Appian, The Foreign Wars, chapter 12 7:

(아피아노스, The Foreign Wars, chapter 12 7:)

Καὶ Σεξτίλιοσ μὲν ἀμφὶ ταῦτα ἐγίγνετο, Τιγράνησ δέ, πεζῶν ἐσ πέντε καὶ εἴκοσι μυριάδασ ἀγείρασ καὶ ἱππέασ ἐσ πεντακισμυρίουσ, προύπεμψεν αὐτῶν ἐσ Τιγρανόκερτα περὶ ἑξακισχιλίουσ, οἳ διὰ μέσων Ῥωμαίων ἐσ τὸ φρούριον ὠσάμενοί τε καὶ τὰσ παλλακὰσ τοῦ βασιλέωσ ἐξαρπάσαντεσ ἐπανῆλθον. τῷ δὲ λοιπῷ στρατῷ Τιγράνησ αὐτὸσ ἤλαυνεν ἐπὶ Λεύκολλον. καὶ αὐτῷ τότε πρῶτον Μιθριδάτησ ἐσ ὄψιν ἐλθὼν συνεβούλευε μὴ συμπλέκεσθαι Ῥωμαίοισ, ἀλλὰ τῷ ἱππικῷ μόνῳ περιτρέχοντα καὶ τὴν γῆν λυμαινόμενον ἐσ λιμὸν αὐτούσ, εἰ δύναιτο, περικλεῖσαι, ᾧ τρόπῳ καὶ αὐτὸσ ὑπὸ Λευκόλλου περὶ Κύζικον ἀμαχὶ κάμνων τὸν στρατὸν ἀπολέσαι. ὁ δὲ γελάσασ αὐτοῦ τὴν στρατηγίαν, προῄει συνεσκευασμένοσ ἐσ μάχην· καὶ τὴν Ῥωμαίων ὀλιγότητα ἰδὼν ἐπέσκωψεν οὕτωσ· "εἰ μὲν πρέσβεισ εἰσὶν οἵδε, πολλοί, εἰ δὲ πολέμιοι, πάμπαν ὀλίγοι. " Λεύκολλοσ δὲ λόφον εὔκαιρον ἰδὼν ὄπισθεν τοῦ Τιγράνουσ, τοὺσ μὲν ἱππέασ ἐκ μετώπου προσέτασσεν ἐνοχλεῖν αὐτῷ καὶ περισπᾶν ἐφ’ ἑαυτοὺσ καὶ ὑποχωρεῖν ἑκόντασ, ἵνα τῶν βαρβάρων διωκόντων ἡ τάξισ παραλυθείη· τοῖσ δὲ πεζοῖσ αὐτὸσ ἐσ τὸν λόφον περιοδεύσασ ἀνῄει λαθών. καὶ ὡσ εἶδε τοὺσ πολεμίουσ ὑπὸ τῆσ διώξεωσ οἱᾶ νικῶντασ ἐσ πολλὰ διεσκεδασμένουσ, τὰ δὲ σκευοφόρα αὐτῶν πάντα ὑποκείμενα, ἀνεβόησε· "νικῶμεν, ὦ ἄνδρεσ," καὶ ἐπὶ τὰ σκευοφόρα πρῶτοσ ἱέτο δρόμῳ. τὰ δὲ αὐτίκα σὺν θορύβῳ φεύγοντα τοῖσ πεζοῖσ ἐνέπιπτε, καὶ τοῖσ ἱππεῦσιν οἱ πεζοί. τροπή τε ἦν εὐθὺσ ὁλοσχερήσ· οἵ τε γὰρ ἐν τῇ διώξει μακρὰν ἀπεσπασμένοι τῶν Ῥωμαϊκῶν ἱππέων ἐπιστρεψάντων ἐσ αὐτοὺσ ἀπώλλυντο, καὶ τὰ σκευοφόρα τοῖσ ἄλλοισ ἐνέπιπτεν ὡσ ἐνοχλούμενα. πάντων τε ὡσ ἐν τοσῷδε πλήθει θλιβομένων, καὶ τὸ ἀκριβὲσ οὐκ εἰδότων, ὁπόθεν ἡ ἧσσα αὐτοῖσ ἄρχοιτο, πολὺσ ἦν φόνοσ, οὐδενὸσ σκυλεύοντοσ οὐδέν· ἀπηγόρευτο γὰρ ἐκ Λευκόλλου μετ’ ἀπειλῆσ, ὥστε καὶ ψέλια καὶ περιαυχένια παροδεύοντεσ ἔκτεινον ἐπὶ σταδίουσ ἑκατὸν καὶ εἴκοσιν, ἔστε νὺξ ἐπέλαβε. τότε δ’ ἀναστρέφοντεσ ἐσκύλευον· ἐδίδου γὰρ ὁ Λεύκολλοσ ἤδη.

일치하는 문장이 없습니다.

SEARCH

MENU NAVIGATION