헬라어 문장 검색 - Αππιαν́ΤηεΦορέ66́

(아피아노스, The Foreign Wars, chapter 4)

Ὁ δὲ Σεβαστὸσ πάντα ἐχειρώσατο ἐντελῶσ, καὶ ἐν παραβολῇ τῆσ ἀπραξίασ Ἀντωνίου κατελογίσατο τῇ βουλῇ τὴν Ἰταλίαν ἡμερῶσαι δυσμάχων ἐθνῶν θαμινὰ ἐνοχλούντων. καὶ ἐνδοῦσιν οἰκεῖν ἔδωκεν. Ὀξυαίουσ μὲν δὴ καὶ Περθεηνάτασ καὶ Βαθιάτασ καὶ Ταυλαντίουσ καὶ Καμβαίουσ καὶ Κινάμβρουσ καὶ Μερομέννουσ καὶ Πυρισσαίουσ εἷλε δι’ ὅλησ πείρασ· ἔργῳ δὲ μείζονι ἐλήφθησαν, καὶ φόρουσ ὅσουσ ἐξέλιπον ἠναγκάσθησαν ἀποδοῦναι, Δοκλεᾶταί τε καὶ Κάρνοι καὶ Ἰντερφρουρῖνοι καὶ Ναρήσιοι καὶ Γλιντιδίωνεσ καὶ Ταυρίσκοι. ὧν ἁλόντων οἱ ὅμοροι προσέθεντο αὐτῷ καταπλαγέντεσ, Ἱππασῖνοί τε καὶ Βεσσοί. ἑτέρουσ δὲ αὐτῶν ἀποστάντασ, Μελιτηνοὺσ καὶ Κορκυρηνούσ, οἳ νήσουσ ᾤκουν, ἀνέστησεν ἄρδην, ὅτι ἐλῄστευον τὴν θάλασσαν· καὶ τοὺσ μὲν ἡβῶντασ αὐτῶν ἔκτεινε, τοὺσ δ’ ἄλλουσ ἀπέδοτο. Λιβυρνῶν δὲ τὰσ ναῦσ ἀφείλετο, ὅτι καὶ οἵδε ἐλῄστευον. Ιἀπόδων δὲ τῶν ἐντὸσ Ἄλπεων Μοεντῖνοι μὲν καὶ Αὐενδεᾶται προσέθεντο αὐτῷ προσιόντι, Ἀρουπῖνοι δ’, οἳ πλεῖστοι καὶ μαχιμώτατοι τῶνδε τῶν Ιἀπόδων εἰσίν, ἐκ τῶν κωμῶν ἐσ τὸ ἄστυ ἀνῳκίσαντο, καὶ προσιόντοσ αὐτοῦ ἐσ τὰσ ὕλασ συνέφυγον. ὁ δὲ Καῖσαρ τὸ ἄστυ ἑλὼν οὐκ ἐνέπρησεν, ἐλπίσασ ἐνδώσειν αὐτούσ· Μάλιστα δ’ ἠνώχλησαν αὐτὸν Σαλασσοί τε καὶ Ιἄποδεσ οἱ πέραν Ἄλπεων καὶ Σεγεστανοὶ καὶ Δαλμάται καὶ Δαισιτιᾶται καὶ Παίονεσ, ὄντεσ ἑκὰσ τοῖσ Σαλασσοῖσ, οἳ κορυφὰσ οἰκοῦσι τῶν Ἄλπεων, ὄρη δύσβατα, καὶ στενὴ δίοδόσ ἐστιν ἐπ’ αὐτὰ καὶ δυσχερήσ·

