헬라어 문장 검색 - Αππιαν́ΤηεΦορέ88́

(아피아노스, The Foreign Wars, chapter 8)

Ὁ δὲ Σύλλασ τῆσ ἐπιούσησ τόν τε ταξίαρχον ἐστεφάνου καὶ τοῖσ ἄλλοισ ἀριστεῖα ἐδίδου. καὶ τὴν Βοιωτίαν συνεχῶσ μετατιθεμένην διήρπαζε, καὶ ἐσ Θεσσαλίαν ἐλθὼν ἐχείμαζε, τὰσ ναῦσ τὰσ μετὰ Λευκόλλου περιμένων. ἀγνοῶν δ’ ὅπῃ ὁ Λεύκολλοσ εἰή, ἐναυπηγεῖτο ἑτέρασ, καὶ ταῦτα μέντοι Κορνηλίου τε Κίννα καὶ Γαϊού Μαρίου, τῶν ἐχθρῶν αὐτοῦ, ἐν Ῥώμῃ ἐψηφισμένων εἶναι Ῥωμαίων πολέμιον, καὶ τὴν οἰκίαν αὐτοῦ καὶ τὰσ ἐπαύλεισ καθῃρηκότων, καὶ τοὺσ φίλουσ ἀνελόντων. ὁ δὲ οὐδὲν οὐδ’ ὣσ καθῄρει τῆσ ἐξουσίασ, τὸν στρατὸν ἔχων εὐπειθῆ καὶ πρόθυμον. Κίννασ δὲ Φλάκκον ἑλόμενόσ οἱ συνάρχειν τὴν ὕπατον ἀρχήν, ἔπεμπεν ἐσ τὴν Ἀσίαν μετὰ δύο τελῶν, ἀντὶ τοῦ Σύλλα, ὡσ ἤδη πολεμίου γεγονότοσ, τῆσ τε Ἀσίασ ἄρχειν καὶ πολεμεῖν τῷ Μιθριδάτῃ. ἀπειροπολέμῳ δ’ ὄντι τῷ Φλάκκῳ συνεξῆλθεν ἑκὼν ἀπὸ τῆσ βουλῆσ ἀνὴρ πιθανὸσ ἐσ στρατηγίαν, ὄνομα Φιμβρίασ. τούτοισ ἐκ Βρεντεσίου διαπλέουσιν αἱ πολλαὶ τῶν νεῶν ὑπὸ χειμῶνοσ διελύθησαν, καὶ τὰσ πρόπλουσ αὐτῶν ἐνέπρησε στρατὸσ ἄλλοσ ἐπιπεμφθεὶσ ἐκ Μιθριδάτου. μοχθηρὸν δ’ ὄντα τὸν Φλάκκον καὶ σκαιὸν ἐν ταῖσ κολάσεσι καὶ φιλοκερδῆ ὁ στρατὸσ ἅπασ ἀπεστρέφετο, καὶ μέροσ αὐτῶν τι, προπεμφθὲν ἐσ Θεσσαλίαν, ἐσ τὸν Σύλλαν μετεστρατεύσαντο. τοὺσ δὲ ὑπολοίπουσ ὁ Φιμβρίασ, στρατηγικώτεροσ τοῦ Φλάκκου φαινόμενοσ αὐτοῖσ καὶ φιλανθρωπότεροσ κατεῖχε μὴ μεταθέσθαι. Ὡσ δ’ ἔν τινι καταγωγῇ περὶ ξενίασ ἔριδοσ αὐτῷ καὶ τῷ ταμίᾳ γενομένησ ὁ Φλάκκοσ διαιτῶν οὐδὲν ἐσ τιμὴν ἐπεσήμηνε τοῦ Φιμβρίου, χαλεπήνασ ὁ Φιμβρίασ ἠπείλησεν ἐσ Ῥώμην ἐπανελεύσεσθαι.

