호흡부호 보기
강세부호 보기
장단부호 보기
작은 Iota 보기
모든 부호 보기
Νομάδων δὲ τῶν ἐν Λιβύῃ δυνάσται μὲν ἦσαν κατὰ μέρη πολλοί, Σύφαξ δ’ ὑπὲρ ἅπαντασ, καὶ τιμὴν εἶχε πρὸσ τῶν ἄλλων ἐπιφανῆ. Μασσυλίων δ’ αὖ, γένουσ ἀλκίμου, παῖσ ἦν τοῦ βασιλέωσ Μασσανάσσησ, ὃσ ἐτέθραπτο μὲν ἐν Καρχηδόνι καὶ ἐπεπαίδευτο, ὄντι δ’ αὐτῷ καὶ τὸ σῶμα καλῷ καὶ τὸν τρόπον ἀρίστῳ Ἀσδρούβασ ὁ Γέσκωνοσ, οὐδενὸσ Καρχηδονίων δεύτεροσ, ἠγγύησε τὴν θυγατέρα, καίπερ ὄντι Νομάδι, Καρχηδόνιοσ ὤν. ὡσ δ’ ἠλλύησεν, ἐπήγετο ἐσ Ἰβηρίαν στρατηγῶν τὸ μειράκιον. Σύφαξ δὲ κνιζό μενοσ ὑπ’ ἔρωτοσ ἐπὶ τῇ παιδὶ τὰ Καρχηδονίων ἐλεηλάτει, καὶ Σκιπίωνι διαπλεύσαντι πρὸσ αὐτὸν ἐξ Ἰβηρίασ συνέθετο συμμαχήσειν ἐπὶ Καρχηδονίουσ ἰόντι. αἰσθόμενοι δ’ οἱ Καρχηδόνιοι καὶ μέγα ποιούμενοι ἐσ τὸν πρὸσ Ῥωμαίουσ πόλεμον Σύφακα προσλαβεῖν, ἐξέδοσαν αὐτῷ τὴν παρθένον ἀγνοούντων καὶ ὄντων ἐν Ἰβηρίᾳ Ασδρούβου τε καὶ Μασσανάσσου. ἐφ’ οἷσ ὁ Μασσανάσσησ ὑπεραλγῶν συνετίθετο καὶ ὅδε ἐν Ἰβηρίᾳ τῷ Σκιπίωνι, λανθάνων, ὡσ ᾤετο, Ἀσδρούβαν. ὁ δ’ αἰσθόμενοσ βαρέωσ μὲν ἔφερεν ὑπὲρ τοῦ μειρακίου καὶ τῆσ θυγατρόσ, ὑβρισμένοιν ἀμφοῖν, ἡγεῖτο δ’ ὅμωσ τῇ πατρίδι συμφέρειν ἐκποδὼν Μασσανάσσην ποιήσασθαι, καὶ ἐπανιόντι ἐσ Λιβύην ἐξ Ἰβηρίασ ἐπὶ θανάτῳ τοῦ πατρὸσ συνέπεμπε προπομποὺσ ἱππέασ, οἷσ εἴρητο ἀφανῶσ ἐπιβουλεύειν αὐτῷ καὶ κτείνειν ὅπῃ δύναιντο.
호흡부호 보기
강세부호 보기
장단부호 보기
작은 Iota 보기
모든 부호 보기