Appian, The Foreign Wars, chapter 3 5:

(아피아노스, The Foreign Wars, chapter 3 5:)

Ἔργον δὴ τόδε πρῶτον τοῦ Μιθριδατείου πολέμου καὶ οἱ στρατηγοὶ τῶν Ῥωμαίων κατεπεπλήγεσαν, ὡσ οὐκ εὐβουλίᾳ μᾶλλον ἢ προπετῶσ, ἄνευ τοῦ κοινοῦ, τοσόνδε πόλεμον ἅψαντεσ. ὀλίγοι τε γὰρ πολὺ πλειόνων ἐκεκρατήκεσαν, καὶ οὐδεμιᾷ συντυχίᾳ χωρίων ἢ πολεμίου σφάλματοσ, ἀλλ’ ἀρετῇ στρατηγῶν καὶ ἀνδρείᾳ στρατοῦ. Νικομήδησ μὲν οὖν Μανίῳ παρεστρατοπέδευε, Μιθριδάτησ δ’ ἐπὶ τὸ Σκορόβαν ὄροσ ἀνῄει, ὃ τέλοσ ἐστὶ Βιθυνῶν καὶ τῆσ Ποντικῆσ χώρασ. πρόδρομοί τε αὐτοῦ, Σαυροματῶν ἑκατὸν ἱππεῖσ, ὀκτακοσίοισ ἱππεῦσι τοῦ Νικομήδουσ ἐντυχόντεσ αἱροῦσι καὶ τούτων τινάσ· οὓσ πάλιν ὁ Μιθριδάτησ σὺν ἐφοδίοισ μεθῆκεν ἐσ τὰσ πατρίδασ ἀπιέναι. Μάνιον δ’ ὑποφεύγοντα Νεοπτόλεμόσ τε καὶ Νεμάνησ ὁ Ἀρμένιοσ ἀμφὶ τὸ πρῶτον Πάχιον χωρίον ἑβδόμησ ὡρ́ασ καταλαβόντεσ, οἰχομένου πρὸσ Κάσσιον Νικομήδουσ, ἠνάγκασαν ἐσ μάχην ἱππέασ ἔχοντα τετρακισχιλίουσ καὶ πεζοὺσ ἔτι τούτων δεκαπλασίονασ. κτείναντεσ δ’ αὐτοῦ περὶ μυρίουσ, ἐζώγρησαν ἐσ τριακοσίουσ· οὓσ ὁμοίωσ ὁ Μιθριδάτησ ἐσ αὐτὸν ἀναχθέντασ ἀπέλυσε, καταδημοκοπῶν τοὺσ πολεμίουσ. Μανίου δ’ ἐλήφθη καὶ τὸ στρατόπεδον, καὶ φεύγων αὐτὸσ ἐπὶ τὸν Σαγγάριον ποταμὸν νυκτὸσ γενομένησ ἐπέρασέ τε καὶ ἐσ Πέργαμον ἐσώθη. Κάσσιοσ δὲ καὶ Νικομήδησ, καὶ ὅσοι ἄλλοι Ῥωμαίων πρέσβεισ παρῆσαν, ἐσ Λεόντων κεφαλήν, ὃ τῆσ Φρυγίασ ἐστὶν ὀχυρώτατον χωρίον, μετεστρατοπέδευον· καὶ τὸ πλῆθοσ ὅσον εἶχον, οὐ πάλαι συνειλεγμένον, χειροτεχνῶν ἢ γεωργῶν ἢ ἰδιωτῶν, ἐγύμναζον, καὶ τοὺσ Φρύγασ αὐτοῖσ προσκατέλεγον. ὀκνούντων δὲ ἑκατέρων ἀπέγνωσαν πολεμεῖν ἀνδράσιν ἀπολέμοισ, καὶ διαλύσαντεσ αὐτοὺσ ἀνεχώρουν, Κάσσιοσ μὲν ἐσ Ἀπάμειαν σὺν τῷ ἑαυτοῦ στρατῷ, Νικομήδησ δὲ ἐσ Πέργαμον, Μάνιοσ δὲ ἐπὶ Ῥόδου. ὧν, ὅσοι τὸ στόμα τοῦ Πόντου κατεῖχον, πυθόμενοι διελύθησαν, καὶ τάσ τε κλεῖσ τοῦ Πόντου, καὶ ναῦσ ὅσασ εἶχον, τῷ Μιθριδάτῃ παρέδοσαν.

일치하는 문장이 없습니다.

SEARCH

MENU NAVIGATION