헬라어 문장 검색 - Αππιαν́ΤηεΦορέ16́

(아피아노스, The Foreign Wars, chapter 5)

Ὁ δὲ φρουρὰν μὲν Καρχηδόνι ἐπέστησε, καὶ τὸ τεῖχοσ ἐκέλευσε τὸ παρὰ τὴν ἄμπωτιν ἐσ ὕψοσ ἐγεῖραι· τὴν δ’ ἄλλην Ἰβηρίαν αὐτόσ τε ἐπιὼν καὶ τοὺσ φίλουσ ἐσ ἕκαστα περιπέμπων ὑπήγετο, καὶ τἆλλα τὰ ἀντέχοντα ἐβιάζετο. Καρχηδονίων δ’ οἱ στρατηγοὶ δύο ὄντε λοιπὼ καὶ δύο Ἀσδρούβα, ὁ μὲν τοῦ Ἀμίλχαροσ πορρωτάτω παρὰ Κελτίβηρσιν ἐξενολόγει, ὁ δὲ τοῦ Γέσκωνοσ ἐσ μὲν τὰσ πόλεισ τὰσ ἔτι βεβαίουσ περιέπεμπεν, ἀξιῶν Καρχηδονίοισ ἐμμένειν ὡσ στρατιᾶσ ἐλευσομένησ αὐτίκα ἀπείρου τὸ πλῆθοσ, Μάγωνα δ’ ἕτερον ἐσ τὰ πλησίον περιέπεμπε ξενολογεῖν ὁπόθεν δυνηθείη, καὶ αὐτὸσ ἐσ τὴν Λέρσα γῆν τῶν ἀφισταμένων ἐνέβαλε, καί τινα αὐτῶν πόλιν ἔμελλε πολιορκήσειν. ἐπιφανέντοσ δὲ αὐτῷ τοῦ Σκιπίωνοσ ἐσ Βαιτύκην ὑπεχώρει, καὶ πρὸ τῆσ πόλεωσ ἐστρατοπέδευσεν· ἔνθα τῆσ ἐπιούσησ εὐθὺσ ἡσσᾶτο, καὶ τὸν χάρακα αὐτοῦ καὶ τὴν Βαιτύκην ἔλαβεν ὁ Σκιπίων. Ὁ δὲ τὴν στρατιὰν τὴν Καρχηδονίων τὴν ἔτι οὖσαν ἐν Ἰβηρία συνέλεγεν ἐσ Καρμώνην πόλιν, ὡσ ὁμοῦ πᾶσιν ἀμυνούμενοσ τὸν Σκιπίωνα.

διὸ καὶ μέχρι τινὸσ ἐνεδοίαζε, καὶ μάχησ οὐ κατῆρχεν, ἀλλ’ ἀκροβολισμοῖσ ἐχρῆτο μόνοισ. καὶ αὐτῷ συνῆλθον πολλοὶ μὲν Ἰβήρων, οὓσ Μάγων ἦγε, πολλοὶ δὲ Νομάδων, ὧν ἦρχε Μασσανάσσησ. καὶ τούτων ὁ μὲν Ἀσδρούβασ μετὰ τῶν πεζῶν ὑπὸ χάρακι ἐστρατοπέδευεν, ὁ δὲ Μασσανάσσησ καὶ ὁ Μάγων ἱππαρχοῦντεσ αὐτῷ προηυλίζοντο τοῦ στρατοπέδου. ὧδε δὲ ἔχουσιν αὐτοῖσ ὁ Σκιπίων τοὺσ ἰδίουσ ἱππέασ ἐπιδιῄρει, καὶ Λαίλιον μὲν ἐπὶ Μάγωνα ἔπεμπεν, αὐτὸσ δ’ ἐπὶ Μασσανάσσην ἐτράπετο. μέχρι μὲν οὖν τινὸσ ἦν ἐν ἀγῶνι καὶ πόνῳ δυσχερεῖ, τῶν Νομάδων αὐτὸν ἀκοντιζόντων τε καὶ ὑποχωρούντων, εἶτ’ αὖθισ ἐπελαυνόντων· ὡσ δὲ παρήγγειλεν ὁ Σκιπίων ἀμεταστρεπτὶ διώκειν αὐτούσ, τὰ δόρατα προβαλόντασ, οὐκ ἔχοντεσ ἀναστροφὴν οἱ Νομάδεσ κατέφυγον ἐσ τὸ στρατόπεδον. καὶ ὁ Σκιπίων ἀποσχὼν δέκα σταδίουσ ἐστρατοπέδευσεν εὐσταθῶσ ᾗπερ ἐβούλετο. ἦν δὲ ἡ μὲν τῶν ἐχθρῶν σύμπασα δύναμισ ἑπτακισμύριοι πεζοὶ καὶ ἱππεῖσ πεντακισχίλιοι καὶ ἐλέφαντεσ ἓξ καὶ τριάκοντα· Σκιπίωνι δὲ τούτων οὐδὲ τριτημόριον ἦν. Ἐπεὶ δ’ ἐπέλειπεν αὐτὸν ἡ ἀγορὰ καὶ λιμὸσ ἥπτετο τοῦ στρατοῦ, ἀναζεῦξαι μὲν οὐκ εὐπρεπὲσ ἡγεῖτο εἶναι Σκιπίων·