δι’ ἃ καὶ ἦσαν αὐτόνομοι, καὶ τέλη τοὺσ παροδεύοντασ ᾔτουν. τούτοισ Οὐέτερ ἐμπεσὼν ἀδοκήτωσ τὰ στενὰ προύλαβε δι’ ἐνέδρασ, καὶ ἐπὶ διετὲσ αὐτοὺσ ἐπολιόρκει. οἱ δὲ ἁλῶν ἀπορίᾳ, ὧν εἰσὶ μάλιστα ἐν χρείᾳ, φρουρὰσ ἐδέξαντο. καὶ Οὐέτεροσ ἀποστάντοσ τὰσ φρουρὰσ ἐξέβαλον εὐθύσ, καὶ τὰ στενὰ κρατυνάμενοι τοὺσ ἐπιπεμπομένουσ σφίσιν ὑπὸ τοῦ Καίσαροσ διέπαιζον, οὐδὲν δρᾶν μέγα ἔχοντασ. ὅθεν αὐτοῖσ ὁ Καῖσαρ, προσδοκωμένου τοῦ πρὸσ Ἀντώνιον πολέμου, συνέθετο αὐτονόμουσ ἐάσειν, καὶ ἀκολάστουσ τῶν ἐπὶ Οὐέτερι πραχθέντων. οἱ δ’ ἅτε ἐν ὑποψίᾳ ταῦτ’ ἔχοντεσ ἅλασ πολλοὺσ ἐσώρευον, καὶ τὴν Ῥωμαίων κατέθεον, μέχρι Μεσσάλασ Κορουῖνοσ αὐτοῖσ ἐπιπεμφθεὶσ λιμῷ παρεστήσατο. Καὶ Σαλασσοὶ μὲν οὕτωσ ἐλήφθησαν, Ιἄποδεσ δὲ οἱ πέραν Ἄλπεων, ἔθνοσ ἰσχυρόν τε καὶ ἄγριον, δὶσ μὲν ἀπεώσαντο Ῥωμαίουσ, ἔτεσί που ἀγχοῦ εἴκοσιν, Ἀκυληίαν δ’ ἐπέδραμον καὶ Τεργηστὸν Ῥωμαίων ἄποικον ἐσκύλευσαν.

ἐπιόντοσ δ’ αὐτοῖσ τοῦ Καίσαροσ ὁδὸν ἀνάντη καὶ τραχεῖαν· οἱ δ’ ἔτι μᾶλλον αὐτὴν ἐδυσχέραινον αὐτῷ, τὰ δένδρα κόπτοντεσ. ὡσ δ’ ἀνῆλθεν, ἐσ τὴν ἄλλην ὕλην αὐτοὶ συνέφυγον καὶ προσιόντα ἐλόχων. ὁ δέ ὑ̔πώπτευε γὰρ ἀεί τι τοιοῦτον̓ ἐσ τὰσ ἀκρωρείασ τινὰσ ἔπεμπεν, οἳ ἑκατέρωθεν αὐτῷ συνέθεον προβαίνοντι διὰ τοῦ χθαμαλοῦ καὶ κόπτοντι τὴν ὕλην· οἱ δὲ Ιἄποδεσ ἐπεξέθεον μὲν ἐκ τῶν ἐνεδρῶν καὶ πολλοὺσ ἐτίτρωσκον, ὑπὸ δὲ τῶν ἐν τοῖσ ἄκροισ ἐπιτρεχόντων κατεκόπτοντο οἱ πλείουσ. οἱ δὲ λοιποὶ πάλιν ἐσ τὰ λάσια συνέφευγον, τὴν πόλιν ἐκλιπόντεσ, ᾗ ὄνομα Τέρπωνοσ. καὶ αὐτὴν ὁ Καῖσαρ ἑλὼν οὐκ ἐνέπρησεν, ἐλπίσασ καὶ τούσδε ἐνδώσειν· καὶ ἐνέδωκαν. Ἐπὶ δ’ ἑτέραν πόλιν ἐχώρει, Μετοῦλον, ἣ τῶν Ιἀπόδων ἐστὶ κεφαλή, κεῖται δ’ ἐν ὄρει σφόδρα ὑλώδει ἐπὶ δύο λόφων, οὓσ διαιρεῖ χαράδρα στενή.

