헬라어 문장 검색 - Αππιαν́ΤηεΦορέ64́0́05́

(아피아노스, The Foreign Wars, chapter 2 5:)

Δαλμάται δέ, Ἰλλυριῶν ἕτερον γένοσ, Ἰλλυριοὺσ τοὺσ ὑπὸ Ῥωμαίοισ κατέθεον, καὶ πρέσβεισ ἀφικομένουσ περὶ τοῦδε Ῥωμαίων οὐ προσίεντο. στρατεύουσιν οὖν ἐπ’ αὐτοὺσ οἱ Ῥωμαῖοι, Μαρκίου Φίγλου σφῶν ὑπατεύοντόσ τε καὶ ἐσ τὸν πόλεμον ἡγουμένου. οἱ δὲ ἄρτι τοῦ Φίγλου παραστρατοπεδεύοντοσ τὰσ φυλακὰσ ἐνίκων ἐπίδραμόντεσ, καὶ αὐτὸν ἐκ τοῦ στρατοπέδου κατήραξαν ἐσ πεδίον πρανέσ, μέχρι ἐπὶ Νάρωνα ποταμὸν ἧκεν ὑποφεύγων. ὡσ δὲ οἱ μὲν ἀνεχώρουν, ἀρχὴ δὲ χειμῶνοσ ἦν, ὁ Φίγλοσ ἐλπίσασ αὐτοῖσ ἀδοκήτωσ ἐπιπεσεῖσθαι συνερρυηκότασ ηὑρ͂εν ἐκ τῶν πόλεων πρὸσ τὴν ἔφοδον αὐτοῦ. καὶ συνήλασεν ὅμωσ ἐσ πόλιν Δελμίνιον, ὅθεν ἄρα καὶ τὸ ὄνομα αὐτοῖσ ἐσ Δελματέασ, εἶτα Δαλμάτασ ἐτράπη. οὐδὲν δὲ πρὸσ ἐχυρὰν πόλιν ἐξ ἐφόδου δυνάμενοσ, οὐδὲ μηχανήμασιν ἔχων χρῆσθαι διὰ τὸ ὕψοσ, ᾕρει τὰσ ἄλλασ ἐπιθέων, ἐρημοτέρασ ἀνδρῶν ὑπὸ τῆσ ἐσ τὸ Δελμίνιον συνόδου γενομένασ. εἶτα διπήχεασ κορύνασ πίσσῃ καὶ θείῳ καὶ στυππίῳ περιβαλὼν ἐσ τὸ Δελμίνιον ἐκ καταπελτῶν ἐσφενδόνα. αἱ δ’ ὑπὸ τῆσ ῥύμησ ἐξεκαίοντο, καὶ φερόμεναι καθάπερ λαμπάδεσ ὅπου τύχοιεν ἐνεπίμπρασαν, ἑώσ πολλὰ μὲν κατεπρήσθη, καὶ τέλοσ ἄρα τοῦτο ἦν τότε Φίγλῳ τοῦ Δαλματῶν πολέμου. χρόνῳ δ’ ὕστερον Καικίλιοσ Μέτελλοσ ὑπατεύων οὐδὲν ἀδικοῦσι τοῖσ Δαλμάταισ ἐψηφίσατο πολεμεῖν ἐπιθυμίᾳ θριάμβου, καὶ δεχομένων αὐτὸν ἐκείνων ὡσ φίλον διεχείμασε παρ’ αὐτοῖσ ἐν Σαλώνῃ πόλει, καὶ ἐσ Ῥώμην ἐπανῆλθε καὶ ἐθριάμβευσεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 2 5:

(아피아노스, The Foreign Wars, chapter 2 5:)

상위

목록

SEARCH

MENU NAVIGATION