καὶ τοῦ Φλάκκου δόντοσ αὐτῷ διάδοχον ἐσ ἃ τότε διῴκει, φυλάξασ αὐτὸν ὁ Φιμβρίασ ἐσ Χαλκηδόνα διαπλέοντα, πρῶτα μὲν Θέρμον τὰσ ῥάβδουσ ἀφείλετο, τὸν ἀντιστράτηγον ὑπὸ τοῦ Φλάκκου καταλελειμμένον, ὡσ οἱ τοῦ στρατοῦ τὴν στρατηγίαν περιθέντοσ, εἶτα Φλάκκον αὐτὸν σὺν ὀργῇ μετ’ ὀλίγον ἐπανιόντα ἐδίωκεν, ἑώσ ὁ μὲν Φλάκκοσ ἔσ τινα οἰκίαν καταφυγὼν καὶ νυκτὸσ τὸ τεῖχοσ ὑπερελθὼν ἐσ Χαλκηδόνα πρῶτον καὶ ἀπ’ αὐτῆσ ἐσ Νικομήδειαν ἔφυγε καὶ τὰσ πύλασ ἀπέκλεισεν, ὁ δὲ Φιμβρίασ αὐτὸν ἐπελθὼν ἔκτεινεν ἐν φρέατι κρυπτόμενον, ὕπατόν τε ὄντα Ῥωμαίων καὶ στρατηγὸν τοῦδε τοῦ πολέμου ἰδιώτησ αὐτὸσ ὢν καὶ ὡσ φίλῳ κελεύοντι συνεληλυθώσ. ἐκτεμών τε τὴν κεφαλὴν αὐτοῦ μεθῆκεν ἐσ θάλασσαν, καὶ τὸ λοιπὸν ἄταφον ἐκρίψασ, αὑτὸν αὐτοκράτορα ἀπέφηνε τοῦ στρατοῦ. καὶ μάχασ τινὰσ οὐκ ἀγεννῶσ ἠγωνίσατο τῷ παιδὶ τῷ Μιθριδάτου. αὐτόν τε βασιλέα συνεδίωξεν ἐσ τὸ Πέργαμον, καὶ ἐσ Πιτάνην ἐκ τοῦ Περγάμου διαφυγόντα ἐπελθὼν ἀπετάφρευεν, ἑώσ ὁ μὲν βασιλεὺσ ἐπὶ νεῶν ἔφυγεν ἐσ Μιτυλήνην, 53. ὁ δὲ Φιμβρίασ, ἐπιὼν τὴν Ἀσίαν, ἐκόλαζε τοὺσ καππαδοκίσαντασ, καὶ τῶν οὐ δεχομένων αὐτὸν τὴν χώραν ἐλεηλάτει. Ἰλιεῖσ δὲ πολιορκούμενοι πρὸσ αὐτοῦ κατέφυγον μὲν ἐπὶ Σύλλαν, Σύλλα δὲ φήσαντοσ αὐτοῖσ ἥξειν, καὶ κελεύσαντοσ ἐν τοσῷδε Φιμβρίᾳ φράζειν ὅτι σφᾶσ ἐπιτετρόφασι τῷ Σύλλᾳ, πυθόμενοσ ὁ Φιμβρίασ ἐπῄνεσε μὲν ὡσ ἤδη Ῥωμαίων φίλουσ, ἐκέλευσε δὲ καὶ αὑτὸν ὄντα Ῥωμαῖων ἔσω δέχεσθαι, κατειρωνευσάμενόσ τι καὶ τῆσ συγγενείασ τῆσ οὔσησ ἐσ Ῥωμαίουσ Ἰλιεῦσιν. ἐσελθὼν δὲ τοὺσ ἐν ποσὶ πάντασ ἔκτεινε καὶ πάντα ἐνεπίμπρη, καὶ τοὺσ πρεσβεύσαντασ ἐσ τὸν Σύλλαν ἐλυμαίνετο ποικίλωσ, οὔτε τῶν ἱερῶν φειδόμενοσ οὔτε τῶν ἐσ τὸν νεὼν τῆσ Ἀθηνᾶσ καταφυγόντων, οὓσ αὐτῷ νεῷ κατέπρησεν. κατέσκαπτε δὲ καὶ τὰ τείχη, καὶ τῆσ ἐπιούσησ ἠρεύνα περιιὼν μή τι συνέστηκε τῆσ πόλεωσ ἔτι. ἡ μὲν δὴ χείρονα τῶν ἐπὶ Ἀγαμέμνονοσ παθοῦσα ὑπὸ συγγενοῦσ διωλώλει, καὶ οἰκόπεδον οὐδὲν αὐτῆσ οὐδ’ ἱερὸν οὐδ’ ἄγαλμα ἔτι ἦν· τὸ δὲ τῆσ Ἀθηνᾶσ ἕδοσ, ὃ Παλλάδιον καλοῦσι καὶ διοπετὲσ ἡγοῦνται, νομίζουσί τινεσ εὑρεθῆναι τότε ἄθραυστον, τῶν ἐπιπεσόντων τειχῶν αὐτὸ περικαλυψάντων, εἰ μὴ Διομήδησ αὐτὸ καὶ Ὀδυσσεὺσ ἐν τῷ Τρωϊκῷ ἔργῳ μετήνεγκαν ἐξ Ἰλίου. Τάδε μὲν δὴ Φιμβρίασ ἐσ Ἴλιον εἰργάζετο, ληγούσησ ἄρτι τῆσ τρίτησ καὶ ἑβδομηκοστῆσ καὶ ἑκατοστῆσ ὀλυμπιάδοσ. καί τινεσ ἡγοῦνται τὸ πάθοσ αὐτῇ τόδε μετ’ Ἀγαμέμνονα χιλίοισ καὶ πεντήκοντα ἔτεσι γενέσθαι μάλιστα. Ὁ δὲ Μιθριδάτησ ἐπεὶ καὶ τῆσ περὶ Ὀρχομενὸν ἥττησ ἐπύθετο, διαλογιζόμενοσ τὸ πλῆθοσ ὅσον ἐξ ἀρχῆσ ἐσ τὴν Ἑλλάδα ἐπεπόμφει, καὶ τὴν συνεχῆ καὶ ταχεῖαν αὐτοῦ φθοράν, ἐπέστελλεν Ἀρχελάῳ διαλύσεισ ὡσ δύναιτο εὐπρεπῶσ ἐργάσασθαι.