καὶ αὐτὸσ ἐσ ὑψηλὸν πύργον ἀναβὰσ ἑώρα. καὶ ἡ νεότησ ἦν ἀμφὶ τοὺσ τρισχιλίουσ μαχίμουσ τε καὶ σφόδρα εὐόπλουσ· οἳ Ῥωμαίουσ τὰ τείχη σφῶν περιστάντασ εὐκόλωσ ἀπεκρούοντο. οἱ δὲ χῶμα ἤγειρον· καὶ οἱ Μετοῦλοι τό τε χῶμα νυκτὸσ καὶ ἡμέρασ ἐκτρέχοντεσ ἠνώχλουν, καὶ τοὺσ ἄνδρασ ἀπὸ τοῦ τείχουσ μηχαναῖσ κατεπόνουν, ἃσ ἐσχήκεσαν ἐκ τοῦ πολέμου ὃν Δέκμοσ Βροῦτοσ ἐνταῦθα ἐπολέμησεν Ἀντωνίῳ τε καὶ τῷ Σεβαστῷ. πονοῦντοσ δὲ κἀκείνοισ ἤδη τοῦ τείχουσ, οἵδ’ ὑπετείχισαν ἔνδοθεν, καὶ τὸ κεκμηκὸσ ἐκλιπόντεσ μετεπήδησαν ἐσ τὸ νεότευκτον· οἱ δὲ Ῥωμαῖοι τὸ μὲν ἐκλειφθὲν λαβόντεσ ἐνέπρησαν, κατὰ δὲ τοῦ ἄλλου δύο χώματα ἔχουν, καὶ ἀπ’ αὐτῶν γεφύρασ τέσσαρασ ἐξέτεινον ἐσ τὸ τεῖχοσ. γενομένων δὲ τούτων ὁ Καῖσαρ περιέπεμψέ τινασ ἐσ τὰ ὀπίσθια τῆσ πόλεωσ, περισπᾶν τοὺσ Μετούλουσ, τοῖσ δ’ ἄλλοισ προσέταξε περᾶν ἐσ τὰ τείχη. διὰ τῶν γεφυρῶν. Οἱ βάρβαροι δὲ τοῖσ περῶσιν ὑπήντων τε ἐκ μετώπου κατὰ τὸ τεῖχοσ, καὶ ὑφεδρεύοντεσ ἕτεροι τὰσ γεφύρασ μακροῖσ δόρασιν ὑπεκέντουν, μᾶλλόν τε ἐθάρρησαν μιᾶσ γεφύρασ καὶ δευτέρασ ἐπ’ ἐκείνῃ πεσούσησ.