καὶ φαγόντασ ἐκέλευεν ὁπλίσασθαι, καὶ ἐπῆγεν ἀδοκήτωσ τοῖσ πολεμίοισ, τοὺσ μὲν ἱππέασ Σιλανῷ, τοὺσ δὲ πεζοὺσ Λαιλίῳ καὶ Μαρκίῳ παραδούσ· θυσάμενοσ δέ, καὶ εὐθὺσ ἐπὶ ταῖσ θυσίαισ τὴν στρατιὰν ἐσ ἐπήκοον ἐλάσασ, καὶ τὸ βλέμμα καὶ τὸ σχῆμα διαθεὶσ πάλιν ὥσπερ ἔνθουσ, ἔφη τὸ δαιμόνιον ἥκειν τὸ σύνηθεσ αὐτῷ, καὶ καλεῖν ἐπὶ τοὺσ πολεμίουσ. χρῆναι δὲ θαρρεῖν θεῷ μᾶλλον ἢ πλήθει στρατοῦ· καὶ γὰρ τῶν πρότερον ἔργων κατὰ θεόν, οὐ κατὰ πλῆθοσ κρατῆσαι. ἔσ τε πίστιν τῶν λεγομένων τὰ ἱερὰ παραφέρειν ἐσ τὸ μέσον ἐκέλευε τοὺσ μάντεισ. καὶ λέγων ὁρᾷ τινὰσ οἰωνοὺσ πετομένουσ, οὓσ μεθ’ ὁρμῆσ καὶ βοῆσ αὐτόθεν ἐπιστραφεὶσ ἐδείκνυέ τε, καὶ ἔλεγεν ὅτι οἱ σύμβολα νίκησ οἱ θεοὶ καὶ τάδε ἔπεμψαν. συνεκινεῖτο δὲ πρὸσ αὐτὰ ἐνθέωσ ὁρῶν καὶ βοῶν. καὶ ἡ στρατιὰ πᾶσα ἐσ τὰσ ἐκείνου φαντασίασ, περιφερομένου δεῦρο κἀκεῖσε, συνεπεστρέφετο, καὶ πάντεσ ὡσ ἐπὶ νίκην ἕτοιμον ἠρεθίζοντο. ὁ δ’ ἐπεὶ πᾶν εἶχεν ὅσον τι καὶ ἐβούλετο, οὐκ ἀνέθετο, οὐδ’ εἰάσε τὴν ὁρμὴν ἐκλυθῆναι, ἀλλ’ ὡσ ἔτι ὢν θεόληπτοσ, ἔφη δεῖν ἐπὶ τοῖσδε τοῖσ σημείοισ εὐθὺσ ἀγωνίσασθαι. Ἀσδρούβασ δὲ καὶ Μάγων καὶ Μασσανάσσησ, ἐπιόντοσ αὐτοῖσ τοῦ Σκιπίωνοσ ἄφνω σταδίων ὄντων ἐν μέσῳ δέκα μόνων, ἄσιτον οὖσαν ἔτι τὴν στρατιὰν ὥπλιζον μετὰ σπουδῆσ καὶ θορύβου καὶ βοῆσ.

