호흡부호 보기
강세부호 보기
장단부호 보기
작은 Iota 보기
모든 부호 보기
Ὁ δ’ Ἀρχέλαοσ δυνηθεὶσ ἂν καὶ ὣσ ἀπὸ τοῦ χάρακοσ εὐσταθῶσ ἀπομάχεσθαι, τάχα οἱ καὶ τῶν κρημνῶν ἐσ τοῦτο συλλαμβανόντων, ἐξῆγε σὺν ἐπείξει καὶ διέτασσε μετὰ σπουδῆσ τοσόνδε πλῆθοσ οὐ προεγνωκότων ἀνδρῶν, ἐν στενωτάτῳ μάλιστα γεγονὼσ διὰ τὸν Σύλλαν ἤδη πλησιάζοντα. τοὺσ δ’ ἱππέασ πρώτουσ ἐπαγαγὼν μετὰ δρόμου πολλοῦ, διέτεμε τὴν φάλαγγα Ῥωμαίων ἐσ δύο, καὶ εὐμαρῶσ ἑκατέρουσ ἐκυκλοῦτο διὰ τὴν ὀλιγότητα. οἱ δ’ ἀπεμάχοντο μὲν ἐγκρατῶσ, ἐσ πάντασ ἐπιστρεφόμενοι, μάλιστα δ’ ἐπόνουν οἱ περὶ Γάλβαν τε καὶ Ὁρτήσιον, καθ’ οὓσ αὐτὸσ ὁ Ἀρχέλαοσ ἐτέτακτο, τῶν βαρβάρων ὡσ ἐν ὄψει στρατηγοῦ σὺν προθυμίᾳ σφοδρᾷ ἐπικειμένων, μέχρι τοῦ Σύλλα μεταχωροῦντοσ ἐσ αὐτοὺσ σὺν ἱππεῦσι πολλοῖσ, ὁ Ἀρχέλαοσ ἀπὸ τῶν σημείων στρατηγικῶν ὄντων καὶ τοῦ κονιορτοῦ πλείονοσ αἰρομένου τεκμηράμενοσ εἶναι Σύλλαν τὸν ἐπιόντα, λύσασ τὴν κύκλωσιν ἐσ τάξιν ἀνεχώρει. ὁ δὲ τῶν τε ἱππέων τὸ ἄριστον ἄγων, καὶ δύο νεαλεῖσ σπείρασ ἐν τῇ παρόδῳ προσλαβών, αἳ ἐτετάχατο ἐφεδρεύειν, οὔπω τὸν κύκλον τοῖσ πολεμίοισ ἐξελίξασιν, οὐδ’ ἐσ μέτωπον εὐσταθῶσ διατεταγμένοισ, ἐνέβαλε, καὶ θορυβήσασ ἔκοψέ τε καὶ ἐσ φυγὴν τραπέντασ ἐδίωκεν. ἀρξαμένησ δ’ ἐνταῦθα τῆσ νίκησ, οὐδὲ Μουρήνασ ἠλίνυεν ἐπὶ τοῦ λαιοῦ τεταγμένοσ, ἀλλ’ ὀνειδίσασ τοῖσ ἀμφ’ αὑτὸν καὶ γενναίωσ ἐμπεσὼν ἐδίωκε κἀκεῖνοσ.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기