ὡσ δὲ καὶ ἡ τρίτη συνέπεσε, φόβοσ ἤδη παντελὴσ τοὺσ Ῥωμαίουσ ἐπεῖχε, καὶ οὐδεὶσ τῆσ τετάρτησ ἐπέβαινεν, ἑώσ ὁ Καῖσαρ ἐκ τοῦ πύργου καταθορὼν ὠνείδιζεν αὐτούσ. ἀλλὰ καὶ ὣσ οὐκ ἐρεθιζομένων, αὐτὸσ ἀσπίδα λαβὼν ἐπὶ τὴν γέφυραν ἱέτο δρόμῳ. συνέθεον δ’ αὐτῷ τῶν ἡγεμόνων Ἀγρίππασ τε καὶ Ιἕρων καὶ ὁ σωματοφύλαξ Λοῦτοσ καὶ Οὐόλασ, τέσσαρεσ οἵδε μόνοι, καὶ τῶν ὑπασπιστῶν ὀλίγοι. ἤδη δ’ αὐτοῦ τὴν γέφυραν περῶντοσ, ἐν αἰδοῖ γενόμενοσ ὁ στρατὸσ ἀνεπήδησεν ἄθρουσ. καὶ πάλιν ἡ γέφυρα βαρηθεῖσα καταπίπτει, καὶ οἱ ἄνδρεσ ὑπ’ αὐτῆσ ἀθρόοι κατεχώννυντο, καὶ οἱ μὲν ἀπέθανον αὐτῶν, οἱ δὲ συντριβέντεσ ἐφέροντο. ὁ δὲ Καῖσαρ ἐπλήγη μὲν τὸ σκέλοσ τὸ δεξιὸν καὶ τοὺσ βραχίονασ ἄμφω, ἀνέδραμε δ’ ὅμωσ εὐθὺσ ἐπὶ τὸν πύργον μετὰ τῶν συμβόλων, καὶ ἑαυτὸν ἔδειξεν ἐρρωμένον, μή τισ ὡσ ἀποθανόντοσ γένοιτο θόρυβοσ. ἵνα δὲ μηδ’ οἱ πολέμιοι νομίσειαν αὐτὸν ἐνδώσειν ἀναχωρήσαντα, εὐθὺσ ἑτέρασ ἐπήγνυτο γεφύρασ. ὃ καὶ μάλιστα κατέπληξε τοὺσ Μετούλουσ ὡσ ὑπὸ γνώμησ ἀμάχου πολεμουμένουσ. Καὶ τῆσ ἐπιούσησ πρεσβευσάμενοι πρὸσ αὐτὸν ὁμήρουσ τε πεντήκοντα ἔδοσαν, οὓσ ὁ Καῖσαρ ἐπελέξατο, καὶ φρουρὰν ὑποσχόμενοι δέξεσθαι τὸν ὑψηλότερον λόφον τοῖσ φρουροῖσ ἀπέλιπον, αὐτοὶ δὲ μετεχώρουν ἐσ τὸν ἕτερον.

ἐπεὶ δὲ ἐσελθοῦσα ἡ φρουρὰ τὰ ὅπλα αὐτοὺσ ἐκέλευεν ἀποθέσθαι, οἱ δὲ ἠγανάκτησάν τε, καὶ τὰ γύναια σφῶν καὶ τοὺσ παῖδασ ἐσ τὸ βουλευτήριον συγκλείσαντεσ, καὶ φυλακὴν ἐπιστήσαντεσ, οἷσ εἴρητο, εἴ τι ἀηδὲσ γίγνοιτο περὶ αὐτούσ, ἐμπρῆσαι τὸ βουλευτήριον, ἐπεχείρουν τοῖσ Ῥωμαίοισ αὐτοὶ μετ’ ἀπονοίασ. οἱᾶ δ’ ὑψηλοτέροισ ἐπιχειροῦντεσ ἐκ ταπεινοῦ, συνεχώσθησαν ἀθρόοι, καὶ οἱ φύλακεσ τὸ βουλευτήριον κατέπησαν, πολλαί τε τῶν γυναικῶν ἑαυτάσ τε καὶ τὰ τέκνα διεχρῶντο, αἱ δὲ καὶ ζῶντα ἔτι φέρουσαι ἐσ τὸ πῦρ ἐνήλαντο, ὡσ ἀπολέσθαι τῶν Μετούλων τήν τε νεότητα πᾶσαν ἐν τῇ μάχῃ καὶ τῶν ἀχρείων τὸ πλέον τῷ πυρί. συγκατεφλέγη δὲ αὐτοῖσ καὶ ἡ πόλισ, καὶ οὐδὲν ἦν ἴχνοσ μεγίστησ ἐκεῖθι γενομένησ. Μετούλου δ’ ἁλούσησ οἱ λοιποὶ τῶν Ιἀπόδων καταπλαγέντεσ ἑαυτοὺσ ἐπέτρεψαν τῷ Καίσαρι. Ιἄποδεσ μὲν οὖν οἱ πέραν Ἄλπεων τότε πρῶτον Ῥωμαίων ὑπήκουσαν· καὶ αὐτῶν Ποσηνοὺσ ἀποχωρήσαντοσ τοῦ Καίσαροσ ἀποστάντασ ἐπιπεμφθεὶσ αὐτοῖσ Μᾶρκοσ Ἕλουιοσ εἷλε, καὶ τοὺσ μὲν αἰτίουσ ἔκτεινε, τοὺσ δὲ λοιποὺσ ἀπέδοτο. Ἐσ δὲ τὴν Σεγεστικὴν γῆν οἱ Ῥωμαῖοι δὶσ πρότερον ἐμβαλόντεσ οὔτε ὅμηρον οὔτε ἄλλο τι εἰλήφεσαν·

