헬라어 문장 검색 - Αππιαν́ΤηεΦορέ55́

(아피아노스, The Foreign Wars, chapter 17)

Ἐσ δὲ Ῥώμην ἐξαγγελλομενησ τῆσ τε Πίσωνοσ ἀπραξίασ καὶ Καρχηδονίων παρασκευῆσ, ὁ δῆμοσ ἤχθετο καὶ ἐδεδοίκει αὐξομένου πολέμου μεγάλου τε καὶ ἀδιαλλάκτου καὶ γείτονοσ· οὐ γάρ τινα διάλυσιν προσεδόκων, ἄπιστα πρότεροι κελεύσαντεσ. τῶν δ’ οὐ πρὸ πολλοῦ Σκιπίωνοσ ἔργων, ἐν Λιβύῃ χιλιαρχοῦντοσ ἔτι, μεμνημένοι, καὶ παραβάλλοντεσ αὐτὰ τοῖσ παροῦσι, τῶν τε ἐπεσταλμένων σφίσιν ὑπὸ τῶν ἐκ στρατοπέδου φίλων καὶ οἰκείων ἀναφέροντεσ, ὡρ́μηντο ὕπατον ἐσ Καρχηδόνα πέμπειν Σκιπίωνα. ἐνειστήκει δ’ ἀρχαιρέσια, καὶ ὁ Σκιπίων οὑ̓ γάρ πω δι’ ἡλικίαν αὐτῷ συνεχώρουν ὑπατεύειν οἱ νόμοἰ ἀγορανομίαν μετῄει, καὶ ὁ δῆμοσ αὐτὸν ὕπατον ᾑρεῖτο. παρανόμου δ’ ὄντοσ καὶ τῶν ὑπάτων προφερόντων αὐτοῖσ τὸν νόμον, ἐλιπάρουν καὶ ἐνέκειντο, καὶ ἐκεκράγεσαν ἐκ τῶν Τυλλίου καὶ Ῥωμύλου νόμων τὸν δῆμον εἶναι κύριον τῶν ἀρχαιρεσιῶν, καὶ τῶν περὶ αὐτῶν νόμων ἀκυροῦν ἢ κυροῦν ὃν ἐθέλοιεν. τέλοσ δὲ τῶν δημάρχων τισ ἔφη τοὺσ ὑπάτουσ ἀφαιρήσεσθαι τὴν χειροτονίαν, εἰ μὴ σύνθοιντο τῷ δήμῳ. καὶ ἡ βουλὴ τοῖσ δημάρχοισ ἐπείθετο λῦσαι τὸν νόμον τόνδε καὶ μετὰ ἔτοσ ἓν αὖθισ ἀναγράψαι, οἱο͂́ν τι καὶ Λακεδαιμόνιοι, λύοντεσ ἐν χρείᾳ τὴν ἀτιμίαν τῶν ἁλόντων περὶ Πύλον, ἔφασαν· "κοιμάσθων οἱ νόμοι τήμερον. " οὕτω μὲν ὁ Σκιπίων ἀγορανομίαν μετιὼν ᾕρητο ὕπατοσ, καὶ αὐτὸν ὁ σύναρχοσ Δροῦσοσ περὶ Λιβύησ πρὸσ αὑτὸν ἐκέλευε διακληροῦσθαι, μέχρι τισ τῶν δημάρχων ἐσηγήσατο τῆσδε τῆσ στρατηγίασ τὴν κρίσιν τοῦ δήμου γενέσθαι· καὶ ὁ δῆμοσ εἵλετο τὸν Σκιπίωνα. ἐδόθη δ’ αὐτῷ στρατὸσ ἐκ μὲν καταλόγου, ὅσοσ ἦν ἀντὶ τῶν ἀπολωλότων, ἐθελοντὰσ δ’ ἄγειν ὅσουσ πείσειε παρὰ τῶν συμμάχων, καὶ ἐσ βασιλέασ καὶ πόλεισ, ὅσασ δοκιμάσειε, πέμπειν, τὸν Ῥωμαίων δῆμον ταῖσ ἐπιστολαῖσ ἐπιγράφοντα. καὶ ἔστιν οὓσ ἔλαβεν οὕτω παρά τε πόλεων καὶ βασιλέων. Ὁ μὲν δὴ τάδε διοικησάμενοσ ἐσ Σικελίαν καὶ ἀπὸ Σικελίασ ἐσ Ἰτύκην ἔπλει·

