ἱερῶν ἑλόμενοσ ὑπ’ αὐτῶν ἐσώζετο τῶν ἱερῶν. καὶ τόδε φησὶν ὧδε γενέσθαι Κάσσιοσ ὁ Ῥωμαῖοσ. Τοῦ δὲ οἴνου καὶ τῶν ἄλλων ἄδην ἐνεπίμπλαντο οἱ Κελτοί, τήν τε φύσιν ὄντεσ ἀκρατεῖσ, καὶ χώραν ἔχοντεσ, ὅτι μὴ πρὸσ δημητριακοὺσ καρπούσ, τῶν ἄλλων ἄγονον καὶ ἀφυᾶ. τά τε σώματα αὐτοῖσ μεγάλα ὄντα καὶ τρυφηλὰ καὶ σαρκῶν ὑγρῶν μεστὰ ὑπὸ τῆσ ἀδηφαγίασ καὶ μέθησ ἐσ ὄγκον καὶ βάροσ ἐξεχεῖτο, καὶ πρὸσ δρόμουσ καὶ πόνουσ ἀδύνατα πάμπαν ἐγίγνετο· ὑπό τε ἱδρῶτοσ καὶ ἄσθματοσ, ὅπου τι δέοι κάμνειν, ἐξελύοντο ταχέωσ. ιδ. ιβ. ετ ηινξ συιδ. ϝ. ἄδην. Οὓσ γυμνοὺσ ἐπεδείκνυε Ῥωμαίοισ, "οὗτοί εἰσιν οἱ τὴν βοὴν βαρεῖαν ἱέντεσ ὑμῖν ἐν ταῖσ μάχαισ καὶ τὰ ὅπλα παταγοῦντεσ καὶ ξίφη μακρὰ καὶ κόμασ αἰωροῦντεσ. ὧν τὸ ἄτολμον ὁρῶντεσ, καὶ τὸ σῶμα μαλακὸν καὶ ἄτονον, προσίεσθε τῷ ἔργῳ. "συιδ. ϝ. ἱέντεσ. Τὸν δὲ δῆμον ἀπὸ τοῦ τείχουσ ὁρᾶν, καὶ τοῖσ πονουμένοισ ἑτέρουσ νεαλεῖσ ἐπιπέμπειν ἀεί. οἱ δὲ Κελτοὶ κεκμηκότεσ ἀκμῆσι συμπλεκόμενοι ἔφευγον ἀτάκτωσ. ιδ. ϝ. νεαλήσ. Ὁ δὲ Κελτὸσ ἀγανακτῶν καὶ λιφαιμῶν ἐδιωκε τὸν Οὐαλέριον, συγκαταπεσεῖν ἐπειγομενοσ· ὑπὸ δὲ τοὺσ πόδασ ἀναχωροῦντοσ ἀεὶ τοῦ Οὐαλερίου κατέπεσε πρηνὴσ ὁ Κελτόσ. καὶ δεύτερον τοῦτο μονομάχιον ἐπὶ Κελτοῖσ ἐμεγαλαύχουν οἱ Ῥωμαῖοι. ιδ. ϝ. λιφαιμεῖ. Ὅτι τὸ τῶν Σενόνων ἔθνοσ ἔνσπονδον ἦν Ῥωμαίοισ, καὶ ἐμισθοφόρουν κατὰ Ῥωμαίων. ἡ δὲ βουλὴ πρέσβεισ ἔπεμψεν ἐγκαλέσοντασ ὅτι ὄντεσ ἔνσπονδοι μισθοφοροῦσι κατὰ Ῥωμαίων. τούτουσ Βριτόμαρισ ὁ Κελτόσ, ἀγανακτῶν ὑπὲρ τοῦ πατρὸσ ὅτι συμμαχῶν Τυρρηνοῖσ ὑπὸ Ῥωμαίων ἐν τῷδε τῷ πολέμῳ διέφθαρτο, τά τε κηρύκεια φέροντασ καὶ τὴν ἄσυλον ἐσθῆτα περικειμένουσ κατέτεμεν ἐσ πολλά, καὶ τὰ μέρη τῶν σωμάτων διέρριψεν ἐσ τὰ πεδία. καὶ τοῦ μύσουσ ὁ Κορνήλιοσ ἐν ὁδῷ πυθόμενοσ, ἐσ τὰσ Σενόνων πόλεισ συντόνῳ σπουδῇ διὰ Σαβίνων καὶ Πικεντίνων ἐσβαλὼν ἅπαντα καθῄρει καὶ ἐνεπίμπρη, τῶν τε ἀνθρώπων τὰσ μὲν γυναῖκασ καὶ τὰ παιδία ἠνδραποδίζετο, τοὺσ δὲ ἐν ἥβῃ πάντασ ἔκτεινεν ὁμαλῶσ, καὶ τὴν χώραν ἐλυμαίνετο ποικίλωσ καὶ ἀοίκον ἐσ τὸ λοιπὸν ἐποίει. Βριτόμαριν δὲ μόνον ἦγεν αἰχμάλωτον ἐπὶ λύμῃ. ὕστερον δὲ Σένονεσ οὐκ ἔχοντεσ ἔτι πατρίδασ ἐσ ἃσ διαφύγωσι, συνέπεσον ἐσ χεῖρασ ὑπὸ τόλμησ τῷ Δομετίῳ, καὶ ἡττώμενοι σφᾶσ αὐτοὺσ ὑπ’ ὀργῆσ διεχρῶντο μανικῶσ. καὶ δίκη μὲν ἥδε παρανομίασ ἐσ πρέσβεισ ἐγένετο Σένοσιν. Ὅτι οἱ Σαλύων δυνάσται, τοῦ ἔθνουσ ἡττηθέντοσ ὑπὸ Ῥωμαίων, ἐσ Ἀλλόβριγασ κατέφυγον. καὶ αὐτοὺσ ἐξαιτοῦντεσ οἱ Ῥωμαῖοι στρατεύουσιν ἐπὶ τοὺσ Ἀλλόβριγασ οὐκ ἐκδιδόντασ, ἡγουμένου σφῶν Γναίου Δομετίου. ᾧ παροδεύοντι τὴν τῶν Σαλύων ἐντυγχάνει πρεσβευτὴσ Βιτοίτου βασιλέωσ τῶν Ἀλλοβρίγων, ἐσκευασμένοσ τε πολυτελῶσ, καὶ δορυφόροι παρείποντο αὐτῷ κεκοσμημένοι καὶ κύνεσ· δορυφοροῦνται γὰρ δὴ καὶ πρὸσ κυνῶν οἱ τῇδε βάρβαροι. μουσικόσ τε ἀνὴρ εἵπετο, βαρβάρῳ μουσικῇ τὸν βασιλέα Βιτοῖτον, εἶτ’ Ἀλλόβριγασ, εἶτα τὸν πρεσβευτὴν αὐτὸν ἔσ τε γένοσ καὶ ἀνδρείαν καὶ περιουσίαν ὑμνῶν· οὗ δὴ καὶ μάλιστα ἕνεκα αὐτοὺσ οἱ τῶν πρεσβευτῶν ἐπιφανεῖσ ἐπάγονται. ἀλλ’ ὁ μὲν συγγνώμην αἰτῶν τοῖσ Σαλύων δυνάσταισ ἀπέτυχεν. Ὅτι τῶν Τευτόνων μοῖρα λῃστεύουσα πολύανδροσ ἐσ τὴν γῆν τῶν Νωρικῶν ἐσέβαλε, καὶ ὁ Ῥωμαίων ὕπατοσ Παπίριοσ Κάρβων δείσασ μὴ ἐσ τὴν Ἰταλίαν ἐσβάλοιεν, ἐφήδρευε τοῖσ Ἀλπείοισ, ᾗ μάλιστά ἐστιν ἡ διάβασισ στενωτάτη. οὐκ ἐπιχειρούντων δ’ ἐκείνων αὐτὸσ ἐπέβαινεν αὐτοῖσ, αἰτιώμενοσ ἐσ Νωρικοὺσ ἐσβαλεῖν, Ῥωμαίων ξένουσ ὄντασ· ἐποιοῦντο δ’ οἱ Ῥωμαῖοι ξένουσ, οἷσ ἐδίδοσαν μὲν εἶναι φίλοισ, ἀνάγκη δ’ οὐκ ἐπῆν ὡσ φίλοισ ἐπαμύνειν. οἱ μὲν δὴ Τεύτονεσ πλησιάζοντι τῷ Κάρβωνι προσέπεμπον ἀγνοῆσαί τε