ὁ δὲ Σύλλᾳ συνελθὼν ἐσ λόγουσ εἶπε· "φίλοσ ὢν ὑμῖν πατρῷοσ, ὦ Σύλλα, Μιθριδάτησ ὁ βασιλεὺσ ἐπολέμησε μὲν διὰ στρατηγῶν ἑτέρων πλεονεξίαν, διαλύσεται δὲ διὰ τὴν σὴν ἀρετήν, ἢν τὰ δίκαια προστάσσῃσ. " καὶ ὁ Σύλλασ ἀπορίᾳ τε νεῶν, καὶ χρήματα οὐκ ἐπιπεμπόντων οὐδ’ ἄλλο οὐδὲν οἴκοθεν αὐτῷ τῶν ἐχθρῶν ὡσ πολεμίῳ, ἁψάμενοσ ἤδη τῶν ἐν Πυθοῖ καὶ Ὀλυμπίᾳ καὶ Ἐπιδαύρῳ χρημάτων, καὶ ἀντιδοὺσ πρὸσ λόγον τοῖσ ἱεροῖσ τὸ ἥμισυ τῆσ Θηβαίων γῆσ πολλάκισ ἀποστάντων, ἔσ τε τὴν στάσιν αὐτὴν τῶν ἐχθρῶν ἐπειγόμενοσ ἀκραιφνῆ καὶ ἀπαθῆ τὸν στρατὸν μεταγαγεῖν, ἐνεδίδου πρὸσ τὰσ διαλύσεισ, καὶ εἶπεν· "ἀδικουμένου μὲν ἦν, ὦ Ἀρχέλαε, Μιθριδάτου, περὶ ὧν ἠδικεῖτο πρεσβεύειν, ἀδικοῦντοσ δὲ γῆν τοσήνδε ἀλλοτρίαν ἐπιδραμεῖν, καὶ κτεῖναι πολὺ πλῆθοσ ἀνδρῶν, τά τε κοινὰ καὶ ἱερὰ τῶν πόλεων καὶ τὰ ἴδια τῶν ἀνῃρημένων σφετερίσασθαι. τῷ δ’ αὐτῷ λόγῳ καὶ ἐσ τοὺσ ἰδίουσ φίλουσ, ᾧ περὶ ἡμᾶσ, ἄπιστοσ γενόμενοσ, ἔκτεινε καὶ τῶνδε πολλούσ, καὶ τῶν τετραρχῶν οὓσ ὁμοδιαίτουσ εἶχε, νυκτὸσ μιᾶσ, μετὰ γυναικῶν καὶ παίδων τῶν οὐ πεπολεμηκότων. ἐπὶ δὲ ἡμῖν καὶ φύσεωσ ἔχθραν μᾶλλον ἢ πολέμου χρείαν ἐπεδείξατο, παντοίαισ ἰδέαισ κακῶν τοὺσ περὶ τὴν Ἀσίαν Ἰταλιώτασ, σὺν γυναιξὶ καὶ παισὶ καὶ θεράπουσι τοῖσ οὖσι γένουσ Ἰταλικοῦ, λυμηνάμενόσ τε καὶ κτείνασ. τοσοῦτον ἐξήνεγκεν ἐσ τὴν Ἰταλίαν μῖσοσ ὁ νῦν ἡμῖν ὑποκρινόμενοσ φιλίαν πατρῴαν, ἧσ οὐ πρὶν ἑκκαίδεκα μυριάδασ ὑμῶν ὑπ’ ἐμοῦ συγκοπῆναι ἐμνημονεύετε. Ἀνθ’ ὧν δίκαιον μὲν ἦν ἄσπειστα αὐτῷ τὰ παρ’ ἡμῶν γενέσθαι, σοῦ δὲ χάριν ὑποδέχομαι συγγνώμησ αὐτὸν τεύξεσθαι παρὰ Ῥωμαίων, ἂν τῷ ὄντι μεταγιγνώσκῃ.