Καλπούρνιοσ δὲ Πίσων ἐπολιόρκει τὰ μεσόγεια, καὶ Μαγκῖνοσ ἐφορμῶν Καρχηδόνι, μέροσ τι τοῦ τείχουσ ἀμελούμενον ἰδών, οὗ κρημνοὶ προύκειντο συνεχεῖσ καὶ δύσβατοι, καὶ παρ’ αὐτὸ ἦν καὶ ἀμελούμενον, ἤλπισε λαθὼν κλίμακασ ἐποίσειν ἐπὶ τὸ τεῖχοσ. καὶ προσέθηκε μέν, καί τινεσ τῶν στρατιωτῶν ἀνῆλθον εὐτόλμωσ· οἱ Καρχηδόνιοι δ’ ὀλίγων ἔτι ὄντων καταφρονήσαντεσ, ἀνέῳξαν πύλην ἐσ τοὺσ κρημνοὺσ ἐκφέρουσαν, καὶ ἐπὶ τοὺσ Ῥωμαίουσ ἐξέδραμον. καὶ αὐτοὺσ οἱ Ῥωμαῖοι τρεψάμενοί τε καὶ διώκοντεσ ἐσ τὴν πόλιν διὰ τῆσ πύλησ συνεσέδραμον. βοῆσ δ’ ὡσ ἐπὶ νίκῃ γενομένησ, ὅ τε Μαγκῖνοσ ἐκφερόμενοσ ὑπὸ τῆσ ἡδονῆσ, καὶ τὰ ἄλλα ταχὺσ ὢν καὶ κουφόνουσ, καὶ ὁ ἄλλοσ ὅμιλοσ ἅμα τῷ Μαγκίνῳ, τὰσ ναῦσ ἀφέντεσ ἐσ τὸ τεῖχοσ ἐβοηδρόμουν ἄνοπλοί τε καὶ γυμνοί. ἤδη δὲ τοῦ θεοῦ περὶ δείλην ἑσπέραν ὄντοσ, ἐχυρόν τι πρὸσ τῷ τείχει καταλαβόντεσ ἡσύχαζον, τροφῶν δ’ ἀπορῶν ὁ Μαγκῖνοσ ἐκάλει Πίσωνα καὶ τοὺσ Ἰτυκαίων ἄρχοντασ, ἐπικουρεῖν αὑτῷ κινδυνεύοντι καὶ τροφὰσ φέρειν κατὰ σπουδήν. καὶ ὁ μὲν ἔμελλεν ἅμ’ ἑῴ πρὸσ τῶν Καρχηδονίων ἐξωθούμενοσ ἐσ τοὺσ κρημνοὺσ συντριβήσεσθαι. Σκιπίων δ ἐ̔σπέρασ ἐσ Ἰτύκην κατήγετο, καὶ περὶ μέσασ νύκτασ ἐντυχὼν οἷσ ὁ Μαγκῖνοσ ἔγραφε, τόν τε σαλπικτὴν ἐκέλευεν εὐθὺσ ἐπὶ πόλεμον ἠχεῖν, καὶ τοὺσ κήρυκασ συγκαλεῖν ἐπὶ θάλασσαν ὅσοι συνεληλύθεσαν ἐξ Ἰταλίασ αὐτῷ, καὶ τοὺσ ἡβῶντασ Ἰτυκαίων·

