Appian, The Foreign Wars, chapter 5 9:

(아피아노스, The Foreign Wars, chapter 5 9:)

Τῷ δὲ Πειραιεῖ, τὸ χῶμα ἐσ ὕψοσ ἐγείρασ, τὰ μηχανήματα ἐπῆγεν. Ἀρχελάου δὲ τὸ χῶμα ὑπορύττοντοσ καὶ τὴν γῆν ὑποφέροντόσ τε καὶ ἐσ πολὺ διαλανθάνοντοσ, τὸ χῶμα ὑφίζανεν ἄφνω· καὶ ταχείασ αἰσθήσεωσ γενομένησ οἱ Ῥωμαῖοι τὰ μηχανήματα ὑφεῖλκον καὶ τὸ χῶμα ἀνεπλήρουν. τῷ δ’ αὐτῷ τρόπῳ καὶ αὐτοὶ τὴν γῆν ἐσ τὰ τείχη τεκμαιρόμενοι διώρυττον· ἀλλήλοισ τε συμπίπτοντεσ κάτω ξίφεσι καὶ δόρασιν ἐκ χειρόσ, ὡσ δυνατὸν ἦν ἐν σκότῳ, διεμάχοντο. ὁμοῦ δὲ ταῦτα ἐγίγνετο, καὶ ὁ Σύλλασ ἀπὸ τῶν χωμάτων μηχανήμασι πολλοῖσ τὸ τεῖχοσ ἐκριοκόπει, μέχρι μέροσ αὐτοῦ καταβαλών, καὶ τὸν πλησιάζοντα πύργον ἐπειγόμενοσ ἐμπρῆσαι, πολλὰ μὲν ἠφίει πυρφόρα τοξεύματα ἐσ αὐτόν, τοὺσ δὲ εὐτολμοτάτουσ ἀνέπεμπεν ἐπὶ κλιμάκων. σπουδῆσ δὲ πολλῆσ γιγνομένησ ἑκατέρωθεν ὅ τε πύργοσ ἐνεπίμπρατο, καὶ μέροσ τι τοῦ τείχουσ ὀλίγον ὁ Σύλλασ καταβαλὼν εὐθὺσ ἐπέστησε φυλακεῖον· τά τε ὑπορωρυγμένα τοῦ τείχουσ θεμέλια, ξύλοισ ἀνηρτημένα καὶ θείου καὶ στυππίου καὶ πίσσησ γέμοντα, αὐτίκα πάντα ἐνεπίμπρη. τῶν δ’ ἄλλο παρ’ ἄλλο κατεπιπτε καὶ τοὺσ ἐφεστῶτασ αὐτοῖσ συγκατέφερεν. ὅ τε θόρυβοσ οὗτοσ δὴ μάλιστα αἰφνίδιοσ καὶ πολὺσ ὢν πάντῃ τοὺσ τειχοφύλακασ ἐτάραττεν, ὡσ καὶ τὸ ὑπὸ σφίσιν αὐτίκα πεσούμενον· ὅθεν ἐσ πάντα συνεχῶσ ἐπιστρεφόμενοι τήν τε γνώμην ὕποπτον εἶχον ὑπὸ τοῦ δέουσ καὶ ἀσθενῶσ τοὺσ πολεμίουσ ἀπεμάχοντο.

일치하는 문장이 없습니다.

SEARCH

MENU NAVIGATION