εἰ δὲ ὑποκρίνοιτο καὶ νῦν, ὡρ́α σοι τὸ σαυτοῦ σκοπεῖν, ὦ Ἀρχέλαε, ἐνθυμουμένῳ μὲν ὅπωσ ἔχει τὰ παρόντα σοί τε κἀκείνῳ, σκοποῦντι δ’ ὅν τινα τρόπον ἐκεῖνόσ τε ἑτέροισ κέχρηται φίλοισ καὶ ἡμεῖσ Εὐμένει καὶ Μασσανάσσῃ. " ὁ δ’ ἔτι λέγοντοσ αὐτοῦ τὴν πεῖραν ἀπεσείετο, καὶ δυσχεράνασ ἔφη τὸν ἐγχειρίσαντά οἱ τὴν στρατηγίαν οὔ ποτε προδώσειν· "ἐλπίζω δέ σοι διαλλάξειν, ἢν μέτρια προστάσσῃσ. " διαλιπὼν οὖν ὁ Σύλλασ ὀλίγον, εἶπεν· "ἐὰν τὸν στόλον ἡμῖν, ὃν ἔχεισ, ὦ Ἀρχέλαε, παραδιδῷ πάντα Μιθριδάτησ, ἀποδῷ δὲ καὶ στρατηγοὺσ ἡμῖν ἢ πρέσβεισ ἢ αἰχμαλώτουσ ἢ αὐτομόλουσ ἢ ἀνδράποδα ἀποδράντα, καὶ Χίουσ ἐπὶ τοῖσδε, καὶ ὅσουσ ἄλλουσ ἀνασπάστουσ ἐσ τὸν Πόντον ἐποιήσατο, μεθῇ, ἐξαγάγῃ δὲ καὶ τὰσ φρουρὰσ ἐκ πάντων φρουρίων, χωρὶσ ὧν ἐκράτει πρὸ τῆσδε τῆσ παρασπονδήσεωσ, ἐσενέγκῃ δὲ καὶ τὴν δαπάνην τοῦδε τοῦ πολέμου τὴν δι’ αὐτὸν γενομένην, καὶ στέργῃ μόνησ ἄρχων τῆσ πατρῴασ δυναστείασ. ἐλπίζω πείσειν Ῥωμαίουσ αὐτῷ μηδὲν ἐπιμηνῖσαι τῶν γεγονότων. " ὁ μὲν δὴ τοσάδε εἶπεν, ὁ δὲ Ἀρχέλαοσ τὰσ μὲν φρουρὰσ αὐτίκα πανταχόθεν ἐξῆγε, περὶ δὲ τῶν ἄλλων ἐπέστελλε τῷ βασιλεῖ. καὶ Σύλλασ τὴν ἐν τοσῷδε ἀργίαν διατιθέμενοσ, Ἐνετοὺσ καὶ Δαρδανέασ καὶ Σιντούσ, περίοικα Μακεδόνων ἔθνη, συνεχῶσ ἐσ Μακεδονίαν ἐμβάλλοντα, ἐπιὼν ἐπόρθει, καὶ τὸν στρατὸν ἐγύμναζε, καὶ ἐχρηματίζετο ὁμοῦ. Ἐλθόντων δὲ τῶν Μιθριδάτου πρέσβεων, οἳ τοῖσ μὲν ἄλλοισ συνετίθεντο, μόνην δ’ ἐξαιρούμενοι Παφλαγονίαν ἐπεῖπον ὅτι πλεόνων ἂν ἔτυχε Μιθριδάτησ, εἰ πρὸσ τὸν ἕτερον ὑμῶν στρατηγὸν διελύετο Φιμβρίαν, δυσχεράνασ ὁ Σύλλασ τῇ παραβολῇ, καὶ Φιμβρίαν ἔφη δώσειν δίκην, καὶ αὐτὸσ ἐν Ἀσίᾳ γενόμενοσ εἴσεσθαι πότερα συνθηκῶν ἢ πολέμου δεῖται Μιθριδάτησ.