ὅσοι δ’ ὑπερήλικεσ, ἀγορὰν ἐσ τὰσ τριήρεισ καταφέρειν. αἰχμάλωτά τε Καρχηδονίων τινὰ λύσασ, ἀφῆκεν ἐξαγγέλλειν αὐτοῖσ ἐπιπλεῖν Σκιπίωνα. ἔσ τε τὸν Πίσωνα ἱππέασ ἄλλουσ ἐπ’ ἄλλοισ ἔπεμπε, καλῶν αὐτὸν κατὰ τάχοσ. καὶ αὐτὸσ ἐσχάτησ φυλακῆσ ἀνήγετο, κελεύσασ, ὅταν πλησιάζωσιν, ὀρθοὺσ ἐπὶ τῶν καταστρωμάτων ἑστάναι τοῦ πλέονα τὴν ὄψιν ἐμποιεῖν τοῖσ πολεμίοισ. ὁ μὲν δὴ τάδ’ ἔπρασσεν, ὁ δὲ Μαγκῖνοσ, ἅμ’ ἑῴ τῶν Καρχηδονίων αὐτῷ πανταχόθεν ἐπιπιπτόντων, πεντακοσίουσ μέν, οὓσ μόνουσ εἶχεν ἐνόπλουσ, περιέστησε τοῖσ γυμνοῖσ τρισχιλίοισ οὖσι, τιτρωσκόμενοσ δὲ δι’ ἐκείνων καὶ συνωθούμενοσ ἐπὶ τὸ τεῖχοσ ἤδη κατεκρημνίζετο, καὶ αἱ νῆεσ ὤφθησαν αἱ τοῦ Σκιπίωνοσ, ῥοθίῳ τε φοβερῷ καταπλέουσαι καὶ μεσταὶ πανταχόθεν ὁπλιτῶν ἐφεστώτων, Καρχηδονίοισ μὲν ᾐσθημένοισ διὰ τῶν αἰχμαλώτων οὐκ ἀνέλπιστοι, Ῥωμαίοισ δ’ ἀγνοοῦσιν ἀδόκητον σωτηρίαν φέρουσαι· μικρὸν γὰρ ὑποχωρησάντων τῶν Καρχηδονίων, ὁ Σκιπίων τοὺσ κινδυνεύοντασ ἐσ αὐτὰσ ἀνέλαβεν. καὶ Μαγκῖνον μὲν ἐσ Ῥώμην αὐτίκα ἔπεμψε ̔καὶ γὰρ ἧκεν αὐτῷ Σερρανὸσ ἐπὶ τὴν ναυαρχίαν διάδοχοσ̓, αὐτὸσ δ’ οὐ μακρὰν τῆσ Καρχηδόνοσ ἐστρατοπέδευεν. οἱ δὲ Καρχηδόνιοι τῶν τειχῶν ἐσ πέντε σταδίουσ προελθόντεσ ἀντήγειραν αὐτῷ χάρακα, καὶ αὐτοῖσ ἐσ τόνδε τὸν χάρακα ἀφίκοντο Ἀσδρούβασ τε ὁ τῆσ χώρασ στρατηγὸσ καὶ Βιθύασ ὁ ἵππαρχοσ ἑξακισχιλίουσ πεζοὺσ ἄγοντεσ καὶ ἱππέασ ἐσ χιλίουσ, χρόνῳ καὶ μελέτῃ γεγυμνασμένουσ. Ὁ δὲ Σκιπίων οὐδὲν εὔκοσμον ἐν τοῖσ στρατιώταισ ὁρῶν οὐδὲ τεταγμένον, ἀλλ’ ἐσ ἀργίαν καὶ πλεονεξίαν καὶ ἁρπαγὰσ ὑπὸ τοῦ Πίσωνοσ ἐπιτετραμμένουσ, ἄλλο τε πλῆθοσ αὐτοῖσ συνόντασ ἀγοραῖον, οἳ τῆσ λείασ χάριν ἑπόμενοι τοῖσ θρασυτέροισ συνεξέτρεχον ἐπὶ τὰσ ἁρπαγὰσ ἄνευ παραγγέλματοσ ἰοῦσι, τοῦ νόμου λιποστράτιον ἐν τοῖσ πολέμοισ ἡγουμένου τὸν ἀποχωρούντα πορρωτέρω σάλπιγγοσ ἀκοῆσ, ὅσα τε πταίσειαν οὗτοι, πάντα ἐσ τὸν στρατηγὸν ἀναφερόμενα, καὶ ὅσα διαρπάσειαν, ἑτέρασ ἔριδοσ αὐτοῖσ καὶ κακῶν γιγνόμενα ἀρχάσ·