τὴν ἐσ Ῥωμαίουσ Νωρικῶν ξενίαν, καὶ αὐτῶν ἐσ τὸ μέλλον ἀφέξεσθαι· ὁ δ’ ἐπαινέσασ τοὺσ πρέσβεισ, καὶ δοὺσ αὐτοῖσ ὁδῶν ἡγεμόνασ, κρύφα τοῖσ ἡγουμένοισ ἐνετείλατο μακροτέραν αὐτοὺσ περιάγειν. τῇ βραχυτέρᾳ δὲ αὐτὸσ διαδραμών, ἀδοκήτωσ ἀναπαυομένοισ ἔτι τοῖσ Τεύτοσιν ἐμπεσών, ἔδωκε δίκην ἀπιστίασ, πολλοὺσ ἀποβαλών. τάχα δ’ ἂν καὶ πάντασ ἀπώλεσεν, εἰ μὴ ζόφοσ καὶ ὄμβροσ καὶ βρονταὶ βαρεῖαι, τῆσ μάχησ ἔτι συνεστώσησ ἐπιπεσοῦσαι, διέστησαν αὐτοὺσ ἀπ’ ἀλλήλων, καὶ ὁ ἀγὼν ὑπὸ τῆσ ἄνωθεν ἐκπλήξεωσ διελύθη. σποράδεσ δὲ καὶ ὣσ ἐσ ὕλασ οἱ Ῥωμαῖοι διαφυγόντεσ, τρίτῃ μόλισ ἡμέρᾳ συνῆλθον. καὶ Τεύτονεσ ἐσ Γαλάτασ ἐχώρουν. Ὁ δὲ τοῖσ σώμασι τῶν Κίμβρων ἀψαυστεῖν ἐκέλευεν, ἑώσ ἡμέρα γένγται, πολύχρυσα εἶναι δοκῶν. συιδ. ϝϝ. ἀψαύστωσ ετ Κίμβροσ. Ὅτι ἔθνη δύο Τιγύριοι καὶ Ἑλουήτιοι ἐσ τὴν Ῥωμαίων Κελτικὴν ἐσέβαλον, καὶ τούτων τὸν στόλον ὁ Καῖσαρ Γάϊοσ πυθόμενοσ διετείχισεν ὅσα περὶ Ῥοδανόν ἐστι ποταμὸν ἐσ ἑκατὸν καὶ πεντήκοντα σταδίουσ μάλιστα. καὶ πρεσβευσαμένοισ ἐπὶ διαπείρᾳ τοῖσ πολεμίοισ ὑπὲρ σπονδῶν ἐκέλευεν ὅμηρα δοῦναι καὶ χρήματα. ἀποκριναμένων δ’ εἰθίσθαι ταῦτα λαμβάνειν, οὐ διδόναι, βουλόμενοσ φθάσαι τὴν ὁμαιχμίαν αὐτῶν, ἐπὶ μὲν τοὺσ Τιγυρίουσ ἐλάσσουσ ὄντασ ἔπεμπε Λαβιηνόν, αὐτὸσ δὲ ἐπὶ τοὺσ Ἑλουητίουσ ἐχώρει, προσλαβὼν Γαλατῶν τῶν ὀρείων ἐσ δισμυρίουσ. καὶ γίγνεται Λαβιηνῷ τὸ ἔργον εὐμαρέσ, ἀδοκήτοισ Τιγυρίοισ περὶ τὸν ποταμὸν ἐπιπεσόντι, καὶ τρεψαμένῳ καὶ σκεδάσαντι τοὺσ πολλοὺσ ἐν ἀσυνταξίᾳ. Ὅτι Ἀριόουιστοσ, Γερμανῶν βασιλεὺσ τῶν ὑπὲρ Ῥῆνον, ἐπιβαίνων τῆσ πέραν Αἰδούοισ ἔτι πρὸ τοῦ Καίσαροσ ἐπολέμει φίλοισ οὖσι Ῥωμαίων. τότε μὲν δή, τοῖσ Ῥωμαίοισ κελεύουσι πεισθείσ, ἀνέζευζεν ἀπὸ τῶν Αἰδούων, καὶ φίλοσ ἠξίωσε Ῥωμαίοισ γενέσθαι. καὶ ἐγένετο, ὑπατεύοντοσ αὐτοῦ Καίσαροσ καὶ ψηφισαμένου. Ὅτι Ἀριόουιστοσ ὁ Γερμανῶν βασιλεύσ, φίλοσ γενόμενοσ Ῥωμαίων, ἐσ λόγουσ ἦλθε τῷ Καίσαρι, καὶ διαχωρισθέντων ἀπ’ ἀλλήλων αὖθισ συνελθεῖν ἐσ λόγουσ ἠξίωσεν. τοῦ δὲ Καίσαροσ οὐ συνελθόντοσ, ἀλλὰ τοὺσ πρωτεύοντασ Γαλατῶν ἀποστείλαντοσ, ἔδησε τοὺσ πρέσβεισ. καὶ ὁ Καῖσαρ ἐστράτευεν ἐπ’ αὐτὸν μετ’ ἀπειλῆσ. δέοσ δ’ ἐμπίπτει τῷ στρατῷ κατὰ κλέοσ τῶν Γερμανῶν. Ὅτι Οὐσιπέται, ἔθνοσ Γερμανικόν, καὶ Ταγχρέαι δοκοῦσι πρότεροι σφετέροισ ἱππεῦσιν ὀκτακοσίοισ τρέψασθαι τῶν Καίσαροσ ἱππέων ἐσ πεντακισχιλίουσ, ὁ δὲ Καῖσαρ αὐτοῖσ πρεσβευομένοισ ἐσ αὐτὸν ἐπιθέσθαι, τοὺσ πρέσβεισ κατασχών, καὶ τὸ πάθοσ ἐκείνοισ ἐσ τέλοσ αἰφνίδιον οὕτω συνενεχθῆναι ὡσ τεσσαράκοντα μυριάδασ τούτων συγκοπῆναι. Κάτωνά τε ἐν Ῥώμῃ τῶν τισ συγγραφέων φησὶ γνώμην ἐσενεγκεῖν, ἐκδοῦναι τοῖσ βαρβάροισ τὸν Καίσαρα ὡσ ἐναγὲσ ἔργον ἐσ διαπρεσβευσαμένουσ ἐργασάμενον. ὁ δὲ Καῖσαρ ἐν ταῖσ ἰδίαισ ἀναγραφαῖσ τῶν ἐφημέρων ἔργων φησὶ τοὺσ Οὐσιπέτασ καὶ Ταγχρέασ κελευομένουσ ἐκπηδᾶν ἐσ τὰ ἀρχαῖα σφῶν, φάναι πρέσβεισ ἐσ τοὺσ ἐκβαλόντασ Σουήβουσ ἀπεσταλκέναι καὶ τὰσ ἀποκρίσεισ αὐτῶν ἀναμένειν, καὶ ἐν ταῖσδε ταῖσ διαπρεσβεύσεσιν ἐπιθέσθαι τοῖσ ὀκτακοσίοισ, καὶ παρ’ αὐτὸ τρέψαι τοὺσ Ῥωμαίων πεντακισχιλίουσ. ἐπιπρεσβευομένων δ’ αὐτῶν καὶ περὶ τοῦ παρασπονδήματοσ ἀπολογουμένων, ὑποτοπήσασ ἐνέδραν ὁμοίαν, ἐπιθέσθαι πρὸ τῶν ἀποκρίσεων. Εὐθὺσ ἠρέθιζον τοὺσ Βρεττανοὺσ παρορκῆσαι, ἔγκλημα ἔχοντασ ὅτι σπονδῶν σφίσι γενομένων ἔτι παρῆν τὸ στρατόπεδον. συιδ. ϝ. παρορκῆσαι. Δείσασ ὁ Καῖσαρ περὶ τῷ Κικέρωνι ὑπέστρεφεν εἰσ τοὐπίσω. ιδ. ϝ. δείσαντεσ. Ὅτι ὁ Βριτόρησ διέφθειρεν Αἰδούουσ Ῥωμαίων ἀποστῆναι, καὶ τοῦ Καίσαροσ ὀνειδίσαντοσ αὐτοῖσ φιλίαν ἔφασαν παλαιὰν ἐφθακέναι.

일치하는 문장이 없습니다.

SEARCH

MENU NAVIGATION