헬라어 문장 검색 - Αππιαν́ΤηεΦορέ89́

(아피아노스, The Foreign Wars, chapter 9)

Ὧδε μὲν ὁ πρῶτοσ Μιθριδάτου καὶ Ῥωμαίων πόλεμοσ κατεπαύετο· 59. Σύλλασ δὲ Φιμβρίου δύο σταδίουσ ἀποσχὼν ἐκέλευε παραδοῦναί οἱ τὸν στρατόν, οὗ παρανόμωσ ἄρχοι. ὁ δ’ ἀντεπέσκωπτε μὲν ὡσ οὐδ’ ἐκεῖνοσ ἐννόμωσ ἔτι ἄρχοι, περιταφρεύοντοσ δ’ αὐτὸν τοῦ Σύλλα, καὶ πολλῶν οὐκ ἀφανῶσ ἀποδιδρασκόντων, ἐσ ἐκκλησίαν τοὺσ λοιποὺσ ὁ Φιμβρίασ συναγαγὼν παρεκάλει παραμένειν. οὐ φαμένων δὲ πολεμήσειν πολίταισ, καταρρήξασ τὸν χιτωνίσκον ἑκάστοισ προσέπιπτεν. ὡσ δὲ καὶ τοῦτ’ ἀπεστρέφοντο, καὶ πλείουσ ἐγίγνοντο αἱ αὐτομολίαι, τὰσ σκηνὰσ τῶν ἡγεμόνων περιῄει, καί τινασ αὐτῶν χρήμασι διαφθείρασ ἐσ ἐκκλησίαν αὖθισ συνεκάλει, καὶ συνόμνυσθαί οἱ προσέτασσεν. ἐκβοησάντων δὲ τῶν ἐνετῶν ὅτι δέοι καλεῖν ἐπὶ τὸν ὁρ́κον ἐξ ὀνόματοσ, ὁ μὲν ἐκήρυττε τοὺσ εὖ τι παθόντασ ὑφ’ ἑαυτοῦ, καὶ Νώνιον πρῶτον ἐκάλει, κοινωνόν οἱ πάντων γεγονότα. οὐκ ὀμνύντοσ δ’ οὐδ’ ἐκείνου, τὸ ξίφοσ ἐπισπάσασ ἠπείλει κτενεῖν αὐτόν, μέχρι βοῆσ ἐκ πάντων γενομένησ καταπλαγεὶσ καὶ τοῦδ’ ἐπαύσατο. θεράποντα δὲ χρήμασι καὶ ἐλπίσιν ἐλευθερίασ ἀναπείσασ ἔπεμψεν ὡσ αὐτόμολον ἐπιχειρεῖν τῷ Σύλλα σώματι. ὁ δὲ τῷ ἔργῳ πλησιάζων καὶ ταρασσόμενοσ, καὶ ἐκ τοῦδε ὕποπτοσ γενόμενοσ, συνελήφθη τε καὶ ὡμολόγησεν. καὶ ὁ στρατὸσ ὁ τοῦ Σύλλα, σὺν ὀργῇ καὶ καταφρονήσει περιστάντεσ τὸ τοῦ Φιμβρίου χαράκωμα, κατελοιδόρουν αὐτὸν καὶ Ἀθηνίωνα ἐκάλουν, ὃσ δραπετῶν τῶν ἐν Σικελίᾳ ποτὲ ἀποστάντων ὀλιγήμεροσ ἐγεγένητο βασιλεύσ. Ἐφ’ οἷσ ὁ Φιμβρίασ πάντα ἀπογνοὺσ ἐπὶ τὴν τάφρον προῆλθε, καὶ Σύλλαν αὑτῷ παρεκάλει συνελθεῖν ἐσ λόγουσ.

