Appian, The Foreign Wars, chapter 8 7:

(아피아노스, The Foreign Wars, chapter 8 7:)

Μάλιστα δ’ ὁ καιρὸσ ἐλέγχει σε τῆσ ἐπιβουλῆσ. ὅτε γὰρ τὴν Ἰταλίαν ἀφισταμένην ἡμῶν ᾐσθάνου, τὴν ἀσχολίαν τήνδε ἡμῶν φυλάξασ ἐπέθου μὲν Ἀριοβαρζάνῃ καὶ Νικομήδει καὶ Γαλάταισ καὶ Παφλαγονίᾳ, ἐπέθου δὲ Ἀσίᾳ τῷ ἡμετέρῳ χωρίῳ. καὶ λαβὼν οἱᾶ δέδρακασ ἢ τὰσ πόλεισ, αἷσ τοὺσ θεράποντασ καὶ χρήστασ ἐπέστησασ ἐλευθερίασ καὶ χρεῶν ἀποκοπαῖσ, ἢ τοὺσ Ἕλληνασ, ὧν μιᾷ προφάσει χιλίουσ καὶ ἑξακοσίουσ διέφθειρασ, ἢ Γαλατῶν τοὺσ τετράρχασ, οὓσ ὁμοδιαίτουσ ἔχων ἀπέκτεινασ, ἢ τὸ τῶν Ἰταλιωτῶν γένοσ, οὓσ μιᾶσ ἡμέρασ σὺν βρέφεσι καὶ μητράσιν ἔκτεινάσ τε καὶ κατεπόντωσασ, οὐκ ἀποσχόμενοσ οὐδὲ τῶν ἐσ τὰ ἱερὰ συμφυγόντων. ὃ πόσην μὲν ὠμότητά σου, πόσην δὲ ἀσέβειαν καὶ ὑπερβολὴν μίσουσ ἐσ ἡμᾶσ προενήνοχεν. σφετερισάμενοσ δ’ ἁπάντων τὰ χρήματα, ἐσ τὴν Εὐρώπην ἐπέρασ μεγάλοισ στρατοῖσ, ἡμῶν ἀπειπόντων ἅπασι τῆσ Ἀσίασ βασιλεῦσι τῆσ Εὐρώπησ μηδὲ ἐπιβαίνειν. διαπλεύσασ δὲ Μακεδονίαν τε ἡμετέραν οὖσαν ἐπέτρεχεσ καὶ τοὺσ Ἕλληνασ τὴν ἐλευθερίαν ἀφῃροῦ. οὐ πρίν τε ἤρξω μετανοεῖν, οὐδ’ Ἀρχέλαοσ ὑπὲρ σοῦ παρακαλεῖν, ἢ Μακεδονίαν μέν με ἀνασώσασθαι, τὴν δὲ Ἑλλάδα τῆσ σῆσ ἐκλῦσαι βίασ, ἑκκαίδεκα δὲ μυριάδασ τοῦ σοῦ στρατοῦ κατακόψαι, καὶ τὰ στρατόπεδά σου λαβεῖν αὐταῖσ παρασκευαῖσ. ὃ καὶ θαυμάζω σου δικαιολογουμένου νῦν ἐφ’ οἷσ δι’ Ἀρχελάου παρεκάλεισ. ἢ πόρρω μὲν ὄντα με ἐδεδοίκεισ, ἀγχοῦ δὲ γενόμενον ἐπὶ δίκην ἐληλυθέναι νομίζεισ; ἧσ ὁ καιρὸσ ἀνάλωται, σοῦ τε πολεμήσαντοσ ἡμῖν, καὶ ἡμῶν ἀμυναμένων ἤδη καρτερῶσ καὶ ἀμυνουμένων ἐσ τέλοσ. " τοσαῦτα τοῦ Σύλλα μετ̓ ὀργῆσ ἔτι λέγοντοσ, μετέπιπτεν ὁ βασιλεὺσ καὶ ἐδεδοίκει, καὶ ἐσ τὰσ δι’ Ἀρχελάου γενομένασ συνθήκασ ἐνεδίδου, τάσ τε ναῦσ καὶ τὰ ἄλλα πάντα παραδοὺσ ἐσ τὸν Πόντον ἐπὶ τὴν πατρῴαν ἀρχὴν ἐπανῄει μόνην.

일치하는 문장이 없습니다.

SEARCH

MENU NAVIGATION