ὧδε δ’ εἰπὼν ἤλαυνεν ἐπὶ Κύψελλα διὰ Θρᾴκησ, Λεύκολλον ἐσ Ἄβυδον προπέμψασ· ἤδη γὰρ αὐτῷ καὶ ὅδε ἀφῖκτο, κινδυνεύσασ μὲν ὑπὸ λῃστῶν ἁλῶναι πολλάκισ, στόλον δέ τινα νεῶν ἀγείρασ ἀπό τε Κύπρου καὶ Φοινίκησ καὶ Ῥόδου καὶ Παμφυλίασ, καὶ πολλὰ δῃώσασ τῆσ πολεμίασ, καὶ τῶν Μιθριδάτου νεῶν ἀποπειράσασ ἐν παράπλῳ. Σύλλασ μὲν οὖν ἀπὸ Κυψέλλων καὶ Μιθριδάτησ ἐκ Περγάμου συιῄεσαν αὖθισ ἐσ λόγουσ, καὶ κατέβαινον ἐσ πεδίον ἄμφω σὺν ὀλίγοισ, ἐφορώντων τῶν στρατῶν ἑκατέρωθεν. ἦσαν δ’ οἱ λόγοι Μιθριδάτου μὲν ὑπόμνησισ φιλίασ καὶ συμμαχίασ ἰδίασ καὶ πατρῴασ, καὶ ἐπὶ τοῖσ Ῥωμαίων πρέσβεσι καὶ προβούλοισ καὶ στρατηγοῖσ κατηγορία ὧν ἐσ αὐτὸν ἐπεπράχεσαν ἀδίκωσ, Ἀριοβαρζάνην τε κατάγοντεσ ἐσ Καππαδοκίαν, καὶ Φρυγίασ αὐτὸν ἀφαιρούμενοι, καὶ Νικομήδη περιορῶντεσ ἀδικοῦντα. "καὶ τάδε", ἔφη, "πάντα ἔπραξαν ἐπὶ χρήμασι, παραλλὰξ παρ’ ἐμοῦ τε καὶ παρ’ ἐκείνων λαμβάνοντεσ· ὃ γὰρ δὴ μάλιστ’ ἄν τισ ὑμῶν, ὦ Ῥωμαῖοι, τοῖσ πλείοσιν ἐπικαλέσειεν, ἔστιν ἡ φιλοκερδία. ἀναρραγέντοσ δὲ ὑπὸ τῶν ὑμετέρων στρατηγῶν τοῦ πολέμου, πάντα ὅσα ἀμυνόμενοσ ἔπραττον, ἀνάγκῃ μᾶλλον ἢ κατὰ γνώμην ἐγίγνετο. Ὁ μὲν δὴ Μιθριδάτησ ὧδε εἰπὼν ἐπαύσατο, ὁ δὲ Σύλλασ ὑπολαβὼν ἀπεκρίνατο·