τὸν δὲ στρατὸν τοῦ Φιμβρίου προσιόντα οἱ δεξιωσάμενόσ τε καὶ τῷ σφετέρῳ συναγαγών, Κουρίωνι προσέταξε Νικομήδην ἐσ Βιθυνίαν καὶ Ἀριοβαρζάνην ἐσ Καππαδοκίαν καταγαγεῖν, τῇ τε βουλῇ περὶ πάντων ἐπέστελλεν, οὐχ ὑποκρινόμενοσ ἐψηφίσθαι πολέμιοσ. ὁ δὲ ἀνθ’ αὑτοῦ Ῥουτίλιον ἔπεμπε· καὶ τόδε πρῶτον ἐλύπει τὸν Φιμβρίαν, οὐδὲ συνόδου, διδομένησ καὶ τοῖσ πολεμίοισ, ἀξιωθέντα. δεομένῳ δ’ αὐτῷ συγγνώμησ τυχεῖν εἴ τι νέοσ ὢν ἐξήμαρτεν, ὁ Ῥουτίλιοσ ὑπέστη Σύλλαν ἀφήσειν ἐπὶ θάλασσαν ἀπαθῆ διελθεῖν, εἰ μέλλοι τῆσ Ἀσίασ, ἧσ ἐστὶν ὁ Σύλλασ ἀνθύπατοσ, ἀποπλευσεῖσθαι. ὁ δὲ εἰπὼν ἑτέραν ὁδὸν ἔχειν κρείττονα, ἐπανῆλθεν ἐσ Πέργαμον, καὶ ἐσ τὸ τοῦ Ἀσκληπιοῦ ἱερὸν παρελθὼν ἐχρήσατο τῷ ξίφει. οὐ καιρίου δ’ αὐτῷ τῆσ πληγῆσ γενομένησ, ἐκέλευσε τὸν παῖδα ἐπερεῖσαι. ὁ δὲ καὶ τὸν δεσπότην ἔκτεινε καὶ αὑτὸν ἐπὶ τῷ δεσπότῃ. Οὕτω μὲν καὶ Φιμβρίασ ἀπέθανε, πολλὰ τὴν Ἀσίαν ἐπὶ Μιθριδάτῃ λελυμασμένοσ. καὶ αὐτὸν ὁ Σύλλασ ἐφῆκε τοῖσ ἀπελευθέροισ θάψαι, καὶ ἐπεῖπεν οὐ μιμεῖσθαι Κίνναν καὶ Μάριον ἐν Ῥώμῃ θάνατόν τε πολλῶν καὶ ἀταφίαν ἐπὶ τῷ θανάτῳ καταγνόντασ. Αὐτὴν δὲ τὴν Ἀσίαν καθιστάμενοσ, Ἰλιέασ μὲν καὶ Χίουσ καὶ Λυκίουσ καὶ Ῥοδίουσ καὶ Μαγνησίαν καί τινασ ἄλλουσ, ἢ συμμαχίασ ἀμειβόμενοσ, ἢ ὧν διὰ προθυμίαν ἐπεπόνθεσαν οὗ ἕνεκα, ἐλευθέρουσ ἠφίει καὶ Ῥωμαίων ἀνέγραφε φίλουσ, ἐσ δὲ τὰ λοιπὰ πάντα στρατιὰν περιέπεμπεν.

