Appian, The Foreign Wars, chapter 6 3:

(아피아노스, The Foreign Wars, chapter 6 3:)

Ὁ δὲ Σύλλασ αὐτίκα τοῦ ἄστεοσ ληφθέντοσ, οὐ περιμένων ἔτι τὸν Πειραιᾶ διὰ πολιορκίασ ἐξελεῖν, κριοὺσ ὁμοῦ καὶ βέλη καὶ ἀκόντια ἐπῆγεν, ἄνδρασ τε πολλοὺσ οἳ διώρυσσον ὑπὸ χελώναισ τὰ τείχη, καὶ σπείρασ αἳ τοὺσ ἐπὶ τῶν τειχῶν ἀκοντίζουσαί τε καὶ τοξεύουσαι θαμινὰ ἀνέκοπτον. καὶ κατήρειψέ τι τοῦ μηνοειδοῦσ, ὑγροτέρου καὶ ἀσθενεστέρου ἔτι ὄντοσ ἅτε νεοδμήτου. ὑπιδομένου δὲ τοῦτο ἔτι πρότερον Ἀρχελάου, καὶ προοικοδομήσαντοσ ἔνδοθεν ὅμοια πολλά, τὸ μὲν ἔργον ἦν τῷ Σύλλᾳ διηνεκὲσ ἐμπίπτοντι ἐσ ἕτερον ὅμοιον ἐξ ἑτέρου, ὁρμῇ δ’ ἀπαύστῳ καὶ στρατοῦ μεταβολῇ πυκνῇ χρώμενοσ, καὶ περιθέων αὐτούσ, καὶ παρακαλῶν ἐπὶ τὸ ἔργον ὡσ ἐν τῷδε ἔτι λοιπῷ τῆσ ὅλησ ἐλπίδοσ καὶ κέρδουσ τῶν προπεπονημένων ὄντοσ· οἱ δὲ καὶ αὐτοὶ τῷ ὄντι τοῦτο σφίσιν ἡγούμενοι τέλοσ εἶναι πόνων, καὶ ἐσ τὸ ἔργον αὐτὸ ὡσ μέγα δὴ καὶ λαμπρόν, τοιῶνδε τειχῶν κρατῆσαι, φιλοτιμούμενοι, προσέκειντο βιαίωσ, μέχρι καταπλαγεὶσ αὐτῶν τὴν ὁρμὴν ὁ Ἀρχέλαοσ ὡσ μανιώδη καὶ ἄλογον ἐξέλιπεν αὐτοῖσ τὰ τείχη, ἐσ δέ τι τοῦ Πειραιῶσ ἀνέδραμεν ὀχυρώτατόν τε καὶ θαλάσσῃ περίκλυστον, ᾧ ναῦσ οὐκ ἔχων ὁ Σύλλασ οὐδ’ ἐπιχειρεῖν ἐδύνατο.

일치하는 문장이 없습니다.

SEARCH

MENU NAVIGATION