Appian, The Foreign Wars, chapter 4

(아피아노스, The Foreign Wars, chapter 4)

Προύγραφον οὖν ἡμέραν ἐν ᾗ χειροτονήσουσι στρατηγὸν ἐσ Ἰβηρίαν. καὶ οὐδενὸσ παραγγέλλοντοσ ἔτι πλείων ἐγίγνετο φόβοσ, καὶ σιωπὴ σκυθρωπὸσ ἐπεῖχε τὴν ἐκκλησίαν, ἐσ οὗ Κορνήλιοσ Σκιπίων ὁ Ποπλίου Κορνηλίου τοῦ ἀναιρεθέντοσ ἐν Ἴβηρσιν υἱόσ, νέοσ μὲν ὢν κομιδῇ ̔τεσσάρων γὰρ καὶ εἴκοσιν ἐτῶν ἦν̓, σώφρων δὲ καὶ γενναῖοσ εἶναι νομιζόμενοσ, ἐσ τὸ μέσον ἐλθὼν ἐσεμνολόγησεν ἀμφί τε τοῦ πατρὸσ καὶ ἀμφὶ τοῦ θείου, καὶ τὸ πάθοσ αὐτῶν ὀδυράμενοσ ἐπεῖπεν οἰκεῖοσ εἶναι τιμωρὸσ ἐκ πάντων πατρὶ καὶ θείῳ καὶ πατρίδι. ἄλλα τε πολλὰ ἀθρόωσ καὶ λάβρωσ, ὥσπερ ἔνθουσ, ἐπαγγειλάμενοσ, οὐκ Ἰβηρίαν λήψεσθαι μόνην ἀλλ’ ἐπ’ αὐτῇ καὶ Λιβύην καὶ Καρχηδόνα, τοῖσ μὲν ἔδοξε κουφολογῆσαι νεανικῶσ, τὸν δὲ δῆμον ἀνέλαβε κατεπτηχότα ̔χαίρουσι γὰρ ἐπαγγελίαισ οἱ δεδιότεσ̓ καὶ ᾑρέθη στρατηγὸσ ἐσ Ἰβηρίαν ὡσ πράξων τι τῆσ εὐτολμίασ ἄξιον. οἱ πρεσβύτεροι δὲ αὐτὴν οὐκ εὐτολμίαν ἀλλὰ προπέτειαν ἐκάλουν. καὶ ὁ Σκιπίων αἰσθόμενοσ ἐσ ἐκκλησίαν αὖθισ αὐτοὺσ συνεκάλει τε καὶ ἐσεμνύνετο ὅμοια· καὶ τὴν ἡλικίαν εἰπὼν οὐδὲν ἐμποδών οἱ γενήσεσθαι, προυκαλεῖτο ὅμωσ, εἴ τισ ἐθέλοι τῶν πρεσβυτέρων τὴν ἀρχὴν παραλαβεῖν ἑκόντοσ αὐτοῦ παραδιδόντοσ. οὐδενὸσ δ’ ἑλομένου, μᾶλλον ἐπαινούμενόσ τε καὶ θαυμαζόμενοσ ἐξῄει μετὰ μυρίων πεζῶν καὶ ἱππέων πεντακοσίων· οὐ γὰρ ἐνεχώρει πλέονα στρατὸν ἐξάγειν, Ἀννίβου δῃοῦντοσ τὴν Ἰταλίαν. ἔλαβε δὲ καὶ χρήματα καὶ παρασκευὴν ἄλλην καὶ ναῦσ μακρὰσ ὀκτὼ καὶ εἴκοσι, μεθ’ ὧν ἐσ Ἰβηρίαν διέπλευσεν. Παραλαβών τε τὴν ἐκεῖ στρατιάν, καὶ οὓσ ἦγεν ἐσ ἓν συναγαγών, ἐκάθηρε, καὶ διελέχθη καὶ τοῖσδε μεγαληγόρωσ.