καὶ τοὺσ θεράποντασ, οἷσ ἐλευθερίαν ἐδεδώκει Μιθριδάτησ, ἐκήρυττεν αὐτίκα ἐσ τοὺσ δεσπότασ ἐπανιέναι. πολλῶν δὲ ἀπειθούντων, καὶ πόλεων τινῶν ἀφισταμένων, ἐγίγνοντο σφαγαὶ κατὰ πλῆθοσ ἐλευθέρων τε καὶ θεραπόντων ἐπὶ ποικίλαισ προφάσεσι, τείχη τε πολλῶν καθῃρεῖτο, καὶ συχνὰ τῆσ Ἀσίασ ἠνδραποδίζετο καὶ διηρπάζετο. οἵ τε καππαδοκίσαντεσ ἄνδρεσ ἢ πόλεισ ἐκολάζοντο πικρῶσ, καὶ μάλιστα αὐτῶν Ἐφέσιοι, σὺν αἰσχρᾷ κολακείᾳ ἐσ τὰ Ῥωμαίων ἀναθήματα ὑβρίσαντεσ. ἐπὶ δὲ τοῖσδε καὶ κήρυγμα περιῄει, τοὺσ ἐν ἀξιώσει κατὰ πόλιν ἐσ ἡμέραν ῥητὴν πρὸσ τὸν Σύλλαν ἀπαντᾶν ἐσ Ἔφεσον. καὶ συνελθοῦσιν αὐτοῖσ ἐπὶ βήματοσ ἐδημηγόρησεν οὕτωσ. "Ἡμεῖσ στρατῷ πρῶτον ἐσ Ἀσίαν παρήλθομεν Ἀντιόχου τοῦ Σύρων βασιλέωσ πορθοῦντοσ ὑμᾶσ.

ἐξελάσαντεσ δ’ αὐτόν, καὶ τὸν Ἅλυν καὶ Ταῦρον αὐτῷ θέμενοι τῆσ ἀρχῆσ ὁρ́ον, οὐ κατέσχομεν ὑμῶν ἡμετέρων ἐξ ἐκείνου γενομένων, ἀλλὰ μεθήκαμεν αὐτονόμουσ, πλὴν εἴ τινασ Εὐμένει καὶ Ῥοδίοισ συμμαχήσασιν ἡμῖν ἔδομεν, οὐχ ὑποτελεῖσ ἀλλ’ ἐπὶ προστάταισ εἶναι. τεκμήριον δ’ ὅτι Λυκίουσ αἰτιωμένουσ τι Ῥοδίων ἀπεστήσαμεν. ἡμεῖσ μὲν δὴ τοιοίδε περὶ ὑμᾶσ γεγόναμεν· ὑμεῖσ δέ, Ἀττάλου τοῦ φιλομήτοροσ τὴν ἀρχὴν ἡμῖν ἐν διαθήκαισ καταλιπόντοσ, Ἀριστονίκῳ καθ’ ἡμῶν τέτταρσιν ἔτεσι συνεμαχεῖτε, μέχρι καὶ Αοἰστόνικοσ ἑάλω καὶ ὑμῶν οἱ πλείουσ εσ ἀνάγκην καὶ φόβον περιήλθετε. καὶ ὧδε πράσσοντεσ ὅμωσ, ἔτεσιν εἴκοσι καὶ τέτταρσιν ἐσ μέγα περιουσίασ καὶ κάλλουσ κατασκευῆσ ἰδιωτικῆσ τε καὶ δημοσίασ προελθόντεσ, ὑπὸ εἰρήνησ καὶ τρυφῆσ ἐξυβρίσατε αὖθισ, καὶ τὴν ἀσχολίαν ἡμῶν τὴν ἀμφὶ τὴν Ἰταλίαν φυλάξαντεσ οἱ μὲν ἐπηγάγεσθε Μιθριδάτην, οἱ δ’ ἐλθόντι συνέθεσθε. ὃ δ’ ἐστὶ πάντων μιαρώτατον, ὑπέστητε αὐτῷ μιᾶσ ἡμέρασ τοὺσ Ἰταλιώτασ ἅπαντασ αὐτοῖσ παισὶ καὶ μητράσιν ἀναιρήσειν, καὶ οὐδὲ τῶν ἐσ τὰ ἱερὰ συμφυγόντων διὰ τοὺσ ὑμετέρουσ θεοὺσ ἐφείσασθε. ἐφ’ οἷσ ἔδοτε μέν τινα καὶ αὐτῷ Μιθριδάτῃ δίκην, ἀπίστῳ τε ἐσ ὑμᾶσ γενομένῳ, καὶ φόνου καὶ δημεύσεων ἐμπλήσαντι ὑμᾶσ, καὶ γῆσ ἀναδασμοὺσ ἐργασαμένῳ καὶ χρεῶν ἀποκοπὰσ καὶ δούλων ἐλευθερώσεισ, καὶ τυράννουσ ἐπ’ ἐνίοισ, καὶ λῃστήρια πολλὰ ἀνά τε γῆν καὶ θάλασσαν, ὡσ εὐθὺσ ὑμᾶσ ἔχειν ἐν πείρᾳ καὶ παραβολῇ οἱούσ ἀνθ’ οἱών προστάτασ ἐπελέγεσθε. ἔδοσαν δέ τινα καὶ ἡμῖν δίκην οἱ τῶνδε ἄρξαντεσ. ἀλλὰ δεῖ καὶ κοινὴν ὑμῖν ἐπιτεθῆναι τοιάδε ἐργασαμένοισ· ἣν εἰκὸσ μὲν ἦν ὁμοίαν οἷσ ἐδράσατε γενέσθαι, μή ποτε δὲ Ῥωμαῖοι σφαγὰσ ἀσεβεῖσ ἢ δημεύσεισ ἀβούλουσ ἢ δούλων ἐπαναστάσεισ, ἢ ὅσα ἄλλα βαρβαρικά, μηδ’ ἐπὶ νοῦν λάβοιεν. φειδοῖ δὲ γένουσ ἔτι καὶ ὀνόματοσ Ἑλληνικοῦ καὶ δόξησ τῆσ ἐπὶ τῇ Ἀσίᾳ, καὶ τῆσ φιλτάτησ Ῥωμαίοισ εὐφημίασ οὕνεκα, μόνουσ ὑμῖν ἐπιγράφω πέντε ἐτῶν φόρουσ ἐσενεγκεῖν αὐτίκα, καὶ τὴν τοῦ πολέμου δαπάνην, ὅση τε γέγονέ μοι καὶ ἔσται καθισταμένῳ τὰ ὑπόλοιπα. διαιρήσω δὲ ταῦθ’ ἑκάστοισ ἐγὼ κατὰ πόλεισ, καὶ τάξω προθεσμίαν ταῖσ ἐσφοραῖσ, καὶ τοῖσ οὐ φυλάξασιν ἐπιθήσω δίκην ὡσ πολεμίοισ. Τοσάδε εἰπὼν ἐπιδιῄρει τοῖσ πρέσβεσι τὴν ζημίαν, καὶ ἐπὶ τὰ χρήματα ἔπεμπεν.

