헬라어 문장 검색 - Αππιαν́ΤηεΦορέ87́0́03́

(아피아노스, The Foreign Wars, chapter 7 3:)

Καὶ Χῖοι μὲν ὧδε ἐπεπράχεσαν, Ζηνόβιον δὲ Ἐφέσιοι μετὰ στρατιωτῶν προσιόντα ἐκέλευον ἐξοπλίσασθαί τε παρὰ ταῖσ πύλαισ καὶ σὺν ὀλίγοισ ἐσελθεῖν. ὁ δ’ ὑπέστη μὲν ταῦτα, καὶ ἐσῆλθε πρὸσ Φιλοποίμενα τὸν πατέρα Μονίμησ τῆσ ἐρωμένησ Μιθριδάτου, ἐπίσκοπον Ἐφεσίων ἐκ Μιθριδάτου καθεστηκότα, καὶ συνελθεῖν οἱ τοὺσ Ἐφεσίουσ ἐσ ἐκκλησίαν ἐκήρυττεν. οἱ δὲ οὐδὲν χρηστὸν ἔσεσθαι παρ’ αὐτοῦ προσδοκῶντεσ ἐσ τὴν ἐπιοῦσαν ἀνέθεντο, καὶ νυκτὸσ ἀλλήλουσ ἀγείραντέσ τε καὶ παρακαλέσαντεσ, Ζηνόβιον μὲν ἐσ τὸ δεσμωτήριον ἐμβαλόντεσ ἔκτειναν, καὶ τὰ τείχη κατεῖχον, καὶ τὸ πλῆθοσ συνελόχιζον, καὶ τὰ ἐκ τῶν ἀγρῶν συνέλεγον, καὶ τὴν πόλιν ὅλωσ διὰ χειρὸσ εἶχον. ὧν πυνθανόμενοι Τραλλιανοὶ καὶ Ὑπαιπηνοὶ καὶ Μεσοπολῖται καί τινεσ ἄλλοι, τὰ Χίων πάθη δεδιότεσ, ὅμοια τοῖσ Ἐφεσίοισ ἔδρων. Μιθριδάτησ δ’ ἐπὶ μὲν τὰ ἀφεστηκότα στρατιὰν ἐξέπεμπε, καὶ πολλὰ καὶ δεινὰ τοὺσ λαμβανομένουσ ἔδρα· δείσασ δὲ περὶ τοῖσ λοιποῖσ τὰσ πόλεισ τὰσ Ἑλληνίδασ ἠλευθέρου, καὶ χρεῶν ἀποκοπὰσ αὐτοῖσ ἐκήρυσσε, καὶ τοὺσ ἐν ἑκάστῃ μετοίκουσ πολίτασ αὐτῶν ἐποίει καὶ τοὺσ θεράποντασ ἐλευθέρουσ, ἐλπίσασ, ὅπερ δὴ καὶ συνηνέχθη, τοὺσ κατάχρεωσ καὶ υετοίκουσ καὶ θεράποντασ, ἡγουμένουσ ἐν τῇ Μιθριδάτου ἀρχῇ βεβαίωσ τὰ δοθέντα αὐτοῖσ ἕξειν, εὔνουσ αὑτῷ γενήσεσθαι. Μυννίων δὲ καὶ Φιλότιμοσ οἱ Σμυρναῖοι καὶ Κλεισθένησ καὶ Ἀσκληπιόδοτοσ οἱ Λέσβιοι, βασιλεῖ γνώριμοι πάντεσ, ὁ δὲ Ἀσκληπιόδοτοσ αὐτὸν καὶ ξεναγήσασ ποτέ, ἐπιβουλὴν ἐπὶ τὸν Μιθριδάτην συνετίθεσαν· ἧσ αὐτὸσ ὁ Ἀσκληπιόδοτοσ μηνυτὴσ ἐγένετο, καὶ ἐσ πίστιν ὑπὸ κλίνῃ τινὶ παρεσκεύασεν ἀκοῦσαι τοῦ Μυννίωνοσ. ἁλούσησ δὲ τῆσ ἐπιβουλῆσ οἱ μὲν αἰκισθέντεσ ἐκολάσθησαν, ὑποψία δ’ ἐσ τὰ ὅμοια πολλοὺσ κατεῖχεν. ὡσ δὲ καὶ Περγαμηνῶν τὰ αὐτὰ βουλεύοντεσ ὀγδοήκοντα ἄνδρεσ ἑάλωσαν, καὶ ἐν ἄλλαισ πόλεσιν ἕτεροι, ζητητὰσ ὁ Μιθριδάτησ πανταχοῦ περιέπεμπεν, οἵ, τοὺσ ἐχθροὺσ ἐνδεικνύντων ἑκάστων, ἔκτειναν ἀμφὶ τοὺσ χιλίουσ καὶ ἑξακοσίουσ ἄνδρασ. ὧν οἱ κατηγορήσαντεσ οὐ πολὺ ὕστερον οἱ μὲν ὑπὸ Σύλλα ληφθέντεσ διεφθάρησαν, οἱ δὲ προανεῖλον ἑαυτούσ, οἱ δ’ ἐσ τὸν Πόντον αὐτῷ Μιθριδάτῃ συνέφευγον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 7 3:

(아피아노스, The Foreign Wars, chapter 7 3:)

상위

목록

SEARCH

MENU NAVIGATION