"ἐφ’ ἕτερα μὲν ἡμᾶσ ἐκάλεισ, ὡσ τὰ προτεινόμενα ἀγαπήσων, οὐ μὴν ὁκνήσω καὶ περὶ τῶνδε διὰ βραχέων εἰπεῖν. ἐσ μὲν Καππαδοκίαν ἐγὼ κατήγαγον Ἀριοβαρζάνην Κιλικίασ ἄρχων, ὧδε Ῥωμαίων ψηφισαμένων· καὶ σὺ κατήκουεσ ἡμῶν, δέον ἀντιλέγειν καὶ ἢ μεταδιδάσκειν ἢ μηκέτι τοῖσ ἐγνωσμένοισ ἀντιτεῖναι. Φρυγίαν δέ σοι Μάνιοσ ἔδωκεν ἐπὶ δωροδοκίᾳ, ὃ κοινόν ἐστιν ἀμφοῖν ἀδίκημα. καὶ τῷδε μάλιστα αὐτὴν ὁμολογεῖσ οὐ δικαίωσ λαβεῖν, ἐκ δωροδοκίασ. ὅ τε Μάνιοσ καὶ τὰ ἄλλα ἠλέγχθη παρ’ ἡμῖν ἐπὶ χρήμασι πράξασ, καὶ πάντα ἀνέλυσεν ἡ βουλή. ᾧ λόγῳ καὶ Φρυγίαν ἀδίκωσ σοι δοθεῖσαν οὐχ ἑαυτῇ συντελεῖν ἐπέταξεν ἐσ τοὺσ φόρουσ, ἀλλ’ αὐτόνομον μεθῆκεν. ὧν δὲ ἡμεῖσ οἱ πολέμῳ λαβόντεσ οὐκ ἀξιοῦμεν ἄρχειν, τίνι λόγῳ σὺ καθέξεισ; Νικομήδησ δὲ αἰτιᾶται μέν σε καὶ Ἀλέξανδρον αὐτῷ τὸν τὸ σῶμα τρώσοντα ἐπιπέμψαι, καὶ Σωκράτη τὸν χρηστὸν ἐπὶ τὴν ἀρχήν, καὶ τάδε αὐτὸσ ἀμυνόμενοσ ἐσ τὴν σὴν ἐμβαλεῖν· εἰ δέ τι ὅμωσ ἠδικοῦ, ἐσ Ῥώμην πρεσβεύειν ἔδει καὶ τὰσ ἀποκρίσεισ ἀναμένειν. εἰ δὲ καὶ θᾶττον ἠμύνου Νικομήδη, πῶσ καὶ Ἀριοβαρζάνην ἀπήλαυνεσ οὐδὲν ἀδικοῦντα; ἐκβαλὼν δ’ ἀνάγκην ἐπέθηκασ τοῖσ παροῦσι Ῥωμαίων κατάγειν αὐτόν, καὶ καταγόμενον κωλύων σὺ τὸν πόλεμον ἐξῆψασ, ἐγνωκὼσ μὲν οὕτω πρὸ πολλοῦ, καὶ ἐν ἐλπίδι ἔχων γῆσ ἄρξειν ἁπάσησ εἰ Ῥωμαίων κρατήσειασ, προφάσεισ δ’ ἐπὶ τῇ γνώμῃ τάσδε ποιούμενοσ. καὶ τούτου τεκμήριον, ὅτι καὶ Θρᾷκασ καὶ Σκύθασ καὶ Σαυρομάτασ, οὔπω τινὶ πολεμῶν, ἐσ συμμαχίαν ὑπήγου, καὶ ἐσ τοὺσ ἀγχοῦ βασιλέασ περιέπεμπεσ, ναῦσ τε ἐποιοῦ, καὶ πρῳρέασ καὶ κυβερνήτασ συνεκάλεισ. Μάλιστα δ’ ὁ καιρὸσ ἐλέγχει σε τῆσ ἐπιβουλῆσ.