πολλοὶ γὰρ καὶ συσκήνων κατεφρόνουν διὰ τὰ κέρδη, καὶ ἐσ ἀνόμουσ πληγὰσ καὶ τραύματα καὶ ἀνδροφονίασ ἐχώρουν. ὧν αἰσθόμενοσ ὁ Σκιπίων, καὶ ἐλπίζων οὔποτε κρατήσειν τῶν πολεμίων εἰ μὴ τῶν ἰδίων κρατήσειε, συνήγαγεν ἐσ ἐκκλησίαν αὐτούσ, καὶ ἐπὶ βῆμα ὑψηλὸν ἀναβὰσ ἐπέπληξεν ὧδε. "Ἐγὼ μεθ’ ὑμῶν, ὦ ἄνδρεσ, ὑπὸ Μανιλίῳ στρατηγῷ ταττόμενοσ, τῆσ εὐπειθείασ ἐν ὑμῖν μάρτυσιν ἔδωκα πεῖραν, ἣν νῦν ὑμᾶσ αἰτῶ στρατηγῶν, κολάσαι μὲν ἐσ ἔσχατον ἔχων ἐξουσίαν τοὺσ ἀπειθοῦντασ, ὠφέλιμον δ’ ἡγούμενοσ προαγορεῦσαι.

ἴστε δὲ ἃ πράττετε· καὶ τί με δεῖ λέγειν ἃ αἰσχύνομαι; λῃστεύετε μᾶλλον ἢ πολεμεῖτε, καὶ διαδιδράσκετε, οὐ στρατοπεδεύετε· καὶ πανηγυρίζουσιν ὑπὸ τῶν κερδῶν, οὐ πολιορκοῦσιν ἐοίκατε· καὶ τρυφᾶν ἐθέλετε πολεμοῦντεσ ἔτι, οὐ νενικηκότεσ. τοιγάρτοι τὰ τῶν πολεμίων ἐξ ἀέλπτου καὶ βραχέοσ, οὗ κατέλιπον, ἐσ τοσοῦτον ἐπῇρται δυνάμεωσ, καὶ ἡμῖν ὁ πόνοσ ἐκ τῆσδε τῆσ ῥᾳστώνησ γέγονε χαλεπώτεροσ. τὰσ δ’ αἰτίασ εἰ μὲν ἐν ὑμῖν οὔσασ ἑώρων, εὐθὺσ ἂν ἐκόλαζον· ἐπεὶ δ’ ἀνατίθημι ἑτέρῳ, νῦν μὲν ὑμᾶσ ἀφίημι τῶν μέχρι νῦν γεγονότων. ἥκω δὲ οὐ λῃστεύσων ἔγωγε ἀλλὰ νικήσων, οὐδὲ χρηματιούμενοσ πρὸ τῆσ νίκησ, ἀλλὰ τοὺσ ἐχθροὺσ πρῶτον ἐξεργασόμενοσ. ἄπιτε πάντεσ ἐκ τοῦ στρατοπέδου τήμερον, ὅσοι μὴ στρατεύεσθε, χωρὶσ τῶν ἐπιτραπησομένων ὑπ’ ἐμοῦ μένειν. τοῖσ δ’ ἐξιοῦσιν οὐδ’ ἐπανελθεῖν δίδωμι, πλὴν εἴ τισ ἀγορὰν φέροι, καὶ ταύτην στρατιωτικήν τε καὶ ψιλήν. ἔσται δὲ καὶ τούτοισ χρόνοσ ὡρισμένοσ ἐν ᾧ τὰ ὄντα διαθήσονται, καὶ τῆσ πράσεωσ αὐτῶν ἐγὼ καὶ ὁ ταμίασ ἐπιμελησόμεθα. καὶ τάδε μὲν εἰρήσθω τοῖσ περιττοῖσ, ὑμῖν δὲ τοῖσ ἐστρατευμένοισ ἓν ἔστω παράγγελμα κοινὸν ἐπὶ πᾶσιν ἔργοισ ὁ ἐμὸσ τρόποσ καὶ πόνοσ· πρὸσ γὰρ τόδε κατευθεύνοντεσ αὑτοὺσ οὔτε προθυμίασ ἁμαρτήσεσθε οὔτε χάριτοσ ἀτυχήσετε. χρὴ δὲ νῦν μὲν πονεῖν, ἐν ᾧ κινδυνεύομεν, τὰ δὲ κέρδη καὶ τὴν τρυφὴν ἐσ τὸν πρέποντα καιρὸν ἀναθέσθαι. ταῦτ’ ἐγὼ προστάσσω καὶ ὁ νόμοσ, καὶ τοῖσ μὲν εὐπειθῶσ ἔχουσιν οἴσει πολλὴν ἀγαθῶν ἀμοιβήν, τοῖσ δ’ ἀπειθοῦσι μετάνοιαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 17

(아피아노스, The Foreign Wars, chapter 17)

상위

목록

SEARCH

MENU NAVIGATION