ὅθεν ἦσαν ἐπὶ φρονήματοσ οἱ Σεγεστανοί. ὁ δὲ Καῖσαρ αὐτοῖσ ἐπῄει διὰ τῆσ Παιόνων γῆσ, οὔπω Ῥωμαίοισ οὐδὲ τῆσδε ὑπηκόου γενομένησ. ὑλώδησ δ’ ἐστὶν ἡ Παιόνων, καὶ ἐπιμήκησ ἐξ Ιἀπόδων ἐπὶ Δαρδάνουσ. καὶ οὐ πόλεισ ᾤκουν οἱ Παίονεσ οἵδε, ἀλλ’ ἀγροὺσ ἢ κώμασ κατὰ συγγένειαν· οὐδ’ ἐσ βουλευτήρια κοινὰ συνῄεσαν, οὐδ’ ἄρχοντεσ αὐτοῖσ ἦσαν ἐπὶ πᾶσιν. οἱ δ’ ἐν ἡλικίᾳ μάχησ ἐσ δέκα μυριάδασ συνετέλουν. ἀλλ’ οὐδ’ οὗτοι συνῄεσαν ἀθρόοι δι’ ἀναρχίαν. προσιόντοσ δ’ αὐτοῖσ τοῦ Καίσαροσ, ἐσ τὰσ ὕλασ ὑποφυγόντεσ τοὺσ ἀποσκιδναμένουσ τῶν στρατιωτῶν ἀνῄρουν. ὁ δὲ Καῖσαρ ἑώσ μὲν ἤλπιζεν αὐτοὺσ ἀφίξεσθαι πρὸσ αὑτόν, οὔτε τὰσ κώμασ οὔτε τοὺσ ἀγροὺσ ἐλυμαίνετο, οὐκ ἀπαντώντων δὲ πάντα ἐνεπίμπρη καὶ ἔκειρεν ἐπὶ ἡμέρασ ὀκτώ, ἐσ ὃ διῆλθεν ἐσ τὴν Σεγεστανῶν, καὶ τήνδε Παιόνων οὖσαν, ἐπὶ τοῦ Σάου ποταμοῦ, ἐν ᾧ καὶ πόλισ ἔστιν ἐχυρά, τῷ τε ποταμῷ καὶ τάφρῳ μεγίστῃ διειλημμένη, διὸ καὶ μάλιστα αὐτῆσ ἔχρῃζεν ὁ Καῖσαρ, ὡσ ταμιείῳ χρησόμενοσ ἐσ τὸν Δακῶν καὶ Βαστερνῶν πόλεμον, οἳ πέραν εἰσὶ τοῦ Ἴστρου, λεγομένου μὲν ἐνταῦθα Δανουβίου, γιγνομένου δὲ μετ’ ὀλίγον Ἴστρου. ἐμβάλλει δ’ ὁ Σάοσ ἐσ τὸν Ἴστρον· καὶ αἱ νῆεσ ἐν τῷ Σάῳ Καίσαρι ἐγίγνοντο, αἳ ἐσ τὸν Δανούβιον αὐτῷ τὴν ἀγορὰν διοίσειν ἔμελλον. Διὰ μὲν δὴ ταῦτα τῆσ Σεγέστησ ἔχρῃζεν ὁ Καῖσαρ·

