헬라어 문장 검색 - Αππιαν́ΤηεΦορέ66́0́02́

(아피아노스, The Foreign Wars, chapter 4 2:)

Μάλιστα δ’ ἠνώχλησαν αὐτὸν Σαλασσοί τε καὶ Ιἄποδεσ οἱ πέραν Ἄλπεων καὶ Σεγεστανοὶ καὶ Δαλμάται καὶ Δαισιτιᾶται καὶ Παίονεσ, ὄντεσ ἑκὰσ τοῖσ Σαλασσοῖσ, οἳ κορυφὰσ οἰκοῦσι τῶν Ἄλπεων, ὄρη δύσβατα, καὶ στενὴ δίοδόσ ἐστιν ἐπ’ αὐτὰ καὶ δυσχερήσ· δι’ ἃ καὶ ἦσαν αὐτόνομοι, καὶ τέλη τοὺσ παροδεύοντασ ᾔτουν. τούτοισ Οὐέτερ ἐμπεσὼν ἀδοκήτωσ τὰ στενὰ προύλαβε δι’ ἐνέδρασ, καὶ ἐπὶ διετὲσ αὐτοὺσ ἐπολιόρκει. οἱ δὲ ἁλῶν ἀπορίᾳ, ὧν εἰσὶ μάλιστα ἐν χρείᾳ, φρουρὰσ ἐδέξαντο. καὶ Οὐέτεροσ ἀποστάντοσ τὰσ φρουρὰσ ἐξέβαλον εὐθύσ, καὶ τὰ στενὰ κρατυνάμενοι τοὺσ ἐπιπεμπομένουσ σφίσιν ὑπὸ τοῦ Καίσαροσ διέπαιζον, οὐδὲν δρᾶν μέγα ἔχοντασ. ὅθεν αὐτοῖσ ὁ Καῖσαρ, προσδοκωμένου τοῦ πρὸσ Ἀντώνιον πολέμου, συνέθετο αὐτονόμουσ ἐάσειν, καὶ ἀκολάστουσ τῶν ἐπὶ Οὐέτερι πραχθέντων. οἱ δ’ ἅτε ἐν ὑποψίᾳ ταῦτ’ ἔχοντεσ ἅλασ πολλοὺσ ἐσώρευον, καὶ τὴν Ῥωμαίων κατέθεον, μέχρι Μεσσάλασ Κορουῖνοσ αὐτοῖσ ἐπιπεμφθεὶσ λιμῷ παρεστήσατο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 4 2:

(아피아노스, The Foreign Wars, chapter 4 2:)

상위

목록

SEARCH

MENU NAVIGATION