Appian, The Foreign Wars, chapter 13 1:

(아피아노스, The Foreign Wars, chapter 13 1:)

Τιγράνησ δὲ καὶ Μιθριδάτησ στρατὸν ἄλλον ἤθροιζον περιιόντεσ, οὗ τὴν στρατηγίαν ἐπετέτραπτο Μιθριδάτησ, ἡγουμένου Τιγράνουσ αὐτῷ γεγονέναι τὰ παθήματα διδάγματα. ἔπεμπον δὲ καὶ ἐσ τὸν Παρθυαῖον, ἐπικουρεῖν σφίσι παρακαλοῦντεσ. ἀντιπρεσβεύοντοσ δὲ Λευκόλλου, καὶ ἀξιοῦντοσ ἢ οἷ συμμαχῆσαι ἢ ἀμφοτέροισ ἐκστῆναι τοῦ ἀγῶνοσ, ὁ μὲν κρύφα συντιθέμενοσ ἑκατέροισ, οὐκ ἔφθασεν οὐδετέροισ ἀμῦναι, ὁ δὲ Μιθριδάτησ ὅπλα τε εἰργάζετο κατὰ πόλιν ἑκάστην, καὶ ἐστρατολόγει σχεδὸν ἅπαντασ Ἀρμενίουσ. ἐπιλεξάμενοσ δ’ αὐτῶν τοὺσ ἀρίστουσ, ἐσ ἑπτακισμυρίουσ πεζοὺσ καὶ ἱππέασ ἡμίσεασ, τοὺσ μὲν ἄλλουσ ἀπέλυσε, τοὺσ δ’ ἐσ ἴλασ τε καὶ σπείρασ ἀγχοτάτω τῆσ Ἰταλικῆσ συντάξεωσ καταλέγων Ποντικοῖσ ἀνδράσι γυμνάζειν παρεδίδου. προσιόντοσ δ’ αὐτοῖσ τοῦ Λευκόλλου, ὁ μὲν Μιθριδάτησ τὸ πεζὸν ἅπαν καὶ μέροσ τι τῶν ἱππέων ἐπὶ λόφου συνεῖχε, τῇ λοιπῇ δ’ ἵππῳ Τιγράνησ τοῖσ σιτολογοῦσι Ῥωμαίοισ περιπεσὼν ἡσσᾶτο. καὶ μᾶλλον ἀδεῶσ ἀπὸ τοῦδε οἱ Ῥωμαῖοι πλησίον αὐτοῦ Μιθριδάτου ἐσιτολόγουν τε καὶ ἐστρατοπέδευον. κονιορτὸσ δ’ αὖθισ ἠγείρετο πολὺσ ὡσ ἐπιόντοσ τοῦ Τιγράνουσ· καὶ τὸ ἐνθύμημα ἦν ἐν μέσῳ Λεύκολλον ἀμφοῖν γενέσθαι. ὁ δ’ αἰσθόμενοσ τοὺσ μὲν ἀρίστουσ τῶν ἱππέων προύπεμψε πορρωτάτω συμπλέκεσθαι τῷ Τιγράνῃ καὶ κωλύειν αὐτὸν ἐξ ὁδοιπορίασ ἐσ τάξιν καθίστασθαι, αὐτὸσ δὲ τὸν Μιθριδάτην προκαλούμενοσ ἐσ μάχην . . . . . . καὶ περιταφρεύων οὐκ ἠρέθιζεν, ἑώσ χειμὼν ἐπιπεσὼν διέλυσε τὸ ἔργον ἅπασιν.

일치하는 문장이 없습니다.

SEARCH

MENU NAVIGATION