Appian, The Foreign Wars, chapter 5 3:

(아피아노스, The Foreign Wars, chapter 5 3:)

Σύλλασ δ’ ὁ τοῦ Μιθριδατείου πολέμου στρατηγὸσ ὑπὸ Ῥωμαίων αἱρεθεὶσ εἶναι, τότε πρῶτον ἐξ Ἰταλίασ σὺν τέλεσι πέντε καὶ σπείραισ τισὶ καὶ ἴλαισ ἐσ τὴν Ἑλλάδα περαιωθεὶσ χρήματα μὲν αὐτίκα καὶ συμμάχουσ καὶ ἀγορὰν ἔκ τε Αἰτωλίασ καὶ Θεσσαλίασ συνέλεγεν, ὡσ δ’ ἀποχρώντωσ ἔχειν ἐδόκει, διέβαινεν ἐσ τὴν Ἀττικὴν ἐπὶ τὸν Ἀρχέλαον. παροδεύοντι δ’ αὐτῷ Βοιωτία τε ἀθρόωσ μετεχώρει, χωρὶσ ὀλίγων, καὶ τὸ μέγα ἄστυ αἱ Θῆβαι, μάλα κουφόνωσ ἀντὶ Ῥωμαίων ἑλόμενοι τὰ Μιθριδάτεια, ὀξύτερον ἔτι, πρὶν ἐσ πεῖραν ἐλθεῖν, ἀπὸ Ἀρχελάου πρὸσ Σύλλαν μετετίθεντο. ὁ δ’ ἐπὶ τὴν Ἀττικὴν ἐχώρει, καὶ μέροσ τι στρατοῦ ἐσ τὸ ἄστυ περιπέμψασ Ἀριστίωνα πολιορκεῖν, αὐτόσ, ἔνθαπερ ἦν Ἀρχέλαοσ, ἐπὶ τὸν Πειραιᾶ κατῆλθε, κατακεκλεισμένων ἐσ τὰ τείχη τῶν πολεμίων. ὕψοσ δ’ ἦν τὰ τείχη πήχεων τεσσαράκοντα μάλιστα, καὶ εἴργαστο ἐκ λίθου μεγάλου τε καὶ τετραγώνου, Περίκλειον ἔργον, ὅτε τοῖσ Ἀθηναίοισ ἐπὶ Πελοποννησίουσ στρατηγῶν, καὶ τὴν ἐλπίδα τῆσ νίκησ ἐν τῷ Πειραιεῖ τιθέμενοσ, μᾶλλον αὐτὸν ἐκρατύνατο. Σύλλασ δὲ καὶ τοιοῖσδε οὖσι τοῖσ τείχεσιν εὐθὺσ ἐπῆγε τὰσ κλίμακασ, καὶ πολλὰ μὲν ἔδρα πολλὰ δ’ ἀντέπασχεν, ἰσχυρῶσ τῶν Καππαδοκῶν αὐτὸν ἀμυνομένων, ἔστε κάμνων ἐσ Ἐλευσῖνα καὶ Μέγαρα ἀνεχώρει, καὶ μηχανὰσ ἐπὶ τὸν Πειραιᾶ συνεπήγνυτο, καὶ χῶμα αὐτῷ προσχοῦν ἐπενόει. τέχναι μὲν δὴ καὶ παρασκευὴ πᾶσα αὐτῷ καὶ σίδηροσ καὶ καταπέλται, καὶ εἴ τι τοιουτότροπον ἄλλο, ἐκ Θηβῶν ἐκομίζετο, ὕλην δὲ τῆσ Ἀκαδημείασ ἔκοπτε, καὶ μηχανὰσ εἰργάζετο μεγίστασ. τά τε μακρὰ σκέλη καθῄρει, λίθουσ καὶ ξύλα καὶ γῆν ἐσ τὸ χῶμα μεταβάλλων.

일치하는 문장이 없습니다.

SEARCH

MENU NAVIGATION