δόξα τε διέδραμεν ἐσ ὅλην αὐτίκα τὴν Ἰβηρίαν, βαρυνομένην τε τοὺσ Λίβυασ καὶ τῶν Σκιπιώνων τὴν ἀρετὴν ἐπιποθοῦσαν, ὅτι στρατηγὸσ αὐτοῖσ ἥκοι Σκιπίων ὁ Σκιπίωνοσ κατὰ θεόν. οὗ δὴ καὶ αὐτὸσ αἰσθανόμενοσ, ὑπεκρίνετο πάντα ποιεῖν πειθόμενοσ θεῷ. πυνθανόμενοσ δ’ ὅτι οἱ ἐχθροὶ σταθμεύουσι μὲν ἐν τέσσαρσι στρατοπέδοισ, μακρὰν διεστηκότεσ ἀπ’ ἀλλήλων, ἀνὰ δισμυρίουσ καὶ πεντακισχιλίουσ πεζοὺσ καὶ ἱππέασ πεντακοσίουσ ἐπὶ δισχιλίοισ, τὴν δὲ παρασκευὴν τῶν τε χρημάτων καὶ σίτου καὶ ὅπλων καὶ βελῶν καὶ νεῶν καὶ αἰχμαλώτων καὶ ὁμήρων τῶν ἐξ ὅλησ Ἰβηρίασ ἔχουσιν ἐν τῇ πρότερον μὲν Ζακάνθῃ τότε δὲ ἤδη Καρχηδόνι, καὶ φρουρὸσ αὐτῶν ἐστὶ Μάγων μετὰ μυρίων Καρχηδονίων, ἔκρινε πρῶτον ἐσ τούτουσ ἐπιδραμεῖν διά τε τὴν ὀλιγότητα τοῦ στρατοῦ τοῦ μετὰ Μάγωνοσ καὶ τὸ μέγεθοσ τῆσ παρασκευῆσ, καὶ ὡσ ὁρμητήριον ἀσφαλὲσ ἐκ γῆσ καὶ θαλάσσησ ἕξων ἐπὶ ὅλην τὴν Ἰβηρίαν πόλιν ἀργυρεῖα καὶ χώραν εὐδαίμονα καὶ πλοῦτον πολὺν ἔχουσαν καὶ τὸν διάπλουν ἐσ Λιβύην βραχύτατον. Ὁ μὲν δὴ τοσοῖσδε λογισμοῖσ ἐπαιρόμενοσ, οὐδενὶ προειπὼν ὅπῃ χωρήσειν ἔμελλεν, ἡλίου δύναντοσ ἦγε τὴν στρατιὰν δι’ ὅλησ τῆσ νυκτὸσ ἐπὶ τὴν Καρχηδόνα.

καὶ αὐτὴν ἅμα ἑῴ, τῶν Λιβύων καταπλαγέντων, περιταφρεύσασ, ἐσ τὴν ἐπιοῦσαν ἡμέραν ἡτοιμάζετο, κλίμακάσ τε καὶ μηχανὰσ πάντῃ περιτιθείσ, χωρὶσ ἑνὸσ μέρουσ, ᾗ τὸ μὲν τεῖχοσ ἦν βραχύτατον, ἕλοσ δ’ αὐτῷ καὶ θάλασσα προσέκλυζε, καὶ δι’ αὐτὸ καὶ οἱ φύλακεσ ἀμελῶσ εἶχον. νυκτὸσ δὲ πάντα πληρώσασ βελῶν καὶ λίθων, καὶ τοῖσ λιμέσι τῆσ πόλεωσ ναῦσ ἐπιστήσασ, ἵνα μὴ αἱ νῆεσ αὐτὸν αἱ τῶν πολεμίων διαφύγοιεν ὑ̔πὸ γὰρ δὴ μεγαλοψυχίασ ἤλπιζε πάντωσ αἱρήσειν τὴν πόλιν̓, πρὸ ἑώ τὴν στρατιὰν ἀνεβίβαζεν ἐπὶ τὰσ μηχανάσ, τοὺσ μὲν ἄνωθεν ἐγχειρεῖν κελεύων τοῖσ πολεμίοισ, τοὺσ δὲ κάτω τὰσ μηχανὰσ ὠθεῖν ἐσ τὸ πρόσω. Μάγων δὲ τοὺσ μὲν μυρίουσ ἐπέστησε ταῖσ πύλαισ ὡσ ἐκπηδήσοντασ, ὅτε καιρὸσ εἰή, μετὰ μόνων ξιφῶν οὑ̓ γὰρ εἶναι δόρασιν ἐν στενῷ χρῆσθαἰ, τοὺσ δὲ ἄλλουσ ἐσ τὰσ ἐπάλξεισ ἀνῆγεν. καὶ πολλὰ καὶ ὅδε μηχανήματα καὶ λίθουσ καὶ βέλη καὶ καταπέλτασ ἐπιστήσασ εἴχετο τοῦ ἔργου προθύμωσ. γενομένησ δὲ βοῆσ καὶ παρακελεύσεωσ ἑκατέρωθεν, οὐδέτεροι μὲν ὁρμῆσ καὶ προθυμίασ ἐνέλειπον, καὶ λίθουσ τε καὶ βέλη καὶ ἀκόντια ἀφιέντεσ, οἱ μὲν ἀπὸ χειρῶν, οἱ δὲ ἀπὸ μηχανῶν, οἱ δὲ ἀπὸ σφενδόνησ, εἴ τέ τισ ἦν ἄλλη παρασκευὴ καὶ δύναμισ, ἐχρῶντο προθύμωσ ἅπασιν. Ἐκακοπάθει δὲ τὰ τοῦ Σκιπίωνοσ, καὶ οἱ μύριοι Καρχηδονίων, οἳ περὶ τὰσ πύλασ ἦσαν, ἐκδραμόντεσ σὺν τοῖσ ξίφεσι γυμνοῖσ ἐνέπιπτον ἐσ τοὺσ τὰ μηχανήματα ὠθοῦντασ, καὶ πολλὰ μὲν ἔδρων, οὐχ ἥσσω δ’ ἀντέπασχον, μέχρι τῷ φιλοπόνῳ καὶ ταλαιπώρῳ τὰ Ῥωμαίων ὑπανίστατο.