κισχίλιοι. γενομένησ δ’ ὁμοῦ πεζομαχίασ τε καὶ ἱππομαχίασ, οἱ μὲν ἱππεῖσ οἱ τῶν Ῥωμαίων ἐκράτουν ὑπὸ τῆσ αὐτῆσ μηχανῆσ, ἀμεταστρεπτὶ τοὺσ Νομάδασ διώκοντεσ, ὑποχωρεῖν εἰθισμένουσ καὶ ἐπελαύνειν· οἷσ τὰ ἀκόντια διὰ τὴν ἐγγύτητα οὐδὲν ἦν ἔτι χρήσιμα· οἱ πεζοὶ δ’ ἐπονοῦντο ὑπὸ τοῦ πλήθουσ τῶν Λιβύων, καὶ ἡττῶντο δι’ ὅλησ ἡμέρασ. οὐδὲ τοῦ Σκιπίωνοσ αὐτοὺσ ἐπιθέοντόσ τε καὶ παρακαλοῦντοσ μετετίθεντο, μέχρι τὸν ἵππον Σκιπίων τῷ παιδὶ παραδούσ, καὶ παρά τινοσ ἀσπίδα λαβών, ἐξέδραμεν ὡσ εἶχε μόνοσ ἐσ τὸ μεταίχμιον, κεκραγώσ, "ἐπικουρεῖτε, ὦ Ῥωμαῖοι, κινδυνεύοντι ὑμῶν τῷ Σκιπίωνι. " τότε γὰρ οἱ μὲν ἐγγὺσ ὁρῶντεσ οἷ κινδύνου φέρεται, οἱ δὲ πόρρω πυνθανόμενοι, καὶ πάντεσ ὁμοίωσ αἰδούμενοί τε καὶ περὶ τῷ στρατηγῷ δεδιότεσ, ἐσέδραμον ἐσ τοὺσ πολεμίουσ μετ’ ἀλαλαγμοῦ καὶ βίασ, ἣν οὐκ ἐνεγκόντεσ οἱ Λίβυεσ ἐνέδωκαν, ἐπιλειπούσησ αὐτοὺσ ἅμα τῆσ δυνάμεωσ ὑπὸ τῆσ ἀσιτίασ περὶ ἑσπέραν· καὶ πολὺσ αὐτῶν δι’ ὀλίγου τότε φόνοσ ἐγίγνετο. τοῦτο μὲν δὴ τέλοσ ἦν Σκιπίωνι τῆσ περὶ Καρμώνην μάχησ, ἐπισφαλοῦσ ἐσ πολὺ γενομένησ. ἀπέθανον δ’ ἐν αὐτῇ Ῥωμαίων μὲν ὀκτακόσιοι, τῶν δὲ πολεμίων μύριοι καὶ πεντα· Μετὰ δὲ τοῦθ’ οἱ μὲν Λίβυεσ ὑπεχώρουν ἀεὶ μετὰ σπουδῆσ, ὁ δὲ Σκιπίων αὐτοῖσ εἵπετο, βλάπτων τι καὶ λυπῶν ὁσάκισ καταλάβοι.

ὡσ δ’ οἱ μὲν ὀχυρόν τι χωρίον προύλαβον, ἔνθα καὶ ὕδωρ ἦν ἄφθονον καὶ ἀγορά, καὶ οὐδὲν ἄλλο ἢ πολιορκεῖν αὐτοὺσ ἔδει, Σκιπίωνα δ’ ἤπειγον ἕτεραι χρεῖαι, Σιλανὸν μὲν ἀπέλιπε τούσδε πολιορκεῖν, αὐτὸσ δ’ ἐπῄει τὴν ἄλλην Ἰβηρίαν καὶ ὑπήγετο. Λιβύων δὲ τῶν ὑπὸ Σιλανοῦ πολιορκουμένων αὖθισ ὑποχωρούντων, ἑώσ ἐπὶ τὸν πορθμὸν ἀφικόμενοι ἐσ Γάδειρα ἐπέρασαν, ὁ Σιλανόσ, ὅσα δυνατὸν ἦν βλάψασ, ἀνεζεύγνυεν ἐσ Καρχηδόνα πρὸσ Σκιπίωνα. Ἀσδρούβαν δὲ τὸν Ἀμίλχαροσ, περὶ τὸν βόρειον ὠκεανὸν στρατιὰν ἔτι συλλέγοντα, ὁ ἀδελφὸσ Ἀννίβασ ἐκάλει κατὰ σπουδὴν ἐσ τὴν Ἰταλίαν ἐσβαλεῖν. ὁ δὲ ἵνα λάθοι τὸν Σκιπίωνα, παρὰ τὸν βόρειον ὠκεανὸν τὴν Πυρήνην ἐσ Γαλάτασ ὑπερέβαινε, μεθ’ ὧν ἐξενολογήκει Κελτιβήρων. καὶ ὁ μὲν Ἀσδρούβασ ὧδε ἐσ τὴν Ἰταλίαν, τῶν Ἰταλῶν ἀγνοούντων, ἠπείγετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 5

(아피아노스, The Foreign Wars, chapter 5)

상위

목록

SEARCH

MENU NAVIGATION