헬라어 문장 검색 - Αππιαν́ΤηεΦορέ87́0́04́

(아피아노스, The Foreign Wars, chapter 7 4:)

Γιγνομένων δὲ τῶνδε περὶ τὴν Ἀσίαν, ὀκτὼ μυριάδων στρατὸσ ἤθροιστο τῷ Μιθριδάτῃ, καὶ αὐτὸν Δορύλαοσ πρὸσ Ἀρχέλαον ἦγεν ἐσ τὴν Ἑλλάδα, ἔχοντα τῶν προτέρων ἔτι μυρίουσ. ὁ δὲ Σύλλασ ἀντεστρατοπέδευε μὲν Ἀρχελάῳ περὶ Ὀρχομενόν, ὡσ δὲ εἶδε τῆσ ἐπελθούσησ ἵππου τὸ πλῆθοσ, ὤρυσσε τάφρουσ πολλὰσ ἀνὰ τὸ πεδίον, εὖροσ δέκα πόδασ, καὶ ἐπιόντοσ αὐτῷ τοῦ Ἀρχελάου ἀντιπαρέταξεν. ἀσθενῶσ δὲ τῶν Ῥωμαίων διὰ δέοσ τῆσ ἵππου μαχομένων, ἐσ πολὺ μὲν αὐτοὺσ παριππεύων παρεκάλει καὶ ἐπέσπερχε σὺν ἀπειλῇ, οὐκ ἐπιστρέφων δ’ αὐτοὺσ ἐσ τὸ ἔργον οὐδ’ ὥσ, ἐξήλατο τοῦ ἵππου, καὶ σημεῖον ἁρπάσασ ἀνὰ τὸ μεταίχμιον ἔθει μετὰ τῶν ὑπασπιστῶν, κεκραγώσ· "εἴ τισ ὑμῶν, ὦ Ῥωμαῖοι, πύθοιτο, ποῦ Σύλλαν τὸν στρατηγὸν ὑμῶν αὐτῶν προυδώκατε, λέγειν, ἐν Ὀρχομενῷ μαχόμενον. " οἱ δ’ ἡγεμόνεσ αὐτῷ κινδυνεύοντι συνεξέθεον ἐκ τῶν ἰδίων τάξεων, συνεξέθεον δὲ καὶ ἡ ἄλλη πληθὺσ αἰδουμένη, παλίωξίν τε εἰργάσαντο. καὶ τῆσ νίκησ ἀρχομένησ, ἀναθορὼν αὖθισ ἐπὶ τὸν ἵππον ἐπῄνει τὸν στρατὸν περιιὼν καὶ ἐπέσπερχεν, ἑώσ τέλεον αὐτοῖσ τὸ ἔργον ἐξετελέσθη. καὶ τῶν πολεμίων ἀπώλοντο μὲν ἀμφὶ τοὺσ μυρίουσ καὶ πεντακισχιλίουσ, καὶ τούτων ἦσαν οἱ μύριοι ἱππεῖσ μάλιστα, καὶ σὺν αὐτοῖσ ὁ παῖσ Ἀρχελάου Διογένησ· οἱ πεζοὶ δ’ ἐσ τὸ στρατόπεδον συνέφυγον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Appian, The Foreign Wars, chapter 7 4:

(아피아노스, The Foreign Wars, chapter 7 4:)

상위

목록

SEARCH

MENU NAVIGATION