καὶ μεταβολῆσ γενομένησ οἵ τε ἐπὶ τῶν τειχῶν ἔκαμνον ἤδη, καὶ αἱ κλίμακεσ αὐτοῖσ προσεπέλαζον. οἱ δὲ ξιφήρεισ τῶν Καρχηδονίων ἐσ τὰσ πύλασ ἐσέτρεχον, καὶ ἀποκλείσαντεσ αὐτὰσ ἀνεπήδων ἐπὶ τὰ τείχη. καὶ τοῖσ Ῥωμαίοισ αὖθισ ἦν ὁ πόνοσ πολύσ τε καὶ χαλεπόσ, ἐσ οὗ Σκιπίων ὁ στρατηγὸσ πάντῃ περιθέων τε καὶ βοῶν καὶ παρακαλῶν εἶδε περὶ μεσημβρίαν, ᾗ τὸ βραχὺ τεῖχοσ ἦν καὶ τὸ ἕλοσ προσέκλυζε, τὴν θάλασσαν ὑποχωροῦσαν· ἄμπωτισ γὰρ ἐφήμεροσ ἔστιν. καὶ ὁ κλύδων ἐπῄει μὲν ἐσ μαστούσ, ὑπεχώρει δὲ ἐσ μέσασ κνήμασ. ὅπερ ὁ Σκιπίων τότε ἰδών, καὶ περὶ τῆσ φύσεωσ αὐτοῦ πυθόμενοσ, ὡσ ἔχοι τὸ λοιπὸν τῆσ ἡμέρασ, πρὶν ἐπανελθεῖν τὸ πέλαγοσ, ἔθει πάντῃ βοῶν, "νῦν ὁ καιρόσ, ὦ ἄνδρεσ, νῦν ὁ σύμμαχόσ μοι θεὸσ ἀφῖκται. πρόσιτε τῷ μέρει τῷδε τοῦ τείχουσ. ἡ θάλασσα ἡμῖν ὑποκεχώρηκεν φέρετε τὰσ κλίμακασ, ἐγὼ δ’ ἡγήσομαι. Καὶ πρῶτοσ ἁρπάσασ τινὰ τῶν κλιμάκων μετέφερέ τε καὶ ἀνέβαινεν, οὔπω τινὸσ ἀναβάντοσ ἄλλου, μέχρι περισχόντεσ αὐτὸν οἵ τε ὑπασπισταὶ καὶ ἡ ἄλλη στρατιὰ τόνδε μὲν ἐπέσχον, αὐτοὶ δὲ πολλὰσ ὁμοῦ κλίμακασ προσετίθεσάν τε καὶ ἀνεπήδων.

