헬라어 문장 검색 - Αππιαν́ΤηεΦορέ87́0́02́

(아피아노스, The Foreign Wars, chapter 7 2:)

Ἐπιστολὴ δὲ ἧκε Μιθριδάτου τάδε λέγουσα· "εὖνοι καὶ νῦν ἐστὲ Ῥωμαίοισ, ὧν ἔτι πολλοὶ παρ’ ἐκείνοισ εἰσί, καὶ τὰ ἐγκτήματα Ῥωμαίων καρποῦσθε, ἡμῖν οὐκ ἀναφέροντεσ. ἔσ τε τὴν ἐμὴν ναῦν ἐν τῇ περὶ Ῥόδον ναυμαχίᾳ τριήρησ ὑμετέρα ἐνέβαλέ τε καὶ κατέσεισεν. ὃ ἐγὼ περιέφερον ἑκὼν ἐσ μόνουσ τοὺσ κυβερνήτασ, εἰ δύναισθε σώζεσθαι καὶ ἀγαπᾶν. λανθάνοντεσ δὲ καὶ νῦν τοὺσ ἀρίστουσ ὑμῶν ἐσ Σύλλαν διεπέμψατε, καὶ οὐδένα αὐτῶν ὡσ οὐκ ἀπὸ τοῦ κοινοῦ ταῦτα πράττοντα ἐνεδείξατε οὐδ’ ἐμηνύσατε, ὃ τῶν οὐ συμπεπραχότων ἔργον ἦν. τοὺσ οὖν ἐπιβουλεύοντασ μὲν τῇ ἐμῇ ἀρχῇ, ἐπιβουλεύσαντασ δὲ καὶ τῷ σώματι, οἱ μὲν ἐμοὶ φίλοι ἐδικαίουν ἀποθανεῖν, ἐγὼ δ’ ὑμῖν τιμῶμαι δισχιλίων ταλάντων. " τοσαῦτα μὲν ἡ ἐπιστολὴ περιεῖχεν, οἱ δ’ ἐβούλοντο μὲν ἐσ αὐτὸν πρεσβεῦσαι, Ζηνοβίου δὲ κατακωλύοντοσ, ὅπλων τε ἀφῃρημένοι, καὶ παίδων σφίσι τῶν ἀρίστων ἐχομένων, στρατιᾶσ τε βαρβαρικῆσ τοσαύτησ ἐφεστώσησ, οἰμώζοντεσ ἔκ τε ἱερῶν κόσμουσ καὶ τὰ τῶν γυναικῶν πάντα ἐσ τὸ πλήρωμα τῶν δισχιλίων ταλάντων συνέφερον. ὡσ δὲ καὶ ταῦτ’ ἐπεπλήρωτο, αἰτιασάμενοσ τὸν σταθμὸν ἐνδεῖν ὁ Ζηνόβιοσ ἐσ τὸ θέατρον αὐτοὺσ συνεκάλει, καὶ τὴν στρατιὰν περιστήσασ μετὰ γυμνῶν ξιφῶν ἀμφί τε τὸ θέατρον αὐτὸ καὶ τὰσ ἀπ’ αὐτοῦ μέχρι τῆσ θαλάσσησ ὁδοὺσ ἦγε τοὺσ Χίουσ, ἀνιστὰσ ἕκαστον ἐκ τοῦ θεάτρου, καὶ ἐνετίθετο ἐσ τὰσ ναῦσ, ἑτέρωθι μὲν τοὺσ ἄνδρασ, ἑτέρωθι δ’ αὐτῶν τὰ γύναια καὶ τὰ παιδία, βαρβαρικῶσ ὑπὸ τῶν ἀγόντων ὑρβιζόμενα. ἀνάσπαστοι δ’ ἐντεῦθεν ἐσ Μιθριδάτην γενόμενοι διεπέμφθησαν ἐσ τὸν Πόντον τὸν Εὔξεινον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 7 2:

(아피아노스, The Foreign Wars, chapter 7 2:)

상위

목록

SEARCH

MENU NAVIGATION