αἱ δὲ πόλεισ ἀποροῦσαί τε καὶ δανειζόμεναι μεγάλων τόκων, αἱ μὲν τὰ θέατρα τοῖσ δανείζουσιν, αἱ δὲ τὰ γυμνάσια ἢ τεῖχοσ ἢ λιμένασ ἢ εἴ τι δημόσιον ἄλλο, σὺν ὕβρει στρατιωτῶν ἐπειγόντων, ὑπετίθεντο. τὰ μὲν δὴ χρήματα ὧδε τῷ Σύλλᾳ συνεκομίζετο, καὶ κακῶν ἄδην εἶχεν ἡ Ἀσία· ἐπέπλει δ’ αὐτὴν καὶ λῃστήρια πολύανδρα φανερῶσ, στόλοισ ἐοικότα μᾶλλον ἢ λῃσταῖσ, Μιθριδάτου μὲν αὐτὰ πρώτου καθέντοσ ἐσ τὴν θάλασσαν, ὅτε πάνθ’ ὡσ οὐκ ἐσ πολὺ καθέξων ἐλυμαίνετο, πλεονάσαντα δ’ ἐσ τότε μάλιστα, καὶ οὐ τοῖσ πλέουσι μόνοισ ἀλλὰ καὶ λιμέσι καὶ χωρίοισ καὶ πόλεσιν ἐπιχειροῦντα φανερῶσ. Ιἀσσόσ γέ τοι καὶ Σάμοσ καὶ Κλαζομεναὶ καὶ Σαμοθρᾴκη Σύλλα παρόντοσ ἐλήφθησαν, καὶ τὸ ἱερὸν ἐσυλήθη τὸ Σαμοθρᾴκιον χιλίων ταλάντων κόσμον, ὡσ ἐνομίζετο. ὁ δέ, εἴτε ἑκὼν ὡσ ἁμαρτόντασ ἐνυβρίζεσθαι καταλιπών, εἴτ’ ἐπὶ τὴν ἐσ Ῥώμην στάσιν ἐπειγόμενοσ, ἐσ τὴν Ἑλλάδα καὶ ἀπ’ αὐτῆσ ἐσ τὴν Ἰταλίαν μετὰ τοῦ πλείονοσ στρατοῦ διέπλει. καὶ τὰ μὲν ἀμφὶ Σύλλαν ἐν τοῖσ Ἐμφυλίοισ ἀναγέγραπται, 64. ἄρχεται δ’ ὁ δεύτεροσ Ῥωμαίων τε καὶ Μιθριδάτου πόλεμοσ ἐνθένδε. Μουρήνασ μὲν ὑπὸ Σύλλα σὺν δύο τέλεσι τοῖσ Φιμβρίου καθίστασθαι τὰ λοιπὰ τῆσ Ἀσίασ ὑπελέλειπτο, καὶ πολέμων ἀφορμὰσ ἠρεσχήλει δι’ ἐπιθυμίαν θριάμβου· Μιθριδάτησ δ’ ἐσ τὸν Πόντον ἐσπλεύσασ Κόλχοισ καὶ Βοσποριανοῖσ ἀφισταμένοισ ἐπολέμει. ὧν Κόλχοι τὸν υἱὸν παρ’ αὐτοῦ, Μιθριδάτην, βασιλέα σφίσιν ᾐτοῦντο δοθῆναι, καὶ λαβόντεσ αὐτίκα ὑπήκουσαν. ὑποπτεύσασ δ’ ὁ βασιλεὺσ τόδε πρὸσ τοῦ παιδὸσ αὐτοῦ βασιλείασ ἐπιθυμοῦντοσ γενέσθαι, καλέσασ αὐτὸν ἔδησεν ἐν πέδαισ χρυσαῖσ καὶ μετ’ οὐ πολὺ ἀπέκτεινε, πολλὰ χρήσιμόν οἱ περὶ τὴν Ἀσίαν ἐν τοῖσ πρὸσ Φιμβρίαν ἀγῶσι γενόμενον. ἐπὶ δὲ Βοσποριανοὺσ ναῦσ τε συνεπήγνυτο καὶ στρατὸν ἡτοιμάζετο πολύν, ὡσ τὸ μέγεθοσ αὐτοῦ τῆσ παρασκευῆσ δόξαν ἐγεῖραι ταχεῖαν, οὐκ ἐπὶ Βοσποριανοῖσ ἀλλ’ ἐπὶ Ῥωμαίοισ τάδε συλλέγεσθαι. οὐ γάρ πω οὐδ’ Ἀριοβαρζάνῃ πᾶσαν ἐβεβαίου Καππαδοκίαν, ἀλλ’ ἔστιν αὐτῆσ ἃ καὶ τότε κατεῖχεν. Ἀρχέλαόν τε ἐν ὑποψίαισ ἐτίθετο ὡσ πολλὰ πέρα τοῦ δέοντοσ κατὰ τὴν Ἑλλάδα ἐν ταῖσ διαλύσεσιν ἐπιχωρήσαντα τῷ Σύλλᾳ. ὧν ὁ Ἀρχέλαοσ αἰσθανόμενόσ τε καὶ δείσασ ἐσ Μουρήναν ἔφυγε, καὶ παροξύνασ αὐτὸν ἔπεισε Μιθριδάτῃ προεπιχειρεῖν. Μουρήνασ μὲν δὴ διὰ Καππαδοκίασ αὐτίκα ἐσβαλὼν ἐσ Κόμανα, κώμην ὑπὸ τῷ Μιθριδάτῃ μεγίστην, σεβάσμιον ἱερὸν καὶ πλούσιον ἔχουσαν, ἱππέασ τινὰσ ἔκτεινε τοῦ Μιθριδάτου, καὶ πρέσβεσιν αὐτοῦ τὰσ συνθήκασ προτείνουσιν οὐκ ἔφη συνθήκασ ὁρᾶν· οὐ γὰρ συνεγέγραπτο Σύλλασ, ἀλλ’ ἔργῳ τὰ λεχθέντα βεβαιώσασ ἀπήλλακτο. ταῦτα δ’ εἰπὼν ὁ Μουρήνασ εὐθέωσ ἐλεηλάτει, καὶ οὐδὲ τῶν ἱερῶν χρημάτων ἀποσχόμενοσ ἐχείμαζεν ἐν Καππαδοκίᾳ. Μιθριδάτησ δ’ ἐσ Ῥώμην ἔπεμπε πρόσ τε τὴν βουλὴν καὶ πρὸσ Σύλλαν, αἰτιώμενοσ ἃ ποιεῖ Μουρήνασ.

