호흡부호 보기
강세부호 보기
장단부호 보기
작은 Iota 보기
모든 부호 보기
Ὁ δὲ τῷ πατρὶ συνεβουλεύετο, μεταπεμψάμενοσ αὐτὸν ἐκ τοῦ Καυδίου, φερόμενον ὑπὸ γήρωσ ἁμάξῃ. καὶ ὁ πρεσβύτησ ἔφη, "ἓν ἔστιν, ὦ παῖ, μεγάλησ ἔχθρασ φάρμακον, εὐεργεσίασ ἢ κολάσεωσ ὑπερβολή. αἱ μὲν οὖν κολάσεισ καταπλήσσουσιν, αἱ δὲ εὐεργεσίαι προσάγονται. ἴσθι νίκην τήνδε πρώτην καὶ μεγίστην, θησαυρίζειν τὴν εὐτυχίαν· καὶ πάντασ ἀπόλυσον ἀπαθεῖσ, μήτ’ ἐνυβρίσασ μήτ’ ἀφελόμενοσ μηδέν, ἵνα σῶον ᾖ σοι τὸ μέγεθοσ τῆσ εὐεργεσίασ. εἰσὶ δ’, ὡσ ἀκούω, φιλοτιμότατοι. ἀλλὰ μόναισ εὐεργεσίαισ ἡττώμενοι διαγωνιοῦνταί σοι περὶ τῆσδε τῆσ χάριτοσ. ἔχεισ ἐνέχυρον τήνδε τὴν εὐεργεσίαν εἰρήνησ ἀθανάτου λαβεῖν. ἢν δέ σε ταῦτα μὴ πείθῃ, κτεῖνον ἅπαντασ ὁμαλῶσ, μηδ’ ἄγγελον ὑπολιπών. λέγω δ’ ἐκεῖνα μὲν αἱρούμενοσ, ταῦτα δ’ ὡσ ἀναγκαῖα. Ῥωμαῖοι γὰρ ὁτιοῦν ὑβρισθέντεσ ἀμυνοῦνταί σε πάντωσ· ἀμυνεῖσθαι δὲ μέλλοντασ αὐτοὺσ προκατάβλαπτε. μεῖζον δ’ οὐκ ἂν εὑρ́οισ βλάβοσ νέων ὁμοῦ πέντε μυριάδων.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기