헬라어 문장 검색 - Αππιαν́ΤηεΦορέ85́0́09́

(아피아노스, The Foreign Wars, chapter 5 9:)

Τῷ δὲ Πειραιεῖ, τὸ χῶμα ἐσ ὕψοσ ἐγείρασ, τὰ μηχανήματα ἐπῆγεν. Ἀρχελάου δὲ τὸ χῶμα ὑπορύττοντοσ καὶ τὴν γῆν ὑποφέροντόσ τε καὶ ἐσ πολὺ διαλανθάνοντοσ, τὸ χῶμα ὑφίζανεν ἄφνω· καὶ ταχείασ αἰσθήσεωσ γενομένησ οἱ Ῥωμαῖοι τὰ μηχανήματα ὑφεῖλκον καὶ τὸ χῶμα ἀνεπλήρουν. τῷ δ’ αὐτῷ τρόπῳ καὶ αὐτοὶ τὴν γῆν ἐσ τὰ τείχη τεκμαιρόμενοι διώρυττον· ἀλλήλοισ τε συμπίπτοντεσ κάτω ξίφεσι καὶ δόρασιν ἐκ χειρόσ, ὡσ δυνατὸν ἦν ἐν σκότῳ, διεμάχοντο. ὁμοῦ δὲ ταῦτα ἐγίγνετο, καὶ ὁ Σύλλασ ἀπὸ τῶν χωμάτων μηχανήμασι πολλοῖσ τὸ τεῖχοσ ἐκριοκόπει, μέχρι μέροσ αὐτοῦ καταβαλών, καὶ τὸν πλησιάζοντα πύργον ἐπειγόμενοσ ἐμπρῆσαι, πολλὰ μὲν ἠφίει πυρφόρα τοξεύματα ἐσ αὐτόν, τοὺσ δὲ εὐτολμοτάτουσ ἀνέπεμπεν ἐπὶ κλιμάκων. σπουδῆσ δὲ πολλῆσ γιγνομένησ ἑκατέρωθεν ὅ τε πύργοσ ἐνεπίμπρατο, καὶ μέροσ τι τοῦ τείχουσ ὀλίγον ὁ Σύλλασ καταβαλὼν εὐθὺσ ἐπέστησε φυλακεῖον· τά τε ὑπορωρυγμένα τοῦ τείχουσ θεμέλια, ξύλοισ ἀνηρτημένα καὶ θείου καὶ στυππίου καὶ πίσσησ γέμοντα, αὐτίκα πάντα ἐνεπίμπρη. τῶν δ’ ἄλλο παρ’ ἄλλο κατεπιπτε καὶ τοὺσ ἐφεστῶτασ αὐτοῖσ συγκατέφερεν. ὅ τε θόρυβοσ οὗτοσ δὴ μάλιστα αἰφνίδιοσ καὶ πολὺσ ὢν πάντῃ τοὺσ τειχοφύλακασ ἐτάραττεν, ὡσ καὶ τὸ ὑπὸ σφίσιν αὐτίκα πεσούμενον· ὅθεν ἐσ πάντα συνεχῶσ ἐπιστρεφόμενοι τήν τε γνώμην ὕποπτον εἶχον ὑπὸ τοῦ δέουσ καὶ ἀσθενῶσ τοὺσ πολεμίουσ ἀπεμάχοντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 5 9:

(아피아노스, The Foreign Wars, chapter 5 9:)

상위

목록

SEARCH

MENU NAVIGATION