ὁ δ’ ἐσ λόφον καρτερὸν ἀναφυγών, ἐπιχειροῦντοσ αὐτῷ τοῦ βασιλέωσ πολλοὺσ ἀποβαλὼν ἔφευγε διὰ τῶν ὀρεινῶν ἐπὶ Φρυγίασ, ὁδὸν ἀτριβῆ, βαλλόμενόσ τε καὶ χαλεπῶσ. ὁ δ’ ἐν τούτῳ τὸν Ἅλυν ποταμὸν περάσασ, μέγαν τε ὄντα καὶ δύσπορον τότε μάλιστα αὐτῷ γενόμενον ὑπ’ ὄμβρων, τετρακοσίασ τοῦ Μιθριδάτου κώμασ ἐπέτρεχεν, οὐκ ἀπαντῶντοσ ἐσ οὐδὲν αὐτῷ τοῦ βασιλέωσ, ἀλλὰ τὴν πρεσβείαν ἀναμένοντοσ. λείασ δὲ πολλῆσ καταγέμων ἐσ Φρυγίαν καὶ Γαλατίαν ἐπανῄει, ἔνθα αὐτῷ Καλίδιοσ, ἐπὶ ταῖσ Μιθριδάτου μέμψεσι πεμφθεὶσ ἀπὸ Ῥώμησ, ψήφισμα μὲν οὐδὲν ἐπέδωκεν, ἔφη δ’ ἐσ ἐπήκοον ἐν μέσῳ τὴν βουλὴν αὐτῷ κελεύειν φείδεσθαι τοῦ βασιλέωσ ὄντοσ ἐνσπόνδου. ταῦτα δ’ εἰπὼν ὤφθη διαλεγόμενοσ αὐτῷ μόνῳ, καὶ ὁ Μουρήνασ οὐδὲν ἀνεὶσ τῆσ ὁρμῆσ καὶ τότε τὴν γῆν ἐπῄει τὴν τοῦ Μιθριδάτου. ὁ δὲ σαφῶσ ὑπὸ Ῥωμαίων ἡγούμενοσ πολεμεῖσθαι, Γόρδιον ἐσ τὰσ κώμασ ἐσβαλεῖν ἐκέλευσεν. καὶ αὐτίκα ὁ Γόρδιοσ ὑποζύγιά τε πολλὰ καὶ σκευοφόρα καὶ ἀνθρώπουσ, ἰδιώτασ τε καὶ στρατιώτασ, συνήρπαζε, καὶ αὐτῷ Μουρήνᾳ, μέσον λαβὼν ποταμόν, ἀντεκαθέζετο. μάχησ δ’ οὐδέτεροσ ἦρχεν, ἑώσ ἀφίκετο Μιθριδάτησ σὺν τῷ πλείονι στρατῷ. καὶ εὐθὺσ ἀμφὶ τῷ ποταμῷ μάχη γίγνεται καρτερά. καὶ βιασάμενοσ ὁ Μιθριδάτησ ἐπέρα τὸν ποταμόν, καὶ τἆλλα πολὺ κρείττων τοῦ Μουρήνα γενόμενοσ. Ἥ τε νίκη λαμπρὰ καὶ ὀξεῖα ἐξ ἐφόδου γενομένη ταχὺ διέπτη καὶ πολλοὺσ ἐσ τὸν Μιθριδάτην μετέβαλεν.