καὶ οἱ μὲν ἀνῃρέθησαν, οἱ δ’ ἔφυγον, καὶ οὐδεὶσ ἔτι Παιόνων ἐβοήθει. προσιόντι δὲ αὐτῷ οἱ Σεγεστανοὶ προσέπεμψαν, πυνθανόμενοι τίνοσ χρῄζει. ὁ δὲ φρουρὰν ἐσαγαγεῖν ἔφη, καὶ ὁμήρουσ ἑκατὸν λαβεῖν, ἵν’ ἀσφαλῶσ ταμιείῳ τῇ πόλει χρῷτο ἐπὶ Δάκασ. ᾔτει δὲ καὶ σῖτον, ὅσον δύναιντο φέρειν. ταῦθ’ οἱ μὲν πρωτεύοντεσ ἠξίουν δοῦναι· ὁ δὲ δῆμοσ ἐξαγριαίνων τὰ μὲν ὅμηρα διδόμενα περιεῖδεν, ὅτι ἴσωσ οὐ παρὰ σφῶν ἀλλὰ τῶν πρωτευόντων παῖδεσ ἦσαν, προσιούσησ δὲ τῆσ φρουρᾶσ τὴν ὄψιν οὐκ ἐνεγκόντεσ ὁρμῇ μανιώδει τὰσ πύλασ αὖθισ ἀπέκλειον καὶ αὑτοὺσ τοῖσ τείχεσιν ἐπέστησαν. ὁ οὖν Καῖσαρ τόν τε ποταμὸν ἐγεφύρου, καὶ χάρακασ καὶ τάφρουσ πάντοθεν ἐποιεῖτο, ἀποτειχίσασ δ’ αὐτοὺσ δύο χώματα ἔχου. οἷσ ἐπέδραμον μὲν οἱ Σεγεστανοὶ πολλάκισ, οὐ δυνηθέντεσ δ’ ἑλεῖν λαμπάδασ καὶ πῦρ πολὺ ἄνωθεν ἐπέβαλλον. προσιούσησ δ’ αὐτοῖσ Παιόνων ἑτέρων βοηθείασ, ὁ Καῖσαρ ὑπαντήσασ ἐνήδρευσεν αὐτήν· Οἱ Σεγεστανοὶ δὲ πᾶσαν πολιορκίαν ὑποστάντεσ ἡμέρᾳ τριακοστῇ κατὰ κράτοσ ἐλήφθησαν, καὶ τότε πρῶτον ἤρξαντο ἱκετεύειν.

καὶ αὐτοὺσ ὁ Καῖσαρ ἐπαίνῳ τε τῆσ ἀρετῆσ καὶ ἐλέῳ τῆσ ἱκεσίασ οὔτε ἔκτεινεν οὔτε ἀνέστησεν, ἀλλὰ χρήμασιν ἐζημίωσε, καὶ τῆσ πόλεωσ μέροσ διατειχίσασ ἐσήγαγεν ἐσ αὐτὸ φρουρὰν πέντε καὶ εἴκοσι σπειρῶν. καὶ ὁ μὲν τάδ’ ἐργασάμενοσ ἐσ Ῥώμην ἀνέζευξεν, ὡσ ἦροσ ἐπανήξων ἐσ τὴν Ἰλλυρίδα. φήμησ δ’ ἐπιδραμούσησ ὅτι τὴν φρουρὰν οἱ Σεγεστανοὶ διέφθειραν, ἐξέθορε χειμῶνοσ. καὶ τὸ μὲν τέλοσ τῆσ φήμησ ψευδὲσ ηὑρ͂ε, τὴν δὲ αἰτίαν ἀληθῆ· ἐγεγόνεσαν γὰρ ἐν κινδύνῳ, τῶν Σεγεστανῶν αὐτοὺσ ἄφνω περιστάντων, καὶ πολλοὺσ τὸ αἰφνίδιον ἀπωλωλέκει, τῆσ δ’ ἐπιούσησ προελθόντεσ ἐκράτουν τῶν Σεγεστανῶν. ὁ οὖν Καῖσαρ ἐπὶ Δαλμάτασ μετῄει, γένοσ ἕτερον Ἰλλυριῶν, Ταυλαντίοισ ὅμορον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 4

(아피아노스, The Foreign Wars, chapter 4)

상위

목록

SEARCH

MENU NAVIGATION