Appian, The Foreign Wars, chapter 15 5:

(아피아노스, The Foreign Wars, chapter 15 5:)

Μιθριδάτησ δὲ μετὰ τῶν ὑπασπιστῶν μόνων ὠσάμενοσ ἐσ τὰ κατάκρημνα καὶ διαφυγὼν ἐνέτυχέ τισιν ἱππεῦσι μισθοφόροισ καὶ πεζοῖσ ὡσ τρισχιλίοισ, οἳ εὐθὺσ αὐτῷ συνείμοντο ἐσ Σινόρηγα φρούριον, ἔνθα αὐτῷ χρήματα πολλὰ ἐσεσώρευτο· καὶ δωρεὰν καὶ μισθὸν ἐνιαυτοῦ τοῖσ συμφυγοῦσι διέδωκεν. φέρων δ’ ἐσ ἑξακισχίλια τάλαντα ἐπὶ τὰσ τοῦ Εὐφράτου πηγὰσ ἠπείγετο ὡσ ἐκεῖθεν ἐσ Κόλχουσ περάσων. δρόμῳ δ’ ἀπαύστῳ χρώμενοσ τὸν μὲν Εὐφράτην ὑπερῆλθεν ἡμέρᾳ μάλιστα τετάρτῃ, τρισὶ δ’ ἄλλαισ καθιστάμενοσ καὶ ὁπλίζων τοὺσ συνόντασ ἢ προσιόντασ ἐσ τὴν Χωτηνὴν Ἀρμενίαν ἐνέβαλεν, ἔνθα Χωτηνοὺσ μὲν καὶ Ἴβηρασ, κωλύοντασ αὐτὸν βέλεσι καὶ σφενδόναισ, ἐλαύνων διῆλθεν ἐπὶ τὸν Ἄψαρον ποταμόν. Ἴβηρασ δὲ τοὺσ ἐν Ἀσίᾳ οἱ μὲν προγόνουσ οἱ δ’ ἀποίκουσ ἡγοῦνται τῶν Εὐρωπαίων Ἰβήρων, οἱ δὲ μόνον ὁμωνύμουσ· ἔθοσ γὰρ οὐδὲν ἦν ὅμοιον, ἢ γλῶσσα. Μιθριδάτησ δ’ ἐν Διοσκούροισ χειμάζων, ἥν τινα πόλιν οἱ Κόλχοι σύμβολον ἡγοῦνται τῆσ Διοσκούρων σὺν Ἀργοναύταισ ἐπιδημίασ, οὐδὲν σμικρόν, οὐδ’ οἱο͂ν ἐν φυγῇ, διενοεῖτο, ἀλλὰ τὸν Πόντον ὅλον ἐν κύκλῳ καὶ Σκύθασ ἐπὶ τῷ Πόντῳ καὶ τὴν Μαιώτιδα λίμνην ὑπερελθὼν ἐσ Βόσπορον ἐμβαλεῖν, τήν τε Μαχάρουσ τοῦ παιδὸσ ἀρχήν, ἀχαρίστου περὶ αὐτὸν γενομένου, παραλαβὼν αὖθισ ἐκ μετώπου Ῥωμαίοισ γενέσθαι, καὶ πολεμεῖν ἐκ τῆσ Εὐρώπησ οὖσιν ἐν τῇ Ἀσίᾳ, τὸν πόρον ἐν μέσῳ θέμενοσ, ὃν κληθῆναι νομίζουσι Βόσπορον Ιοὖσ διανηξαμένησ, ὅτε βοῦσ γενομένη κατὰ ζηλοτυπίαν Ἥρασ ἔφευγεν.

일치하는 문장이 없습니다.

SEARCH

MENU NAVIGATION