ὁ δὲ καὶ τὰ ἐν Καππαδοκίᾳ φρούρια τοῦ Μουρήνα πάντα ἐπιδραμών τε καὶ ἐξελάσασ ἔθυε τῷ στρατίῳ Διὶ πάτριον θυσίαν ἐπὶ ὄρουσ ὑψηλοῦ, κορυφὴν μείζονα ἄλλην ἀπὸ ξύλων ἐπιτιθείσ. πρῶτοι δ’ ἐσ αὐτὴν οἱ βασιλεῖσ ξυλοφοροῦσι, καὶ περιθέντεσ ἑτέραν ἐν κύκλῳ βραχυτέραν τῇ μὲν ἄνω γάλα καὶ μέλι καὶ οἶνον καὶ ἔλαιον καὶ θυμιάματα πάντα ἐπιφοροῦσι, τῇ δ’ ἐπιπέδῳ σῖτόν τε καὶ ὄψον ἐσ ἄριστον τοῖσ παροῦσιν ἐπιτιθέντεσ, οἱο͂́ν τι καὶ ἐν Πασαργάδαισ ἐστὶ τοῖσ Περσῶν βασιλεῦσι θυσίασ γένοσ, ἅπτουσι τὴν ὕλην. ἡ δ’ αἰθομένη διὰ τὸ μέγεθοσ τηλοῦ τε χιλίων σταδίων γίγνεται τοῖσ πλέουσι καταφανήσ, καὶ πελάσαι φασὶν ἐσ πολλὰσ ἡμέρασ, αἰθομένου τοῦ ἀέροσ, οὐ δυνατὸν εἶναι. Ὁ μὲν δὴ τὴν θυσίαν ἦγε πατρίῳ νόμῷ· Σύλλα δ’ οὐκ ἀξιοῦντοσ Μιθριδάτην ἔνσπονδον πολεμεῖσθαι, Αὖλοσ Γαβίνιοσ ἐπέμφθη Μουρήνᾳ μὲν ἀληθῆ τήνδε προαγόρευσιν ἐρῶν, μὴ πολεμεῖν Μιθριδάτῃ, Μιθριδάτην δὲ καὶ Ἀριοβαρζάνην ἀλλήλοισ συναλλάξων. ὁ δὲ Μιθριδάτησ ἐν τῇδε τῇ συνόδῳ παιδίον τετραετὲσ ἐγγυήσασ τῷ Ἀριοβαρζάνῃ, καὶ ἐπὶ τῇδε προφάσει λαβὼν ἔχειν Καππαδοκίασ ὅσα τε εἶχε καὶ ἕτερα ἐπ’ ἐκείνοισ, εἱστία πάντασ, καὶ χρυσίον ἐπὶ τε τῇ κύλικι καὶ τῇ τροφῇ καὶ ἐπὶ σκώμμασι καὶ ἐπὶ ᾠδῇ πᾶσιν, ὥσπερ εἰώθει, προυτίθει· οὗ μόνοσ Γαβίνιοσ οὐχ ἥψατο. ὁ μὲν δὴ δεύτεροσ Μιθριδάτῃ καὶ Ῥωμαίοισ πόλεμοσ τρίτῳ μάλιστα ἔτει ἐσ τοῦτο διελύετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 9

(아피아노스, The Foreign Wars, chapter 9)

상위

목록

SEARCH

MENU NAVIGATION