Appian, The Foreign Wars, chapter 7 5:

(아피아노스, The Foreign Wars, chapter 7 5:)

Καὶ δείσασ ὁ Σύλλασ μὴ παλιν αὐτὸν ὁ Ἀρχέλαοσ, οὐκ ἔχοντα ναῦσ, ἐσ Χαλκίδα ὡσ πρότερον διαφύγοι, τὸ πεδίον ὅλον ἐκ διαστηματων ἐνυκτοφυλάκει. καὶ μεθ’ ἡμέραν, στάδιον οὐχ ὅλον ἀποσχὼν τοῦ Ἀρχελάου, τάφρον αὐτῷ περιώρυσσεν οὐκ ἐπεξιόντι. καὶ παρεκάλει τότε μάλιστα τὴν ἑαυτοῦ στρατιὰν ἐκπονῆσαι τοῦ παντὸσ πολέμου τὸ ἔτι λείψανον ὡσ τῶν πολεμίων αὐτὸν οὐδ’ ὑφισταμένων, καὶ ἐπῆγεν αὐτὴν ἐπὶ τὸ χαράκωμα τοῦ Ἀρχελάου. ὅμοια δ’ ἐκ μεταβολῆσ ἐγίγνετο καὶ παρὰ τοῖσ πολεμίοισ ὑπ’ ἀνάγκησ, τῶν ἡγεμόνων αὐτοὺσ περιθεόντων, καὶ τὸν παρόντα κίνδυνον προφερόντων τε, καὶ ὀνειδιζόντων εἰ μηδ’ ἀπὸ χάρακοσ ἀπομαχοῦνται τοὺσ ἐχθροὺσ ὀλιγωτέρουσ ὄντασ. ὁρμῆσ δὲ καὶ βοῆσ ἑκατέρωθεν γενομένησ, πολλὰ μὲν ἐγίγνετο ἐπ’ ἀμφοῖν ἔργα πολέμου, γωνίαν δέ τινα τοῦ χαρακώματοσ οἱ Ῥωμαῖοι, τὰσ ἀσπίδασ σφῶν ὑπερσχόντεσ, ἤδη διέσπων, καὶ οἱ βάρβαροι καταθορόντεσ ἀπὸ τοῦ χαρακώματοσ ἔσω τῆσ γωνίασ περιέστησαν αὐτὴν ὡσ τοῖσ ξίφεσιν ἀμυνούμενοι τοὺσ ἐστρέχοντασ. οὐδέ τισ ἐτόλμα, μέχρι Βάσιλλοσ ὁ τοῦ τέλουσ ταξίαρχοσ ἐσήλατο πρῶτοσ καὶ τὸν ὑπαντήσαντα ἔκτεινεν. τότε δ’ αὐτῷ συνεσέπιπτεν ὁ στρατὸσ ἅπασ, καὶ φυγὴ τῶν βαρβάρων ἐγίγνετο καὶ φόνοσ, τῶν μὲν καταλαμβανομένων, τῶν δ’ ἐσ τὴν ἐγγὺσ λίμνην ὠθουμένων τε καὶ νεῖν οὐκ ἐπισταμένων, ἀξύνετα βαρβαριστὶ τοὺσ κτενοῦντασ παρακαλούντων. Ἀρχέλαοσ δ’ ἐν ἕλει τινὶ ἐκρύφθη, καὶ σκάφουσ ἐπιτυχὼν ἐσ Χαλκίδα διέπλευσεν. καὶ εἴ τισ ἦν ἄλλη Μιθριδάτου στρατιὰ κατὰ μέροσ ποι διατεταγμένη, πάντασ αὐτοὺσ ἐκάλει κατὰ σπουδήν.

일치하는 문장이 없습니다.

SEARCH

MENU NAVIGATION