호흡부호 보기
강세부호 보기
장단부호 보기
작은 Iota 보기
모든 부호 보기
Ἔτεσι δ’ οὐ πολλοῖσ ὕστερον πόλεμοσ ἄλλοσ ἠγέρθη περὶ Ἰβηρίαν χαλεπὸσ ἐκ τοιᾶσδε προφάσεωσ. Σεγήδη πόλισ ἐστὶ Κελτιβήρων τῶν Βελλῶν λεγομένων μεγάλη τε καὶ δυνατή, καὶ ἐσ τὰσ Σεμπρωνίου Γράκχου συνθήκασ ἐνεγέγραπτο. αὕτη τὰσ βραχυτέρασ πόλεισ ἀνῴκιζεν ἐσ αὑτήν, καὶ τεῖχοσ ἐσ τεσσαράκοντα σταδίουσ κύκλῳ περιεβάλετο, Τίτθουσ τε ὅμορον γένοσ ἄλλο συνηνάγκαζεν ἐσ ταῦτα. ἡ δὲ σύγκλητοσ πυθομένη τό τε τεῖχοσ ἀπηγόρευε τειχίζειν, καὶ φόρουσ ᾔτει τοὺσ ὁρισθέντασ ἐπὶ Γράκχου, στρατεύεσθαί τε Ῥωμαίοισ προσέτασσε· καὶ γὰρ τοῦθ’ αἱ Γράκχου συνθῆκαι ἐκέλευον. οἱ δὲ περὶ μὲν τοῦ τείχουσ ἔλεγον ἀπηγορεῦσθαι Κελτίβηρσιν ὑπὸ Γράκχου μὴ κτίζειν πόλεισ, οὐ τειχίζειν τὰσ ὑπαρχούσασ· τῶν δὲ φόρων καὶ τῆσ ξεναγίασ ὑπ’ αὐτῶν ἔφασαν Ῥωμαίων ἀφεῖσθαι μετὰ Γράκχον. καὶ τῷ ὄντι ἦσαν ἀφειμένοι, δίδωσι δ’ ἡ βουλὴ τὰσ τοιάσδε δωρεὰσ ἀεὶ προστιθεῖσα κυρίασ ἔσεσθαι μέχρι ἂν αὐτῇ καὶ τῷ δήμῳ δοκῇ.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기