ὅτε γὰρ τὴν Ἰταλίαν ἀφισταμένην ἡμῶν ᾐσθάνου, τὴν ἀσχολίαν τήνδε ἡμῶν φυλάξασ ἐπέθου μὲν Ἀριοβαρζάνῃ καὶ Νικομήδει καὶ Γαλάταισ καὶ Παφλαγονίᾳ, ἐπέθου δὲ Ἀσίᾳ τῷ ἡμετέρῳ χωρίῳ. καὶ λαβὼν οἱᾶ δέδρακασ ἢ τὰσ πόλεισ, αἷσ τοὺσ θεράποντασ καὶ χρήστασ ἐπέστησασ ἐλευθερίασ καὶ χρεῶν ἀποκοπαῖσ, ἢ τοὺσ Ἕλληνασ, ὧν μιᾷ προφάσει χιλίουσ καὶ ἑξακοσίουσ διέφθειρασ, ἢ Γαλατῶν τοὺσ τετράρχασ, οὓσ ὁμοδιαίτουσ ἔχων ἀπέκτεινασ, ἢ τὸ τῶν Ἰταλιωτῶν γένοσ, οὓσ μιᾶσ ἡμέρασ σὺν βρέφεσι καὶ μητράσιν ἔκτεινάσ τε καὶ κατεπόντωσασ, οὐκ ἀποσχόμενοσ οὐδὲ τῶν ἐσ τὰ ἱερὰ συμφυγόντων. ὃ πόσην μὲν ὠμότητά σου, πόσην δὲ ἀσέβειαν καὶ ὑπερβολὴν μίσουσ ἐσ ἡμᾶσ προενήνοχεν. σφετερισάμενοσ δ’ ἁπάντων τὰ χρήματα, ἐσ τὴν Εὐρώπην ἐπέρασ μεγάλοισ στρατοῖσ, ἡμῶν ἀπειπόντων ἅπασι τῆσ Ἀσίασ βασιλεῦσι τῆσ Εὐρώπησ μηδὲ ἐπιβαίνειν. διαπλεύσασ δὲ Μακεδονίαν τε ἡμετέραν οὖσαν ἐπέτρεχεσ καὶ τοὺσ Ἕλληνασ τὴν ἐλευθερίαν ἀφῃροῦ. οὐ πρίν τε ἤρξω μετανοεῖν, οὐδ’ Ἀρχέλαοσ ὑπὲρ σοῦ παρακαλεῖν, ἢ Μακεδονίαν μέν με ἀνασώσασθαι, τὴν δὲ Ἑλλάδα τῆσ σῆσ ἐκλῦσαι βίασ, ἑκκαίδεκα δὲ μυριάδασ τοῦ σοῦ στρατοῦ κατακόψαι, καὶ τὰ στρατόπεδά σου λαβεῖν αὐταῖσ παρασκευαῖσ. ὃ καὶ θαυμάζω σου δικαιολογουμένου νῦν ἐφ’ οἷσ δι’ Ἀρχελάου παρεκάλεισ. ἢ πόρρω μὲν ὄντα με ἐδεδοίκεισ, ἀγχοῦ δὲ γενόμενον ἐπὶ δίκην ἐληλυθέναι νομίζεισ; ἧσ ὁ καιρὸσ ἀνάλωται, σοῦ τε πολεμήσαντοσ ἡμῖν, καὶ ἡμῶν ἀμυναμένων ἤδη καρτερῶσ καὶ ἀμυνουμένων ἐσ τέλοσ. " τοσαῦτα τοῦ Σύλλα μετ̓ ὀργῆσ ἔτι λέγοντοσ, μετέπιπτεν ὁ βασιλεὺσ καὶ ἐδεδοίκει, καὶ ἐσ τὰσ δι’ Ἀρχελάου γενομένασ συνθήκασ ἐνεδίδου, τάσ τε ναῦσ καὶ τὰ ἄλλα πάντα παραδοὺσ ἐσ τὸν Πόντον ἐπὶ τὴν πατρῴαν ἀρχὴν ἐπανῄει μόνην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 8

(아피아노스, The Foreign Wars, chapter 8)

상위

목록

SEARCH

MENU NAVIGATION