βοῆσ δὲ καὶ ὁρμῆσ ἑκατέρωθεν γενομένησ, καὶ ποικίλων ἔργων καὶ παθῶν, ἐκράτησαν ὅμωσ οἱ Ῥωμαῖοι, καὶ πύργων τινῶν ἐπέβησαν ὀλίγων, οἷσ ὁ Σκιπίων σαλπικτὰσ καὶ βυκανιστὰσ ἐπιστήσασ ἐξοτρύνειν ἐκέλευσε καὶ θορυβεῖν ὡσ τῆσ πόλεωσ εἰλημμένησ ἤδη. ἕτεροί τε περιθέοντεσ ὁμοίωσ διετάρασσον. καὶ καθαλόμενοί τινεσ ἀνέῳξαν τῷ Σκιπίωνι τὰσ πύλασ· ὁ δ’ ἐσεπήδησε μετὰ τῆσ στρατιᾶσ δρόμῳ. καὶ τῶν ἔνδον οἱ μὲν ἐσ τὰσ οἰκίασ ἀπεδίδρασκον, ὁ δὲ Μάγων τοὺσ μυρίουσ ἐσ τὴν ἀγορὰν συνεκάλει. ταχὺ δὲ καὶ τούτων κατακοπέντων, ἐσ τὴν ἄκραν σὺν ὀλίγοισ ἀνεχώρει. τοῦ δὲ Σκιπίωνοσ καὶ ἐπὶ τὴν ἄκραν εὐθὺσ ἐπιόντοσ, οὐδὲν ἔτι δρᾶν σὺν ἡττημένοισ τε καὶ κατεπτηχόσιν ἔχων ἐνεχείρισεν ἑαυτὸν τῷ Σκιπίωνι. Ὁ δὲ τόλμῃ καὶ τύχῃ πόλιν εὐδαίμονα καὶ δυνατὴν ἑλὼν ἡμέρᾳ μιᾷ, τετάρτῃ τῆσ ἐπ’ αὐτὴν ἀφίξεωσ, ἐπῇρτο μεγάλωσ, καὶ μᾶλλον ἐδόκει κατὰ θεὸν ἕκαστα δρᾶν, αὐτόσ τε οὕτωσ ἐφρόνει καὶ οὕτωσ ἐλογοποίει καὶ τότε καὶ ἐσ τὸν ἔπειτα βίον, ἀρξάμενοσ ἐξ ἐκείνου.

πολλάκισ γοῦν ἐσ τὸ Καπιτώλιον ἐσῄει μόνοσ, καὶ τὰσ θύρασ ἐπέκλειεν ὥσπερ τι παρὰ τοῦ θεοῦ μανθάνων. καὶ νῦν ἔτι τὴν εἰκόνα τὴν Σκιπίωνοσ ἐν ταῖσ πομπαῖσ μόνου προφέρουσιν ἐκ τοῦ Καπιτωλίου, τῶν δ’ ἄλλων ἐξ ἀγορᾶσ φέρονται. τότε δ’ εἰρηνικὸν ὁμοῦ καὶ πολεμικὸν ταμιεῖον παραλαβών, ὅπλα τε πολλὰ ἐν αὐτῷ καὶ βέλη καὶ μηχανήματα καὶ νεωσοίκουσ καὶ ναῦσ μακρὰσ τρεῖσ καὶ τριάκοντα, καὶ σῖτον καὶ ἀγορὰν ποικίλην, καὶ ἐλέφαντα καὶ χρυσὸν καὶ ἄργυρον, τὸν μὲν ἐν σκεύεσι πεποιημένον, τὸν δὲ ἐπίσημον, τὸν δὲ ἀσήμαντον, ὅμηρά τε Ἰβήρων καὶ αἰχμάλωτα, καὶ ὅσα Ῥωμαίων αὐτῶν προείληπτο, ἔθυε τῆσ ἐπιούσησ καὶ ἐθριάμβευε, καὶ τὴν στρατιὰν ἐπῄνει, καὶ τῇ πόλει μετὰ τὴν στρατιὰν ἐδημηγόρει, τῶν τε Σκιπιώνων αὐτοὺσ ἀναμνήσασ ἀπέλυε τοὺσ αἰχμαλώτουσ ἐσ τὰ ἴδια, θεραπεύων τὰσ πόλεισ. ἀριστεῖα δ’ ἐδίδου τῷ μὲν ἐσ τὸ τεῖχοσ ἀναβάντι πρώτῳ μέγιστα, τῷ δ’ ἑξῆσ τὰ ἡμίσεα τούτων, τῷ δὲ τρίτῳ τὰ τρίτα καὶ τοῖσ ἄλλοισ κατὰ λόγον. τὰ δὲ λοιπὰ ἐσ Ῥώμην ἔπεμψεν ἐπὶ τῶν εἰλημμένων νεῶν, ὅσα χρυσὸσ ἢ ἄργυροσ ἦν ἢ ἐλέφασ. ἡ μὲν δὴ πόλισ ἔθυεν ἐπὶ πρεῖσ ἡμέρασ ὡσ τῆσ πατρῴασ εὐπραξίασ ἐκ πόνων πολλῶν αὖθισ ἀνακυπτούσησ, ἡ δὲ Ἰβηρία καὶ οἱ ἐν αὐτῇ Φοίνικεσ κατεπεπλήγεσαν τῷ μεγέθει καὶ τάχει τοῦ τολμήματοσ.

일치하는 문장이 없습니다.

SEARCH

MENU NAVIGATION