호흡부호 보기
강세부호 보기
장단부호 보기
작은 Iota 보기
모든 부호 보기
Σύφαξ δ’ οὐ προσδοκῶν ἔτι λήσειν, φανερῶσ τοῖσ Καρχηδονίοισ συνεμάχει, πόλιν τε ἐν μεσογείῳ Θολοῦντα, Ῥωμαίων παρασκευὴν καὶ σῖτον πολὺν ἔχουσαν, ἐκ προδοσίασ εἷλε, καὶ τοὺσ φρουροῦντασ αὐτὴν ἔκτεινεν οὐκ ἐθελήσαντασ ἀπελθεῖν ὑποσπόνδουσ, συμμαχίαν τε ἄλλην πολλὴν Νομάδων μετεπέμπετο. καὶ οἱ μισθοφόροι παρῆσαν αὐτοῖσ ἤδη, καὶ νῆεσ εὐτρεπῶσ εἶχον, ὥστε ἔγνωστο πολεμεῖν Σύφακα μὲν ὁρμώμενον ἐπὶ τοὺσ πολιορκοῦντασ Ἰτύκην, Ἀσδρούβαν δ’ ἐπὶ τὸ Σκιπίωνοσ στρατόπεδον. τὰσ δὲ ναῦσ ἔδει ταῖσ ναυσὶν ἐπιπλεῖν, καὶ γίγνεσθαι ταῦτα τῆσ ἐπιούσησ ἡμέρασ ἅπαντα ὁμοῦ, ἵνα μὴ διαρκέσειαν αὐτοῖσ οἱ Ῥωμαῖοι διὰ τὴν ὀλιγότητα.
호흡부호 보기
강세부호 보기
장단부호 보기
작은 Iota 보기
모든 부호 보기