Appian, The Foreign Wars, chapter 12 1:

(아피아노스, The Foreign Wars, chapter 12 1:)

Ἱσταμένου δ’ ἦροσ ὁ μὲν Λεύκολλοσ διὰ τῶν ὀρῶν ἐπὶ τὸν Μιθριδάτην ἐχώρει. προφυλακαὶ δ’ ἦσαν ἐκείνῳ κωλύειν τε Λεύκολλον, καὶ διαπυρσεύειν οἱ συνεχῶσ, εἴ τι γίγνοιτο. καὶ ἦρχε τῆσδε τῆσ φυλακῆσ ἐκ Μιθριδάτου τισ ἀνὴρ τοῦ βασιλείου γένουσ, ὄνομα Φοῖνιξ· ὅσ, ἐπεὶ Λεύκολλοσ ἐπέλαζε, Μιθριδάτῃ μὲν διεπύρσευσεν, ἐσ δὲ Λεύκολλον ηὐτομόλησε μετὰ τῆσ δυνάμεωσ. καὶ ὁ Λεύκολλοσ ἀδεῶσ ἤδη τὰ ὄρη διεξελθὼν ἐσ Κάβειρα κατέβη. γενομένησ δ’ αὐτῷ τε καὶ Μιθριδάτῃ τινὸσ ἱππομαχίασ, ἡττώμενοσ αὖθισ ἐσ τὸ ὄροσ ἀνέθορεν. ὁ δὲ ἵππαρχοσ αὐτοῦ Πομπώνιοσ ἐσ Μιθριδάτην τετρωμένοσ ἀνήχθη· καὶ πυθομένῳ βασιλεῖ τίνα χάριν οἱ περισωθεὶσ δύναιτο ἀποδοῦναι, "εἰ μέν," ἔφη, "σὺ φίλοσ γένοιο Λευκόλλῳ, πάνυ πολλοῦ ἀξίαν· εἰ δ’ ἐχθρὸσ εἰήσ, οὐδὲ βουλεύσομαι. " ὧδε μὲν ὁ Πομπώνιοσ ἀπεκρίνατο· καὶ αὐτὸν τῶν βαρβάρων κτείνειν ἀξιούντων, ὁ βασιλεὺσ εἶπεν οὐκ ἐξυβριεῖν ἐσ ἀτυχοῦσαν ἀρετήν. ἐκτάσσων δὲ συνεχῶσ, οὐ κατιόντοσ ἐσ μάχην τοῦ Λευκόλλου, περιιὼν ἀνάβασιν ἐπ’ αὐτὸν ἐζήτει. καί τισ ἀνὴρ ἐν τούτῳ Σκύθησ, ὄνομα Ὀλκάβασ, αὐτόμολοσ ὢν ἐσ Λεύκολλον ἐκ πολλοῦ, καὶ παρὰ τήνδε τὴν ἱππομαχίαν πολλοὺσ περισώσασ, καὶ δι’ αὐτὸ παρὰ τοῦ Λευκόλλου τραπέζησ τε καὶ γνώμησ καὶ ἀπορρήτων ἀξιούμενοσ, ἧκεν ἐπὶ τὴν σκηνὴν αὐτοῦ περὶ μεσημβρίαν ἀναπαυομένου, καὶ ἐσελθεῖν ἐβιάζετο, βραχὺ καὶ σύνηθεσ ἐπὶ τοῦ ζωστῆροσ ἐγχειρίδιον περικείμενοσ. κωλυόμενοσ δ’ ἠγανάκτει, καὶ χρείαν τινὰ ἐπείγειν ἔλεγεν ἐξαναστῆσαι τὸν στρατηγόν. τῶν δὲ θεραπευτήρων οὐδὲν εἰπόντων χρησιμώτερον εἶναι Λευκόλλῳ τῆσ σωτηρίασ, ἐπέβη τὸν ἵππον αὐτίκα καὶ ἐσ τὸν Μιθριδάτην ἐξήλασεν, εἴτε ἐπιβουλεύων καὶ δόξασ ὑποπτεύεσθαι, εἴτε σὺν ὀργῇ, περιυβρίσθαι νομίζων. ἕτερόν τε Σκύθην, ὄνομα Σοβάδακον, ἐνέφηνε τῷ Μιθριδάτῃ βουλεύειν ἐσ Λεύκολλον αὐτομολίαν. Σοβάδακοσ μὲν δὴ συνελαμβάνετο, Λεύκολλοσ δὲ τὴν κάθοδον τὴν ἐσ τὸ πεδίον ἱπποκρατούντων τῶν πολεμίων ἐκτρεπόμενοσ, καὶ περίοδον ἑτέραν οὐχ ὁρῶν, ηὑρ͂εν ἐν σπηλαίῳ κυνηγὸν ὀρείων ἀτραπῶν ἐπιστήμονα, ᾧ χρώμενοσ ἡγεμόνι κατὰ ὁδοὺσ ἀτριβεῖσ περιῆλθεν ὑπὲρ κεφαλῆσ τοῦ Μιθριδάτου, καὶ κατῄει μὲν ἐκκλίνασ καὶ τότε τὸ πεδίον διὰ τοὺσ ἵππουσ, χαράδραν δὲ ὕδατοσ ἐν προβολῇ θέμενοσ ἐστρατοπέδευσεν.

일치하는 문장이 없습니다.

SEARCH

MENU NAVIGATION